അ​മ്മ​യെ മ​ർ​ദി​ച്ചു കൊ​ല​പ്പെ​ടു​ത്തി​യ മ​ക​ൻ റി​മാ​ൻ​ഡി​ൽ
Tuesday, February 27, 2024 11:35 PM IST
കാ​യം​കു​ളം: അ​മ്മ​യെ മ​ർ​ദി​ച്ചു കൊ​ല​പ്പെ​ടു​ത്തി​യ സം​ഭ​വ​ത്തി​ൽ മ​ക​ൻ റി​മാ​ൻ​ഡി​ൽ. കാ​യം​കു​ളം പു​തു​പ്പ​ള്ളി വ​ട​ക്ക് വ​ട​ക്കേ ആ​ഞ്ഞി​ലി​മൂ​ട് ജം​ഗ്ഷ​നു തെ​ക്കു​വ​ശം പ​ണി​ക്ക​ശേ​രി​ൽ വീ​ട്ടി​ൽ ത​ങ്ക​പ്പ​ന്‍റെ ഭാ​ര്യ ശാ​ന്ത​മ്മ​യെ (72) മ​ർ​ദിച്ചു കൊ​ല​പ്പെ​ടു​ത്തി​യ കേ​സി​ലാ​ണ് ഇ​ള​യ മ​ക​നാ​യ ബ്ര​ഹ്മ​ദേ​വ​നെ (43) റി​മാ​ൻ​ഡ് ചെ​യ്ത​ത്.

ചോ​ദ്യം ചെ​യ്യ​ലി​ൽ ഇ​യാ​ൾ കു​റ്റം സ​മ്മ​തി​ച്ച​തി​നെത്തുട​ർ​ന്ന് പോ​ലീ​സ് ഇ​യാ​ളു​ടെ അ​റ​സ്റ്റ് രേ​ഖ​പ്പെ​ടു​ത്തു​ക​യാ​യി​രു​ന്നു.

സ്ഥി​രം മ​ദ്യ​പിക്കുന്ന ശാ​ന്ത​മ്മ സ​മീ​പ​ത്തെ ക​ണി​യാ​മു​റി അ​മ്പ​ല​ത്തി​ലെ ആ​റാ​ട്ട് ഉ​ത്സ​വ സ​മ​യം മ​ദ്യ​പി​ച്ച് ബോ​ധം കെ​ട്ട് കി​ട​ന്ന് നാ​ണം കെ​ടു​ത്തി​യ​തി​ൽ ഇ​ള​യ മ​ക​നാ​യ പ്ര​തി​ക്കു​ണ്ടാ​യ വി​രോ​ധ​മാ​ണ് കൊ​ല​പാ​ത​ക​ത്തി​നു പി​ന്നി​ലെ​ന്ന് പോ​ലീ​സ് പ​റ​ഞ്ഞു.

പോ​സ്റ്റ്മാ​ർ​ട്ടം പ​രി​ശോ​ധ​ന​യി​ൽ ശാ​ന്ത​മ്മ​യു​ടേ​ത് സാ​ധാ​ര​ണ മ​ര​ണ​മ​ല്ലെ​ന്നും കൊ​ല​പാ​ത​ക​മാ​ണെ​ന്നും ക​ണ്ടെ​ത്തി​യ​തി​നെ തു​ട​ർ​ന്ന് ശാ​ന്ത​മ്മ​യോ​ടൊ​പ്പം താ​മ​സി​ച്ചി​രു​ന്ന ഇ​ള​യ മ​ക​നാ​യ ബ്ര​ഹ്മ​ദേ​വ​നെ ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്ത​പ്പോ​ഴാ​ണ് കൊ​ല​പാ​ത​കം ന​ട​ത്തി​യ​ത് ബ്ര​ഹ്മ​ദേ​വ​നാ​ണെ​ന്ന് പോ​ലീ​സ് ക​ണ്ടെ​ത്തി​യ​ത്.

കോ​ട​തി​യി​ൽ ഹാ​ജ​രാ​ക്കി​യ ഇയാളെ ജ്യു​ഡീ​ഷ്യ​ൽ ക​സ്റ്റ​ഡി​യി​ൽ റി​മാ​ൻ​ഡ് ചെ​യ്തു. കാ​യം​കു​ളം ഡി​വൈ​എ​സ്പി ​അ​ജ​യ്നാ​ഥി​ന്‍റെ മേ​ൽ​നോ​ട്ട​ത്തി​ൽ സി​ഐ ഗി​രി​ലാ​ൽ, എ​സ്ഐമാ​രാ​യ ഉ​ദ​യ​കു​മാ​ർ, ര​തീ​ഷ് ബാ​ബു, അ​ജി​ത്ത്, എ​എ​സ്ഐ ജോ​ളി, പോ​ലീ​സ് ഉ​ദ്യോ​ഗ​സ്ഥ​രാ​യ റെ​ജി, ര​തീ​ഷ്, സ​ബീ​ഷ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്.