പൂണിത്തുറ സെന്റ് ജെയിംസ്
പള്ളിയിൽ
തൃപ്പൂണിത്തുറ: പൂണിത്തുറ (ചമ്പക്കര) സെന്റ് ജെയിംസ് പള്ളിയിൽ വിശുദ്ധ യാക്കോബ് ശ്ലീഹായുടെ ദർശന തിരുനാൾ നാളെ ആരംഭിക്കും. രാവിലെ 6.30 ന് ആഘോഷമായ വിശുദ്ധ കുർബാന, തുടർന്ന് പൂർണദിന ആരാധന, വൈകിട്ട് 6ന് ദിവ്യകാരുണ്യ പ്രദക്ഷിണം, സന്ദേശം, തുടർന്ന് വികാരി ഫാ. വർഗീസ് പെരുമായൻ തിരുനാൾ കൊടിയേറ്റും.
10ന് രാവിലെ 6ന് ലൈത്തോരന്മാരുടെ വാഴ്ച, വൈകിട്ട് 5ന് ലത്തീൻ റീത്തിൽ ആഘോഷമായ ദിവ്യബലി, പ്രസുദേന്തി വാഴ്ച. 11ന് വൈകിട്ട് 4.30ന് തിരി വെഞ്ചരിപ്പ്, രൂപം എഴുന്നള്ളിപ്പ്, 5.45ന് ആഘോഷമായ വിശുദ്ധ കുർബാന, പ്രസംഗം, പ്രദക്ഷിണം.
12ന് തിരുനാൾ ദിനത്തിൽ രാവിലെ 5.30നും 7നും 8.45നും വിശുദ്ധ കുർബാന. വൈകിട്ട് 5.30ന് ആഘോഷമായ വിശുദ്ധ കുർബാന, പ്രസംഗം, പ്രദക്ഷിണം. 13ന് രാവിലെ 6ന് മരിച്ചവർക്കു വേണ്ടിയുള്ള കുർബാന. 19ന് തിരുനാൾ എട്ടാമിടം, വൈകിട്ട് 5ന് ആഘോഷമായ തിരുനാൾ കുർബാന, പ്രദക്ഷിണം, രൂപം എടുത്തുവയ്ക്കൽ, കൊടിയിറക്കം.
കാലടി സെന്റ് ജോർജ് പള്ളിയിൽ
കാലടി: കാലടി സെന്റ് ജോർജ് പള്ളിയിൽ വിശുദ്ധ ഗീവർഗീസ് സഹദയുടെ തിരുനാൾ നാളെ മുതൽ 12 വരെ നടക്കും. നാളെ വൈകിട്ട് 5.45ന് പ്രസുദേന്തി വാഴ്ച, തുടർന്ന് വികാരി ഫാ. ഡേവീസ് മാടവനയുടെ മുഖ്യകാർമികത്വത്തിൽ തിരുനാളിനു കൊടിയേറ്റും.
തിരുനാൾ ദിനമായ 12ന് രാവിലെ 6ന് ഫാ. ഡേവീസ് മാടവനയുടെ മുഖ്യകാർമികത്വത്തിൽ ദിവ്യബലി, 9 .30 ന് ഫാ. വിനിൽ കുരിശുതറയുടെ മുഖ്യകാർമികത്വത്തിൽ ആഘോഷമായ തിരുനാൾ പാട്ടുകുർബാന, പ്രസംഗം- ഫാ. അരുൺ കോച്ചേക്കാടൻ, പ്രദക്ഷിണം, വൈകിട്ട് 7ന് തിരുവനന്തപുരം സ്വദേശാഭിമാനിയുടെ ‘കോഴിപ്പോര്’ നാടകം എന്നിവ നടക്കും.