ADVERTISEMENT

ADVERTISEMENT

വയനാട് ജൈന സമാജം ദീപാവലി ആഘോഷിച്ചു

കൽപ്പറ്റ: ജില്ലയിലെ ജൈന സമൂഹം ദീപാവലി ആഘോഷിച്ചു. പുളിയാർമല ശ്രീ അനന്തനാഥസ്വാമി ക്ഷേത്രത്തിൽ രാവിലെ എട്ടിന് പഞ്ചാമൃതപൂജയോടെ പരിപാടി ആരംഭിച്ചു.

തുടർന്ന് മുട്ടിൽ യൂണിറ്റിലെ മുതിർന്ന അംഗം എം.പി. വിമൽകുമാറും ഭാര്യ ഗീത വിമൽകുമാറും ചേർന്ന് പതാക ഉയർത്തി. മുൻ ജൈന സമാജം പ്രസിഡന്‍റും കോഫി പ്ലാന്‍ററുമായ എം.പി. വസന്ത്കുമാർ ചടങ്ങ് ഉദ്ഘാടനം ചെയ്തു. സമാജം പ്രസിഡന്‍റ് സി.വി. നേമിരാജൻ അധ്യക്ഷത വഹിച്ചു. വൈഷ്ണവ സമാജം പ്രസിഡന്‍റ് പ്രിയരഞ്ജൻ ദാസ്, മഹിള സമാജം പ്രസിഡന്‍റ് സുരേഖ ബാബു, യുവസമാജം പ്രസിഡന്‍റ് പ്രത്യുഷ് ജൈൻ, ചന്ദ്രനാഥഗിരി ട്രസ്റ്റ് ട്രഷറർ പ്രവിരാജ്, ജൈൻ മിലൻ വൈസ് പ്രസിഡന്‍റ് പുഷ്പ രാജേന്ദ്രൻ, എ.ജെ. ട്രസ്റ്റ് പ്രസിഡന്‍റ് വി.വി. ജിനേന്ദ്രപ്രസാദ്, പ്രോഗ്രാം കമ്മിറ്റി ചെയർമാൻ പുഷ്പദന്തകുമാർ, കണ്‍വീനർ വീര പ്രസാദ് എന്നിവർ പ്രസംഗിച്ചു.

ADVERTISEMENT

‘ഭവന നിർമാണത്തിന് രാജ്യത്ത് ഏറ്റവും കൂടുതൽ തുക വിനിയോഗിക്കുന്ന സംസ്ഥാനം കേരളം’

കൽപ്പറ്റ: ഇന്ത്യയിൽ ഭവന നിർമാണ പദ്ധതിക്ക് ഏറ്റവും കൂടുതൽ തുക വിനിയോഗിക്കുന്ന സംസ്ഥാനം കേരളമാണെന്ന് തദ്ദേശ സ്വയംഭരണ എക്സൈസ് മന്ത്രി എം.ബി. രാജേഷ്. വെള്ളമുണ്ട ഗ്രാമപഞ്ചായത്ത് വികസന സദസ് വെള്ളമുണ്ട സിറ്റി ഓഡിറ്റോറിയത്തിൽ ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. നയങ്ങളുടെയും പദ്ധതികളുടെയും തുടർച്ചയുടെ ഉദാഹരണമാണ് ലൈഫ് ഭവന പദ്ധതി. പദ്ധതിയുടെ ഭാഗമായി ഇതുവരെ 4,64,304 വീടുകളുടെ നിർമാണം പൂർത്തിയാക്കി. 1,33,595 വീടുകളുടെ നിർമാണം പുരോഗമിക്കുകയാണെന്നും മന്ത്രി കൂട്ടിച്ചേർത്തു. 19,000 കോടി രൂപ ഇതിനായി വിനിയോഗിച്ചിട്ടുണ്ട്. നവംബർ ഒന്നിന് രാജ്യത്തിന് തന്നെ മാതൃകയായി അതിദാരിദ്യ്ര വിമുക്ത പ്രഖ്യാപനം നടത്തുന്ന ഇന്ത്യയിലെ ആദ്യ സംസ്ഥാനമായി കേരളം മാറുകയാണ്. രാജ്യത്തെ മറ്റു സ്ഥലങ്ങളിൽ ചേരികൾ കാണാതിരിക്കാൻ കെട്ടി മറയ്ക്കുന്പോൾ കേരളത്തിൽ ചേരി നിവാസികളെ പുനരധിവസിപ്പിക്കുന്നതിനായി ഫ്ളാറ്റ് സമുച്ചയങ്ങൾ കെട്ടി ഉയർത്തുകയാണ് സർക്കാരെന്നും മന്ത്രി പറഞ്ഞു. പഞ്ചായത്ത്, നഗരസഭ, കോർപറേഷനുകളുടെ വികസന പ്രവർത്തനങ്ങൾക്കായി സംസ്ഥാന സർക്കാർ 70,000 കോടി രൂപ നൽകിയിട്ടുണ്ട്. സംസ്ഥാനം ആർജിച്ച സർവതലസ്പർശിയായ നേട്ടങ്ങളും വികസന മുന്നേറ്റങ്ങളും സംബന്ധിച്ച് പൊതുസമൂഹത്തെ ബോധ്യപ്പെടുത്തുന്നതിനും നാടിന്‍റെ ഇനിയുള്ള വികസനഗതി തീരുമാനിക്കുന്നതിന് ജനങ്ങളുടെ ആശയങ്ങളും അഭിപ്രായങ്ങളും സ്വരൂപിക്കുന്നതിനുമാണ് വികസന സദസിലൂടെ ലക്ഷ്യമിടുന്നതെന്നും മന്ത്രി കൂട്ടി ചേർത്തു. വെള്ളമുണ്ട ഗ്രാമപഞ്ചായത്ത് പ്രസിഡന്‍റ് സുധി രാധാകൃഷ്ണൻ അധ്യക്ഷത വഹിച്ചു. തദ്ദേശ സ്വയംഭരണ വകുപ്പ് ജോയിന്‍റ് ഡയറക്ടർ കെ.കെ. വിമൽ രാജ്, മാനന്തവാടി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി, ഗ്രാമപഞ്ചായത്ത് വൈസ് പ്രസിഡന്‍റ് ജംഷീർ കുനിങ്ങാരത്ത്, ജില്ലാ പഞ്ചായത്ത് അംഗം കെ. വിജയൻ, ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ പി. കല്യാണി, ഗ്രാമപഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻമാരായ സീനത്ത് വൈശ്യൻ, ഇ.കെ. സൽമത്ത്, സി.എം. അനിൽ കുമാർ, ഗ്രാമപഞ്ചായത്ത് അംഗങ്ങൾ, വെള്ളമുണ്ട ഗ്രാമപഞ്ചായത്ത് സെക്രട്ടറി എ.സി. ചന്ദ്രകാന്ത്, അസിസ്റ്റന്‍റ് സെക്രട്ടറി സി. കുമാരൻ, ജില്ലാ ആസൂത്രണ സമിതി അംഗം എ.എൻ. പ്രഭാകരൻ, വെള്ളമുണ്ട ഗ്രാമപഞ്ചായത്ത് ആസൂത്രണ സമിതി ഉപാധ്യക്ഷൻ മംഗലശേരി നാരായണൻ, യുവജന കമ്മീഷൻ അംഗം കെ. റഫീഖ്, കുടുംബശ്രീ ചെയർപേഴ്സണ്‍ സജ്ന, എസ്‌സി-എസ്ടി പ്രമോട്ടർമാർ, കുടുംബശ്രീ പ്രവർത്തകർ, ഹരിത കർമസേനാ അംഗങ്ങൾ എന്നിവർ പങ്കെടുത്തു.

വന്യജീവിശല്യം: വനാതിർത്തിഗ്രാമങ്ങളിൽ കന്നുകാലി വളർത്തൽ കുറയുന്നു

സുൽത്താൻ ബത്തേരി: നൂൽപ്പുഴ പഞ്ചായത്തിലെ വനാതിർത്തി ഗ്രാമങ്ങളിൽ കന്നുകാലി കൃഷി കുറയുന്നു. വന്യജീവിശല്യവും വനംവകുപ്പിന്‍റെ നിയന്ത്രണങ്ങളും കർഷകർക്ക് തിരിച്ചടിയായതാണ് കന്നുകാലി വളർത്തൽ കുറയാൻ കാരണം. ജില്ലയിൽ ക്ഷീരമേഖലയിൽ ഏറ്റവും കൂടുതൽ പാൽ അളക്കുന്ന പഞ്ചായത്ത് നൂൽപ്പുഴയാണെങ്കിലും ഇവിടുത്തെ വനാതിർത്തി ഗ്രാമങ്ങളിൽ കാലി സന്പത്ത് കുറഞ്ഞുവരുകയാണ്. പരിപാലിക്കാനുള്ള വിഷമതകളാണ് സന്പന്നമായിരുന്ന കന്നുകാലി വളർത്തലിന് തിരിച്ചടിയായിരിക്കുന്നത്. കടുവ ഉൾപ്പടെ വന്യമൃഗങ്ങൾ കന്നുകാലികളെ കൊല്ലുന്നത് പതിവായി. നിരവധി പശുക്കൾ ഈ രീതിയിൽ ആക്രമിക്കപ്പെട്ടു. മുൻകാലങ്ങളിൽ ഗ്രാമങ്ങളിലും പാതയോരങ്ങളിലും കൂട്ടത്തോടെ കാലിമേയ്ക്കുന്ന കാഴ്ചകൾ പതിവായിരുന്നു. എന്നാൽ ഇപ്പോൾ കന്നുകാലി വളർത്തലിനോട് പൊതുവെ നൂൽപ്പുഴയിലെ കർഷകർക്ക് താത്പര്യമില്ലാതായി.

