സിൽവർ സ്പ്രിംഗ് ഇടവകയിൽ ഫാമിലി ആൻഡ് യൂത്ത് കോൺഫറൻസ് കിക്കോഫ് സംഘടിപ്പിച്ചു
ഉമ്മൻ കാപ്പിൽ
Wednesday, April 2, 2025 6:33 AM IST
മേരിലൻഡ്: സിൽവർ സ്പ്രിംഗിലെ സെന്റ് തോമസ് ഓർത്തഡോക്സ് ഇടവകയിൽ വടക്കുകിഴക്കൻ അമേരിക്കൻ ഭദ്രാസന ഫാമിലി ആൻഡ് യൂത്ത് കോൺഫറൻസിന്റെ കിക്കോഫ് നടത്തി. കുർബാനയ്ക്കു ശേഷം ഫാ. റെജി ചാക്കോ കോൺഫറൻസ് ടീമിനെ സ്വാഗതം ചെയ്തു.
ഫാമിലി കോൺഫറൻസിന്റെ പ്രാധാന്യം അദ്ദേഹം എടുത്തുപറയുകയും എല്ലാവരും രജിസ്റ്റർ ചെയ്യണമെന്ന് അഭ്യർഥിക്കുകയും ചെയ്തു. കോൺഫറൻസ് ട്രഷറർ ജോൺ താമരവേലിൽ കോൺഫറൻസ് ടീമിനെ പരിചയപ്പെടുത്തി. രജിസ്ട്രേഷൻ വിവരങ്ങളും കോൺഫറൻസിന്റെ പ്രാധാന്യവും അദ്ദേഹം വിശദീകരിച്ചു.
അസിസ്റ്റന്റ് ട്രഷറർ ലിസ് പോത്തൻ കോൺഫറൻസ് നടക്കുന്ന സ്ഥലം, തീയതി, മുഖ്യ ചിന്താവിഷയം എന്നിവ അറിയിച്ചു. മുഖ്യ പ്രഭാഷകരെയും ലിസ് പരിചയപ്പെടുത്തി.മുൻ ഭദ്രാസന കൗൺസിൽ അംഗം അജിത് വട്ടശ്ശേരിൽ സ്പോൺസർഷിപ്പ് അവസരങ്ങളെക്കുറിച്ച് സംസാരിച്ചു.
സുവനീറിനെക്കുറിച്ചും അദ്ദേഹം വിശദീകരിച്ചു. എന്റർടൈൻമെന്റ് കമ്മിറ്റി അംഗം മേരി ഗ്രേസ് പോത്തൻ മുൻ കോൺഫറൻസുകളിലെ നല്ല ഓർമകൾ പങ്കുവച്ചു.


ഇടവകയുടെ സംഭാവന ഇടവക ഭാരവാഹികൾ കൈമാറി. നിരവധി അംഗങ്ങൾ സ്പോൺസർഷിപ്പിലൂടെയും സുവനീറിലെ പരസ്യങ്ങളിലൂടെയും ആശംസകളിലൂടെയും പിന്തുണ അറിയിച്ചു. ജൂലൈ ഒന്പത് മുതൽ 12 വരെ കണക്ടിക്കട് ഹിൽട്ടൺ സ്റ്റാംഫർഡ് ഹോട്ടൽ & എക്സിക്യൂട്ടീവ് മീറ്റിംഗ് സെന്ററിലാണ് കോൺഫറൻസ് നടക്കുന്നത്.
റവ. ഡോ. നൈനാൻ വി. ജോർജ് (ഓർത്തഡോക്സ് വൈദിക സംഘം ജനറൽ സെക്രട്ടറി, റവ. ഡോ. റ്റിമത്തി (ടെന്നി) തോമസ് (നോർത്ത് ഈസ്റ്റ് അമേരിക്കൻ ഭദ്രാസന സൺഡേ സ്കൂൾ ഡയറക്ടർ), ഫാ. ജോൺ (ജോഷ്വ) വർഗീസ്, (സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ), റവ. ഡീക്കൻ അന്തോണിയോസ് (റോബി) ആന്റണി (ടാൽമീഡോ- നോർത്ത് ഈസ്റ്റ് അമേരിക്കൻ ഭദ്രാസന മെൻസ് മിനിസ്ട്രി ഡയറക്ടർ) എന്നിവരാണ് മുഖ്യപ്രാസംഗികർ.
‘നമ്മുടെ പൗരത്വം സ്വർഗത്തിലാണ്, അവിടെനിന്നുള്ള ഒരു രക്ഷകനായ കർത്താവായ യേശുക്രിസ്തുവിനെ ഞങ്ങൾ ആകാംക്ഷയോടെ കാത്തിരിക്കുന്നു”(ഫിലിപ്പിയർ 3:20) എന്ന ബൈബിൾ വാക്യത്തെ അടിസ്ഥാനമാക്കിയുള്ള ‘The Way of the Pilgrim’ (പരദേശിയുടെ വഴി) എന്നതാണ് കോൺഫറൻസിന്റെ പ്രമേയം.
ബൈബിൾ, വിശ്വാസം, പാരമ്പര്യം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും. രജിസ്ട്രേഷനും വിശദാംശങ്ങൾക്കും www.fycnead.org സന്ദർശിക്കുക.
കൂടുതൽ വിവരങ്ങൾക്ക്: ഫാ. അബു വർഗീസ് പീറ്റർ, കോൺഫറൻസ് കോഓർഡിനേറ്റർ - 914 806 4595, ജെയ്സൺ തോമസ്, കോൺഫറൻസ് സെക്രട്ടറി - 917 612 8832, ജോൺ താമരവേലിൽ, കോൺഫറൻസ് ട്രഷറർ) - 917 533 3566.