മുൻ എംഎൽഎ എം.ജെ. ജേക്കബിന് ന്യൂയോർക്കിൽ വെള്ളിയാഴ്ച സ്വീകരണം
Thursday, April 3, 2025 3:59 PM IST
ന്യൂയോർക്ക്: പിറവം മുൻ എംഎൽഎ എം.ജെ. ജേക്കബിന് ന്യൂയോർക്കിൽ വെള്ളിയാഴ്ച സ്വീകരണം നൽകുന്നു. വൈകുന്നേരം ആറിന് കേരള സെന്ററിൽ(1824 fairfax st elmont) വച്ചാണ് സ്വീകരണം നൽകുന്നത്.
ഫ്ലോറിഡയിൽ നടന്ന വേൾഡ് മാസ്റ്റേഴ്സ് അത്ലറ്റിക് മത്സരത്തിൽ 80 മീറ്റർ ഹർഡിൽസിലെ വിജയിയാണ് എം.ജെ. ജേക്കബ്. 99 രാജ്യങ്ങളിൽ നിന്നായി 3,500ലധികം മുതിർന്ന കായിക താരങ്ങൾ പങ്കെടുത്ത മത്സരത്തിൽ ഇന്ത്യയെ പ്രതിനിധീകരിച്ച് എത്തിയ രണ്ടുപേരിൽ ഒരാളാണ് തിരുമാറാടി മുൻ പഞ്ചായത്തു പ്രസിഡന്റ് കൂടിയായ അദ്ദേഹം.
സുഹൃത്തുക്കളും നാട്ടുകാരും ചേർന്ന് നടത്തുന്ന പരിപാടിയിലേക്ക് എല്ലാവരെയും ക്ഷണിക്കുന്നതായി സംഘാടകർ അറിയിച്ചു. കൂടുതൽ വിവരങ്ങൾക്ക്: ജെനു ജേക്കബ് - 516 957 0716, ജെസി ജെയിംസ് - 516 603 1749.