ഇരുളം സെന്‍റ് സെബാസ്റ്റ്യൻസ് ഇടവകയിൽ സുവർണ ജൂബിലി ആഘോഷം തുടങ്ങി

ഇരുളം: സെന്‍റ് സെബാസ്റ്റ്യൻസ് ഇടവകയുടെ ഒരു വർഷം നീളുന്ന സുവർണ ജൂബിലി ആഘോഷം തുടങ്ങി. മാനന്തവാടി രൂപത സഹായമെത്രാൻ മാർ അലക്സ് താരാമംഗലം ഉദ്ഘാടനം ചെയ്തു. ഇടവകയിലെ നിർധന കുടുംബത്തിന് ജൂബിലി സ്മാരകമായി നിർമിക്കുന്ന വീടിന്‍റെ ശിലാസ്ഥാപനം അദ്ദേഹം നിർവഹിച്ചു. ആദ്യകാല കുടിയേറ്റ കർഷകരെയും വിവിധ മേഖലകളിൽ മികവ് പുലർത്തിയവരെയും ആദരിച്ചു. ദിവ്യബലിയിൽ മാർ അലക്സ് താരാമംഗലം മുഖ്യകാർമികത്വം വഹിച്ചു. വികാരി ഫാ. റോയി വട്ടക്കാട്ട് സഹകാർമികനായി. പൊതുസമ്മേളനം സഹായമെത്രാൻ ഉദ്ഘാടനം ചെയ്തു. ജൂബിലി കമ്മിറ്റി ജനറൽ കണ്‍വീനർ വി.ഡി. ജോസ് അധ്യക്ഷത വഹിച്ചു. ഫാ. റോയി വട്ടക്കാട്ട്, ഫാ. ബിജു മാവറ, ഫാ. സിറിൻ പൂച്ചാലിക്കളത്തിൽ, സിസ്റ്റർ ജെസി പോൾ(എസ്കെഡി) ആൽബർട്ട് കച്ചിറമറ്റത്തിൽ എന്നിവർ പ്രസംഗിച്ചു. ജൂബിലി കമ്മിറ്റി കണ്‍വീനർമാരായ ജിനീഷ് ചൂരാനോലിക്കൽ, സവിജു അന്പാറയിൽ, ബിജു മണ്ഡപത്തിൽ, ജോളി പുല്ലുകുറിഞ്ഞിയിൽ, കൈക്കാരൻമാരായ ഷാജി പുൽപ്പാറയിൽ, ജോയി കരോട്ട് എന്നിവർ നേതൃത്വം നൽകി. സ്നേഹവിരുന്ന് നടന്നു. 1976 ഒക്ടോബർ 20നു രൂപീകൃതമായതാണ് ഇരുളം ഇടകവ. ഫാ. മാത്യു കല്ലുങ്കൽ സിഎംജെയാണ് പ്രഥമ വികാരി. നിലവിൽ ഇടവകയുടെ കീഴിൽ 220 കുടുംബങ്ങളുണ്ട്. 2026 ഒക്ടോബർ 20നാണ് ജൂബിലി സമാപനം.

വയനാട് ടൗണ്‍ഷിപ്പ് നിർമാണം: ഓരോ വീടും പൂർത്തിയാക്കുന്നത് 58 ഘട്ടം പരിശോധനകൾ കടന്ന്

കൽപ്പറ്റ: കർശന ഗുണനിലവാര പരിശോധനയാണ് വയനാട് ടൗണ്‍ഷിപ്പ് നിർമാണത്തിന്‍റെ ഓരോഘട്ടത്തിലും നടക്കുന്നത്. നിർമാണ സ്ഥലത്തെ മണ്ണ് മുതൽ കന്പി, സിമന്‍റ്, മണൽ മുതലായ മുഴുവൻ സാധന സാമഗ്രികളും പരിശോധിച്ച് ഗുണമേൻമ ഉറപ്പ് വരുത്തിയതിന് ശേഷമാണ് ഉപയോഗിക്കുന്നത്. ഇതിനായി നിർമാണ സ്ഥലത്തുതന്നെ പൂർണ സജ്ജമായ ലാബ് പ്രവർത്തിക്കുന്നുണ്ട്. ഓരോ വീടിന്‍റെയും മണ്ണ് പ്രത്യേകമായി പരിശോധിച്ചാണ് വീടിന്‍റെ അടിത്തറയുടേയും മറ്റും ഘടന തീരുമാനിക്കുന്നത്. പ്രകൃതി ദുരന്തങ്ങളെ അതിജീവിക്കുന്ന തരത്തിൽ പ്ലിന്ത് ബീമും റൂഫ് ബീമും ഷിയർ ഭിത്തികളും ചേർന്ന ഫ്രെയിംഡ് സ്ട്രക്ച്ചർ ആയാണ് കെട്ടിടം നിർമിക്കുന്നത്. മുകളിലേയ്ക്ക് കൂടുതൽ നിലകൾ പണിയാൻ പാകത്തിലാണ് തറകൾ നിർമിച്ചിരിക്കുന്നത്. നിർമാണത്തിന് ഉപയോഗിക്കുന്ന സിമന്‍റ്, മണൽ, കന്പി, സിമന്‍റ് കട്ടകൾ, ടൈലുകൾ, ഫാബ്രിക്കേഷൻ സാധനങ്ങൾ, പൈപ്പുകൾ മുതലായവ കോണ്‍ ട്രാക്ടറുടെ ടെസ്റ്റിംഗ് കൂടാതെ സ്വതന്ത്രമായ മൂന്നാം കക്ഷിയുടെ ടെസ്റ്റിംഗ് നടത്തി ഗുണമേൻമ ഉറപ്പ് വരുത്തുന്നുണ്ട്. നിർമാണത്തിലെ ഓരോഘട്ടത്തിലും പരിശോധന നടത്തി ഗുണനിലവാരം ഉറപ്പ് വരുത്തിയതിന് ശേഷം മാത്രമാണ് അടുത്ത ഘട്ടത്തിലേക്ക് പ്രവേശിക്കുന്നതിന് അനുമതി നൽകുന്നത്. പ്രോജക്ട് കണ്‍സൾട്ടന്‍റായ കിഫ്കോണ്‍ എൻജിനീയർമാരുടെ സാന്നിധ്യത്തിലാണ് ഓരോ ടെസ്റ്റുകളും നടത്തുന്നത്. കൃത്യത ഉറപ്പ് വരുത്തുന്നതിനായി ഓരോ ടെസ്റ്റിന്‍റെയും ഫോട്ടോ/വീഡിയോ എടുത്ത് സൂക്ഷിക്കുന്നുണ്ട്. ഇത്തരത്തിൽ 58 ഘട്ട പരിശോധനകൾ കടന്നാണ് ഓരോ വീടും പൂർത്തിയാക്കുന്നത്. ഉയർന്ന ഗുണനിലവാരമുള്ള കന്പികളാണ് നിർമാണത്തിന് ഉപയോഗിക്കുന്നത്. കോണ്‍ക്രീറ്റിനു ഉപയോഗിക്കുന്ന മെറ്റൽ, മണൽ, സിമന്‍റ് എന്നിവയുടെ സവിശേഷതകൾ പരിശോധിച്ച് അതിനനുസരിച്ച് മാനദണ്ഡങ്ങൾ പ്രകാരമുള്ള ട്രയൽ കോണ്‍ക്രീറ്റ് മിക്സ് തയാറാക്കി പരിശോധിച്ച് ഗുണമേൻമ ഉറപ്പ് വരുത്തിയ ശേഷം മാത്രമാണ് കോണ്‍ക്രീറ്റിംഗിനു ഉപയോഗിക്കുന്നത്. ഓരോ കോണ്‍ക്രീറ്റ് മിശ്രിതവും തയാറാക്കിയതിനുശേഷം നിശ്ച്ചിത സമയത്തിനകം ഉപയോഗിക്കുന്നുണ്ടെന്ന് ഉറപ്പ് വരുത്തുന്നുണ്ട്. സമയപരിധി കഴിഞ്ഞാൽ കോണ്‍ക്രീറ്റ് തിരികെ അയക്കും. ഓരോ കോണ്‍ക്രീറ്റ് മിശ്രിതത്തിന്‍റെയും പ്രവർത്തന ക്ഷമത സ്ലന്പ് ടെസ്റ്റിലൂടെ ഉറപ്പ് വരുത്തിയ ശേഷമാണ് കോണ്‍ക്രീറ്റിനു ഉപയോഗിക്കുന്നത്. ഓരോ കോണ്‍ക്രീറ്റ് ലോഡിൽ നിന്നും സാന്പിൾ ശേഖരിച്ച് ഏഴാമത്തേയും, ഇരുപത്തിയെട്ടാമത്തേയും ദിവസങ്ങളിൽ അവയുടെ ഉറപ്പ് പരിശോധിക്കുന്നു. ഇതുവരെയുള്ള ടെസ്റ്റ് റിസൾട്ടുകൾ പരിശോധിച്ചതിൽ ആവശ്യമുള്ളതിന്‍റെ ഒന്നര മുതൽ രണ്ട് ഇരട്ടി വരെ ഉറപ്പ് കോണ്‍ക്രീറ്റിന് ഉള്ളതായി ബോധ്യപ്പെട്ടു. ഐഎസ് 456:2000 കോഡ് പ്രകാരമുള്ള ഗുണമേൻമ മാനദണ്ഡങ്ങൾ കർശനമായി പാലിച്ചാണ് ടൗണ്‍ഷിപ്പിലെ ഓരോ നിർമാണ പ്രവർത്തനവും നടക്കുന്നത്.

