ചെമ്പേരി: ഏരുവേശി പഞ്ചായത്ത്, കൃഷിഭവൻ എന്നിവയുടെ സംയുക്താഭിമുഖ്യത്തിൽ കർഷക സഭയും ഞാറ്റുവേല ചന്തയും സംഘടിപ്പിച്ചു. പഞ്ചായത്ത് പ്രസിഡന്‍റ് മിനി ഷൈബി ഉദ്ഘാടനം ചെയ്തു. വൈസ് പ്രസിഡന്‍റ് മധു തൊട്ടിയിൽ അധ്യക്ഷത വഹിച്ചു. അസിസ്റ്റന്‍റ് കൃഷി ഓഫീസർ കെ.വി. അശോക് കുമാർ ആമുഖപ്രഭാഷണവും വിവിധ പദ്ധതികളുടെ വിശദീകരണവും നടത്തി. പഞ്ചായത്ത് ആരോഗ്യ വിദ്യാഭ്യാസകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ പൗളിൻ തോമസ് മുഖ്യപ്രഭാഷണം നടത്തി.
വാർഡ്‌ മെംബർമാരായ ജയശ്രീ ശ്രീധരൻ, അനില ജെയിൻ, ജെസ്റ്റിൻ സഖറിയാസ്, പി.വി. കമലാക്ഷി, ഷീജ ഷിബു, ജോയി ജോൺ, ലീഡ്സ് ഫീൽഡ് അസിസ്റ്റന്‍റ് പി.വി. മായ, എസ്എച്ച്എം ഫീൽഡ് അസിസ്റ്റന്‍റ് പി. സുജാത, കൃഷി അസിസ്റ്റന്‍റ് ഉദയൻ എടച്ചേരി എന്നിവർ പ്രസംഗിച്ചു. കാഷ്യു-കൊക്കോ ഡയറക്ടറേറ്റ് ഫീൽഡ് അസിസ്റ്റന്‍റ് വിനീത് കശുമാവ് കൃഷി സംബന്ധിച്ച ചർച്ചാ ക്ലാസിന് നേതൃത്വം നൽകി. ആത്മ-എടിഎം സീനത്ത് ആത്മ പദ്ധതിയെ കുറിച്ച് വിശദീകരിച്ചു.
ആലക്കോട്: കൃഷിഭവന്‍റെ ആഭിമുഖ്യത്തിൽ ഞാറ്റുവേല ചന്തയും കർഷക സഭയും സംഘടിപ്പിച്ചു. ആലക്കോട് പഞ്ചായത്ത് പ്രസിഡന്‍റ് ജോജി കന്നിക്കാട്ട് ഉദ്ഘാടനം ചെയ്തു. വൈസ് പ്രസിഡന്‍റ് പി.സി. ആയിഷ അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർമാൻമാരായ ജോൺസൻ താരാമംഗലം, എം.എ. കലീൽ റഹ്മാൻ, കൃഷി ഓഫീസർ അഞ്ചു എം. സണ്ണി, പി. ഭാർഗവൻ എന്നിവർ പ്രസംഗിച്ചു.
ഞാറ്റുവേല ചന്തയോട് അനുബന്ധിച്ച് കർഷകർ ഉത്പാദിപ്പിച്ച നടീൽ വസ്തുക്കളുടെയൂം ഉത്പന്നങ്ങളുടെയും വില്പനയും നടന്നു. കർഷക സഭയോട് അനുബന്ധിച്ച് കാർഷിക വിളകളിലെ രോഗ-കീട നിയന്ത്രണം എന്ന വിഷയത്തിൽ കണ്ണൂർ കെവികെ പ്രോഗ്രാം കോ-ഓർഡിനേറ്റർ ഡോ. ജയരാജ്, അസിസ്റ്റന്‍റ് പ്രഫസർമാരായ റെനിഷ, മഞ്ജു എന്നിവർ ക്ലാസxടുത്തു.