ഈ ​ത​ട​യ​ണ​ക​ൾ കൊ​ണ്ട് എ​ന്തു പ്ര​യോ​ജ​നം..?
Saturday, May 18, 2024 12:45 AM IST
ഒ​ട​യം​ചാ​ൽ: വേ​ന​ൽ​ക്കാ​ലം തീ​രാ​റാ​കു​മ്പോ​ഴും മ​ല​യോ​ര പ​ഞ്ചാ​യ​ത്തു​ക​ളി​ലെ തോ​ടു​ക​ളി​ലും നീ​ർ​ച്ചാ​ലു​ക​ളി​ലും തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി ത​ട​യ​ണ​ക​ൾ നി​ർ​മി​ക്കു​ന്ന​തി​ന്‍റെ തി​ര​ക്ക് തീ​ർ​ന്നി​ട്ടി​ല്ല.

പ​ര​മാ​വ​ധി വെ​ള്ളം സം​ഭ​രി​ച്ചു​നി​ർ​ത്തി അ​ത​ത് പ്ര​ദേ​ശ​ങ്ങ​ളി​ലെ ജ​ല​ക്ഷാ​മം പ​രി​ഹ​രി​ക്കു​ക​യും പ​ര​മാ​വ​ധി വെ​ള്ളം ഭൂ​മി​യി​ലേ​ക്കി​റ​ക്കി ഭൂ​ഗ​ർ​ഭ ജ​ല​വി​താ​നം ഉ​യ​ർ​ത്തു​ക​യു​മൊ​ക്കെ​യാ​ണ് ല​ക്ഷ്യ​മെ​ന്നു പ​റ​യു​മ്പോ​ഴും വെ​ള്ളം വ​റ്റി വ​ര​ണ്ടു​കി​ട​ക്കു​ന്ന തോ​ടു​ക​ളി​ൽ പോ​ലും ത​ട​യ​ണ​ക​ൾ നി​ർ​മി​ച്ചി​ട്ടു​ണ്ട്.

ശാ​സ്ത്രീ​യ​മാ​യി നി​ർ​മി​ക്കു​ന്ന ചെ​ക്ക് ഡാ​മു​ക​ളാ​ണെ​ങ്കി​ൽ മ​ഴ​ക്കാ​ല​ത്ത് ഇ​വ​യി​ൽ വെ​ള്ളം നി​റ​യു​മ്പോ​ൾ പ​ല​ക​ക​ളോ ഷ​ട്ട​റു​ക​ളോ തു​റ​ന്ന് അ​ധി​ക​ജ​ലം ഒ​ഴു​ക്കി​ക്ക​ള​യാ​ൻ ക​ഴി​യും. എ​ന്നാ​ൽ ക​ല്ലു​ക​ളും മ​ണ്ണും മാ​ത്രം കൊ​ണ്ട് നി​ർ​മി​ച്ച ക​യ്യാ​ല​ക​ളു​ടെ രൂ​പ​ത്തി​ലു​ള്ള ഈ ​ത​ട​യ​ണ​ക​ളി​ലേ​റെ​യും ആ​ഴ്ച​ക​ൾ​ക്കു​ള്ളി​ൽ​ത​ന്നെ മ​ല​വെ​ള്ള​പ്പാ​ച്ചി​ലി​നൊ​പ്പം ത​ക​ർ​ന്ന​ടി​യാ​നാ​ണ് സാ​ധ്യ​ത.

ത​ക​ർ​ന്നി​ല്ലെ​ങ്കി​ൽ വെ​ള്ള​ത്തോ​ടൊ​പ്പം ഒ​ഴു​കി​വ​രു​ന്ന ത​ടി​ക്ക​ഷ്ണ​ങ്ങ​ളും മാ​ലി​ന്യ​വു​മെ​ല്ലാം ഇ​തി​ൽ അ​ടി​ഞ്ഞ് തോ​ടു​ക​ൾ ക​ര​ക​വി​യാ​നും സ​മീ​പ​പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ലാ​കാ​നും ഇ​ട​യാ​കും. അ​ങ്ങ​നെ​യാ​യാ​ൽ ഇ​വ പൊ​ട്ടി​ച്ച് വെ​ള്ളം ഒ​ഴു​ക്കി​വി​ടു​ക​യ​ല്ലാ​തെ മ​റ്റു വ​ഴി​യു​ണ്ടാ​കി​ല്ല.