മറ്റുള്ളവരുടെ ജീവിതത്തിന് തെളിമ നൽകുന്നവരാണ് യഥാർഥ നേതാക്കൾ: ഗീവർഗീസ് മോർ സ്തേഫാനോസ് മെത്രാപ്പോലീത്ത

താളൂർ: മരണശേഷവും മറ്റുള്ളവരുടെ മനസിൽ നിറഞ്ഞ് നിൽക്കുന്ന വ്യക്തിത്വങ്ങളാണ് നേതാക്കളായി കാലങ്ങളോളം അറിയപ്പെടുന്നതെന്ന് മലബാർ ഭദ്രാസനാധിപൻ ഡോ. ഗീവർഗീസ് മാർ സ്തേഫാനോസ് മെത്രാപ്പോലീത്ത പറഞ്ഞു. ഓരോ വ്യക്തിക്കും അവരുടെ ജീവിതത്തിൽ ഇരുണ്ട അധ്യായവും തെളിഞ്ഞ അധ്യായവും ഉണ്ടാകും. മറ്റുള്ളവരുടെ ജീവിതത്തിലേക്ക് സ്വന്തം ജീവിതം കൊണ്ട് തെളിമ നൽകുന്നവരാണ് യഥാർഥ നേതാക്കളെന്നും അങ്ങനെയുള്ളവരെ എന്നും കാലം ഓർമിക്കുമെന്നും അദ്ദേഹം പറഞ്ഞു. താളൂർ സെന്‍റ് മേരീസ് യാക്കോബായ സുറിയാനി പള്ളിയിൽ ഇഗ്നൈറ്റ് എന്ന പേരിൽ എംജെഎസ്എസ്എ മലബാർ ഭദ്രാസനം നടത്തിയ വിദ്യാർഥി നേതൃത്വ പരിശീലന ക്യാന്പ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നേതാക്കളുടെ ജീവിതത്തിൽ സാധാരണക്കാർക്ക് പ്രചോദനം ഉൾകൊള്ളാൻ കഴിയണമെന്നും ബിഷപ് പറഞ്ഞു. ചടങ്ങിൽ വികാരി ഫാ. ഡോ. മത്തായി അതിരംപുഴയിൽ അധ്യക്ഷത വഹിച്ചു. ഡയറക്ടർ അനിൽ ജേക്കബ്, സെക്രട്ടറി ജോണ്‍ ബേബി, കേന്ദ്ര കമ്മിറ്റിയംഗം ഇ.പി. ബേബി, ഇൻസ്പെക്ടർമാരായ കെ.കെ. യാക്കോബ്, ഷാജി മാത്യു, എബിൻ പി. ഏലിയാസ്, അധ്യാപപ്രതിനിധി സി.കെ. ജോർജ്, ഹെഡ്മാസ്റ്റർ പ്രതിനിധി സിജോ പീറ്റർ, പള്ളിട്രസ്റ്റി വി.പി. ബെസി, സെക്രട്ടറി തോമസ് വൻമേലിൽ ജോയിന്‍റ് സെക്രട്ടറി കുര്യാക്കോസ് കാരക്കാട്ട്, പിടിഎ പ്രസിഡന്‍റ് ജെസി റെജി, സ്റ്റാഫ് സെക്രട്ടറി ഏലിയാസ് വർഗീസ് പ്രസംഗിച്ചു. സമാപന സമ്മേളനം ഭദ്രാസന വൈസ് പ്രസിഡന്‍റ് ഫാ. ബേബി പൗലോസ് ഉദ്ഘാടനം ചെയ്തു. എംജെഎസ്എസ്എ സെക്രട്ടറി ടി.വി. സജീഷ് സമാപന സന്ദേശം നൽകി. പ്രമുഖ ഫാക്കൽറ്റിമാരായ സി.വി. ഷിബു, ഫാ. ജാൻസണ്‍ കുറുമറ്റം, ബേസിൽ ബേബി, ജൈജു വർഗീസ്, ജോംസി എന്നിവർ ക്യാന്പ് നയിച്ചു. കേന്ദ്ര കമ്മിറ്റിയംഗം പി.എം. രാജു, ടി.ജെ. ബാബു, പി.കെ. എൽദോ, എം.വൈ. ജോർജ്, പി.പി. ഏലിയാസ്, കെ.പി. എൽദോ, പി.വി. ജോബിഷ്, സജി ജേക്കബ് എന്നിവർ നേതൃത്വം നൽകി.

മുണ്ടക്കൈ ചൂരൽമല ഉപജീവന സംരംഭങ്ങൾക്ക് ധനസഹായം വിതരണം ചെയ്തു

കൽപ്പറ്റ: ദുരന്ത ബാധിതരായ ജനതയുടെ ജീവിതം പുനർനിർമിക്കാൻ സമാനതകളില്ലാത്ത ഇടപെടലാണ് സർക്കാരിന്‍റെ നേതൃത്വത്തിൽ കുടുംബശ്രീ നിറവേറ്റുന്നതെന്ന് തദ്ദേശ സ്വയംഭരണ എക്സൈസ് പാർലമെന്‍ററി കാര്യ മന്ത്രി എം.ബി. രാജേഷ്. ഉപജീവനമാർഗം നഷ്ടപ്പെട്ട മുണ്ടക്കൈ, ചൂരൽമല ദുരന്തബാധിതർക്ക് സംസ്ഥാന സർക്കാർ കുടുംബശ്രീ മുഖേന നൽകുന്ന ഉപജീവന സംരംഭങ്ങളുടെ ധനസഹായം വിതരണം ചെയ്ത് കൽപ്പറ്റ ചന്ദ്രഗിരി ഓഡിറ്റോറിയത്തിൽ നടന്ന പരിപാടിയിൽ പ്രസംഗിക്കുകയായിരുന്നു മന്ത്രി.വിവിധ പദ്ധതികൾ ആസൂത്രണം ചെയ്ത് നടപ്പാക്കുന്നതിലൂടെ ദുരന്തബാധിതരെ അതിവേഗം തിരികെ പിടിക്കുകയാണ് സർക്കാരെന്നും മന്ത്രി പറഞ്ഞു. മുണ്ടക്കൈ, ചൂരൽമല ദുരിത ബാധിതരെ ഉപജീവന പ്രവർത്തനങ്ങളിലേക്ക് കൈപിടിച്ചുയർത്താൻ മുഖ്യമന്ത്രിയുടെ ദുരിതാശ്വാസ നിധിയിൽ നിന്നും 357 കുടുംബങ്ങൾക്ക് 3.61 കോടി രൂപയാണ് കുടുംബശ്രീയ്ക്ക് അനുവദിച്ചത്. ഫേസ് 1, ഫേസ് 2 എ, ഫേസ് 2 ബി വിഭാഗങ്ങളിലായി ഉപജീവനം (മൈക്രോ എന്‍റർപ്രെെസുകൾ) ആവശ്യപ്പെട്ട മുഴുവൻ ആളുകൾക്കും സഹായം വിതരണം ചെയ്യും. 234 കുടുംബങ്ങൾക്കാണ് ഉപജീവന ഫണ്ട് ലഭ്യമാക്കുന്നത്. 3.61 കോടി രൂപ സിഎംഡിആർഎഫ് ഫണ്ടും 1.65 കോടി രൂപ കുടുംബശ്രീ പ്രത്യാശ ഫണ്ടുൾപ്പടെ 5.20 കോടി രൂപയാണ് 435 ഗുണഭോക്തൃ കുടുംബങ്ങൾക്കായി കുടുംബശ്രീ വിതരണം ചെയ്യുന്നതെന്ന് മന്ത്രി അറിയിച്ചു. കുടുംബശ്രീ പ്രത്യാശ പദ്ധതിയിൽ 95 പേർക്ക് 98 ലക്ഷം രൂപയും സിക്ക് എംഇ പുനരുജ്ജീവന പദ്ധതിയിൽ ആറ് പേർക്ക് ആറ് ലക്ഷം രൂപയും അനുവദിച്ചു. പ്രവാസി ഭദ്രത പദ്ധതിയിൽ 21 പേർക്ക് 28 ലക്ഷം രൂപയും ആർകെഇഡിപി പദ്ധതിയിൽ 27 പേർക്ക് 3.3 ലക്ഷം രൂപയുടെ പലിശരഹിത വായ്പയായി നൽകി. മുണ്ടക്കൈയിലെ 27 പേർ ബെയിലി ബാഗ് നിർമാണത്തിലൂടെയും 19 പേർ ബെയ്ലി കുട നിർമാണത്തിലൂടെയും ഉപജീവനമാർഗം കണ്ടെത്തി. ടി. സിദ്ദിഖ് എംഎൽഎ അധ്യക്ഷത വഹിച്ചു. പരിപാടിയിൽ ജില്ലാ കളക്ടർ ഡി.ആർ. മേഘശ്രീ, കൽപ്പറ്റ ബ്ലോക്ക് പഞ്ചായത്ത് പ്രസിഡന്‍റ് ചന്ദ്രിക കൃഷ്ണൻ, കൽപ്പറ്റ നഗരസഭ ആക്ടിംഗ് ചെയർപേഴ്സണ്‍ സരോജിനി ഓടന്പത്ത്, കേരള കോ ഓപ്പറേറ്റീവ് ഡെവലപ്മെന്‍റ് ആൻഡ് വെൽഫെയർ ഫണ്ട് ബോർഡ് വൈസ് ചെയർമാൻ സി.കെ. ശശീന്ദ്രൻ, ഗ്രാമപ്പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ബി. നാസർ, കുടുംബശ്രീ ജില്ലാ മിഷൻ കോ ഓർഡിനേറ്റർ കെ.എം. സലീന, അസിസ്റ്റന്‍റ് കോഓർഡിനേറ്റർ കെ.കെ. അമീൻ, വി.കെ. റജീന, മേപ്പാടി സിഡിഎസ് ചെയർപേഴ്സണ്‍ ബിനി പ്രഭാകരൻ, ടി. ഹംസ എന്നിവർ പ്രസംഗിച്ചു. ജനപ്രതിനിധികൾ, ഉദ്യോഗസ്ഥർ പൊതുജനങ്ങൾ എന്നിവർ പങ്കെടുത്തു.

