ബ്ലൂംബെർഗ് എക്സിക്യൂട്ടീവും കുടുംബവും സൗത്ത് കരോളിനയിൽ മരിച്ചനിലയിൽ
പി.പി. ചെറിയാൻ
Wednesday, April 2, 2025 8:03 AM IST
സൗത്ത് കരോളിന: സൗത്ത് കരോളിനയിൽ ബ്ലൂംബെർഗ് എക്സിക്യൂട്ടീവിനെയും ഭാര്യയെയും ഒൻപതു വയസുള്ള മകളെയും വെള്ളിയാഴ്ച വീട്ടിൽ മരിച്ചനിലയിൽ കണ്ടെത്തി.
അയൽക്കാരൻ നൽകിയ വിവരത്തെ തുടർന്ന് സ്ഥലത്തെത്തിയ പോലീസുകാരാണ് മൂവരെയും മരിച്ചനിലയിൽ കണ്ടെത്തിയത്. റിച്ചഡ് സമരേൽ (54), ലിന മരിയ സമരേൽ (45), മകൾ സാമന്ത സമരേൽ (9) എന്നിവരാണ് മരിച്ചത്.
മരണകാരണം കൊലപാതകമാണോ അതോ അപകടമാണോ എന്നതുൾപ്പെടെ കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല. നിലവിൽ അന്വേഷണ സംഘം കേസ് അന്വേഷിക്കുകയാണ്.
പിന്നീട് ഇതു സംബന്ധിച്ച കൂടുതൽ വിവരങ്ങൾ പുറത്തുവിടുമെന്ന് കൗണ്ടി ഷെരീഫ് ഓഫീസ് അറിയിച്ചു.