കേ​ന്ദ്ര മ​ന്ത്രി സു​രേ​ഷ് ഗോ​പി​ക്ക് ത​ങ്ക​ശേ​രി ഇ​ൻ​ഫ​ന്‍റ് ജീ​സ​സ് ആം​ഗ്ലോ -ഇ​ന്ത്യ​ൻ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ സ്വീ​ക​ര​ണം
Thursday, October 10, 2024 6:45 AM IST
കൊ​ല്ലം: കേ​ന്ദ്ര മ​ന്ത്രി സു​രേ​ഷ് ഗോ​പിക്ക് ത​ങ്ക​ശേ​രി ഇ​ൻ​ഫ​ന്‍റ് ജീ​സ​സ് ആം​ഗ്ലോ-​ഇ​ന്ത്യ​ൻ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ഇ​ന്നു രാ​വി​ലെ ഒ​ന്പ​തി​ന് സ്വീ​ക​ര​ണം ന​ൽ​കും. ഇ​ൻ​ഫ​ന്‍റ് ജീ​സ​സ് സ്കൂ​ളും പൂ​ർ​വ വി​ദ്യാ​ർ​ഥി സം​ഘ​ട​ന​യും ചേ​ർ​ന്നാ​ണ് സു​രേ​ഷ് ഗോ​പി​ക്ക് സ്വീ​ക​ര​ണം ന​ൽ​കു​ന്ന​ത്. സുരേഷ് ഗോപി പ്രൈ​മ​റി ത​ലം മു​ത​ൽ പ​ഠി​ച്ച​തും 1974ൽ ​ഹൈ​സ്കൂ​ൾ വി​ദ്യാ​ഭ്യാ​സം പൂ​ർ​ത്തി​യാ​ക്കി​യ​തു​ം ഈ സ്കൂളിലാണ്.

പു​തി​യ സ്കൂ​ൾ കെ​ട്ടി​ട​ത്തി​നു​ള്ള ത​റ​ക്ക​ല്ലി​ടൽ മ​ന്ത്രി സു​രേ​ഷ് ഗോ​പി നി​ർ​വ​ഹി​ക്കും. സ്കൂ​ൾ മാ​നേ​ജ​ർ ബി​ഷ​പ് ഡോ. ​പോ​ൾ ആ​ന്‍റ​ണി മു​ല്ല​ശേ​രി ആ​ധ്യ​ക്ഷം വ​ഹി​ക്കും. ഇ​ൻ​ഫ​ന്‍റ് ജീ​സ​സ് സ്കൂ​ൾ പ്രി​ൻ​സി​പ്പ​ൽ റ​വ. ഡോ. ​സി​ൽ​വി ആ​ന്‍റ​ണി സ്വാ​ഗ​തം ആ​ശം​സി​ക്കും.

കൊ​ല്ലം മേ​യ​ർ പ്ര​സ​ന്ന ഏ​ണ​സ്റ്റ്, സ്കൂ​ൾ മു​ൻ പ്രി​ൻ​സി​പ്പ​ൽ റ​വ. ഡോ. ​ഫെ​ർ​ഡി​നാ​ന്‍റ് കാ​യാ​വി​ൽ, സ്കൂ​ൾ ലോ​ക്ക​ൽ മാ​നേ​ജ​ർ ഫാ. ​ക്രി​സ്റ്റ​ഫ​ർ ഹെ​ൻ​ട്രി, അ​ലു​മ്നി അ​സോ​സി​യേ​ഷ​ൻ പ്ര​തി​നി​ധി നൗ​ഷാ​ദ് യൂ​ന​സ്, സു​രേ​ഷ് ഗോ​പി​യു​ടെ ബാ​ച്ചി​ലെ സ്കൂ​ൾ പ്ര​തി​നി​ധി ഡോ. ​വ​സ​ന്ത് കു​മാ​ർ സാം​ബ​ശി​വ​ൻ, ബി​ജെ​പി ജി​ല്ലാ പ്ര​സി​ഡ​ന്‍റ് ബി.​ബി.​ ഗോ​പ​കു​മാ​ർ, പി​ടി​എ പ്ര​സി​ഡ​ന്‍റ് പൂ​ജാ ഷി​ഹാ​ബ് എ​ന്നി​വ​ർ ആ​ശം​സ​ അ​ർ​പ്പി​ക്കും. അ​ലു​മ്‌​നി അ​സോ​സി​യേ​ഷ​ൻ ജ​ന​റ​ൽ സെ​ക്ര​ട്ട​റി ക്ലോ​ഡി​യ​സ് പീ​റ്റ​ർ ന​ന്ദി പ​റ​യും.