"ഗാസയുടെ പേരുകൾ’: കാന്പയിൻ നടത്തി

കൽപ്പറ്റ : ചിന്ത രവി ഫൗണ്ടേഷനും വിവിധ സാംസ്കാരിക സംഘടനകളും സംയുക്തമായി സംസ്ഥാന വ്യാപകമായി "ഗാസയുടെ പേരുകൾ’ എന്ന പേരിൽ നടത്തുന്ന കാന്പയിൻ പുതിയ സ്റ്റാൻഡിൽ നടത്തി. ഗാസയിൽ കൊല്ലപ്പെട്ട കുട്ടികളുടെ പേരുകൾ വായിച്ച് സാഹിത്യകാരൻ എൻ.എസ്. മാധവൻ ഉദ്ഘാടനം ചെയ്തു. ജില്ലാ ലൈബ്രറി കൗണ്‍സിൽ പ്രസിഡന്‍റ് പി.കെ. സത്താർ അധ്യക്ഷത വഹിച്ചു. ജില്ലാ ലൈബ്രറി കൗണ്‍സിൽ സെക്രട്ടറി പി.കെ. സുധീർ പ്രമേയം അവതരിപ്പിച്ചു. സാഹിത്യകാരൻ ഒ.കെ. ജോണി, സി.എസ്. ചന്ദ്രിക, മുൻ എംഎൽഎമാരായ സി.കെ. ശശീന്ദ്രൻ, എം.വി. ശ്രേയാംസ്കുമാർ, സാംസ്കാരിക പ്രവർത്തകരായ പി.ജെ. ബിനീഷ്, ഡോ.സുനിൽ, എ.കെ. രാജേഷ്, എം.എം. ഗണേശൻ, പി. അനിൽ കുമാർ, മുസ്തഫ ദ്വാരക, വിജയൻ ചെറുകര, ബാലൻ വേങ്ങര, വേലായുധൻ കോട്ടത്തറ, സൂപ്പി പള്ളിയാൽ, പ്രീത ജെ. പ്രിയദർശിനി, പി. സാജിത, ഡോ. ശ്രീജിത്ത് ശിവരാമൻ, പി.കെ. ബാബുരാജ് തുടങ്ങിയവർ ചേർന്ന് പേര് വായന പൂർത്തിയാക്കി. സംഘാടക സമിതി ചെയർമാൻ സി.കെ. ശിവരാമൻ ജില്ലാ ലൈബ്രറി കൗണ്‍സിൽ ജോയിന്‍റ് സെക്രട്ടറി എം. ദേവകുമാർ എന്നിവർ സംസാരിച്ചു.

പെൻഷൻ പരിഷ്കരിക്കണം: കെഎസ്എസ്പിഎ

തരിയോട്: പെൻഷൻ പരിഷ്കരണ നടപടികൾ ആരംഭിക്കണമെന്ന് കെഎസ്എസ്പിഎ മണ്ഡലം സമ്മേളനം സർക്കാരിനോട് ആവശ്യപ്പെട്ടു. പെൻഷൻ പരിഷ്കരണ, ഡിഎ കുടിശികകൾ അനുവദിക്കുക, മെഡിസെപ് കുറ്റമറ്റതാക്കുക തുടങ്ങിയ ആവശ്യങ്ങളും ഉന്നയിച്ചു. സംസ്ഥാന കമ്മിറ്റി അംഗം വേണുഗോപാൽ കീഴിശേരി ഉദ്ഘാടനം ചെയ്തു. മണ്ഡലം പ്രസിഡന്‍റ് ഷാജിമോൻ ജേക്കബ് അധ്യക്ഷത വഹിച്ചു. എഐസിസി അംഗം പി.കെ. ജയലക്ഷ്മി വിശിഷ്ടാതിഥിയായി. അസോസിയേഷൻ ജില്ലാ സെക്രട്ടറി ഇൻ ചാർജ് കെ. ശശികുമാർ, നിയോജകമണ്ഡലം പ്രസിഡന്‍റ് കെ.എൽ. തോമസ്, സെക്രട്ടറി കെ. സുരേന്ദ്രൻ, കോണ്‍ഗ്രസ് മണ്ഡലം പ്രസിഡന്‍റ് ഷാജി വട്ടത്തറ, പി.എം. ജോസ്, എം.എ. ലില്ലിക്കുട്ടി, ഏബ്രാഹം കെ. മാത്യു, ടെസി മാത്യു എന്നിവർ പ്രസംഗിച്ചു.

വിദ്യാർഥിനിക്ക് തയ്യൽ മെഷീൻ നൽകി

പെരിക്കല്ലൂർ: ജില്ലാ സ്കൂൾ ശാസ്ത്രമേളയിൽ വർക്കിംഗ് മോഡലിൽ(ഡ്രസ് മേക്കിംഗ്)എ ഗ്രേഡ് നേടിയ ഗവ. ഹയർ സെക്കൻഡറി സ്കൂൾ പത്താം ക്ലാസ് വിദ്യാർഥി ആര്യ കൃഷ്ണയ്ക്ക് പൗരസമിതി തയ്യൽ മെഷീൻ നൽകി. പ്രസിഡന്‍റ് ജി.ജി. ഗിരീഷ്കുമാർ അധ്യക്ഷത വഹിച്ചു. പി.എസ്. കലേഷ് മെഷീൻ കൈമാറി. ജോഷി ജോണ്‍, ഡാമിൻ ജോസഫ്, അബ്ദുൾ റസാഖ്, എ.ജെ. സന്തോഷ്, ബിജു ജോസഫ്, ജിബിൻ ബേബി, വി.യു. ബിനോയ്, എ.ജെ. ജയ്മോൻ എന്നിവർ പ്രസംഗിച്ചു. പെരിക്കല്ലൂർ കളരിക്കൽ പരേതനായ ഉണ്ണിക്കൃഷ്ണന്‍റെയും സാലിയുടെയും മകളാണ് ആര്യ കൃഷ്ണ.

