ബ​ന്ത​ടു​ക്ക: കു​റ്റി​ക്കോ​ല്‍ പ​ഞ്ചാ​യ​ത്തി​ല്‍ മാ​സ​ങ്ങ​ളാ​യി ഭ​ര​ണം സ്തം​ഭി​ച്ചി​രി​ക്കു​ക​യാ​ണെ​ന്ന് ആ​രോ​പ​ണ​വു​മാ​യി പ്ര​തി​പ​ക്ഷം. ഓ​ഗ​സ്റ്റ് 25ന് ​ഭ​ര​ണ​സ​മി​തി അ​ടി​യ​ന്ത​ര യോ​ഗം ചേ​ര്‍​ന്ന​തി​ന് ശേ​ഷം ഒ​ക്‌ടോ​ബ​ര്‍ 10നും 28നും ​ര​ണ്ട് അ​ടി​യ​ന്ത​ര യോ​ഗം മാ​ത്ര​മേ മൂ​ന്നു മാ​സ​ത്തി​ല​ധി​കം പി​ന്നി​ടു​മ്പോ​ള്‍ ന​ട​ത്തി​യി​ട്ടു​ള്ളു.
സെ​പ്റ്റം​ബ​ര്‍ മാ​സ​വും ന​വം​ബ​ര്‍ മാ​സ​വും ഇ​തു​വ​രെ​യും ഭ​ര​ണ​സ​മി​തി യോ​ഗം ന​ട​ന്നി​ട്ടി​ല്ല. 2022-23 സാ​മ്പ​ത്തി​ക വ​ര്‍​ഷ​ത്തെ വ്യ​ക്തി​ഗ​ത ആ​നു​കൂ​ല്യം ല​ഭി​ക്കു​ന്ന​തി​നു​ള്ള മു​ന്‍​ഗ​ണ​ന പ​ട്ടി​ക ഇ​തു​വ​രെ ഭ​ര​ണ​സ​മി​തി യോ​ഗ​ത്തി​ല്‍ അം​ഗീ​ക​രി​ച്ചി​ട്ടി​ല്ല. 2021-22 സാ​മ്പ​ത്തി​ക​വ​ര്‍​ഷം ന​ട​പ്പി​ലാ​ക്കേ​ണ്ട പ​ട്ടി​ക​വ​ര്‍​ഗ വി​ഭാ​ഗ​ത്തി​നു​ള്ള വാ​ട്ട​ര്‍ ടാ​ങ്ക് പ​ദ്ധ​തി​യി​ല്‍ മു​ന്‍​ഗ​ണ​ന പ​ട്ടി​ക ത​യാ​റാ​ക്കാ​ന്‍ പോ​ലും ഭ​ര​ണ​സ​മി​തി​ക്ക് സാ​ധി​ക്കാ​ത്ത​തി​നാ​ല്‍ ടാ​ങ്ക് വി​ത​ര​ണം ന​ട​പ്പി​ലാ​ക്കാ​ന്‍ സാ​ധി​ച്ചി​ല്ല.
പു​തി​യ പ​ഞ്ചാ​യ​ത്ത് സെ​ക്ര​ട്ട​റി ചു​മ​ത​ല​യേ​റ്റ് ട്രെ​യി​നിം​ഗി​ല്‍ പ​ങ്കെ​ടു​ക്കു​ന്ന​തി​നാ​ല്‍ കോ​ടോം -​ ബേ​ളൂ​ര്‍ പ​ഞ്ചാ​യ​ത്ത് സെ​ക്ര​ട്ട​റി​ക്ക് അ​ധി​ക ചു​മ​ത​ല ന​ൽകി​യി​രി​ക്കു​ക​യാ​ണ്. എ​ന്നാ​ല്‍ അ​ദ്ദേ​ഹം ഇ​തു​വ​രെ കു​റ്റി​ക്കോ​ല്‍ പ​ഞ്ചാ​യ​ത്തി​ലേ​യ്ക്ക് വ​ന്നി​ട്ടി​ല്ല. അ​സി.​ സെ​ക്ര​ട്ട​റി സ്ഥ​ലം മാ​റി​പ്പോ​യി​ട്ട് ര​ണ്ടാ​ഴ്ച​യി​ല​ധി​ക​മാ​യി. പ​ക​രം വ​ന്ന അ​സി.​ സെ​ക്ര​ട്ട​റി ചു​മ​ത​ല​യേ​റ്റ അ​ന്നുത​ന്നെ അ​വ​ധി​യി​ലും പ്ര​വേ​ശി​ച്ചു.