സുരേഷ് ഗോപിയും ഇ​ൻ​ഫ​ന്‍റ് ജീ​സ​സ് സ്കൂ​ളി​ന്‍റെ ച​രി​ത്ര പ​ശ്ചാ​ത്ത​ലവും

ഇ​ന്ത്യ​ൻ സ്വാ​ത​ന്ത്ര്യ​ല​ബ്ധി​ക്കു മു​മ്പ് 1940ൽ ​ദൈ​വ​ദാ​സ​ൻ ജ​റോം എം. ​ഫെ​ർ​ണാ​ണ്ട​സ് സ്ഥാ​പി​ച്ച​താ​ണ് ത​ങ്ക​ശേ​രി​യി​ലെ ഇ​ൻ​ഫ​ന്‍റ് ജീ​സ​സ് ആം​ഗ്ലോ-​ഇ​ന്ത്യ​ൻ ഹ​യ​ർ​സെ​ക്ക​ൻ​ഡ​റി സ്കൂ​ൾ. വൈ​ദേ​ശാ​ധി​പ​ത്യ കാ​ല​ഘ​ട്ട​ത്തോ​ടെ ഡ​ച്ച് ക്വ​യി​ലോ​ൺ എ​ന്ന​റി​യ​പ്പെ​ട്ടി​രു​ന്ന ത​ങ്ക​ശേ​രി​യി​ൽ ആം​ഗ്ലോ-​ഇ​ന്ത്യ​ൻ സ​മൂ​ഹം വ​ള​ർ​ച്ച പ്രാ​പി​ച്ച​പ്പോ​ൾ അ​വ​രു​ടെ സാം​സ്കാ​രി​ക​വും വി​ദ്യാ​ഭ്യാ​സ​പ​ര​വു​മാ​യ പു​രോ​ഗ​തി ല​ക്ഷ്യ​മാ​ക്കി​യാ​ണ് സ്കൂ​ൾ ആ​രം​ഭി​ച്ച​ത്.

അ​ക്കാ​ല​ത്ത് വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ എ​ണ്ണം കു​റ​വാ​യ​തു കൊ​ണ്ടും ഇം​ഗ്ലീ​ഷ് മീ​ഡി​യം സ്കൂ​ളു​ക​ൾ ചു​രു​ക്ക​മാ​യ​തു​കൊ​ണ്ടും മെ​ച്ച​പ്പെ​ട്ട ഇം​ഗ്ലീ​ഷ് വി​ദ്യാ​ഭ്യാ​സം നേ​ടു​ന്ന​തി​നാ​യി സം​സ്ഥാ​ന​ത്തെ പ​ല ജി​ല്ല​ക​ളി​ൽ നി​ന്നും കു​ട്ടി​ക​ൾ ഇ​വി​ടെ വ​ന്നു സ്കൂ​ൾ ബോ​ർ​ഡിം​ഗി​ലും ഹൗ​സ് ബോ​ർ​ഡിം​ഗി​ലും താ​മ​സ​മാ​ക്കി പ​ഠ​നം ന​ട​ത്തി​യി​രു​ന്നു.