ആദിവാസി കോണ്‍ഗ്രസ് ജില്ലാ കണ്‍വൻഷൻ

കൽപ്പറ്റ: ആദിവാസി കോണ്‍ഗ്രസ് ജില്ലാ കണ്‍വൻഷൻ നടത്തി. ഡിസിസി പ്രസിഡന്‍റ് ടി.ജെ. ഐസക് ഉദ്ഘാടനം ചെയ്തു. ഐ.സി. ബാലകൃഷ്ണൻ എംഎൽഎയ്ക്കെതിരായ വിജിലൻസ് കേസ് രാഷ്ട്രീയ പ്രതികാരത്തിന്‍റെ ഭാഗമാണെന്ന് അദ്ദേഹം ആരോപിച്ചു. ഇടതു സർക്കാരിന്‍റെ ആദിവാസി ക്ഷേമ പരിപാടികൾ പ്രഹസനമാണെന്നും അദ്ദേഹം പറഞ്ഞു. ആദിവാസി കോണ്‍ഗ്രസ് ജില്ലാ പ്രസിഡന്‍റ് കെ.ആർ. ബാലൻ അധ്യക്ഷത വഹിച്ചു. ഐ.സി. ബാലകൃഷ്ണൻ എംഎൽഎ മുഖ്യപ്രഭാഷണം നടത്തി. ഇ.എ. ശങ്കരൻ, ബി.വി. ബോളൻ ,ഒ.വി. അപ്പച്ചൻ, എം.ജി. ബിജു, കെ.വി. രാമൻ, ബിനു തോമസ്, ടി.കെ. ഗോപി, വി. അനന്തൻ, കെ.വി. രാമൻ,ഉഷ വിജയൻ, മീനാക്ഷി രാമൻ, എ.എസ്. വിജയ, ഒ.സി. കൃഷ്ണൻ എന്നിവർ പ്രസംഗിച്ചു.

ദേശീയപാതയോരത്തെ മാലിന്യം തള്ളൽ; നടപടി എടുക്കാതെ അധികൃതർ

സുൽത്താൻ ബത്തേരി: കോഴിക്കോട് - കൊല്ലെഗൽ ദേശീയപാതയിൽ കല്ലൂർ പാലം മുതൽ റോഡിന്‍റെ ഇരുവശങ്ങളിലും മാലിന്യ നിക്ഷേപ കേന്ദ്രമായി മാറി. ദേശീയപാതയുടെ ഇരുവശങ്ങളിലും മാലിന്യം വലിച്ചെറിയുന്നത് വർധിച്ചിട്ടും അധികൃതർ നടപടിയെടുക്കുന്നില്ല. വാഹന യാത്രക്കാർ അടക്കം മൂക്കുപൊത്തിയാണ് ഈ വഴി കടന്നു പോകുന്നത്. കല്ലൂർ പുഴയോട് ചേർന്ന് ഭാഗങ്ങളിലാണ് കൂടുതൽ മാലിന്യങ്ങളും നിക്ഷേപിക്കുന്നത്. രാത്രികാലങ്ങളിൽ വാഹനങ്ങളിലും മറ്റും വന്ന് മാലിന്യം നിക്ഷേപിക്കുന്നത് തടയുവാൻ ഇതുവരെ കഴിഞ്ഞിട്ടില്ല.

പോരൂർ സെന്‍റ് സെബാസ്റ്റ്യൻസ് പള്ളിയിൽ വിശുദ്ധ യൂദാതദേവൂസിന്‍റെ തിരുനാൾ

മാനന്തവാടി: പോരൂർ സെന്‍റ് സെബാസ്റ്റ്യൻസ് പള്ളിയിൽ ജപമാലയും വിശുദ്ധ യൂദാതദേവൂസിന്‍റെ തിരുനാളും 26 വരെ നടക്കും. 17ന് ആരംഭിച്ച തിരുനാളിന് വികാരി ഫാ. ജോയ് പുല്ലംകുന്നേൽ കൊടിയേറ്റി. 21 മുതൽ 25 വരെ വൈകുന്നേരം 4.30ന് ജപമാല, വിശുദ്ധ കുർബാന, നൊവേന എന്നിവ നടക്കും. 26ന് രാവിലെ ഏഴിന് വിശുദ്ധ കുർബാന, 9.30ന് ജപമാല, തുടർന്ന് ആഘോഷമായ വിശുദ്ധ കുർബാന, നൊവേന എന്നിവയ്ക്ക് ഫാ. റോബിൻസ് കുന്പളക്കുഴി കാർമികത്വം വഹിക്കും. 11.30ന് പ്രദക്ഷിണം, വിശുദ്ധ കുർബാനയുടെ ആശീർവാദം, നേർച്ചഭക്ഷണം.

മിഷൻ ഞായർ ആചരിച്ചു

എള്ളുമന്ദം: സെന്‍റ് ജോർജ് ദേവാലയത്തിൽ മിഷൻ ഞായർ ആചരണം നടത്തി. ആചരണത്തിന്‍റെ ഭാഗമായി മിഷൻ റാലി, മിഷൻ ലീഗ് കുട്ടികളുടെ കലാപരിപാടികൾ, വിവാഹ ജീവിതത്തിന്‍റ 50, 25 വർഷങ്ങൾ പൂർത്തീകരിച്ച ദന്പതിമാരെ ആദരിക്കൽ, വിവിധ മത്സരങ്ങളിൽ വിജയിച്ചവർക്കുള്ള സമ്മാനങ്ങളുടെ വിതരണം, മിഷൻ പിരിവ് എന്നിവ നടത്തി. മിഷൻ ഞായറിനോടനുബന്ധിച്ചുള്ള വിശുദ്ധകുർബാനയ്ക്കും വചന സന്ദേശത്തിനും മാനന്തവാടി രൂപത ചാൻസിലർ ഫാ. അനൂപ് കാളിയാനിയിൽ മുഖ്യ കാർമികത്വം വഹിച്ചു. ഇടവക വികാരി ഫാ. ജോമേഷ് തേക്കിലക്കാട്ടിൽ, സിസ്റ്റർ സിൽവി തോമസ്, സിസ്റ്റർ നിഷ, മിഷൻ ലീഗ് ഭാരവാഹികൾ, മതാധ്യാപകർ, മിഷൻ ലീഗ്, മാതൃവേദി ഭാരവാഹികൾ, ട്രസ്റ്റിമാർ എന്നിവർ നേതൃത്വം നൽകി. പുൽപ്പള്ളി: സീതാമൗണ്ട് സെന്‍റ് ജോസഫ്സ് ദേവാലയത്തിൽ മിഷൻ ഞായർ ആഘോഷിച്ചു. വികാരി ഫാ. ജയിംസ് കുന്നത്തേട്ടിന്‍റെ കാർമികത്വത്തിൽ നടന്ന ദിവ്യബലിക്കുശേഷം പ്രേഷിതറാലി നടത്തി. റാലിയിൽ ഏറ്റവും മികവോടെ അണിനിരന്ന ഗ്രൂപ്പുകൾക്ക് ട്രോഫിയും മറ്റു ഗ്രൂപ്പുകൾക്ക് പ്രോത്സാഹന സമ്മാനവു നൽകി. ഷോബിൻ ചവറപ്പുഴ, ജിൻസ് ഇലഞ്ഞിയിൽ, സിജി ഇലഞ്ഞിക്കൽ, സിസ്റ്റർ ലിൻസി എഫ്സിസി, നയൻ മരിയ മണിയത്ത് എന്നിവർ നേതൃത്വം നൽകി. സ്നേഹവിരുന്ന് നടന്നു.

ബ്രഹ്മഗിരി തട്ടിപ്പിനെതിരേ യുഡിഎഫ് പ്രക്ഷോഭം നടത്തും

സുൽത്താൻ ബത്തേരി: യുഡിഎഫിന്‍റെ നേതൃത്വത്തിൽ ബ്രഹ്മഗിരി തട്ടിപ്പിനെതിരേ ബത്തേരി നിയോജക മണ്ഡലം കമ്മിറ്റിയുടെ നേതൃത്വത്തിൽ പ്രക്ഷോഭ പരിപാടികൾ നടത്താൻ തീരുമാനിച്ചു. ഇതുസംബന്ധിച്ച് ചേർന്ന യോഗം ഐ.സി. ബാലകൃഷ്ണൻ എംഎൽഎ ഉദ്ഘാടനം ചെയ്തു. കെ.എൽ. പൗലോസ്, പി.പി. അയൂബ്, ടി.പി. രാജശേഖരൻ തുടങ്ങിയവർ പ്രസംഗിച്ചു.