ഇ​വ​യു​ടെ ക​ല്ലും മ​ണ്ണു​മെ​ല്ലാം അ​ടി​ഞ്ഞ് തോ​ടു​ക​ളു​ടെ ആ​ഴ​വും ജ​ല​സം​ഭ​ര​ണ​ശേ​ഷി കു​റ​യാ​നും ഇ​ട​യാ​കും. വേ​ന​ലി​ന്‍റെ തു​ട​ക്ക​ത്തി​ലാ​ണ് ഇ​ത്ത​രം ചെ​റു ത​ട​യ​ണ​ക​ൾ നി​ർ​മി​ച്ചി​രു​ന്ന​തെ​ങ്കി​ൽ സ്ഥി​രം ചെ​ക്ക് ഡാ​മു​ക​ളി​ൽ പ​ല​ക​യി​ടു​മ്പോ​ൾ ന​ട​ക്കു​ന്ന​തു​പോ​ലെ തോ​ടു​ക​ളി​ലെ വെ​ള്ളം പി​ടി​ച്ചു​നി​ർ​ത്തു​ന്ന​തി​നും സ​മീ​പ​പ്ര​ദേ​ശ​ങ്ങ​ളി​ലെ ജ​ല​വി​താ​നം ഉ​യ​ർ​ത്തു​ന്ന​തി​നും സ​ഹാ​യ​ക​മാ​കു​മാ​യി​രു​ന്നു​വെ​ന്ന് ക​ർ​ഷ​ക​ർ ചൂ​ണ്ടി​ക്കാ​ട്ടു​ന്നു. ഇ​ത് ഇ​പ്പോ​ൾ കാ​ലം തെ​റ്റി ന​ട​പ്പാ​ക്കു​ന്ന​തു​കൊ​ണ്ട് ഒ​രു പ്ര​യോ​ജ​ന​വും കി​ട്ടാ​ത്ത അ​വ​സ്ഥ​യാ​ണ്. തൊ​ഴി​ലു​റ​പ്പ് പ​ദ്ധ​തി​യു​ടെ ഭാ​ഗ​മാ​യ​തു​കൊ​ണ്ട് എ​ണ്ണം തി​ക​യ്ക്കാ​നെ​ന്നോ​ണം അ​ടു​ത്ത​ടു​ത്താ​യാ​ണ് പ​ല​യി​ട​ങ്ങ​ളി​ലും ത​ട​യ​ണ​ക​ൾ നി​ർ​മി​ച്ചി​ട്ടു​ള്ള​ത്.

ഒ​രു തോ​ട്ടി​ൽ നി​ർ​മി​ക്കു​ന്ന ത​ട​യ​ണ​ക​ൾ ത​മ്മി​ൽ പാ​ലി​ക്ക​പ്പെ​ടേ​ണ്ട നി​ശ്ചി​ത അ​ക​ലം പോ​ലും പാ​ലി​ച്ചി​ട്ടി​ല്ല. വേ​ന​ൽ​മ​ഴ പെ​യ്തു​തു​ട​ങ്ങി​യ​തോ​ടെ കൃ​ഷി​ക്ക് നി​ല​മൊ​രു​ക്കു​ന്ന​തി​നും തെ​ങ്ങി​ന്‍റെ​യും ക​മു​കി​ന്‍റെ​യും മ​റ്റും ത​ട​ങ്ങ​ൾ തു​റ​ന്ന് പ​ര​മാ​വ​ധി വെ​ള്ളം മ​ണ്ണി​ലേ​ക്കി​റ​ക്കു​ന്ന​തി​നു​മൊ​ക്കെ തൊ​ഴി​ലു​റ​പ്പ് പ​ദ്ധ​തി​യി​ലെ മ​നു​ഷ്യാ​ധ്വാ​നം പ്ര​യോ​ജ​ന​പ്പെ​ടു​ത്താ​വു​ന്ന സ​മ​യ​മാ​ണ്.
പ​ക്ഷേ ഇ​നി അ​തി​നു​വേ​ണ്ടി പ​ഞ്ചാ​യ​ത്തു​ക​ളി​ൽ പ​ദ്ധ​തി ത​യ്യാ​റാ​ക്കി ജി​ല്ലാ​ത​ല​ത്തി​ൽ അ​നു​മ​തി ല​ഭി​ക്കു​മ്പോ​ഴേ​ക്കും മ​ഴ​ക്കാ​ലം ഏ​താ​ണ്ട് ക​ഴി​യാ​റാ​കും.