നാടെങ്ങും വി​ഷു​ത്തി​ര​ക്ക്
Saturday, April 13, 2024 1:15 AM IST
കാ​ഞ്ഞ​ങ്ങാ​ട്: ഒ​ന്നി​നു പി​റ​കേ ഒ​ന്നാ​യി വ​ന്ന ഉ​ത്സ​വ​ക്കാ​ലം വി​പ​ണി​യെ ആ​ല​സ്യ​ത്തി​ൽ നി​ന്നു​ണ​ർ​ത്തി. ഗൃ​ഹോ​പ​ക​ര​ണ​ങ്ങ​ളും തു​ണി​ത്ത​ര​ങ്ങ​ളും മു​ത​ൽ ച​ക്ക​യും ക​ണി​ക്കൊ​ന്ന​യും പ​ല​ഹാ​ര​ങ്ങ​ളും വ​രെ വി​പ​ണി​യി​ൽ സ​ജീ​വ​മാ​യി. ക​ട​ക​ൾ​ക്കൊ​പ്പം പാ​ത​യോ​ര​ത്തെ ചി​ല്ല​റ​വി​ല്പ​ന​കേ​ന്ദ്ര​ങ്ങ​ളി​ലും ന​ല്ല തി​ര​ക്കു​ണ്ട്. അ​തേ സ​മ​യം വ​ഴി​യോ​ര​ത്തെ അ​ന​ധി​കൃ​ത ക​ച്ച​വ​ട​ത്തി​നെ​തി​രെ പ​ല​യി​ട​ത്തും വ്യാ​പാ​രി​ക​ൾ പ്ര​തി​ഷേ​ധി​ക്കു​ന്നു​മു​ണ്ട്.

ന​ഗ​ര​മെ​ന്നോ ഗ്രാ​മ​മെ​ന്നോ ഭേ​ദ​മി​ല്ലാ​തെ ചൂ​ട് സ​ർ​വ​കാ​ല റി​ക്കാ​ർ​ഡി​ലെ​ത്തി നി​ല്ക്കു​മ്പോ​ൾ എ​സി​യാ​ണ് ഗൃ​ഹോ​പ​ക​ര​ണ വി​പ​ണി​യി​ലെ താ​ര​മാ​കു​ന്ന​ത്. ചൂ‌ിനെ അകറ്റാൻ എസി സാ​ധാ​ര​ണ​ക്കാ​രു​ടെ​യും ആ​വ​ശ്യ​മാ​യി മാ​റി​യ​തോ​ടെ വി​ല​ക്കി​ഴി​വും ഇ​എം​ഐ​യു​മ​ട​ക്ക​മു​ള്ള ഓ​ഫ​റു​ക​ളു​മാ​യി ക​മ്പ​നി​ക​ളും വി​ല്പ​ന​ശാ​ല​ക​ളും ക​ളം​നി​റ​യ്ക്കു​ന്നു​ണ്ട്.

പ്ര​ധാ​ന ന​ഗ​ര​ങ്ങ​ൾ​ക്കൊ​പ്പം ചെ​റു​കി​ട ടൗ​ണു​ക​ളി​ലും ക​മ്പ​നി ഉ​ത്പ​ന്ന​ങ്ങ​ളും പു​തി​യ ഫാ​ഷ​ൻ ട്രെ​ൻ​ഡു​ക​ളു​മെ​ല്ലാം വ​രാ​ൻ തു​ട​ങ്ങി​യ​തോ​ടെ വി​ല്പ​ന​യു​ടെ കാ​ര്യ​ത്തി​ലും നേ​ട്ട​മു​ണ്ടാ​യി​ട്ടു​ണ്ട്. .
ഈ​സ്റ്റ​റി​നും പെ​രു​ന്നാ​ളി​നും സ​ജീ​വ​മാ​യി​രു​ന്ന പ​ല​ഹാ​ര വി​പ​ണി​യി​ൽ വി​ഷു​ക്കാ​ല​ത്തും തി​ര​ക്കേ​റു​ന്നു​ണ്ട്. സ്വ​ന്ത​മാ​യി ഭ​ക്ഷ​ണം ത​യ്യാ​റാ​ക്കാ​ൻ നേ​രം കി​ട്ടാ​ത്ത അ​ണു​കു​ടും​ബ​ങ്ങ​ളാ​ണ് ഉ​പ​ഭോ​ക്താ​ക്ക​ളി​ലേ​റെ​യും. മു​ൻ​കാ​ല​ങ്ങ​ളി​ൽ ഓ​ണ​ത്തി​നും ക്രി​സ്മ​സി​നും വി​ഷു​വി​നു​മെ​ല്ലാം ഒ​ഴി​ച്ചു​കൂ​ടാ​നാ​കാ​ത്ത ഘ​ട​ക​മാ​യി​രു​ന്ന സ​പ്ലൈ​കോ ച​ന്ത​ക​ളു​ടെ കാ​ര്യ​ത്തി​ൽ ഇ​പ്പോ​ൾ എ​ല്ലാ​വ​രും പ്ര​തീ​ക്ഷ കൈ​വി​ട്ട​തി​നാ​ൽ അ​രി​ക്കും നി​ത്യോ​പ​യോ​ഗ സാ​ധ​ന​ങ്ങ​ൾ​ക്കു​മെ​ല്ലാം പൊ​തു​വി​പ​ണി​യേ​യും സൂ​പ്പ​ർ​മാ​ർ​ക്ക​റ്റു​ക​ളേ​യു​മാ​ണ് ഏ​റെ​യും ആ​ശ്ര​യി​ക്കു​ന്ന​ത്.