ചാച്ചാജി ഗോൾഡ് മെഡൽ ചിത്രരചന മത്സരം സംഘടിപ്പിച്ചു

കൽപ്പറ്റ: ജവഹർ ബാൽ മഞ്ച് ജില്ലാ കമ്മിറ്റിയുടെ നേതൃത്വത്തിൽ ചാച്ചാജി ഗോൾഡ് മെഡൽ ചിത്രരചന മത്സരം സംഘടിപ്പിച്ചു. മത്സരം കെപിസിസി അംഗം പി.പി. ആലി ഉദ്ഘാടനം ചെയ്തു. ജില്ലാ ചെയർമാൻ ഡിന്‍റോ ജോസ് അധ്യക്ഷത വഹിച്ചു. ജില്ലയുടെ വിവിധ ഭാഗങ്ങളിൽ നിന്ന് മൂന്ന് വിഭാഗങ്ങളിലായി 60 കുട്ടികൾ പങ്കെടുത്തു. കുട്ടികളിലെ സർഗാത്മക കഴിവുകൾ വർധിപ്പിക്കുന്നതിനായി ജവഹർ ബാൽ മഞ്ച് ദേശീയ കമ്മിറ്റി വിഭാവനം ചെയ്തിരിക്കുന്ന ചാച്ചാജി ഗോൾഡ് മെഡൽ ചിത്രരചന മത്സരത്തിന്‍റെ ഭാഗമായാണ് ജില്ലയിലും മത്സരം സംഘടിപ്പിച്ചത്. യൂത്ത് കോണ്‍ഗ്രസ് സംസ്ഥാന ജനറൽ സെക്രട്ടറി അരുണ്‍ ദേവ്, ജില്ലാ കോഡിനേറ്റർമാരായ സി. ഷെഫീഖ്, ജിജി വർഗീസ്, അനൂപ് കുമാർ, സുകന്യ ആഷിൻ എന്നിവർ നേതൃത്വം നൽകി.

വായനോത്സവം സംഘടിപ്പിച്ചു

കൽപ്പറ്റ: ജില്ലാ ലൈബ്രറി കൗണ്‍സിൽ വായനോത്സവത്തിന്‍റെ ഭാഗമായ യുപി സ്കൂൾ, വനിത വിഭാഗങ്ങളുടെ വൈത്തിരി താലൂക്ക്തല വായനമത്സരങ്ങൾ കൽപ്പറ്റ എച്ച്ഐഎംയുപി സ്കൂളിൽ സംഘടിപ്പിച്ചു. താലൂക്ക് മത്സരത്തിലെ രണ്ട് വിഭാഗങ്ങളിൽ നിന്നും ആദ്യ പത്തു സ്ഥാനക്കാർ വീതം നവംബർ എട്ടിന് നടക്കുന്ന ജില്ലാ മത്സരത്തിൽ പങ്കെടുക്കും. ജില്ലാ ലൈബ്രറി കൗണ്‍സിൽ ജോയിന്‍റ് സെക്രട്ടറി എം. ദേവകുമാർ വായനമത്സരം ഉദ്ഘാടനം ചെയ്തു. വൈത്തിരി താലൂക്ക് ലൈബ്രറി കൗണ്‍സിൽ പ്രസിഡന്‍റ് സി.കെ. രവീന്ദ്രൻ അധ്യക്ഷത വഹിച്ചു. സി.എം. സുമേഷ്, പി.കെ. ഷാഹിന തുടങ്ങിയവർ പ്രസംഗിച്ചു.

വനപാതയിലൂടെ ടൂറിസ്റ്റുകളുമായി നടത്തുന്ന നൈറ്റ്സഫാരി നിയന്ത്രിക്കണമെന്ന്

മാനന്തവാടി: റിസോർട്ടുകാർ ടൂറിസ്റ്റുകളേയുമായി വനപാതയിലൂടെ നടത്തുന്ന നൈറ്റ്സഫാരി നിയന്ത്രിക്കണമെന്ന് ജനകീയ സമിതി ആവശ്യപ്പെട്ടു. രാത്രികാലങ്ങളിൽ റിസോട്ട് ഉടമകൾ അവരുടെ ടൂറിസ്റ്റുകളേയും കൊണ്ട് വനപാതയിയിലുടെ നടത്തുന്ന നൈറ്റ് സഫാരി ആനകളേയും മറ്റും പ്രകോപിതരിക്കുന്നു. അത്തരം ആനകൾ കൃഷിസ്ഥലത്ത് ഇറങ്ങിയതറിഞ്ഞ് ടോർച്ചടിച്ചാൽ പാഞ്ഞു വന്ന് ആക്രമിക്കയാണ്. കഴിഞ്ഞ ദിവസം ചേലൂർ ചിന്നന്‍റെ തോട്ടത്തിൽ ഇത്തരം അനുഭവമുണ്ടായി. തലനാരിഴക്ക് രക്ഷപെട്ട് ഗുരുതര പരിക്കുകളോടെ മെഡിക്കൽ കോളജിൽ ചികിത്സയിലാണ്. ആനയും കാട്ടുപോത്തും കടുവയും യാത്ര വാഹനങ്ങളെ പിന്തുടർന്ന് ആക്രമിക്കുന്നത് നിത്യസംഭവമായി. ടൂറിസത്തിന്‍റെ മറവിൽ നടത്തുന്ന നൈറ്റ്സഫാരി ഉത്തരവാദപ്പെട്ടവർ നിയന്ത്രിച്ചില്ലെങ്കിൽ ജനകീയസമിതി ഇടപെടും. ഈ വിഷയ ബത്തേരിയിൽ ഫോറസ്റ്റ് ഡിപ്പാർട്ടുമെന്‍റ് നടത്തിയ "വിഷൻ 2031' സെമിനാറിൽ അവതരിപ്പിച്ചിരുന്നു. വനം മന്ത്രി, മന്ത്രി ഒ.ആർ. കേളു, ജില്ലാ കളക്ടർ, വയനാട് പോലീസ് സൂപ്രണ്ട് എന്നവർക്ക് കൂടി പരാതി കൊടുക്കാൻ വന്യമൃഗശല്യ പ്രതിരോധ ആക്ഷൻ കമ്മറ്റിയോഗം തീരുമാനിച്ചു. ചെയർമാൻ ടി.സി. ജോസഫ് അധ്യക്ഷത വഹിച്ചു. ടി. സന്തോഷ്കുമാർ, വി.എ. ജയചന്ദ്രൻ, ഇ.എ. നാസർ, സന്തോഷ് തോൽപ്പെട്ടി എന്നിവർ പ്രസംഗിച്ചു.

തൊണ്ടർനാട് പഞ്ചായത്ത് വികസന സദസ് : ഓപ്പണ്‍ ഫോറത്തിൽ നിർദേശങ്ങളുമായി പൊതുജനം

മക്കിയാട്: തൊണ്ടർനാട് പഞ്ചായത്ത് വികസന സദസ് കോറോം ദോഹ പാലസിൽ നടത്തി. മാനന്തവാടി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി ഉദ്ഘാടനം ചെയ്തു. ആരോഗ്യ, വിദ്യാഭ്യാസ മേഖലകളിൽ പഞ്ചായത്തിന്‍റെ ഇടപെടൽ പൊതുജനങ്ങൾക്ക് ഏറെ പ്രയോജനകരമാണെന്നും സ്ത്രീകളുടെ ആരോഗ്യ പരിരക്ഷയ്ക്ക് പഞ്ചായത്ത് വിവിധ പദ്ധതികൾ ആവിഷ്കരിക്കുന്നുണ്ടെന്നും അദ്ദേഹം പറഞ്ഞു. പഞ്ചായത്ത് പ്രസിഡന്‍റ് അംബിക ഷാജി അധ്യക്ഷത വഹിച്ചു. ജില്ലാ പഞ്ചായത്ത് അംഗം എ. വിജയൻ, ബ്ലോക്ക് പഞ്ചായത്ത് അംഗം രമ്യ താരേഷ്, പഞ്ചായത്ത് അംഗങ്ങളായ വി.ടി. അരവിന്ദാക്ഷൻ, രവികുമാർ, പി.പി. മൊയ്തീൻ, പി.എ. കുര്യാക്കോസ്, ചന്തു, സെക്രട്ടറി ബീന വർഗീസ്, അസി. സെക്രട്ടറി ടി. ബിജു, ആസൂത്രണ സമിതി ഉപാധ്യക്ഷൻ സത്യൻ, സാക്ഷരത പ്രേരക് എം.ആർ. ഷാജുമോൻ എന്നിവർ പ്രസംഗിച്ചു. അഞ്ച് വർഷത്തിനിടെ പഞ്ചായത്ത് നടപ്പാക്കിയ വികസന പദ്ധതികൾ സദസിൽ അവതരിപ്പിച്ചു. വിദ്യാലയങ്ങളിൽനിന്നു പട്ടികവിഭാഗം കുട്ടികൾ കൊഴിയുന്നത് തടയുന്നതിന് പദ്ധതികൾ ആവിഷ്കരിക്കുക, തൊഴിലുറപ്പ് പദ്ധതിയിൽ തൊഴിൽദിനങ്ങളും കൂലിയും വർധിപ്പിക്കുക, കോറോം പിഎച്ച്സിയിൽ കിടത്തിച്ചികിത്സ ആരംഭിക്കുക, നിരവിൽപ്പുഴ ടൗണ്‍ ഹരിതവത്കരിക്കുക, ഇരുന്പകം കടവ് ലിഫ്റ്റ് ഇറിഗേഷൻ പദ്ധതി നടപ്പാക്കുക, ഇണ്ട്യേരിക്കുന്ന് ചെക്ക് ഡാമിൽ ഇരുന്പുഷട്ടർ സ്ഥാപിക്കുക, വെള്ളമുണ്ട, തൊണ്ടർനാട് പഞ്ചായത്തുക്കളെ ബന്ധിപ്പിക്കുന്ന ഇണ്ട്യേരിക്കുന്ന്-പഴഞ്ചന പാലം റോഡ് പുനർനിർമിക്കുക, വന്യമൃഗശല്യത്തിന് പരിഹാരം കാണുക, ക്ഷീരഗ്രാമം പദ്ധതി നടപ്പാക്കുക തുടങ്ങിയ നിർദേശങ്ങൾ ഓപ്പണ്‍ ഫോറത്തിൽ ഉയർന്നു.

