വ​ട​ക്ക​ഞ്ചേ​രി: പാ​ല​ക്കു​ഴി തി​ണ്ടി​ല്ലം മി​നി ജ​ല​വൈ​ദ്യു​ത​പ​ദ്ധ​തി​യു​ടെ നി​ർ​മാ​ണ​പു​രോ​ഗ​തി ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് കെ. ​ബി​നു​മോ​ളുടെ നേ​തൃ​ത്വ​ത്തി​ലു​ള്ള സം​ഘം വി​ല​യി​രു​ത്തി. ഡാം ​സൈ​റ്റി​ലും താ​ഴെ കൊ​ന്ന​ക്ക​ൽ ക​ട​വി​ലെ പ​വ​ർ​ഹൗ​സ് നി​ർ​മാ​ണ​വും സം​ഘം പ​രി​ശോ​ധി​ച്ചു.

പാ​ൻ പ​സ​ഫി​ക് എ​ൻ​ജി​നീ​യ​റിം​ഗ് ക​മ്പ​നി​യാ​ണ് ഡാം ​സൈ​റ്റി​ൽ സി​വി​ൽ വ​ർ​ക്കു​ക​ൾ ചെ​യ്യു​ന്ന​ത്. വി​യ​ർ​ഡാ​മി​ൽ നി​ന്നും കൊ​ന്ന​ക്ക​ൽ​ക​ട​വി​ലു​ള്ള പ​വ​ർ​ഹൗ​സി​ലേ​ക്ക് വെ​ള്ള​മെ​ത്തി​ക്കു​ന്ന​തി​നാ​യി പെ​ൻ​സ്റ്റോ​ക്ക് പൈ​പ്പു​ക​ൾ സ്ഥാ​പി​ക്കു​ന്ന​തി​ന്‍റെ മു​ന്നോ​ടി​യാ​യി നി​ർ​മി​ച്ചി​ട്ടു​ള്ള ആ​ങ്ക​ർ ബ്ളോ​ക്കു​ക​ളും ചെ​ങ്കു​ത്താ​യ മ​ല​ഞ്ചെ​രു​വി​ൽ കോ​ൺ​ക്രീ​റ്റ് തു​ട​ങ്ങി​യ​വ എ​ത്തി​ക്കു​വാ​ൻ സ്ഥാ​പി​ച്ച ച്യൂ​ട്ട് തു​ട​ങ്ങി​യ​വ​യും ചീ​ഫ് എ​ൻ​ജി​നീ​യ​ർ പ്ര​സാ​ദ് മാ​ത്യു ഉ​ൾ​പ്പെ​ടു​ന്ന സം​ഘം പ​രി​ശോ​ധി​ച്ചു. ഇ​ൻ​ടേ​ക്ക് ഗേ​റ്റി​ന്‍റെ പ്ര​വൃ​ത്തി​പു​രോ​ഗ​തി​യും വി​ല​യി​രു​ത്തി. പ​വ​ർ ഹൗ​സി​ൽ ഇ​ല​ക്ട്രി​ക്ക​ൽ കോ​ൺ​ട്രാ​ക്ട​ർ സ്ഥാ​പി​ച്ചു കൊ​ണ്ടി​രി​ക്കു​ന്ന ര​ണ്ട് ട​ർ​ബൈ​നു​ക​ളും ര​ണ്ട് സ്‌​ഫെ​റി​ക്ക​ൽ വാ​ൾ​വു​ക​ളും 10 ട​ൺ ക​പ്പാ​സി​റ്റി​യു​ള്ള ക്രെ​യി​നും അ​ട​ക്ക​മു​ള്ള​വ​യു​ടെ പ്ര​വൃ​ത്തി​ക​ളാ​ണ് ത്വ​രി​ത​ഗ​തി​യി​ൽ ന​ട​ന്നു​വ​രു​ന്ന​ത്. ജി​ല്ലാ​പ​ഞ്ചാ​യ​ത്തി​നു കീ​ഴി​ലു​ള്ള പാ​ല​ക്കാ​ട് സ്മോ​ൾ ഹൈ​ഡ്രോ ക​മ്പ​നി ലി​മി​റ്റ​ഡ് ചീ​ഫ് എ​ൻ​ജി​നീ​യ​ർ പ്ര​സാ​ദ് മാ​ത്യു​വി​നു പു​റ​മെ അ​സി​സ്റ്റ​ന്‍റ് എ​ൻ​ജി​നീ​യ​ർ ഷാ​രോ​ൺ സാം , ​മു​ണ്ടൂ​ർ ഐ​ആ​ർ​ടി​സി ക​ൺ​സ​ൾ​ട്ട​ന്‍റ് രാ​ധാ​ഗോ​പി, സി​വി​ൽ കോ​ൺ​ട്രാ​ക്ട​റു​ടെ സൈ​റ്റ് എ​ൻ​ജി​നീ​യ​ർ ഡോ​ൺ ബോ​സ്കോ തു​ട​ങ്ങി​യ​വ​രും പ​രി​ശോ​ധ​നാ​സം​ഘ​ത്തി​ലു​ണ്ടാ​യി​രു​ന്നു.

