കാ​സ​ർ​ഗോ​ഡ്: സ്കൂ​ളു​ക​ളു​ടെ ചു​വ​രു​ക​ളൊ​ന്നും ഇ​പ്പോ​ൾ പ​ഴ​യ​തു​പോ​ലെ വെ​ള്ള​യും ക​റു​പ്പും നി​റ​ങ്ങ​ൾ മാ​ത്രം പൂ​ശി​യ​ത​ല്ല. മ​റി​ച്ച് കു​ട്ടി​ക​ളു​ടെ അ​ഭി​രു​ചി​ക്ക​നു​സ​രി​ച്ച് കാ​ർ​ട്ടൂ​ൺ ക​ഥാ​പാ​ത്ര​ങ്ങ​ളു​ടെ​യും മൃ​ഗ​ങ്ങ​ളു​ടെ​യും പ​ക്ഷി​ക​ളു​ടെ​യും ച​രി​ത്ര​നാ​യ​ക​ന്മാ​രു​ടെ​യു​മെ​ല്ലാം ചി​ത്ര​ങ്ങ​ളും വി​വി​ധ നി​റ​ങ്ങ​ളും കൊ​ണ്ട് നി​റ​ഞ്ഞ​വ​യാ​ണ്.

എ​ന്നാ​ൽ, തെ​ര​ഞ്ഞെ​ടു​പ്പി​ന്‍റെ രീ​തി​ക​ളെ​ല്ലാം ഒ​രു​പാ​ട് മാ​റി​യെ​ങ്കി​ലും പോ​ളിം​ഗ് ബൂ​ത്തു​ക​ളി​ൽ ബൂ​ത്ത് ന​മ്പ​റും വോ​ട്ട​ർ​മാ​ർ​ക്കു​ള്ള നി​ർ​ദേ​ശ​ങ്ങ​ളും സ്ഥാ​നാ​ർ​ഥി​ക​ളു​ടെ പേ​രു​മെ​ല്ലാം വ​ലു​താ​യി എ​ഴു​തി​യും അ​ച്ച​ടി​ച്ചും ചു​വ​രി​ൽ ഒ​ട്ടി​ച്ചു​വ​യ്ക്കു​ന്ന സ​മ്പ്ര​ദാ​യം മാ​ത്രം മാ​റി​യി​ട്ടി​ല്ല. തെ​ര​ഞ്ഞെ​ടു​പ്പി​നു വേ​ണ്ടി പോ​ളിം​ഗ് ബൂ​ത്താ​യോ തെ​ര​ഞ്ഞെ​ടു​പ്പ് സാ​മ​ഗ്രി​ക​ളു​ടെ വി​ത​ര​ണ കേ​ന്ദ്ര​മാ​യോ ഒ​ക്കെ ഒ​രു സ്കൂ​ളി​നെ ഏ​റ്റെ​ടു​ത്തു ക​ഴി​ഞ്ഞാ​ൽ പി​ന്നെ​യെ​ല്ലാം തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​രു​ടെ മാ​ത്രം നി​യ​ന്ത്ര​ണ​ത്തി​ലാ​ണ്. ചു​വ​രി​ലെ ഛോട്ടാ ​ഭീ​മി​ന്‍റെ​യും മാ​നി​ന്‍റെ​യും മു​യ​ലി​ന്‍റെ​യു​മൊ​ക്കെ മു​ക​ളി​ൽ ക​ട്ടി​യു​ള്ള പ​ശ തേ​ച്ച് പേ​പ്പ​റു​ക​ളും പോ​സ്റ്റ​റു​ക​ളു​മെ​ല്ലാം ഒ​ട്ടി​ച്ചു​വ​യ്ക്കും. തെ​ര​ഞ്ഞെ​ടു​പ്പ് ക​ഴി​യു​മ്പോ​ൾ വോ​ട്ടിം​ഗ് മെ​ഷീ​നു​ക​ളും അ​വ​ശേ​ഷി​ച്ച സാ​മ​ഗ്രി​ക​ളു​മാ​യി ക​ഴി​വ​തും വേ​ഗം പൊ​ടി​ത​ട്ടി​യ​ങ്ങ് പോ​കും. ഒ​റ്റ​ദി​വ​സം കൊ​ണ്ട് നാ​നാ​വി​ധ​മാ​യി ന​ശി​ച്ച ചു​വ​രു​ക​ൾ നോ​ക്കി നെ​ടു​വീ​ർ​പ്പി​ടാ​നാ​കും പി​ന്നെ സ്കൂ​ൾ അ​ധി​കൃ​ത​രു​ടെ​യും കു​ട്ടി​ക​ളു​ടെ​യും യോ​ഗം. ബെ​ഞ്ചും ഡ​സ്കു​മൊ​ക്കെ ഏ​താ​ണ്ട് അ​തേ അ​വ​സ്ഥ​യി​ലാ​യി​രി​ക്കും.

