കാ​സ​ർ​ഗോ​ഡ്: ര​ണ്ടു​വ​ർ​ഷം മു​മ്പ് ക്ഷേ​മ പെ​ൻ​ഷ​നു​ക​ൾ വീ​ട്ടി​ലെ​ത്തി​ച്ച് ന​ല്കി​യ​വ​ർ​ക്ക് ന​ല്കാ​നു​ള്ള ഇ​ൻ​സെ​ന്‍റീ​വ് ഇ​പ്പോ​ഴും ട്ര​ഷ​റി​യി​ൽ കെ​ട്ടി​ക്കി​ട​ക്കു​ന്നു. 2021 ന​വം​ബ​ർ മു​ത​ൽ 2022 ന​വം​ബ​ർ വ​രെ ന​ല്കേ​ണ്ടി​യി​രു​ന്ന 2.77 കോ​ടി രൂ​പ​യാ​ണ് ജി​ല്ലാ ട്ര​ഷ​റി​യി​ൽ കെ​ട്ടി​ക്കി​ട​ക്കു​ന്ന​ത്.

2022 ഡി​സം​ബ​ർ മു​ത​ൽ 2023 ഏ​പ്രി​ൽ വ​രെ​യു​ള്ള പ്ര​തി​ഫ​ലം ഇ​ട​ക്കാ​ല​ത്ത് ന​ല്കി​യി​രു​ന്നു. എ​ന്നാ​ൽ പ​ഴ​യ കു​ടി​ശി​ക​യു​ടെ പ്ര​ശ്നം അ​തി​നി​ട​യി​ൽ കോ​ട​തി ക​യ​റി​യ​തോ​ടെ​യാ​ണ് കെ​ട്ടി​ക്കി​ട​ക്കാ​നി​ട​യാ​യ​ത്. 2023 ഏ​പ്രി​ലി​നു ശേ​ഷ​മു​ള്ള പ്ര​തി​ഫ​ല​വും ഇ​നി ന​ല്കാ​നു​ണ്ട്.

പ്രാ​ഥ​മി​ക സ​ഹ​ക​ര​ണ​സം​ഘ​ങ്ങ​ൾ വ​ഴി​യാ​ണ് ക്ഷേ​മ​പെ​ൻ​ഷ​നു​ക​ൾ വി​ത​ര​ണം ചെ​യ്യു​ന്ന​ത്. പെ​ൻ​ഷ​ൻ തു​ക വീ​ടു​വീ​ടാ​ന്ത​രം ക​യ​റി​യി​റ​ങ്ങി ന​ല്കു​ന്ന​വ​രി​ൽ ഏ​റെ​യും സം​ഘ​ങ്ങ​ളി​ലെ ദി​ന​നി​ക്ഷേ​പ പി​രി​വു​കാ​രാ​ണ്. ദി​വ​സേ​ന​യു​ള്ള ജോ​ലി മാ​റ്റി​വെ​ച്ചാ​ണ് മി​ക്ക​വ​രും പൊ​രി​വെ​യി​ലി​ലും തോ​രാ​മ​ഴ​യി​ലും പെ​ൻ​ഷ​ൻ വി​ത​ര​ണ​ത്തി​നാ​യി ഇ​റ​ങ്ങു​ന്ന​ത്.

