തി​രു​വ​ല്ല: റീ​ൽ​സ് ചി​ത്രീ​ക​ര​ണ​ത്തി​നി​ടെ നി​യ​ന്ത്ര​ണംവി​ട്ട ന്യൂ​ജെ​ൻ ബൈ​ക്ക് ഓ​ട്ടോ​റി​ക്ഷ​യി​ൽ ഇ​ടി​ച്ചു​ണ്ടാ​യ അ​പ​ക​ട​ത്തി​ൽ ഓ​ട്ടോ​റി​ക്ഷ ഡ്രൈ​വ​ർ​ക്കുപ​രി​ക്കേ​റ്റു. മു​ത്തൂ​ർ - മ​ന​ക്ക​ച്ചി​റ റോ​ഡി​ലെ നാ​ട്ടു​ക​ട​വ് പാ​ല​ത്തി​നുസ​മീ​പം നാ​ലം​ഗ കൗ​മാ​ര​ക്കാ​ർ ന​ട​ത്തി​യ റീ​ൽ​സ് ചി​ത്രീ​ക​ര​ണ​ത്തി​നി​ടെ ചൊ​വ്വാ​ഴ്ച ഉ​ച്ച​യോ​ടെ ആ​യി​രു​ന്നു അ​പ​ക​ടം.

കി​ഴ​ക്ക​ൻ മു​ത്തൂ​ർ സ്റ്റാ​ൻ​ഡി​ലെ ​ട്ടോ​റി​ക്ഷ ഡ്രൈ​വ​റാ​യ തി​രു​വ​ല്ല കി​ഴ​ക്ക​ൻ മു​ത്തൂ​ർ നാ​ലു​വേ​ലി​ൽ വീ​ട്ടി​ൽ സ​ണ്ണി​ക്കാ​ണ് പ​രി​ക്കേ​റ്റ​ത്. സം​ഭ​വ​ത്തി​ൽ ബൈ​ക്ക് ഓ​ടി​ച്ചി​രു​ന്ന കൊ​ട്ടാ​ര​ക്ക​ര പ​വി​ത്രേ​ശ്വ​രം സ്വ​ദേ​ശി ജ​ഗ​ന്നാ​ഥ​ൻ ന​മ്പൂ​തി​രി (19 ), ബൈ​ക്ക് ഉ​ട​മ​യും ജ​ഗ​ന്നാ​ഥ​ൻ ന​മ്പൂ​തി​രി​യു​ടെ സു​ഹൃ​ത്തു​മാ​യ ക​ല്ലു​പ്പാ​റ സ്വ​ദേ​ശി കെ.​ആ​ർ.​ ​ഹു​ൽ (19) എ​ന്നി​വ​രെ നാ​ട്ടു​കാ​ർ ചേ​ർ​ന്ന് ത​ട​ഞ്ഞു​വ​ച്ച് തി​രു​വ​ല്ല പോ​ലീ​സി​ന് കൈ​മാ​റി. അ​പ​ക​ടം ന​ട​ന്ന ഉ​ട​ൻ സം​ഘാം​ഗ​ങ്ങ​ളാ​യ ര​ണ്ടു​പേ​ർ ബൈ​ക്കി​ൽ ര​ക്ഷ​പ്പെട്ടു.

നേ​ർ ദി​ശ​യി​ലു​ള്ള റോ​ഡി​ലൂ​ടെ പാ​ഞ്ഞു​വ​ന്ന ബൈ​ക്ക് ഓ​ട്ടോ​റി​ക്ഷ​യ്ക്കു പി​ന്നി​ൽ ഇ​ടി​ക്കു​ക​യാ​യി​രു​ന്നു. ഓ​ട്ടോ​റി​ക്ഷ ത​ല​കീ​ഴാ​യി മ​റി​ഞ്ഞുണ്ടാ​യ അ​പ​ക​ട​ത്തി​ലാ​ണ് സ​ണ്ണി​ക്ക് പ​രി​ക്കേ​റ്റ​ത്. അ​പ​ക​ട​ത്തി​ൽ പ​രി​ക്കേ​റ്റ സ​ണ്ണി തി​രു​വ​ല്ല താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ തേ​ടി. അ​പ​ക​ട​ത്തി​നു കാ​ര​ണ​മാ​യ ബൈ​ക്ക് പൂ​ർ​ണ​മാ​യും ത​ക​ർ​ന്നു. ഒ​രു വ​ർ​ഷം മു​മ്പാ​ണ് റോ​ഡ് ഉ​ന്ന​ത നി​ല​വാ​ര​ത്തി​ൽ പു​ന​ർ നി​ർ​മി​ച്ച​ത്. ഇ​തി​നുശേ​ഷം രാ​പ​ക​ല​ന്യേ നാ​നാ ദി​ക്കു​ക​ളി​ൽനി​ന്നാ​യി റീ​ൽ​സ് എ​ടു​ക്കാ​ൻ ചെ​റു​പ്പ​ക്കാ​ർ അ​ട​ങ്ങു​ന്ന സം​ഘം എ​ത്താ​റു​ള്ള​താ​യും കാ​ൽ​ന​ടയാ​ത്ര​ക്കാ​ർ​ക്ക​ട​ക്കം ഇ​ക്കൂ​ട്ട​ർ വ​ലി​യ ഭീ​ഷ​ണി​യാ​ണ് ഉ​യ​ർ​ത്തു​ന്ന​തെ​ന്നും പ്ര​ദേ​ശ​വാ​സി​ക​ൾ പ​റ​ഞ്ഞു.

അ​പ​ക​ട​ത്തെത്തുട​ർ​ന്ന് ഈ ​റോ​ഡി​ൽ റീ​ൽ​സ് ന​ട​ത്തു​ന്ന​വ​രെ കൈ​കാ​ര്യം ചെ​യ്യു​മെ​ന്നുകാ​ട്ടി കി​ഴ​ക്ക​ൻ മു​ത്തൂ​രി​ലെ ഓ​ട്ടോ​റി​ക്ഷ തൊ​ഴി​ലാ​ളി​ക​ൾ നാ​ട്ടു​ക​ട​വ് പാ​ല​ത്തി​നു സ​മീ​പം ബാ​ന​റും സ്ഥാ​പി​ച്ചി​ട്ടു​ണ്ട്. പ​രാ​തി​യി​ല്ല എ​ന്ന് പ​രി​ക്കേ​റ്റ സ​ണ്ണി അ​റി​യി​ച്ച​തി​നാ​ൽ ര​ക്ഷി​താ​ക്ക​ളെ വി​ളി​ച്ചു​വ​രു​ത്തി പി​ടി​യി​ലാ​യ യു​വാ​ക്ക​ളെ താ​ക്കീ​ത് ന​ൽ​കി പോ​ലീ​സ് വി​ട്ട​യ​ച്ചു.