പാ​ല​ക്കു​ഴി മ​ല​യോ​ര​വാ​സി​ക​ളു​ടെ സ്വ​പ്ന​പ​ദ്ധ​തി​യാ​യ തി​ണ്ടി​ല്ലം മി​നി ജ​ല​വൈ​ദ്യു​ത പ​ദ്ധ​തി​യു​ടെ നി​ർ​മാ​ണ പ്ര​വൃ​ത്തി​ക​ൾ വ​ള​രെ വേ​ഗ​ത​യി​ലാ​ണ് ന​ട​ക്കു​ന്ന​ത്. ഇ​രു​നി​ല പ​വ​ർ​ഹൗ​സി​ന്‍റെ നി​ർ​മാ​ണം പൂ​ർ​ത്തി​യാ​യി. ത​ട​യ​ണ​യി​ൽ നി​ന്നും 294 മീ​റ്റ​ർ ദൂ​ര​ത്തി​ൽ ലോ​പ്ര​ഷ​ർ പൈ​പ്പും തു​ട​ർ​ന്ന് പ​വ​ർ​ഹൗ​സ് വ​രെ​യു​ള്ള 438 മീ​റ്റ​ർ ദൂ​ര​ത്തി​ൽ ഹൈ​പ്ര​ഷ​ർ പെ​ൻ​സ്റ്റോ​ക്ക് പൈ​പ്പു​ക​ളും സ്ഥാ​പി​ക്കു​ന്ന പ്ര​വൃ​ത്തി​ക​ളാ​ണ് ഇ​നി ന​ട​ക്കു​ക.

മ​ഴ​ക്കാ​ലം ശ​ക്തി​പ്പെ​ടും മു​മ്പേ പ​ദ്ധ​തി ക​മ്മീ​ഷ​ൻ ചെ​യ്യാ​നാ​കു​മെ​ന്ന പ്ര​തീ​ക്ഷ​യും ജി​ല്ലാ പ​ഞ്ചാ​യ​ത്തി​ന്‍റെ പാ​ല​ക്കാ​ട് സ്മോ​ൾ ഹൈ​ഡ്രോ ക​മ്പ​നി​യു​ടെ ചീ​ഫ് എ​ൻ​ജി​നീ​യ​റും കെ​എ​സ്ഇ​ബി റി​ട്ട​യേ​ർ​ഡ് ചീ​ഫ് എ​ൻ​ജി​നീ​യ​റു​മാ​യ പ്ര​സാ​ദ് മാ​ത്യു പ​ങ്കു​വ​ച്ചു. കു​ത്ത​നെ​യു​ള്ള മ​ല​ഞ്ചെ​രി​വി​ൽ ഹൈ ​പ്ര​ഷ​ർ പെ​ൻ​സ്റ്റോ​ക്ക് പൈ​പ്പു​ക​ൾ സ്ഥാ​പി​ക്കു​ന്ന​ത് ഏ​റെ ശ്ര​മ​ക​ര​മാ​യ ജോ​ലി​യാ​ണ്. ഗ​ലാ​സി​ക​ളെ എ​ത്തി​ച്ചാ​ണ് ഇ​ത് ചെ​യ്യു​ക.

വ​ർ​ഷ​ത്തി​ൽ 3.78 മി​ല്യ​ൺ യൂ​ണി​റ്റ് വൈ​ദ്യു​തി ഉ​ത്പാ​ദ​ന​മാ​ണ് പ​ദ്ധ​തി വ​ഴി ല​ക്ഷ്യം വ​ച്ചി​ട്ടു​ള്ള​ത്. ഉ​ത്പാ​ദി​പ്പി​ക്കു​ന്ന വൈ​ദ്യു​തി കെ​എ​സ്ഇ​ബി​ക്ക് കൈ​മാ​റും.​ഇ​തി​നാ​യു​ള്ള പോ​സ്റ്റു​ക​ളും ട്രാ​ൻ​സ്ഫോ​ർ​മ​ർ സ്ഥാ​പി​ക്ക​ലും നേ​ര​ത്തെ ത​ന്നെ ന​ട​ത്തി​യി​രു​ന്നു. ജൂ​ൺമു​ത​ൽ ഏ​ഴ് മാ​സ​ക്കാ​ല​മാ​ണ് വൈ​ദ്യു​തി ഉ​ത്പാ​ദ​നം ന​ട​ക്കു​ക. തു​ട​ർ​ന്നു​ള്ള മാ​സ​ങ്ങ​ളി​ൽ ജ​ലല​ഭ്യ​ത​ക്ക​നു​സ​രി​ച്ചാ​കും വൈ​ദ്യു​തി ഉ​ത്പാ​ദ​നം. 2017 ഡി​സം​ബ​ർ 21നാ​ണ് പ​ദ്ധ​തി​യു​ടെ നി​ർ​മാ​ണോ​ദ്ഘാ​ട​നം ന​ട​ന്ന​ത്.