ആവേശമാകാൻ സ്കൂ​ൾ വി​പ​ണി
Monday, May 27, 2024 1:36 AM IST
ക​ണ്ണൂ​ര്‍: സ്‌​കൂ​ള്‍ തു​റ​ക്കാ​ന്‍ ഒ​രാ​ഴ്ച മാ​ത്രം ബാ​ക്കി നി​ൽ​ക്കെ സ്കൂ​ൾ വി​പ​ണി സ​ജീ​വ​മാ​യി. നോ​ട്ട്ബു​ക്ക്, ബാ​ഗ്, കു​ട, ചെ​രി​പ്പ്, പെ​ന്‍​സി​ല്‍, പേ​ന തു​ട​ങ്ങി എ​ല്ലാ സാ​ധ​ന​ങ്ങ​ളും ക​ട​ക​ളി​ല്‍ ഇ​ടംപി​ടി​ച്ചു ക​ഴി​ഞ്ഞു. ചെ​റി​യ കു​ട്ടി​ക​ളെ ആ​ക​ര്‍​ഷി​ക്കു​ന്ന കാ​ര്‍​ട്ടൂ​ണ്‍ ക​ഥാ​പാ​ത്ര​ങ്ങ​ള്‍ മു​ത​ല്‍ കൊ​റി​യ​ന്‍ സം​ഗീ​ത​ട്രൂ​പ്പാ​യ ബി​ടി​എ​സി​ന്‍റെ ചി​ത്ര​ങ്ങ​ള്‍ പ​തി​ച്ച ബാ​ഗു​ക​ള്‍​വ​രെ വി​പ​ണി​യി​ലു​ണ്ട്. ​കീശ കീ​റാ​തെ ഷോ​പ്പിം​ഗ് ന​ട​ത്ത​ണ​മെ​ന്ന് ര​ക്ഷി​താ​ക്ക​ള്‍ വി​ചാ​രി​ക്കു​മ്പോ​ള്‍ കു​ട്ടി​ക​ള്‍​ക്ക് പോ​കു​ന്ന​ത് ട്രെ​ന്‍​ഡി​നൊ​പ്പ​മാ​ണ്. ഇ​ത്ത​രം സാ​ധ​ന​ങ്ങ​ള്‍​ക്ക് വി​ല​യും കൂ​ടു​ത​ലാ​ണ്.

ഇ​ത്ത​വ​ണ വി​വി​ധ ഉ​ത്പ​ന്ന​ങ്ങ​ള്‍​ക്ക് 15 മു​ത​ൽ 20 ശ​ത​മാ​നം​വ​രെ വി​ല ഉ​യ​ര്‍​ന്നി​ട്ടു​ണ്ട്. ബാ​ഗ് ബ്രാ​ന്‍​ഡ് അ​നു​സ​രി​ച്ച് ശ​രാ​ശ​രി 500 രൂ​പ മു​ത​ല്‍ 2,500 രൂ​പ വ​രെ​യാ​ണ് വി​ല. ആ​നി​മേ​ഷ​ന്‍ ചി​ത്ര​മു​ള്ള ത്രീ​ഡി ബാ​ഗു​ക​ള്‍​ക്ക് 850 രൂ​പ​ക്ക് മു​ക​ളി​ലാ​ണ് വി​ല. ട്രോ​ളി സ്‌​കൂ​ള്‍ ബാ​ഗു​ക​ള്‍​ക്കും ഇ​ത്ത​വ​ണ ഡി​മാ​ന്‍​ഡ് കൂ​ടി​യി​ട്ടു​ണ്ട്. ക​മ്പ​നി ബാ​ഗു​ക​ള്‍​ക്ക് 10 മു​ത​ല്‍ 40 ശ​ത​മാ​നം കു​റ​വ് എ​ന്ന ഓ​ഫ​റു​ക​ളൊ​ക്കെ വ​ലി​യ വ്യാ​പാ​ര സ​ഥാ​പ​ന​ങ്ങ​ള്‍ മു​ന്നോ​ട്ട് വ​യ്ക്കു​ന്നു​ണ്ട്. ക​ട​ക​ളി​ൽ നേ​രി​യ തോ​തി​ൽ തി​ര​ക്ക് വ​ന്ന് തു​ട​ങ്ങി​യെ​ന്നും വ​രും ദി​വ​സ​ങ്ങ​ളി​ൽ കൂ​ടു​ത​ൽ ആ​ളു​ക​ൾ എ​ത്തു​മെ​ന്നാ​ണ് പ്ര​തീ​ക്ഷ​യെ​ന്നും വ്യാ​പാ​രി​ക​ൾ പ​റ​ഞ്ഞു.

