ഇരിട്ടി: വൈഎംസിഎ ഇരിട്ടി യൂണിറ്റ് ഭാരവാഹികളുടെ സ്‌ഥാനാരോഹണം ദേശീയ ജനറൽ സെക്രട്ടറി എൻ.വി. എൽദോ ഉദ്ഘാടനം ചെയ്തു. പ്രസിഡന്‍റ് സണ്ണി കൂറുമുള്ളംതടം അധ്യക്ഷത വഹിച്ചു. ആർച്ച്ബിഷപ് എമരിറ്റസ് മാർ ജോർജ് ഞറളക്കാട്ട് മുഖ്യാതിഥിയായി. പുതിയ ഭാരവാഹികൾക്ക് ഇരിട്ടി സബ് റീജൻ വൈസ് ചെയർമാൻ ഡോ. എം.ജെ. മാത്യു പ്രതിജ്‌ഞ ചൊല്ലിക്കൊടുത്തു.
സാമുഹ്യ സേവന പദ്ധതി ദേശീയ പ്രോജക്‌ട് മോണിറ്ററിംഗ് കമ്മിറ്റി അംഗം ജസ്‌റ്റിൻ കൊട്ടുകാപ്പള്ളി ഉദ്ഘാടനം ചെയ്തു. പുതിയ അംഗങ്ങൾക്കു ഇരിട്ടി സബ് റീജൺ ജനറൽ കൺവീനർ കെ.സി. ഏബ്രഹാം പ്രതിജ്‌ഞ ചൊല്ലിക്കൊടുത്തു. വൈഎംസിഎ ദേശീയ നിർവാഹക സമിതി അംഗം മത്തായി വീട്ടിയാങ്കൽ, നോർത്ത് സോൺ ഫിനാൻസ് കോ-ഓർഡിനേറ്റർ ബേബി തോലാനി, ഇരിട്ടി സബ് റീജൺ വനിതാ ഫോറം അധ്യക്ഷ ജീമോൾ മനോജ്, നെടുംപുറംചാൽ യൂണിറ്റ് പ്രസിഡന്‍റ് ദേവസ്യ നെല്ലിക്കുന്നേൽ, യുണിവൈ വൈസ് ചെയർമാൻ അബിൻ വടക്കേക്കര, ഷിന്‍റോ മൂക്കനോലിൽ, മാത്യു കോതമ്പനാനി, തോമസ് കളരിക്കൽ, വിപിൻ തോമസ്, തോമസ് അറയ്ക്കൽ, മിനി ജസ്‌റ്റിൻ, മേരി കളരിക്കൽ, ഷാജി കുറ്റിയിൽ എന്നിവർ പ്രസംഗിച്ചു.
ഭാരവാഹികൾ: ഷിന്‍റോ മൂക്കനോലിൽ-പ്രസിഡന്‍റ്, വി.പി. പോൾ-വൈസ് പ്രസിഡന്‍റ്, തോമസ് കളരിക്കൽ-സെക്രട്ടറി, ജാക്‌സൺ തോലാനി-ജോയിന്‍റ് സെക്രട്ടറി. വിപിൻ തോമസ്-ട്രഷാറർ.