സ്റ്റുഡന്‍റ്സ് കൗണ്‍സിൽ-2025 ശ്രദ്ധേയമായി

സുൽത്താൻ ബത്തേരി: പതിനാലാം പഞ്ചവത്സര പദ്ധതിയുടെ ഭാഗമായി നഗരസഭയിൽ വിദ്യാഭ്യാസ മേഖലയിലെ പദ്ധതികൾക്ക് ആശയരൂപീകരണം നടത്തുന്നതിന് സംഘടിപ്പിച്ച "സ്റ്റുഡന്‍റ്സ് കൗണ്‍സിൽ- 2025’ ശ്രദ്ധേയമായി. വിദ്യാർഥികളുടെ അഭിപ്രായങ്ങൾക്കും നിർദേശങ്ങൾക്കും പ്രാധാന്യം നൽകിയാണ് പരിപാടി സംഘടിപ്പിച്ചത്. വിദ്യാലയങ്ങളിൽ വരുത്തേണ്ട മാറ്റങ്ങൾ, ഇപ്പോഴത്തെ അവസ്ഥ, അടുത്ത 10 വർഷത്തിനിടെ കൈവരിക്കേണ്ട നേട്ടങ്ങൾ, അക്കാദമിക-ഭൗതിക പദ്ധതികൾ എന്നിവ വിദ്യാർഥികൾ നഗരസഭാ ഭരണസമിതി മുന്പാകെ അവതരിപ്പിച്ചു. എൽപി വിഭാഗത്തിൽ ഏഴും യുപി വിഭാഗത്തിൽ ആറും ഹൈസ്കൂൾ വിഭാഗത്തിൽ ഏഴും ഹയർ സെക്കൻഡറി വിഭാഗത്തിൽനിന്ന് നാലും പ്രോജക്ടുകൾ കൗണ്‍സിലിൽ അവതരിപ്പിച്ചു. വിദ്യാർഥികളിൽനിന്ന് ലഭിക്കുന്ന മികച്ച ആശയങ്ങൾ സ്കൂളുകളിൽ നടപ്പാക്കുന്നതിനു നഗരസഭ പ്രത്യേക സാന്പത്തിക സഹായം പ്രഖ്യാപിച്ചിട്ടുണ്ട്. എൽപി-10,000 രൂപ, യുപി-20,000, എച്ച്എസ്-30,000, എച്ച്എസ്എസ്-40,000 രൂപ എന്നിങ്ങനെയാണ് സഹായം. മുനിസിപ്പൽ ചെയർമാൻ ടി.കെ. രമേശ് ഉദ്ഘാടനം ചെയ്തു. ജനപ്രതിനിധികളായ ടോം ജോസ്, പി.എസ്. ലിഷ, കെ. റഷീദ്, സാലി പൗലോസ്, പൊതുപ്രവർത്തകരായ എം. ആരിഫ്, കെ.സി. യോഹന്നാൻ, ഡിഇഒ സി.വി. മൻമോഹൻ, എസ്എസ്കെ ഡിപിസി അനിൽകുമാർ, ഹയർ സെക്കൻഡറി കോ ഓർഡിനേറ്റർ ഷിവി കൃഷ്ണൻ, ഡെപ്യൂട്ടി പ്ലാനിംഗ് ഓഫീസർ കെ.എസ്. ശ്രീജിത്ത്, എഇഒ ബി.എസ്. ഷിജിത, ബിപിസി ടി. രാജൻ എന്നിവർ പ്രസംഗിച്ചു. മികച്ച പ്രോജക്ടുകൾ അവതരിപ്പിച്ചവർക്കുള്ള സമ്മാനം ജില്ലാ പ്ലാനിംഗ് ഓഫീസർ എം. കമാലുദ്ദീൻ നിർവഹിച്ചു. നിർവഹണ ഉദ്യോഗസ്ഥൻ പി.എ. അബ്ദുൾ നാസർ കോ ഓർഡിനേറ്റർ ടി.ജി. സജി എന്നിവർ സംസാരിച്ചു.

ജനറേറ്ററും ട്രാൻസ്ഫോർമറും പി.ടി. ഉഷ ഉദ്ഘാടനം ചെയ്തു

സുൽത്താൻ ബത്തേരി: നൂൽപ്പുഴ കുടുംബാരോഗ്യ കേന്ദ്രത്തിലെ ജനറേറ്ററും ട്രാൻസ്ഫോർമറും സ്പോർട്സ് ഇൻജുറി ക്ലിനിക്കും ഇന്ത്യൻ ഒളിന്പിക്സ് അസോസിയേഷൻ പ്രസിഡന്‍റും രാജ്യസഭാംഗവുമായ പദ്മശ്രീ പിടി ഉഷ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് ഷീജ സതീഷ് അധ്യക്ഷത വഹിച്ചു. വൈസ് പ്രസിഡന്‍റ് എൻ.എ. ഉസ്മാൻ, ജില്ലാ പഞ്ചായത്ത് അംഗം അമൽ ജോയ്, കുടുംബാരോഗ്യകേന്ദ്രം ജനറൽ സർജൻ ഡോ. ദാഹർ മുഹമ്മദ്, പ്രശാന്ത് മലവയൽ, ആരോഗ്യപ്രവർത്തകർ, ജനപ്രതിനിധികൾ എന്നിവർ പങ്കെടുത്തു. എംപി ഫണ്ടിൽനിന്ന് ലഭ്യമാക്കിയ 30 ലക്ഷം രൂപ ചെലവഴിച്ചാണ് 58.5 കെവി ജനറേറ്ററും 100 കെവിഎ ട്രാൻസ്ഫോർമറും സ്ഥാപിച്ചത്.

ജനവാസ മേഖലയിൽ കാട്ടുപോത്ത്

മാനന്തവാടി: തലപ്പുഴ വെണ്‍മണി കൊളങ്ങോട് ജനവാസ മേഖലയിൽ കാട്ടുപോത്ത് ഇറങ്ങി. ഇന്നലെ ഉച്ചയ്ക്ക് ശേഷമാണ് അഞ്ച് കാട്ടുപോത്തുകൾ ജലവാസ മേഖലയിൽ ഇറങ്ങിയത്. ഏതാനും മാസം മുന്പ് കാട്ടുപോത്തുകൾ പ്രദേശത്തെ പുളിക്കൽ അപ്പച്ചന്‍റെ വാഴകൾ നശിപ്പിച്ചിരുന്നു. കാട്ടുപോത്തുകൾ വീണ്ടും എത്തിയതോടെ പ്രദേശത്തെ വാഴക്കർഷകർ ആശങ്കയിലാണ്. വനപാലകർ കാട്ടുപോത്തുകളെ സമീപത്തെ വനത്തിലേക്ക് ഓടിച്ചു. പ്രദേശത്തെ വന്യമൃഗ ശല്യത്തിന് പരിഹാരം ഉണ്ടാക്കണമെന്നാണ് നാട്ടുകാർ ആവശ്യപ്പെടുന്നത്.

ഫുട്ബോൾ പരിശീലകന് സ്വീകരണം നൽകി

കൽപ്പറ്റ: സന്തോഷ് ട്രോഫി ഫുട്ബോൾ ടൂർണമെന്‍റിനുള്ള കേരള ഫുട്ബോൾ ടീം പരിശീലകനായി നിയമിതനായ വയനാട് സ്വദേശി ഷെഫീഖ് ഹസന് സ്പോർട്സ് ആൻഡ് കൾച്ചറൽ പ്രമോഷൻ കൗണ്‍സിൽ (എസ്‌സിപിസി) ഹോട്ടൽ ഹോളിഡെയ്സിൽ സംഘടിപ്പിച്ച ചടങ്ങിൽ സ്വീകരണം നൽകി. വയനാട്ടുകാരൻ ആദ്യമായാണ് കേരള ഫുട്ബോൾ ടീമിന്‍റെ മുഖ്യ പരിശീലക സ്ഥാനത്ത് എത്തുന്നത്. കൗണ്‍സിൽ പ്രസിഡന്‍റ് പോക്കു മുണ്ടോളി അധ്യക്ഷത വഹിച്ചു. സെക്രട്ടറി പി. കബീർ, ട്രഷറർ യു.കെ. ഹാഷിം, ടി. നിയാസ് തൈവളപ്പിൽ, സി.കെ. നൗഷാദ്, അയ്യൂബ് പാലക്കുന്നൻ, റിയാസ് അഫാസ്, എ.കെ. ഹർഷൽ, വി.വി. സലിം, അസീസ് അന്പിലേരി, കെ.പി. ഷാജഹാൻ, ജസൽ ജഐഫ്സി, റൗഫ് ഒലീവ്സ്, ഷാഹുൽ അബി എന്നിവർ പ്രസംഗിച്ചു.