പി​ടി​എ​യും നാ​ട്ടു​കാ​രു​മൊ​ക്കെ ചേ​ർ​ന്ന് ല​ക്ഷ​ങ്ങ​ൾ ചെ​ല​വാ​ക്കി ന​വീ​ക​രി​ച്ച​വ​യാ​ണ് മി​ക്ക സ്കൂ​ളു​ക​ളു​ടെ​യും ചു​വ​രു​ക​ൾ. എ​ന്നാ​ൽ, തെ​ര​ഞ്ഞെ​ടു​പ്പി​ന് ഹ​രി​ത പെ​രു​മാ​റ്റ​ച്ച​ട്ടം പാ​ലി​ക്കേ​ണ്ട​തി​ന്‍റെ ആ​വ​ശ്യ​ക​ത​യെ​ക്കു​റി​ച്ചു​ള്ള പോ​സ്റ്റ​റു​ക​ൾ പ​തി​ക്കു​മ്പോ​ഴും ആ ​ചു​വ​രു​ക​ൾ വൃ​ത്തി​കേ​ടാ​കു​ന്ന​തി​നെ​ക്കു​റി​ച്ചു​ള്ള മി​നി​മം ചി​ന്ത പോ​ലും മി​ക്ക​പ്പോ​ഴും തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​രു​ടെ മ​ന​സ്സി​ലു​ണ്ടാ​കു​ന്നി​ല്ലെ​ന്നാ​ണ് ഏ​താ​ണ്ടെ​ല്ലാ സ്കൂ​ൾ അ​ധി​കൃ​ത​രു​ടെ​യും പ​രാ​തി. തെ​ര​ഞ്ഞെ​ടു​പ്പ് ക​ഴി​ഞ്ഞ് സ്കൂ​ൾ തു​റ​ക്കാ​റാ​കു​മ്പോ​ഴേ​ക്കും എ​ല്ലാം പ​ഴ​യ​പ​ടി മ​നോ​ഹ​ര​മാ​ക്കാ​ൻ വീ​ണ്ടും ല​ക്ഷ​ങ്ങ​ളു​ടെ ചെ​ല​വും അ​ധ്വാ​ന​വും വേ​ണ്ടി​വ​രും.

ക​ഴി​ഞ്ഞ പ​ഞ്ചാ​യ​ത്ത്, നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളു​ടെ സ​മ​യ​ത്ത് ഇ​ങ്ങ​നെ സ്കൂ​ൾ ചു​വ​രു​ക​ൾ പോ​സ്റ്റ​റൊ​ട്ടി​ച്ച് ന​ശി​പ്പി​ച്ച​തി​നെ​ക്കു​റി​ച്ച് സം​സ്ഥാ​ന​വ്യാ​പ​ക​മാ​യി പ​രാ​തി​ക​ൾ ഉ​യ​ർ​ന്നി​രു​ന്നു. ഇ​ത്ത​വ​ണ തെ​ര​ഞ്ഞെ​ടു​പ്പാ​കു​മ്പോ​ഴേ​ക്കും അ​തെ​ല്ലാം ഒ​ന്നു​കൂ​ടി മ​നോ​ഹ​ര​മാ​ക്കി വ​ച്ചി​ട്ടു​ണ്ട്. മ​റ്റെ​ല്ലാ കാ​ര്യ​ങ്ങ​ളി​ലും ശ്ര​ദ്ധ വ​യ്ക്കു​ന്ന ജി​ല്ലാ ക​ള​ക്ട​ർ​മാ​ര​ട​ക്ക​മു​ള്ള തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​ർ സ്കൂ​ളു​ക​ളു​ടെ ചു​വ​രു​ക​ൾ പോ​സ്റ്റ​റൊ​ട്ടി​ച്ച് വൃ​ത്തി​കേ​ടാ​ക്ക​രു​തെ​ന്ന നി​ർ​ദേ​ശം കൂ​ടി ഇ​പ്പോ​ൾ​ത​ന്നെ ബ​ന്ധ​പ്പെ​ട്ട​വ​ർ​ക്കു ന​ല്ക​ണ​മെ​ന്നാ​ണ് അ​ധ്യാ​പ​ക​രു​ടെ​യും കു​ട്ടി​ക​ളു​ടെ​യും ആ​വ​ശ്യം. അ​റി​യി​പ്പു​ക​ൾ ചു​വ​രി​ൽ ത​ന്നെ ഒ​ട്ടി​ക്കു​ന്ന​തി​നു പ​ക​രം പ്ര​ത്യേ​ക ബോ​ർ​ഡു​ക​ൾ സ്ഥാ​പി​ച്ച് പ്ര​ദ​ർ​ശി​പ്പി​ച്ചാ​ൽ പോ​രേ​യെ​ന്നാ​ണ് ഇ​വ​രു​ടെ ചോ​ദ്യം. അ​തി​നാ​വ​ശ്യ​മാ​യ ബോ​ർ​ഡു​ക​ൾ മി​ക്ക​വാ​റും സ്കൂ​ളു​ക​ളി​ൽ​ത​ന്നെ ഉ​ണ്ടാ​കു​മെ​ന്നും അ​വ​ർ ചൂ​ണ്ടി​ക്കാ​ണി​ക്കു​ന്നു.