സു​രേ​ഷ് ഗോ​പി​യും ത​ന്‍റെ പ​ഠ​ന കാ​ല​ത്ത് ബോ​ർ​ഡിം​ഗ് സൗ​ക​ര്യ​ങ്ങ​ൾ ഉ​പ​യോ​ഗി​ച്ചി​രു​ന്നു. ഇ​ൻ​ഫ​ന്‍റ് ജീ​സ​സ് സ്കൂ​ളി​ലെ അ​ന്ന​ത്തെ ആം​ഗ്ലോ ഇ​ന്ത്യ​ൻ അ​ധ്യാ​പി​ക സീ​റ്റാ ഫെ​ർ​ണാ​ണ്ട​സി​ന്‍റെ മേ​ൽ​നോ​ട്ട​ത്തി​ലു​ള്ള ഹൗ​സ് ബോ​ർ​ഡിം​ഗി​ൽ താ​മ​സി​ച്ചാ​യി​രു​ന്നു എ​ട്ടാം ക്ലാ​സു മു​ത​ൽ സു​രേ​ഷ് ഗോ​പി​യു​ടെ പ​ഠ​നം. പ്രൈ​മ​റി ക്ലാ​സു​ക​ളി​ലാ​യി​രു​ന്ന​പ്പോ​ൾ മാ​ട​ൻ​ന​ട​യി​ലു​ള്ള വ​സ​തി​യി​ൽ നി​ന്നും സു​രേ​ഷ് ഗോ​പി​യും അ​നു​ജ​ൻ സു​ഭാ​ഷും ഒ​രു​മി​ച്ച് സൈ​ക്കി​ൾ റി​ക്ഷ​യി​ലാ​ണ് സ്കൂ​ളി​ലേ​ക്കു എ​ത്തി​യി​രു​ന്ന​ത്. കൂ​ട്ട​ത്തി​ൽ പോ​ള​യ​ത്തോ​ടു നി​ന്നും എം​എ​ൽ​എ​യും ന​ട​നു​മാ​യ മു​കേ​ഷും കൂ​ട്ടു​ചേ​രും. മൗ​ണ്ട് കാ​ർ​മ​ൽ ഗേ​ൾ​സ് സ്കൂ​ളി​ൽ പ​ഠി​ക്കു​ന്ന ര​ണ്ടു പെ​ൺ​കു​ട്ടി​ക​ൾ ഉ​ൾ​പ്പെ​ടെ അ​ങ്ങ​നെ ആ​റു പേ​രാ​ണ് സൈ​ക്കി​ൾ റി​ക്ഷ​യി​ലു​ണ്ടാ​വു​ക.

സു​രേ​ഷ് ഗോ​പി ഇ​ൻ​ഫ​ന്‍റ് ജീ​സ​സ് സ്കൂ​ളി​ൽ ര​ണ്ടാം ക്ലാ​സി​ൽ പ​ഠി​ച്ചി​രു​ന്ന​പ്പോ​ഴാ​ണ് 'ഓ​ട​യി​ൽ നി​ന്ന് ' എ​ന്ന സി​നി​മ​യി​ൽ ബാ​ല​താ​ര​മാ​യി അ​ഭി​ന​യി​ക്കാ​ൻ അ​നു​ജ​ൻ സു​ഭാ​ഷി​നോ​ടൊ​പ്പം സി​നി​മാ സെറ്റി​ലേ​ക്ക് പോ​യ​ത്. അ​വി​ടെ​ക്ക​ണ്ട കാ​ഴ്ച​ക​ളി​ൽ പേ​ടി തോ​ന്നി​യ അ​നു​ജ​ൻ സു​ഭാ​ഷ് പി​ൻ​വ​ലി​യു​ക​യാ​യി​രു​ന്നു. സു​രേ​ഷ് ഗോ​പി​ക്ക് അ​ന്ന് ഏ​ഴ് വ​യ​സ് മാ​ത്രം പ്രാ​യം.