കു​ട​ക​ൾ​ക്കും ആ​വ​ശ്യ​ക്കാ​ർ ഏ​റെ

വേ​ന​ലി​ൽ കു​ട​യി​ല്ലാ​തെ പു​റ​ത്തി​റ​ങ്ങാ​ൻ പ​റ്റാ​ത്ത സാ​ഹ​ച​ര്യം വ​ന്ന​തോ​ടെ ഇ​ത്ത​വ​ണ കു​ട​വി​പ​ണി നേ​ര​ത്തെ സ​ജീ​വ​മാ​യി​രു​ന്നു. വേ​ന​ൽ മ​ഴ പെ​യ്ത​തോ​ടെ കു​ട​ക​ൾ​ക്ക് ആ​വ​ശ്യ​ക്കാ​ർ കൂ​ടി. ക​ട​ക​ളി​ല്‍ പു​തി​യ സ്റ്റോ​ക്ക് വ​രു​ന്ന​തി​ന് മു​മ്പ് ത​ന്നെ കു​ട വാ​ങ്ങാ​ന്‍ ആ​വ​ശ്യ​ക്കാ​രെ​ത്തി​യെ​ന്ന് വ്യാ​പാ​രി​ക​ള്‍ പ​റ​ഞ്ഞു. 250 രൂ​പ മു​ത​ലു​ള്ള കു​ട​ക​ള്‍ മാ​ര്‍​ക്ക​റ്റി​ല്‍ ല​ഭ്യ​മാ​ണ്. ത്രീ​ഫോ​ള്‍​ഡ് കു​ട​ക​ളു​ടെ വി​വി​ധ മോ​ഡ​ലു​ക​ള്‍ വ​ന്‍​കി​ട ക​മ്പ​നി​ക​ള്‍ വി​പ​ണി​യി​ലെ​ത്തി​ച്ചി​ട്ടു​ണ്ട്. മൂ​ന്ന്, അ​ഞ്ച് ഫോ​ള്‍​ഡു​ക​ളു​ള്ള കു​ട​ക​ള്‍​ക്കും പ്രാ​യ​വ്യ​ത്യാ​സ​മി​ല്ലാ​തെ ഉ​പ​യോ​ഗി​ക്കു​ന്ന കാ​ല​ന്‍​കു​ട​ക​ള്‍​ക്കും ആ​വ​ശ്യ​ക്കാ​ര്‍ ഏ​റെ​യാ​ണ്.


കൊ​ച്ചു​കു​ട്ടി​ക​ളെ ആ​ക​ര്‍​ഷി​ക്കു​ന്ന കാ​ര്‍​ട്ടൂ​ണ്‍ കഥാ​പാ​ത്ര​ങ്ങ​ളു​ടെ ഡി​സൈ​നു​ക​ളി​ലു​ള്ള ബ്രാ​ന്‍​ഡ​ഡ് കു​ട​ക​ള്‍​ക്ക് 350 രൂ​പ മു​ത​ലാ​ണ് വി​ല. ക​ഴി​ഞ്ഞ​വ​ര്‍​ഷം വി​ല വ​ര്‍​ധി​ച്ച​ത​ല്ലാ​തെ ഈ​വ​ര്‍​ഷം കു​ട​യ്ക്ക് വി​ല വ​ര്‍​ധി​ച്ചി​ട്ടി​ല്ലെ​ന്നാ​ണ് വ്യാ​പാ​രി​ക​ള്‍ പ​റ​യു​ന്ന​ത്. ഇ​തു​പോ​ലെ വി​വി​ധ ത​ര​ത്തി​ലും
വ​ലി​പ്പ​ത്തി​ലു​മു​ള്ള റെ​യി​ൻ കോ​ട്ടു​ക​ളും വി​പ​ണി​യി​ല്‍ ഇ​ടംപി​ടി​ച്ച് ക​ഴി​ഞ്ഞു.