നി​ക്ഷേ​പ പി​രി​വി​ൽ നി​ന്നു കി​ട്ടു​ന്ന ക​മ്മീ​ഷ​നും പെ​ൻ​ഷ​ൻ വി​ത​ര​ണ​ത്തി​ന്‍റെ ഇ​ൻ​സെ​ന്‍റീ​വു​മ​ല്ലാ​തെ മ​റ്റു വ​രു​മാ​ന​മൊ​ന്നും ഇ​വ​ർ​ക്കി​ല്ല. പെ​ൻ​ഷ​ൻ വി​ത​ര​ണ​ത്തി​ന് ബാ​ങ്കു​ക​ൾ​ക്ക് 10 രൂ​പ​യും വീ​ടു​ക​ളി​ൽ പെ​ൻ​ഷ​ൻ എ​ത്തി​ച്ചു​ന​ല്കു​ന്ന ഏ​ജ​ന്‍റു​മാ​ർ​ക്ക് 40 രൂ​പ​യു​മാ​യി ആ​കെ 50 രൂ​പ​യാ​ണ് ഇ​ൻ​സെ​ന്‍റീ​വാ​യി ന​ല്കി​യി​രു​ന്ന​ത്. 2022 ഡി​സം​ബ​ർ മു​ത​ൽ സം​സ്ഥാ​ന സ​ർ​ക്കാ​ർ ഇ​ത് 30 രൂ​പ​യാ​ക്കി കു​റ​ച്ചു. 2021 ന​വം​ബ​ർ മു​ത​ൽ കു​ടി​ശി​ക​യാ​യി​രു​ന്ന ഇ​ൻ​സെ​ന്‍റീ​വ് തു​ക​യും ഈ ​നി​ര​ക്കി​ൽ മാ​ത്ര​മേ ന​ല്കാ​നാ​വൂ എ​ന്നാ​ണ് സ​ർ​ക്കാ​രി​ന്‍റെ നി​ല​പാ​ട്.

ജീ​വ​ന​ക്കാ​രു​ടെ സം​ഘ​ട​ന ഇ​തി​നെ​തി​രെ ഹൈ​ക്കോ​ട​തി​യെ സ​മീ​പി​ച്ചെ​ങ്കി​ലും ഫ​ല​മു​ണ്ടാ​യി​ല്ല. 30 രൂ​പ നി​ര​ക്കി​ൽ കി​ട്ടു​ന്ന​തു​പോ​ലും കേ​സി​ന്‍റെ പേ​രു​പ​റ​ഞ്ഞ് വ​ച്ചു​താ​മ​സി​പ്പി​ക്ക​പ്പെ​ടു​ക​യും ചെ​യ്തു. ഇ​ങ്ങ​നെ​യാ​ണ് ഈ ​കാ​ല​യ​ള​വി​ലേ​ക്കു​ള്ള 2.77 കോ​ടി രൂ​പ ട്ര​ഷ​റി​യി​ൽ കെ​ട്ടി​ക്കി​ട​ക്കാ​നി​ട​യാ​യ​ത്.

ഇ​പ്പോ​ൾ സാ​മ്പ​ത്തി​ക പ്ര​തി​സ​ന്ധി​യും ട്ര​ഷ​റി നി​യ​ന്ത്ര​ണ​ങ്ങ​ളും നി​ല​നി​ല്ക്കു​ന്ന​തി​നാ​ൽ സ​ർ​ക്കാ​രി​ന്‍റെ പ്ര​ത്യേ​ക അ​നു​മ​തി കി​ട്ടി​യാ​ൽ മാ​ത്ര​മേ ഇ​നി ഈ ​തു​ക ബ​ന്ധ​പ്പെ​ട്ട സ​ഹ​ക​ര​ണ​സം​ഘ​ങ്ങ​ൾ​ക്ക് വി​ത​ര​ണം ചെ​യ്യാ​നാ​കൂ എ​ന്നാ​ണ് ധ​ന​കാ​ര്യ വ​കു​പ്പി​ന്‍റെ നി​ല​പാ​ട്.

അ​ത​ത് സ​ഹ​ക​ര​ണ​സം​ഘ​ങ്ങ​ൾ​ക്ക് തു​ക കൈ​മാ​റി​ക്കി​ട്ടി​യാ​ൽ മാ​ത്ര​മേ അ​തി​ൽ​നി​ന്നും ഏ​ജ​ന്‍റു​മാ​ർ​ക്കു​ള്ള വി​ഹി​തം ല​ഭി​ക്കു​ക​യു​ള്ളൂ. മാ​ർ​ച്ച് 31 നു ​മു​മ്പെ​ങ്കി​ലും അ​ത് കി​ട്ടു​മോ​യെ​ന്ന കാ​ത്തി​രി​പ്പി​ലാ​ണ് ഇ​പ്പോ​ൾ ഏ​ജ​ന്‍റു​മാ​ർ.