സു​രേ​ഷ് ഗോ​പി​യു​ടെ പ​ത്താം ക്ലാ​സ് (1974 - 1975 ) കാ​ല​ഘ​ട്ട​ത്തി​ൽ ഫാ.​തോ​മ​സ് തു​ണ്ടി​യി​ൽ ആ​യി​രു​ന്നു പ്രി​ൻ​സി​പ്പ​ൽ. അ​ന്ന​ത്തെ ബാ​ച്ചി​ൽ 51 കു​ട്ടി​ക​ളാ​ണു​ണ്ടാ​യി​രു​ന്ന​ത്. പ​ത്താം ക്ലാ​സ് 'ബി' ​ഡി​വി​ഷ​നി​ലാ​യി​രു​ന്നു സു​രേ​ഷ് ഗോ​പി​യു​ടെ പ​ഠ​നം. മി​സി​സ് പാ​ട്രി​ക് ആ​യി​രു​ന്നു ക്ലാ​സ് ടീ​ച്ച​ർ. ഇം​ഗ്ലീ​ഷും ഹി​സ്റ്റ​റി​യും ടീ​ച്ച​ർ പ​ഠി​പ്പി​ച്ചി​രു​ന്നു.​അ​ന്ന് കെ​മി​സ്ട്രി പ​ഠി​പ്പി​ച്ച​ത് ഇ​ന്ദ്രാ​ണി ടീ​ച്ച​റാ​ണ്.


1975 മു​ത​ൽ കാ​യാ​വി​ല​ച്ഛ​ൻ സ്കൂ​ളി​ന്‍റെ പ്രി​ൻ​സി​പ്പ​ൽ സ്ഥാ​ന​ത്തേ​ക്ക് വ​ന്ന​പ്പോ​ൾ ഇ​ന്ദ്രാ​ണി ടീ​ച്ച​ർ കു​റ​ച്ചു​കാ​ലം വൈ​സ് പ്രി​ൻ​സി​പ്പ​ലാ​യി സേ​വ​നം അ​നു​ഷ്ഠി​ച്ചി​ട്ടു​ണ്ട്. ഇ​പ്പോ​ൾ വാ​ർ​ധ്യ​ക്യ​ത്തി​ൽ വീ​ട്ടി​ൽ ക​ഴി​യു​ന്നു.

മാ​സ്റ്റ​ർ ഏ​ബ്ര​ഹാം (ബ​യോ​ള​ജി), ലി​വിം​ഗ് ഷേ​ക്സ്പി​യ​ർ എ​ന്ന​റി​യ​പ്പെ​ടു​ന്ന മി​സ്. ഷീ​ലാ​ഡി​ക്കോ​ട്ടോ (ഇം​ഗ്ലീ​ഷ്), മാ​സ്റ്റ​ർ കീ​ത്ത് ഡി​ക്രൂ​സ് (ക​ണ​ക്ക്) മി​സ്. ടെ​റി (ഹി​ന്ദി), ജെ. ​ബി. മാ​സ്റ്റ​ർ (പി​ടി) എ​ന്നി​വ​രാ​യി​രു​ന്നു മ​റ്റ​ധ്യാ​പ​ക​ർ.

