വെ​യി​ലാ​യാ​ലും മ​ഴ​യാ​യാ​ലും അ​ടു​ക്ക​ള​യി​ൽ തീ​വി​ല​ക്കാ​ലം
Wednesday, May 22, 2024 1:48 AM IST
കാ​സ​ർ​ഗോ​ഡ്: വേ​ന​ലാ​യാ​ലും മ​ഴ​യാ​യാ​ലു​മൊ​ന്നും പ​ച്ച​ക്ക​റി വി​ല​യെ അ​ത് ബാ​ധി​ക്കി​ല്ലെ​ന്ന അ​വ​സ്ഥ​യാ​ണി​പ്പോ​ൾ. പാ​വ​യ്ക്ക​യു​ടെ​യും അ​ച്ചി​ങ്ങാ​പ്പ​യ​റി​ന്‍റെ​യു​മൊ​ക്കെ വി​ല മൂ​ന്ന​ക്കം തൊ​ട്ടി​ട്ട് നാ​ളു​ക​ളേ​റെ​യാ​യി. ബീ​ൻ​സാ​ണെ​ങ്കി​ൽ അ​തു​ക്കും​മേ​ലെ 160 ലെ​ത്തി. ചേ​ന​യും ചേ​മ്പും പ​ച്ച​മു​ള​കും നൂ​റി​നോ​ട​ടു​ക്കു​ന്നു. വെ​ണ്ട​യും കോ​വ​യ്ക്ക​യും പീ​ച്ചി​ലു​മെ​ല്ലാം അ​മ്പ​ത് ക​ട​ന്നു.

ത​ക്കാ​ളി​യും ഉ​രു​ള​ക്കി​ഴ​ങ്ങും വ​ഴു​ത​ന​യും കാ​ബേ​ജും മു​പ്പ​തി​നും നാ​ല്പ​തി​നു​മി​ട​യി​ൽ അ​ല്പം ആ​ശ്വാ​സ​മാ​യി നി​ല്ക്കു​ന്നു. അ​തി​ലും താ​ഴെ നി​ല്ക്കു​ന്ന​ത് വെ​ള്ള​രി​യും കു​മ്പ​ള​ങ്ങ‍​യും മാ​ത്രം.
ഇ​ത്ര​യും വി​ല​കൊ​ടു​ത്ത് പ​ച്ച​ക്ക​റി വാ​ങ്ങു​ന്ന​തി​നേ​ക്കാ​ൾ ഭേ​ദം ചി​ക്ക​നാ​ണെ​ന്ന് ക​രു​തി​യാ​ൽ, അ​തി​ന്‍റെ​യും വി​ല ഇ​രു​നൂ​റി​നോ​ട​ടു​ക്കു​ക​യാ​ണ്. ചി​ല്ല​റ വി​പ​ണി​യി​ൽ കി​ലോ 180 രൂ​പ​യി​ൽ കു​റ​ഞ്ഞ് ചി​ക്ക​ൻ കി​ട്ടാ​നേ​യി​ല്ല. മ​ത്സ്യ​മാ​ർ​ക്ക​റ്റി​ൽ പോ‍​യാ​ൽ ഇ​രു​നൂ​റും മു​ന്നൂ​റും ക​ട​ന്നു​ള്ള ക​ണ​ക്കു​ക​ൾ മാ​ത്ര​മേ കേ​ൾ​ക്കാ​നു​ള്ളൂ.

ചി​ക്ക​ന്‍റെ കാ​ര്യ​ത്തി​ൽ ക​ടു​ത്ത ചൂ​ടി​ൽ കോ​ഴി​ക​ൾ ച​ത്തൊ​ടു​ങ്ങു​ന്ന അ​വ​സ്ഥ​യു​ണ്ടാ​യ​പ്പോ​ൾ ത​മി​ഴ്നാ​ട്ടി​ലെ ചെ​റു​കി​ട ഫാ​മു​ക​ളെ​ല്ലാം ത​ത്കാ​ലം അ​ട​ച്ചു​പൂ​ട്ടി​യ​തു മൂ​ല​മു​ണ്ടാ​യ ക്ഷാ​മ​മാ​ണ് വി​ല​ക്ക​യ​റ്റ​ത്തി​ന് കാ​ര​ണ​മാ​യി പ​റ​യു​ന്ന​ത്. ഇ​നി അ​വ​യെ​ല്ലാം വീ​ണ്ടും തു​റ​ന്ന് ഉ​ല്പാ​ദ​നം തു​ട​ങ്ങി​യാ​ൽ വി​ല അ​ല്പ​മെ​ങ്കി​ലും കു​റ​യു​മെ​ന്നാ​ണ് പ്ര​തീ​ക്ഷ. മ​ത്സ്യ​ത്തി​ന്‍റെ കാ​ര്യ​ത്തി​ൽ കാ​ലാ​വ​സ്ഥാ​മാ​റ്റം മൂ​ലം മീ​നു​ക​ളു​ടെ ല​ഭ്യ​ത കു​റ​ഞ്ഞ​താ​ണ് പ്ര​ശ്നം. ഇ​നി വ​രാ​ൻ പോ​കു​ന്ന​ത് ട്രോ​ളിം​ഗ് നി​രോ​ധ​ന​ക്കാ​ല​മാ​യ​തു​കൊ​ണ്ട് ക്ഷാ​മം കൂ​ടാ​നാ​ണ് സാ​ധ്യ​ത.

പ​ക്ഷേ ഇ​ത​ര​സം​സ്ഥാ​ന​ങ്ങ​ളി​ൽ നി​ന്നെ​ത്തു​ന്ന പ​ച്ച​ക്ക​റി​ക​ളു​ടെ കാ​ര്യ​ത്തി​ൽ ഉ​ല്പാ​ദ​നം കൂ​ടി​യാ​ലും കു​റ​ഞ്ഞാ​ലും ഇ​ട​നി​ല​ക്കാ​ർ കൃ​ത്രി​മ​ക്ഷാ​മം സൃ​ഷ്ടി​ച്ച് വി​ല കൂ​ട്ടു​ക​യാ​ണെ​ന്ന പ​രാ​തി വ്യാ​പാ​രി​ക​ൾ ത​ന്നെ ഉ​ന്ന​യി​ക്കു​ന്നു​ണ്ട്. നാ​ട​ൻ പ​ച്ച​ക്ക​റി​ക​ൾ വി​പ​ണി​യി​ലെ​ത്തു​ന്ന സ​മ​യ​ത്ത് പെ​ട്ടെ​ന്നു​ത​ന്നെ വി​ല താ​ഴു​ന്ന​തും അ​വ​ർ ചൂ​ണ്ടി​ക്കാ​ണി​ക്കു​ന്നു.