വ​ന്യ​മൃ​ഗ​ങ്ങ​ളെ പ്ര​തി​രോ​ധി​ക്കാ​ൻ കേ​ന്ദ്ര​ സ​ഹാ​യ​ത്തോ​ടെ സൗ​രോ​ർ​ജ​ വേ​ലി
Monday, June 17, 2024 12:58 AM IST
കാ​സ​ർ​ഗോ​ഡ്: വ​ന്യ​ജീ​വി​ശ​ല്യം പ്ര​തി​രോ​ധി​ക്കാ​ൻ കേ​ന്ദ്ര​സ​ർ​ക്കാ​രി​ന്‍റെ സ​ഹാ​യ​ത്തോ​ടെ സം​സ്ഥാ​ന​ത്തെ 12 ജി​ല്ല​ക​ളി​ൽ സൗ​രോ​ർ​ജ​വേ​ലി​ക​ൾ നി​ർ​മി​ക്കാ​ൻ പ​ദ്ധ​തി ത​യ്യാ​റാ​യി. രാ​ഷ്‌​ട്രീ​യ കൃ​ഷി​വി​കാ​സ് യോ​ജ​ന​യി​ൽ ഉ​ൾ​പ്പെ​ടു​ത്തി 25 കോ​ടി രൂ​പ​യാ​ണ് കേ​ന്ദ്രം പ​ദ്ധ​തി​ക്ക് അ​നു​വ​ദി​ച്ചി​ട്ടു​ള്ള​ത്. ഈ ​തു​ക ആ​ല​പ്പു​ഴ​യും പ​ത്ത​നം​തി​ട്ട​യും ഒ​ഴി​കെ സം​സ്ഥാ​ന​ത്തെ 12 ജി​ല്ല​ക​ൾ​ക്കാ​യി വീ​തി​ച്ചു​ന​ല്കും. ആ​ല​പ്പു​ഴ​യി​ൽ വ​ന​മേ​ഖ​ല​ക​ളി​ല്ല. കൂ​ടു​ത​ൽ വ​ന​മേ​ഖ​ല​ക​ളു​ള്ള പ​ത്ത​നം​തി​ട്ട ജി​ല്ല​യി​ൽ പ്ര​ത്യേ​ക പ​ദ്ധ​തി ന​ട​പ്പാ​ക്കു​മെ​ന്നാ​ണ് സൂ​ച​ന.

സൗ​രോ​ർ​ജ​വേ​ലി​യു​ടെ രൂ​പ​രേ​ഖ ത​യ്യാ​റാ​ക്കി ന​ല്കി​യ ആ​റ് ജി​ല്ല​ക​ൾ​ക്ക് ഇ​തി​ന​കം ത​ന്നെ തു​ക അ​നു​വ​ദി​ച്ച് പ​ദ്ധ​തി​യു​ടെ പ്രാ​രം​ഭ പ്ര​വ​ർ​ത്ത​ന​ങ്ങ​ൾ തു​ട​ങ്ങി​യി​ട്ടു​ണ്ട്. ക​ണ്ണൂ​ർ (2.18 കോ​ടി), വ​യ​നാ​ട് (3.88 കോ​ടി), കോ​ഴി​ക്കോ​ട് (1.25 കോ​ടി), ഇ​ടു​ക്കി (2.2 കോ​ടി), കോ​ട്ട​യം (1.9 കോ​ടി), കൊ​ല്ലം (1.89 കോ​ടി) എ​ന്നി​ങ്ങ​നെ​യാ​ണ് ഇ​തി​ന​കം തു​ക അ​നു​വ​ദി​ച്ച​ത്. ഓ​രോ ജി​ല്ല​യി​ലെ​യും എ​വി​ടെ​യൊ​ക്കെ​യാ​ണ് സൗ​രോ​ർ​ജ​വേ​ലി വേ​ണ്ട​തെ​ന്നും എ​ത്ര കി​ലോ​മീ​റ്റ​ർ ദൂ​ര​ത്തി​ലാ​ണ് ആ​വ​ശ്യ​മു​ള്ള​തെ​ന്നും നി​ശ്ച​യി​ച്ച് രൂ​പ​രേ​ഖ ത​യ്യാ​റാ​ക്കി സ​മ​ർ​പ്പി​ക്കു​ന്ന​തി​നു​ള്ള ചു​മ​ത​ല പ്രി​ൻ​സി​പ്പ​ൽ കൃ​ഷി ഓ​ഫീ​സ​ർ​മാ​ർ​ക്കാ​ണ്. ഇ​തി​നാ​യി ക​ർ​ഷ​ക​രു​ടെ​യും ത​ദ്ദേ​ശ​സ്ഥാ​പ​ന​ങ്ങ​ളു​ടെ​യും അ​ഭി​പ്രാ​യ​ങ്ങ​ൾ പ​രി​ഗ​ണി​ക്കും. നി​ല​വി​ൽ സൗ​രോ​ർ​ജ​വേ​ലി നി​ർ​മി​ച്ചി​ട്ടു​ള്ള സ്ഥ​ല​ങ്ങ​ൾ പ​ദ്ധ​തി​യി​ൽ ഉ​ൾ​പ്പെ​ടു​ത്തി​ല്ല. എ​ന്നാ​ൽ അ​തി​ന് അ​നു​ബ​ന്ധ​മാ​യി കൂ​ടു​ത​ൽ ഭാ​ഗ​ങ്ങ​ളി​ൽ വേ​ലി ആ​വ​ശ്യ​മാ​ണെ​ങ്കി​ൽ പ​രി​ഗ​ണി​ക്കും.

പ​ദ്ധ​തി​ച്ചെ​ല​വി​ന്‍റെ 60 ശ​ത​മാ​നം കേ​ന്ദ്ര​വി​ഹി​ത​ത്തി​ൽ നി​ന്നും 40 ശ​ത​മാ​നം സം​സ്ഥാ​ന വി​ഹി​ത​മാ​യും ല​ഭ്യ​മാ​ക്കും. കേ​ന്ദ്ര​ത്തി​ൽ നി​ന്നു​ള്ള ഫ​ണ്ട് ക​ഴി​ഞ്ഞ മാ​ർ​ച്ചി​ൽ​ത​ന്നെ ല​ഭി​ച്ചെ​ങ്കി​ലും തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം വ​ന്ന​തി​നാ​ലാ​ണ് ന​ട​പ​ടി​ക്ര​മ​ങ്ങ​ൾ വൈ​കി​യ​ത്. അ​വ​ശേ​ഷി​ക്കു​ന്ന ആ​റ് ജി​ല്ല​ക​ളി​ലും സൗ​രോ​ർ​ജ​വേ​ലി​യു​ടെ രൂ​പ​രേ​ഖ ത​യ്യാ​റാ​ക്കി​ന​ല്കു​ന്ന മു​റ​യ്ക്ക് തു​ക അ​നു​വ​ദി​ച്ച് ഈ ​വ​ർ​ഷം ത​ന്നെ നി​ർ​മാ​ണ​പ്ര​വ​ർ​ത്ത​നം തു​ട​ങ്ങാ​നാ​ണ് ധാ​ര​ണ.

Copyright @ 2022 , Rashtra Deepika Ltd.