ഇ​രി​ട്ടി: പാ​യം കൃ​ഷി​ഭ​വ​നി​ൽ ക​ർ​ഷ​ക​ർ​ക്ക് വി​ത​ര​ണം ചെ​യ്യാ​ൻ എ​ത്തി​യ​ത് ക​രി​ഞ്ഞു​ണ​ങ്ങി​യ കു​റ്റ്യാ​ടി തെ​ങ്ങി​ൻ തൈ​ക​ൾ. കേ​ര​ള​ത്തി​ലെ കൃ​ഷി​ഭ​വ​ന​ക​ൾ തോ​റും ക​ർ​ഷ​ക​ർ​ക്ക് വി​വി​ധ ഇ​നം തൈ​ക​ൾ വി​ത​ര​ണം ചെയ്തു വ​രി​ക​യാ​ണ്. പാ​യം കൃ​ഷി ഭ​വ​നി​ൽ വി​ത​ര​ണം ചെ​യ്യാ​ൻ എ​ത്തി​ച്ച തെ​ങ്ങ്, ത​ക്കാ​ളി, വ​ഴു​ത​ന, പ​ച്ച​മു​ള​ക്, പ​യ​ർ തു​ട​ങ്ങി​യ തൈ​ക​ളി​ൽ 900 ത്തോ​ളം വ​രു​ന്ന തെ​ങ്ങി​ൻ തൈ​ക​ളാ​ണ് ക​രി​ഞ്ഞു​ണ​ങ്ങി​യ നി​ല​യി​ലുള്ളത്.

പാ​യം പ​ഞ്ചാ​യ​ത്ത് പ​രി​ധി​യി​ലെ ക​ർ​ഷ​ക​ർ​ക്ക് സ​ബ്സി​ഡി നി​ര​ക്കി​ൽ വി​ത​ര​ണം ചെ​യ്യു​ന്ന തെ​ങ്ങി​ൻ​തൈ ഒ​ന്നി​ന് 50 രൂ​പ​യും മ​റ്റ് 20 ഓ​ളം തൈ​ക​ൾ​ക്ക് 10 രൂ​പ​യു​മാ​ണ് ക​ർ​ഷ​ക​രി​ൽ നി​ന്നും ഈ​ടാ​ക്കു​ന്ന​ത്. എ​ന്നാ​ൽ, ഇ​തി​ൽ വി​ത​ര​ണ​ത്തി​ന് എ​ത്തി​യി​രി​ക്കു​ന്ന തെ​ങ്ങി​ൻ തൈ​ക​ളെ​ല്ലാം ക​രി​ഞ്ഞു​ണ​ങ്ങി​യ നി​ല​യി​ലാ​ണ്.

പ​ച്ച​ക്ക​റി തൈ​ക​ൾ വാ​ങ്ങാ​നെ​ത്തു​ന്ന ക​ർ​ഷ​ക​ർ നി​ർ​ബ​ന്ധ​മാ​യും 50 രൂ​പ മു​ട​ക്കി ക​രി​ഞ്ഞു​ണ​ങ്ങി​യ തെ​ങ്ങി​ൻ തൈ​ക​ൾ കൂ​ടി വാ​ങ്ങ​ണം എ​ന്നാ​ണ് കൃ​ഷി​വ​കു​പ്പ് ഉ​ദ്യോ​ഗ​സ്ഥ​ർ പ​റ​യു​ന്ന​ത്.
കൃ​ഷി വ​കു​പ്പി​നും ഉ​റ​പ്പി​ല്ല

ക​ഴി​ഞ്ഞ ര​ണ്ടാ​ഴ്ച​യാ​യി തു​ട​രു​ന്ന മ​ഴ​കാ​ര​ണം തെ​ങ്ങി​ൻ തൈ​ക​ൾ​ക്ക് പൂ​പ്പ​ൽ രോ​ഗം പി​ടി​പെ​ട്ട​താ​ണ് ഓ​ല​ക​ൾ ക​രി​യാ​ൻ കാ​ര​ണം എ​ന്നാ​ണ് കൃ​ഷി​വ​കു​പ്പ് ഉ​ദ്യോ​ഗ​സ്ഥ​ൻ പ​റ​യു​ന്നത്. വ​ള​മി​ട്ട് പ​രി​ച​രി​ച്ചാ​ൽ കു​ഴ​പ്പം ഒ​ന്നും വ​രി​ല്ലെ​ന്ന് പ​റ​യു​മ്പോ​ഴും ഔ​ദോ​ഗി​ക​മാ​യി ഉ​റ​പ്പ് ന​ൽ​കാ​ൻ ഉ​ദ്യോ​ഗ​സ്ഥ​നും ക​ഴി​യു​ന്നി​ല്ല.

പൂ​പ്പ​ൽ പോ​ലു​ള്ള അ​സു​ഖ​ങ്ങ​ൾ തെ​ങ്ങി​നെ വ​ള​രെ വേ​ഗ​ത്തി​ൽ ബാ​ധി​ക്കു​ന്ന​തു​കൊ​ണ്ട് ഇ​ത്ത​രം ഗു​ണ​നി​ല​വാ​രം ഇ​ല്ലാ​ത്ത തൈ​ക​ൾ വി​ത​ര​ണം ചെ​യ്യു​ന്ന​ത് നി​ർ​ത്തി​വ​യ്ക്ക​ണ​മെ​ന്നും മോ​ശം തൈ​ക​ൾ വി​ത​ര​ണം ചെ​യ്ത ക​ർ​ഷ​ക​ർ​ക്ക് പു​തി​യ തൈ​ക​ൾ എ​ത്തി​ച്ചു ന​ൽ​ക​ണ​മെ​ന്നു​മാ​ണ് ക​ബി​ളി​പ്പി​ക്ക​പ്പെ​ട്ട ക​ർ​ഷ​ക​രു​ടെ ആ​വ​ശ്യം.