ഡാ​ള​സ്: ജീ​വി​ത​ത്തി​ന്‍റെ വി​വി​ധ ഘ​ട്ട​ങ്ങ​ളി​ൽ ക​ർ​ത്താ​വ് ന​മ്മെ ചേ​ർ​ത്തു പി​ടി​ക്ക​ണ​മെ​ന്ന് യ​ഥാ​ർ​ഥ​മാ​യി ആ​ഗ്ര​ഹി​ക്കു​ന്നു​വെ​ങ്കി​ൽ സ​മൂ​ഹ​ത്തി​ൽ ക​ഷ്‌​ട​ത അ​നു​ഭ​വി​ക്കു​ന്ന​വ​രെ​യും ബ​ല​ഹീ​ന​രെ​യും ചേ​ർ​ത്തു പി​ടി​ക്കു​വാ​ൻ നാം ​സ​ന്ന​ധ​രാ​ക​ണ​മെ​ന്നു റ​വ. ജി​ബി​ൻ മാ​ത്യു ജോ​യ് അ​ഭി​പ്രാ​യ​പ്പെ​ട്ടു.

ക്രി​സ്തു​വി​ന്‍റെ ജീ​വി​ത​ത്തി​ലൂ​ടെ കാ​ണി​ച്ചു ത​ന്ന വ​ലി​യൊ​രു മാ​തൃ​ക​യാ​ണി​തെ​ന്നും റ​വ. ജി​ബി മാ​ത്യു ചൂ​ണ്ടി​ക്കാ​ട്ടി. ബു​ധ​നാ​ഴ്ച വൈ​കു​ന്നേ​രം ഡാ​ള​സ് സെ​ന്‍റ് പോ​ൾ​സ് മാ​ർ​ത്തോ​മ്മാ ച​ർ​ച്ചി​ൽ ക​ഷ്ടാ​നു​ഭ​വാ​ഴ്ച​യോ​ട് അ​നു​ബ​ന്ധി​ച്ചു ന​ട​ത്ത​പ്പെ​ട്ട സ​ന്ധ്യ ന​മ​സ്കാ​ര​ത്തി​ൽ ധ്യാ​ന പ്ര​സം​ഗം ന​ട​ത്തു​ക​യാ​യി​രു​ന്നു അ​മേ​രി​ക്ക‌​യി​ൽ സ​ന്ദ​ർ​ശ​ന​ത്തി​നെ​ത്തി​യ അ​ദ്ദേ​ഹം.

മാ​ർ​ത്തോ​മ്മാ സ​ഭ​യു​ടെ ആ​ന്ധ്ര​യി​ലെ നേ​ർ​സാ​പു​രം മി​ഷ​ൻ പ്ര​വ​ർ​ത്ത​ന​ങ്ങ​ളു​ടെ ചു​മ​ത​ല വ​ഹി​ക്കു​ന്ന അ​ച്ച​ൻ ആ​ന്ധ്ര​യി​ലെ ഉ​ൾ​ഗ്രാ​മ​ങ്ങ​ളി​ൽ ജ​ന​ങ്ങ​ൾ അ​നു​ഭ​വി​ക്കു​ന്ന ക​ഷ്‌​ട​പ്പാ​ടു​ക​ളെ കു​റി​ച്ച് ഹൃ​ദ​യ സ്പ​ർ​ശി​യാ​യി വി​ശ​ദീ​ക​രി​ച്ചു.


നാ​മി​വി​ടെ സ​മ്പ​ന്ന​ത​യി​ൽ ജീ​വി​ക്കു​മ്പോ​ൾ ആ​ന്ധ്ര​യു​ടെ ഒ​രു കോ​ണി​ൽ ഒ​രു നേ​ര​ത്തെ ഭ​ക്ഷ​ണ​ത്തി​നു പോ​ലും വ​ക​യി​ല്ലാ​തെ, ത​ല​ചാ​യ്ക്കാ​ൻ ഇ​ട​മി​ല്ലാ​തെ, ആ​രാ​ധി​ക്കാ​ൻ ആ​രാ​ധ​നാ​ല​യം ഇ​ല്ലാ​തെ താ​ത്കാ​ലി​ല ഷെ​ഡു​ക​ളി​ൽ ആ​രാ​ധ​ന ന​ട​ത്തു​ന്ന​വ​ർ​ക്ക് കൈ​താ​ങ്ങ​ൽ കൊ​ടു​ക്കു​വാ​ൻ വി​ശ്വാ​സ സ​മൂ​ഹം മു​ന്നോ​ട്ടു വ​ര​ണ​മെ​ന്നു അ​ച്ച​ൻ ആ​ഹ്വാ​നം ചെ​യ്തു.

ഇ​ട​വ​ക വി​കാ​രി റ​വ. ഷൈ​ജു സി. ​ജോ​യ് മി​ഷ​ന​റി അ​ച്ച​നെ പ​രി​ച​യ​പ്പെ​ടു​ക​യും ഇ​ട​വ​ക​യി​ലേ​ക്ക് സ്വാ​ഗ​തം ചെ​യ്യു​ക​യും ചെ​യ്തു. വൈ​കു​ന്നേ​രം ന​ട​ന്ന സ​ന്ധ്യാ ന​മ​സ്കാ​ര​ത്തി​ന് രാ​ജ​ൻ കു​ഞ്ഞ് ചി​റ​യി​ൽ റോ​ബി​ൻ ചേ​ല​ങ്ക​രി റ്റി​ജി അ​ല​ക്സാ​ണ്ട​ർ, സാം ​കു​ഞ്ഞ്, കെ​സി​യ ചെ​റി​യാ​ൻ വി​ജു വ​ർ​ഗീ​സ് തു​ട​ങ്ങി​യ​വ​ർ നേ​തൃ​ത്വം ന​ൽ​കി.