ക്രഷറിൽ നിന്ന് ബാറ്ററികൾ കവർന്നവർ അറസ്റ്റിൽ
1446996
Friday, August 23, 2024 6:41 AM IST
കൊട്ടാരക്കര: വാളകത്തിനു സമീപമുള്ള സ്വകാര്യ ക്രഷർ യൂണിറ്റിൽ നിന്നും വാഹനങ്ങളിലെ ബാറ്ററികൾ മോഷ്ടിച്ച കേസിൽ രണ്ടു പേർ അറസ്റ്റിൽ.
ഇളമാട് തേവന്നൂർ കവലപ്പച്ച കൈപ്പടക്കുന്നിൽ പ്ലാവിള വീട്ടിൽ ആരോമൽ(21), തേവന്നൂർ അമ്പലംമുക്ക് വിജയ് വിലാസം വീട്ടിൽ വിജയ് പ്രദീപ്(19) എന്നിവരെയാണ് കൊട്ടാരക്കര പോലീസ് അറസ്റ്റ് ചെയ്തത്.
കഴിഞ്ഞ ഏപ്രിൽ 30-നാണ് ക്രഷർ യൂണിറ്റിലെ രണ്ട് ടിപ്പർ ലോറികളിൽ നിന്നായി നാല് ബാറ്ററികളും ജനറേറ്റിലെ ഒരു ബാറ്ററിയും ജാക്ക് ഹാമറിലെ ഒരു ബാറ്ററിയും ഉൾപ്പടെ ആറ് ബാറ്ററികളും ഹിറ്റാച്ചിയുടെ വിൻ ബുഷ് കണക്ഷൻ റാഡും കവർന്നത്.
സിസിടി വി ദൃശ്യങ്ങളിൽ നിന്നാണ് പ്രതികളെ തിരിച്ചറിഞ്ഞത്. കൊട്ടാരക്കര എസ്എച്ച് ഒ യുടെ നേതൃത്വത്തിലായിരുന്നു അന്വേഷണം. പ്രതികളെ കൊട്ടാരക്കര കോടതിയിൽ ഹാജരാക്കി റിമാന്റുചെയ്തു.