ക​ൺ​സ്യൂ​മ​ർ ഫെ​ഡ് വി​ഷു​ച്ച​ന്ത​ക​ൾ തു​ട​ങ്ങു​മെ​ന്ന് പ്ര​ഖ്യാ​പ​നം ന​ട​ത്തി​യി​രു​ന്നെ​ങ്കി​ലും അ​വ​സാ​ന​നി​മി​ഷ​ത്തി​ലും എ​വി​ടെ​യു​മെ​ത്തി​യി​ട്ടി​ല്ല. ഇ​ട​ക്കാ​ല​ത്ത് കു​ത്ത​നെ ഉ​യ​ർ​ന്ന പ​ച്ച​ക്ക​റി വി​ല ഇ​പ്പോ​ൾ ഇ​ട​നി​ല​യി​ൽ നി​ല്ക്കു​ന്ന​തും തെ​ല്ലൊ​രാ​ശ്വാ​സ​മാ​യി​ട്ടു​ണ്ട്.

വേ​ന​ൽ​ക്കാ​ല പ​ച്ച​ക്ക​റി കൃ​ഷി​യി​ലു​ണ്ടാ​യ ഉ​ല്പാ​ദ​ന​ക്കു​റ​വും മു​ൻ​കാ​ല​ങ്ങ​ളി​ൽ വി​ല​യി​ടി​വ് മൂ​ല​മു​ണ്ടാ​യ മാ​ന്ദ്യ​വും വി​പ​ണി​യി​ൽ നാ​ട​ൻ പ​ച്ച​ക്ക​റി​ക​ളു​ടെ വ​ര​വി​നെ​ബാ​ധി​ച്ചി​ട്ടു​ണ്ട്. മു​ൻ​കാ​ല​ങ്ങ​ളി​ൽ ജ​ന​പ്രി​യ​മാ​യി​രു​ന്ന കു​ടും​ബ​ശ്രീ ച​ന്ത​ക​ളി​ൽ വി​ല​ക്കൂ​ടു​ത​ലും മ​റ്റു പ്ര​ശ്ന​ങ്ങ​ളും മൂ​ലം ഇ​പ്പോ​ൾ തി​ര​ക്ക് കു​റ​ഞ്ഞു.അ​തേ​സ​മ​യം വി​എ​ഫ്പി​സി​കെ​യും ഹ​രി​ത​യു​മ​ട​ക്ക​മു​ള്ള നാ​ട​ൻ പ​ച്ച​ക്ക​റി സ്റ്റാ​ളു​ക​ളി​ൽ സാ​മാ​ന്യം തി​ര​ക്കു​ണ്ട്. ശ്രീ​കൃ​ഷ്ണ വി​ഗ്ര​ഹ​ങ്ങ​ളും ച​ക്ക​യും ക​ണി​ക്കൊ​ന്ന​യും ക​ണി​ക്ക​ല​ങ്ങ​ളു​മെ​ല്ലാം പാ​ത​യോ​ര​ങ്ങ​ളി​ൽ നി​റ​ഞ്ഞ​ിരിക്കുകയാണ്.

Copyright @ 2022 , Rashtra Deepika Ltd.