വി​ല​ക്കു​റ​വി​ൽ ത്രി​വേ​ണി സ്കൂ​ൾ മാ​ർ​ക്ക​റ്റു​ക​ൾ

താ​ര​ത​മ്യേ​ന വി​ല​ക്കു​റ​വു​ള്ള ഉ​ത്​പ​ന്ന​ങ്ങ​ളു​മാ​യി ത്രി​വേ​ണി സ്‌​കൂ​ള്‍ മാ​ര്‍​ക്ക​റ്റു​ക​ള്‍ ക​ഴി​ഞ്ഞ എ​ട്ടു​മു​ത​ല്‍ ജി​ല്ല​യി​ല്‍ ആ​രം​ഭി​ച്ചി​രു​ന്നു. മാ​ര്‍​ക്ക​റ്റ് വി​ല​യി​ല്‍ നി​ന്നും 40 ശ​ത​മാ​നം വി​ല​ക്കു​റ​വി​ല്‍ ഇ​വി​ടെ ബാ​ഗ്, കു​ട, നോ​ട്ട്ബു​ക്കു​ക​ള്‍, പേ​ന തു​ട​ങ്ങി​യ​വ​യെ​ല്ലാം ല​ഭി​ക്കും. 45 ദി​വ​സ​ത്തെ വില്​പ​ന ല​ക്ഷ്യ​മി​ട്ടാ​ണ് നേ​ര​ത്തെ ത്രി​വേ​ണി സ്‌​കൂ​ള്‍ വി​പ​ണി ആ​രം​ഭി​ച്ച​ത്. ജി​ല്ല​യി​ല്‍ ആ​റ് ത്രി​വേ​ണി സൂ​പ്പ​ര്‍​മാ​ര്‍​ക്ക​റ്റു​ക​ളാ​ണു​ള്ള​ത്.

ഇ​തി​നോ​ടെ​ല്ലാം അ​നു​ബ​ന്ധി​ച്ച് സ്കൂ​ള്‍ മാ​ര്‍​ക്ക​റ്റു​ക​ളു​ണ്ട്. കൂ​ടാ​തെ ക​ണ്ണൂ​ര്‍ റെ​യി​ല്‍​വേ സ്റ്റേ​ഷ​ന് മു​ന്നില്‍ മാ​ര്‍​ക്ക​റ്റ് റോ​ഡി​ന് സ​മീ​പം പു​തി​യ ത്രി​വേ​ണി സ്‌​കൂ​ള്‍ മാ​ര്‍​ക്ക​റ്റും തു​ട​ങ്ങി.

അ​ടു​ത്ത​ദി​വ​സം മു​ത​ല്‍ ക​ള​ക്‌​ട​റേ​റ്റ് പ​രി​സ​ര​ത്ത് സ​ഞ്ച​രി​ക്കു​ന്ന സ്‌​കൂ​ള്‍ വി​പ​ണി​യു​മു​ണ്ടാ​കും. വി​ല​ക്കു​റ​വി​ല്‍ സാ​ധ​ന​ങ്ങ​ള്‍ ല​ഭി​ക്കു​മെ​ന്ന​തി​നാ​ല്‍ കൂ​ടു​ത​ലാ​ളു​ക​ളും ആ​ശ്ര​യി​ക്കു​ന്ന​ത് ത്രി​വേ​ണി സൂ​പ്പ​ര്‍ മാ​ര്‍​ക്ക​റ്റു​ക​ളെ​യാ​ണ്.

Copyright @ 2022 , Rashtra Deepika Ltd.