പീഡന കേസിൽ ഒളിവില് പോയ പ്രതി പിടിയില്
1447000
Friday, August 23, 2024 6:53 AM IST
അഞ്ചല്: എട്ടുവയസ് പ്രായമുള്ള പെണ്കുട്ടിയെ പീഡിപ്പിച്ച കേസില് ഒളിവില് പോയ പ്രതി പിടിയില്. അലയമണ് ആനക്കുളം മെത്രാന്തോട്ടത്തില് പ്ലാവിള വീട്ടില് ഷൈജു (38) ആണ് പിടിയിലായത്. 2019 സെപ്റ്റംബറിലാണ് സംഭവം. പ്രതിയുടെ വീട്ടുമുറ്റത്ത് കളിക്കാനെത്തിയ പെണ്കുട്ടിയെ പീഡിപ്പിച്ചതായാണ് കേസ്.
പോലീസ് കേസേടുത്തതോടെ ഷൈജു ഒളിവില് പോയി. കല്ലറയ്ക്ക് സമീപം പാങ്ങോട് ഒളിവില് കഴിയുകയായിരുന്നു. കഴിഞ്ഞ മാസം ഷൈജുവിന്റെ ബന്ധുക്കളില് ഒരാള്ക്ക് വന്ന ഫോണ് കാള് പിന്തുടര്ന്ന അഞ്ചല് പോലീസ് ഷൈജുവിനെ പാങ്ങോട് നിന്ന് കണ്ടെത്തുകയായിരുന്നു.
അഞ്ചല് സര്ക്കിള് ഇന്സ്പെക്ടര് ഹരീഷ്, സീനിയര് സിവില് പോലീസ് ഓഫീസര്മാരായ വിനോദ് കുമാര്, സന്തോഷ് ചെട്ടിയാര്, സിവില് പോലീസ് ഓഫീസര് സംഗീത് എന്നിവരടങ്ങുന്ന സംഘമാണ് പ്രതിയെ പിടികൂടിയത്.