മ​ങ്കൊ​മ്പ്: എ​സി റോ​ഡി​ൽ അ​ശാ​സ്ത്രീ​യ​മാ​യി പൈ​പ്പ് ഇ​ടു​ന്ന​ത് ത​ട​ഞ്ഞ് സി​പി​ഐ സ​മ​ര​ത്തി​ലേ​ക്ക്. ഓ​ട നി​ർ​മിച്ച സ്ഥ​ല​ത്ത് ഓ​ട​യു​ടെ പ​കു​തി​ഭാ​ഗം മു​റി​ച്ചു​നീ​ക്കി​യാ​ണ് പൈ​പ്പു​ക​ൾ സ്ഥാ​പി​ക്കു​ന്ന​ത്. ഇ​ത് ഗു​രു​ത​ര​മാ​യ അ​പ​ക​ട സാ​ധ്യ​ത​ക​ൾ ഉ​ണ്ടാ​ക്കു​മെ​ന്നാ​രോ​പി​ച്ചാ​ണ് സി​പി​ഐ ന​ട​പ​ടി.

എ​സി റോ​ഡ് നി​ർ​മാണം പൂ​ർ​ത്തി​യാ​കു​ന്ന​തി​നു മു​മ്പ് വ്യ​ത്യ​സ്ഥ അ​പ​ക​ട​ങ്ങ​ളി​ലാ​യി പ​ത്തി​ല​ധി​കം ആ​ളു​ക​ൾ മ​രി​ക്കാ​നി​ട​യാ​യി​ട്ടു​ണ്ടെ​ന്നു പ്ര​തി​ഷേ​ധ​ക്കാ​ർ പ​റ​ഞ്ഞു. ക​ഴി​ഞ്ഞദി​വ​സ​ങ്ങ​ളി​ൽ രാ​മ​ങ്ക​രി ജം​ഗ്ഷ​നി​ല​ട​ക്കം അ​പ​ക​ട​ങ്ങ​ൾ തു​ട​ർ​ക്ക​ഥ​യാ​ണ്. പൈ​പ്പ് ലൈ​ൻ ഇ​ട്ടു​ക​ഴി​ഞ്ഞാ​ൽ ഫു​ട്പാ​ത്തി​ൽ ന​ട​ക്കാ​ൻ പ​റ്റാ​ത്ത സാ​ഹ​ച​ര്യം ഉ​ണ്ടാ​വു​ക​യും ആ​ളു​ക​ൾ റോ​ഡി​ൽ ഇ​റ​ങ്ങു​ക​യും അ​തു​മൂ​ലം അ​പ​ക​ട​സാ​ധ്യ​ത​കൾ ഉ​ണ്ടാ​വു​ക​യും ചെ​യ്യു​ന്നു.

യാ​തൊ​രു​വി​ധ മു​ൻ കാ​ഴ്ച​പ്പാ​ടു​ക​ൾ ഇ​ല്ലാ​തെ​യാ​ണ് പ​ണി ന​ട​ക്കു​ന്ന​തെ​ന്ന് സി​പി​ഐ ആ​രോ​പി​ക്കു​ന്നു. നി​ർ​മിച്ച ഫു​ട്പാ​ത്ത് ന​ശി​പ്പി​ച്ചുകൊ​ണ്ടാ​ണ് നി​ല​വി​ൽ പൈ​പ്പ് സ്ഥാ​പി​ക്കു​ന്ന​ത്. ഇ​തി​ന് ശാ​ശ്വ​ത​മാ​യ പ​രി​ഹാ​രം കാ​ണ​ണ​മെ​ന്ന് സി​പി​ഐ നോ​ർ​ത്ത് മ​ണ്ഡ​ലം ക​മ്മി​റ്റി ആ​വ​ശ്യ​പ്പെ​ട്ടു.

മ​ണ്ഡ​ലം ക​മ്മി​റ്റി സെ​ക്ര​ട്ട​റി ആ​ർ. രാ​ജേ​ന്ദ്ര​കു​മാ​ർ, സെ​ക്ര​ട്ട​റി​യേ​റ്റ് അം​ഗ​ങ്ങ​ളാ​യ എ​ൻ.​ഡി. ഉ​ദ​യ​കു​മാ​ർ, വി.​എം. മോ​ഹ​ന​ൻ, എ.​എ​സ.് അ​ജി​ത്ത്, എ.​കെ. ആ​ന​ന്ദ​ൻ, പി.​വി. ചി​ക്കു, എ​ൻ.​കെ. വേ​ണു​ഗോ​പാ​ൽ, ബ്ലോ​ക്ക് പ​ഞ്ചാ​യ​ത്തം​ഗം എം.​വി. വി​ശ്വം​ഭ​ര​ൻ തു​ട​ങ്ങി​യ​വ​ർ സ​മ​ര​ത്തി​നു നേ​തൃ​ത്വം ന​ൽ​കി.