ഇ​ൻ​ഫ​ന്‍റ് ജീ​സ്സ​സ് സ്കൂ​ളി​ൽ നി​ന്നും സു​രേ​ഷ് ഗോ​പി​ക്ക് ല​ഭി​ച്ച മെ​ച്ച​പ്പെ​ട്ട വി​ദ്യാ​ഭ്യാ​സം പി​ൽ​ക്കാ​ല​ത്ത് ഫാ​ത്തി​മ മാ​താ നാ​ഷ​ണ​ൽ കോ​ള​ജി​ൽ തു​ട​ർ പ​ഠ​നം ന​ട​ത്തു​വാ​നും സു​വോ​ള​ജി​യി​ൽ ബി​രു​ദ​വും ഇം​ഗ്ലീ​ഷ് സാ​ഹി​ത്യ​ത്തി​ൽ ബി​രു​ദാ​ന​ന്ത​ര ബി​രു​ദ​വും നേ​ടി​യെ​ടു​ക്കാ​നും ക​ഴി​ഞ്ഞു.
അ​ന്ന​ത്തെ സ്കൂ​ൾ നി​യ​മ​ങ്ങ​ൾ ക​ർ​ശ​ന​മാ​യ അ​ച്ച​ട​ക്ക​വും അ​നു​സ​ര​ണ​വും സ്വാ​യ​ത്ത​മാ​ക്കു​വാ​ൻ സു​രേ​ഷ് ഗോ​പി​യെ സ​ഹാ​യി​ച്ചു​വെ​ന്ന് സ​ഹ​പാ​ഠി​ക​ൾ അ​ഭി​പ്രാ​യ​പ്പെ​ടു​ന്നു. ഇ​ത് അ​ദ്ദേ​ഹ​ത്തി​ന്‍റെ ജീ​വി​ത​ത്തി​ലും ആ​ത്മീ​യ ജീ​വി​ത​ത്തി​ലും പ്ര​തി​ഫ​ലി​ച്ചി​ട്ടു​ണ്ട്. പ​ഠ​ന​കാ​ല​ത്ത് അ​ദ്ദേ​ഹം സ്വാ​യ​ത്ത​മാ​ക്കി​യ ഈ​ശ്വ​ര​ഭ​ക്തി​യും ഭ​ക്തി​നി​ഷ്ഠ​യും പ്രാ​ർ​ഥ​ന​ക​ളും അ​ദ്ദേ​ഹം ത​ന്നെ അ​ടു​ത്ത കാ​ല​ത്ത് വെ​ളി​പ്പെ​ടു​ത്തി​യ വ​സ്തു​ത​യാ​ണ്.

എ​ൺ​പ​ത്ത​ഞ്ചു വ​ർ​ഷ​ങ്ങ​ൾ​ക്കു​മു​മ്പ് ര​ണ്ട് അ​ധ്യാ​പ​ക​രും പ​തി​ന​ഞ്ചു കു​ട്ടി​ക​ളു​മാ​യി ക​ർ​മ​ലീ​ത്ത ആ​ശ്ര​മ കെ​ട്ടി​ട​ത്തി​ൽ സ്ഥാ​പി​ത​മാ​യ ഈ ​സ്കൂ​ൾ പി​ൽ​ക്കാ​ല​ത്ത് സാം​സ്കാ​രി​ക​വും വി​ദ്യാ​ഭ്യാ​സ​പ​ര​വു​മാ​യ മാ​റ്റ​ങ്ങ​ള​ൾ​ക്ക​നു​സൃ​ത​മാ​യി സ​ഭാ​പി​താ​ക്ക​ന്മാ​രു​ടെ ദീ​ർ​ഘ​കാ​ല വീ​ക്ഷ​ണ​ത്തോ​ടെ​യു​ള്ള പ്ര​വ​ർ​ത്ത​ന​ങ്ങ​ൾ കൊ​ണ്ടും സാ​ധാ​ര​ണ​ക്കാ​ർ​ക്കു മെ​ച്ച​പ്പെ​ട്ട വി​ദ്യാ​ഭ്യാ​സം ന​ൽ​കു​ന്ന​തി​നാ​യി പ​രി​ശ്ര​മി​ച്ചു.

ഇ​ന്ന് 4700 കു​ട്ടി​ക​ളും 200 അ​ധ്യാ​പ​ക-​അ​ന​ധ്യാ​പ​ക​രു​മു​ള്ള രൂ​പ​ത​യി​ലെ ഏ​റ്റ​വും വ​ലി​യ വി​ദ്യാ​ഭ്യാ​സ സ്ഥാ​പ​ന​മാ​ണ് ഈ സ്കൂൾ.സ്കൂ​ളി​ന് പു​തി​യ കെ​ട്ടി​ട​ങ്ങ​ളും അ​ടി​സ്ഥാ​ന സൗ​ക​ര്യ​ങ്ങ​ളും ഒ​രു​ക്കു​ന്ന​തി​ൽ ബി​ഷ​പ് എ​മി​രി​റ്റ​സ് ഡോ. ​സ്റ്റാ​ൻ​ലി റോ​മ​ൻ, ദി​വം​ഗ​ത​നാ​യ ബി​ഷ​പ് ഡോ. ​ജോ​സ​ഫ് ജി. ​ഫെ​ർ​ണാ​ണ്ട​സ് എ​ന്നി​വ​രു​ടെ പ​ങ്കും നി​സ്തു​ല​മാ​ണ്.