ഹെ​ഡ് ക്ലര്‍​ക്ക് സ്ഥ​ലം​മാ​റി പോ​യ​തി​നാ​ല്‍ അ​ക്കൗ​ണ്ടി​നാ​ണ് ഹെ​ഡ് ക്ല​ര്‍​ക്കി​ന്‍റെ അ​ധി​ക​ചു​മ​ത​ല. ടെ​ക്‌​നി​ക്ക​ല്‍ അ​സി​സ്റ്റ​ന്‍റിന്‍റെ ക​സേ​ര ഒ​ഴി​ഞ്ഞു​കി​ട​ക്കാ​ന്‍ തു​ട​ങ്ങി​യി​ട്ട് മാ​സ​ങ്ങ​ളാ​യി. മ​റ്റു പ​ല ജീ​വ​ന​ക്കാ​രും സ്ഥ​ല​മാ​റ്റ​ത്തി​ന് അ​പേ​ക്ഷ സ​മ​ര്‍​പ്പി​ച്ച് ഓ​ര്‍​ഡ​ര്‍ വ​രാ​ന്‍ കാ​ത്തി​രി​പ്പി​ലാ​ണ്. അ​തി​നി​ട​യി​ല്‍ പ്ലാ​ന്‍ ക്ല​ര്‍​ക്ക് മൂ​ന്നു മാ​സ​ത്തെ അ​വ​ധി ആ​വ​ശ്യ​പ്പെ​ട്ട് ക​ത്തും സ​മ​ര്‍​പ്പി​ച്ചി​ട്ടു​ണ്ട്.
പ​ഞ്ചാ​യ​ത്തി​ലെ തൊ​ഴി​ലു​റു​പ്പ് തൊ​ഴി​ലാ​ളി​ക​ള്‍​ക്ക് പ​ണി ല​ഭി​ക്കു​ന്ന​തി​ന് മ​സ്റ്റ​റോ​ളി​ല്‍ ഒ​പ്പി​ടാ​ന്‍ പോ​ലും നി​ല​വി​ല്‍ ഉ​ദ്യോ​ഗ​സ്ഥ​രി​ല്ലാ​ത്ത സ്ഥി​തി​യും പൊ​തു​ജ​ന​ങ്ങ​ള്‍ വി​വി​ധ സ​ര്‍​ട്ടി​ഫി​ക്ക​റ്റു​ക​ള്‍​ക്ക് വേ​ണ്ടി എ​ന്നും പ​ഞ്ചാ​യ​ത്തി​ല്‍ ക​യ​റി​യി​റ​ങ്ങി തി​രി​ച്ചു​പോ​കു​ന്ന കാ​ഴ്ച​യും നി​ത്യ​സം​ഭ​വ​മാ​ണ്.
പ്ര​ധാ​ന​പ്പെ​ട്ട ഫ​യ​ലു​ക​ളെ​ല്ലാം ക​മ്മി​റ്റി തീ​രു​മാ​ന​ങ്ങ​ള്‍​ഇ​ല്ലാ​ത്തി​തി​നാ​ലും ഉ​ദ്യോ​ഗ​സ്ഥ​ര്‍ ഇ​ല്ലാ​തെ​യും ചു​വ​പ്പു​നാ​ട​യി​ല്‍ മാ​സ​ങ്ങ​ളാ​യി കെ​ട്ടി​ക്കി​ട​ക്കു​ന്ന​തും ഭ​ര​ണ​ക​ര്‍​ത്താ​ക്ക​ളു​ടെ പി​ടി​പ്പു​കേ​ട് മൂ​ല​മാ​ണെ​ന്നും ഇ​തി​ന് ഉ​ട​ന്‍ പ​രി​ഹാ​ര​മു​ണ്ടാ​വ​ണ​മെ​ന്നും പ​ഞ്ചാ​യ​ത്തം​ഗ​ങ്ങ​ളാ​യ ജോ​സ​ഫ് പാ​റ​ത്ത​ട്ടേ​ല്‍, കെ.​ ബ​ല​രാ​മ​ന്‍ ന​മ്പ്യാ​ര്‍ എ​ന്നി​വ​ര്‍ ആ​വ​ശ്യ​പ്പെ​ട്ടു.