തി​രു​വ​ല്ല: വി​ശ്വ​മാ​ന​വി​ക​ത​യു​ടെ സ്നേ​ഹ​സ​ന്ദേ​ശ​മാ​ണ് ക​ർ​ദി​നാ​ൾ മാ​ർ ക്ലീ​മി​സ് കാ​തോ​ലി​ക്കാ ബാ​വ സ​മൂ​ഹ​ത്തി​നു പ​ക​ർ​ന്നു ന​ൽ​കു​ന്ന​തെ​ന്ന് മ​ന്ത്രി വി.​എ​ൻ. വാ​സ​വ​ൻ. പു​ഷ്പ​ഗി​രി മെ​ഡി​ക്ക​ൽ കോ​ള​ജ് സ്റ്റാ​ഫ് ക്ര​ഡി​റ്റ് കോ ​ഓ​പ്പറേ​റ്റീ​വ് സൊ​സൈ​റ്റി​യു​ടെ മാ​ന​വ സേ​വാ പു​ര​സ്കാ​രം സ​മ്മാ​നി​ച്ചു പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

സ്നേ​ഹ​വും കാ​രു​ണ്യ​വും ആ​വ​ശ്യ​പ്പെ​ടു​ന്നി​ട​ങ്ങ​ളി​ൽ അ​തു ന​ൽ​കു​ക​യെ​ന്ന​താ​ണ് ക്രൈ​സ്ത​വ ധ​ർ​മം. ഒ​രു​മ​യു​ടെ​യും സാ​ഹോ​ദ​ര്യ​ത്തി​ന്‍റെ​യും സ​ന്ദേ​ശ​മാ​ണ് ക്രി​സ്തു പ​ഠി​പ്പി​ക്കു​ന്ന​ത്. ഇ​വ​യെ​ല്ലാം ജീ​വി​ത​ത്തി​ൽ പ​ക​ർ​ത്താ​ൻ ക​ഴി​യു​ന്ന​വ​നാ​ണ് ക്രി​സ്തു​വി​ന്‍റെ അ​നു​യാ​യി. ഇ​ത്ത​ര​ത്തി​ൽ സ​മൂ​ഹ​ത്തി​നു മാ​തൃ​ക​യാ​യി മാ​റാ​ൻ മാ​ർ ക്ലീ​മി​സ് ബാ​വ​യ്ക്കു ക​ഴി​യു​ന്നു​ണ്ടെ​ന്നും മ​ന്ത്രി അ​ഭി​പ്രാ​യ​പ്പെ​ട്ടു.

ഓ​ഖി, പ്ര​ള​യം, കോ​വി​ഡ് തു​ട​ങ്ങി പ്ര​തി​സ​ന്ധി​ഘ​ട്ട​ങ്ങ​ളി​ലും സാ​മു​ദാ​യി​ക സം​ഘ​ർ​ഷ​ത്തി​ന്‍റെ അ​വ​സ്ഥ​യി​ലു​മൊ​ക്കെ വേ​ണ്ട ഇ​ട​പെ​ട​ലു​ക​ൾ ന​ട​ത്താ​ൻ മാ​ർ ക്ലീ​മി​സ് ബാ​വ​യ്ക്കു ക​ഴ​ഞ്ഞ​താ​യും മ​ന്ത്രി അ​ഭി​പ്രാ​യ​പ്പെ​ട്ടു. അ​ജ​പാ​ല​ന ദൗ​ത്യ​ത്തി​ലെ ഏ​റ്റ​വും ശ്രേ​ഷ്ഠ​മാ​യ ക​ട​മ​യാ​ണ് അ​ദ്ദേ​ഹം നി​ർ​വ​ഹി​ച്ചു​വ​രു​ന്ന​തെ​ന്നും വാ​സ​വ​ൻ പ​റ​ഞ്ഞു.

പു​ഷ്പ​ഗി​രി സെ​ന​റ്റ് ഹാ​ളി​ൽ ന​ട​ന്ന ച​ട​ങ്ങി​ൽ പു​ഷ്പ​ഗി​രി മെ​ഡി​ക്ക​ൽ കോ​ള​ജ് സ്റ്റാ​ഫ് വെ​ൽ​ഫെ​യ​ർ ക്ര​ഡി​റ്റ് കോ ​ഓ​പ്പ​റേ​റ്റീ​വ് സൊ​സൈ​റ്റി പ്ര​സി​ഡ​ന്‍റ് ഫാ: ​ജോ​സ് ക​ല്ലു​മാ​ലി​ക്ക​ൽ അ​ധ്യ​ക്ഷ​ത വ​ഹി​ച്ചു. മു​ൻ ഡി​ജി​പി ജേ​ക്ക​ബ് പു​ന്നൂ​സ് മു​ഖ്യ പ്ര​ഭാ​ഷ​ണം ന​ട​ത്തി. സ്ത്രീ​ശ​ക്തി വാ​ഹ​ന​വാ​യ്പ​യി​ലൂ​ടെ 17 വ​നി​താ ജീ​വ​ന​ക്കാ​ർ​ക്ക് ന​ൽ​കു​ന്ന ആ​ക്ടീ​വാ സ്കൂ​ട്ട​റി​ന്‍റെ വി​ത​ര​ണം വി​കാ​രി ജ​ന​റാ​ൾ റ​വ. ഡോ. ​ഐ​സ​ക് പ​റ​പ്പ​ള്ളി​ൽ നി​ർ​വ​ഹി​ച്ചു. ജീ​വ​ന​ക്കാ​രു​ടെ മ​ക്ക​ളി​ൽ അ​ർ​ഹ​രാ​യവർക്ക് സ്കോ​ള​ർ​ഷി​പ്പു​ക​ൾ ക്ലീ​മി​സ് കാ​തോ​ലി​ക്കാ ബാ​വ വി​ത​ര​ണം ചെ​യ്തു.

സ​ഹ​ക​ര​ണ എം​പ്ലോ​യി​സ് വെ​ൽ​ഫ​യ​ർ ഫ​ണ്ട് ബോ​ർ​ഡ് വൈ​സ് ചെ​യ​ർ​മാ​ൻ ആ​ർ. സ​ന​ൽ​കു​മാ​ർ, സ​ഹ​ക​ര​ണ അ​സി​സ്റ്റ​ന്‍റ് ര​ജി​സ്ട്രാ​ർ പി.കെ. സു​ജാ​ത​കു​മാ​രി, വൈ​സ് പ്ര​സി​ഡ​ന്‍റ് ഡോ.​സ​ന്തോ​ഷ് മാ​ത്യു എ​ന്നി​വ​ർ പ്ര​സം​ഗി​ച്ചു.