മൂ​ന്നു​പ​തി​റ്റാ​ണ്ടു​കാ​ലം ഈ ​സ്കൂ​ളി​ന്‍റെ പ്രി​ൻ​സി​പ്പ​ലാ​യി പ്ര​വ​ർ​ത്തി​ച്ച മോ​ൺ. ഡോ. ​ഫെ​ർ​ഡി​നാ​ന്‍റ് കാ​യാ​വി​ലി​ന്‍റെ അ​ർ​പ്പ​ണ മ​നോ​ഭാ​വ​വും ക​ർ​മ്മോ​ത്സു​ക​ത​യും ഈ ​സ്കൂ​ളി​ന്‍റെ പു​രോ​ഗ​തി​യി​ൽ നി​ർ​ണാ​യ​ക​മാ​യ പ​ങ്കു വ​ഹി​ച്ചി​ട്ടു​ണ്ട്.

ഇ​വി​ടെ നി​ന്നും പ​ഠി​ച്ച് പ്ര​ഗ​ത്ഭ​രാ​യി തീ​ർ​ന്നി​ട്ടു​ള്ള​വ​രി​ൽ കേ​ന്ദ്ര​മ​ന്ത്രി സു​രേ​ഷ് ഗോ​പി​യെ കൂ​ടാ​തെ മു​ൻ ഡി​ജി​പി അ​ൽ​ഫോ​ൺ​സ് ലൂ​യി​സ് ഈ​റ​യി​ൽ, മ​ൺ​മ​റ​ഞ്ഞ ഒ​ളി​ന്പ്യ​ൻ അ​ത്‌​ല​റ്റ് സു​രേ​ഷ് ബാ​ബു, വ്യ​വ​സാ​യ പ്ര​മു​ഖ​ൻ ജോ​ർ​ജ് എം. ​അ​ല​ക്സാ​ണ്ട​ർ മു​ത്തൂ​റ്റ്, പ്ര​മു​ഖ അ​ഭി​നേ​താ​വും എം​എ​ൽ​എ​യു​മാ​യ മു​കേ​ഷ്, പ്ര​മു​ഖ കാ​ഥി​ക​ൻ ഡോ. ​വ​സ​ന്ത കു​മാ​ർ സാംബശി​വ​ൻ, ദ്രോ​ണാ​ചാ​ര്യ ച​ന്ദ്ര​ലാ​ൽ തു​ട​ങ്ങി ജീ​വി​ത​ത്തി​ന്‍റെ നാ​നാ​തു​റ​ക​ളി​ൽ പ്ര​ശോ​ഭി​ക്കു​ന്ന​വ​രു​ടെ പ​ട്ടി​ക നീ​ളു​ന്നു.

ജാ​തി​മ​ത ഭേ​ദ​മെ​ന്യേ സ​മൂ​ഹ​ത്തി​ലെ എ​ല്ലാ തു​റ​ക​ളി​ലും പെ​ട്ട​വ​ർ​ക്ക് സ​ർ​വ്വ സ്വാ​ത​ന്ത്ര്യ​ത്തോ​ടെ ഗു​ണ​മേ​ന്മ​യു​ള്ള വി​ദ്യാ​ഭ്യാ​സം ല​ഭ്യ​മാ​ക്കാ​ൻ സ്കൂ​ൾ ഇ​ന്നും പ്ര​തി​ജ്ഞാ​ബ​ദ്ധ​മാ​ണെ​ന്ന് പ്രി​ൻ​സി​പ്പ​ൽ റ​വ. ഡോ. ​സി​ൽ​വി ആ​ന്‍റ​ണി വ്യ​ക്ത​മാ​ക്കി.