ഡോ. യൂസഫ് നദ്‌വിക്ക് ഭാരത് സേവക് സമാജം പുരസ്കാരം

കൽപ്പറ്റ: ഭാരത് സേവക് സമാജത്തിന്‍റെ ദേശീയ പുരസ്കാരത്തിന് മുട്ടിൽ ഡബ്ല്യുഎംഒ കോളജിലെ അറബി വിഭാഗം അസി. പ്രാഫ.ഡോ.യൂസഫ് മുഹമ്മദ് നദ്‌വി ഏറ്റുവാങ്ങി. തിരുവനന്തപുരം ഭാരത് സേവക് സമാജം സദ്ഭാവന ഓഡിറ്റോറിയത്തിൽ നടന്ന ചടങ്ങിൽ അഖിലേന്ത്യ ചെയർമാൻ ബി.എസ്. ബാലചന്ദ്രനിൽനിന്നാണ് പുരസ്കാരം സ്വീകരിച്ചത്. അക്കാദമിക പ്രവർത്തനങ്ങളിലൂടെ രാജ്യത്തിന് നൽകിയ സംഭാവനകൾ പരിഗണിച്ചാണ് ഡോ. നദ്‌വിയെ പുരസ്കാരത്തിന് തെരഞ്ഞെടുത്തത്. ഡോ.കെ.കെ.എൻ. കുറുപ്പാണ് പുരസ്കാരത്തിനു നാമനിർദേശം ചെയ്തത്. വിദ്യാഭ്യാസം, ഭാഷ, സാഹിത്യം, ചരിത്രം, മതം, ശാസ്ത്രം തുടങ്ങിയ വിഷയങ്ങളിൽ രാജ്യത്തിനകത്തും പുറത്തുമായി നൂറിൽപരം സെമിനാറുകളിലും സമ്മേളനങ്ങളിലും ഡോ.നദ്‌വി പ്രബന്ധങ്ങൾ അവതരിപ്പിക്കുകയും പ്രഭാഷണം നടത്തുകയും ചെയ്തിട്ടുണ്ട്. കഴിഞ്ഞവർഷം ദുബായിൽ നടന്ന അന്താരാഷ്ട്ര അറബിക് ഭാഷാ സെമിനാറിൽ ഡോ.നദ്വിയുടെ പ്രബന്ധം "ശൈഖ് മുഹമ്മദ് ബിൻ റാഷിദ് അൽ മഖ്ദൂം’ അവാർഡ് നേടിയിരുന്നു.

നെൽക്കതിരിട്ടു: കാവൽ മാടങ്ങൾ ഒരുക്കി കർഷകർ

സുൽത്താൻ ബത്തേരി: വന്യജീവിശല്യം രൂക്ഷമായ നൂൽപ്പുഴ പഞ്ചായത്തിലെ വനയോര ഗ്രാമങ്ങളിലെല്ലാം നഞ്ചപ്പാടങ്ങൾ കതിരിട്ടതോടെ വന്യമൃഗങ്ങളിൽ നിന്ന് കൃഷിയെ സംരക്ഷിക്കാൻ കർഷകർ കാവൽ മാടങ്ങൾ ഒരുക്കി. കാട്ടാന, പന്നി, കുരങ്ങ്, മാൻ, മയിൽ, പക്ഷികൾ അടക്കമുള്ള വന്യജീവികൾ കൂട്ടത്തോടെ നെൽകൃഷി നശിപ്പിക്കുമെന്നതിനാലാണ് രാവും പകലും കാവലിരിക്കാൻ ഏറുമാടങ്ങൾ ഒരുക്കുന്നത്. ഏക്കർ കണക്കിന് വരുന്ന നെൽപ്പാടങ്ങളിൽ നടുവിലായി. മരക്കൊന്പുകളും പുല്ലും ഉപയോഗിച്ച് രണ്ടുപേർക്ക് ഇരിക്കാവുന്ന രീതിയിലാണ് ഏറുമാടങ്ങൾ നിർമിക്കുന്നത്. നെല്ല് കതിരായതോടുകൂടി പക്ഷികൾ കൂട്ടത്തോടെ എത്തുന്നതും രാത്രിയിൽ ആന അടക്കമുള്ളവ പാടത്തിറങ്ങുന്നതും തടയാനാണ് പ്രദേശത്തെ കർഷകർ രാത്രിയും പകലും കാവൽ ഇരിക്കുന്നത്. വനത്തിനോട് ചേർന്ന് വയലുകളിൽ അടുത്തടുത്തായി ഏറുമാടങ്ങൾ കാണാൻ സാധിക്കും. വന്യജീവിയെ പ്രതിരോധിക്കാൻ ഈ പ്രദേശങ്ങളിൽ ഇപ്പോഴും ഏറുമാടങ്ങൾ അടക്കമുള്ളവയാണ് പ്രതിരോധ സംവിധാനങ്ങൾ. നെല്ല് കൊയ്ത്തിനു പാകമായി തുടങ്ങിയതോടുകൂടി ഏത് നിമിഷവും വന്യജീവികൾ വയലിൽ എത്തുമെന്ന അവസ്ഥയാണ്. ഇതിനെ പ്രതിരോധിക്കേണ്ടത് കർഷകരുടെ അന്നത്തിന്‍റെയും അതിജീവനത്തിന്‍റെയും ഭാഗമാണ്.

തയ്യൽ മെഷീൻ വിതരണം ചെയ്തു

സുൽത്താൻ ബത്തേരി: വൈഎംസിഎയുടെ സുവർണ ജൂബിലി ആഘോഷത്തിന്‍റെ ഭാഗമായി നിർധനരായ തയ്യൽ ഉപജീവനമാക്കിയ പതിനഞ്ച് വ്യക്തികൾക്കാണ് ഹൈ സ്പീഡ് തയ്യൽ മിഷീൻ വിതരണം ചെയ്തത്. ഒന്നാംഘട്ടത്തിൽ തെരഞ്ഞെടുത്ത പതിനഞ്ച് പേരെ കൂടാതെ പത്ത് പേർക്ക് കൂടി അടുത്ത ഘട്ടത്തിൽ വിതരണം ചെയ്യും. വിതരണോദ്ഘാടനം വൈഎംസിഎ നാണഷൽ പ്രസിഡന്‍റ് ഡോ. വിൻസെന്‍റ് ജോർജ് നിർവഹിച്ചു. യോഗത്തിൽ വൈഎംസിഎ പ്രസിഡന്‍റ് സി.ഇ. ഫിലിപ്പ് അധ്യക്ഷത വഹിച്ചു. പ്രോഗ്രാം കോഓർഡിനേറ്റർ പ്രഫ.എ.വി. തരിയത്ത്, വൈഎംസിഎ നാഷണൽ എക്സിക്യുട്ടീവ് അംഗം വി.എം. മത്തായി, കേരള റീജണൽൻ പ്രോഗ്രാം ബോർഡ് ചെയർമാൻ രാജൻ തോമസ്, വൈഎംസിഎ സെക്രട്ടറി ബ്രിജിത്ത് ജോസഫ്, കെ.ജെ. ജോണി, എം.ജെ. മത്തായി, ട്രഷറർ ഒ.കെ. മത്തായി, റോസ്മേരി, സന്ധ്യ വർഗീസ് എന്നിവർ പ്രസംഗിച്ചു.

വൈത്തിരിയിലും നല്ലൂർനാടിലും പുനർജനി ക്യാന്പ് നടത്തി

കൽപ്പറ്റ: മേപ്പാടി ഗവ.പോളിടെക്നിക് കോളജിലെ എൻഎസ്എസ് വോളന്‍റിയർമാരുടെ നേതൃത്വത്തിൽ വൈത്തിരി ഗവ.താലൂക്ക് ആശുപത്രിയിൽ പുനർജനി ക്യാന്പ് സംഘടിപ്പിച്ചു. 80 വോളന്‍റിയർമാർ പങ്കെടുത്ത ചതുർദിന ക്യാന്പ് വൈത്തിരി പഞ്ചായത്ത് പ്രസിഡന്‍റ് എം.വി. വിജേഷ് ഉദ്ഘാടനം ചെയ്തു. ഹോസ്പിറ്റൽ സൂപ്രണ്ട് പ്രിയ സേനൻ അധ്യക്ഷത വഹിച്ചു. ഡെപ്യൂട്ടി നഴ്സിംഗ് സൂപ്രണ്ട് ആനിയമ്മ മാത്യു, കോളജ് പ്രിൻസിപ്പൽ ബി.എസ്. ജവഹറലി, ഇലക്ട്രോണിക്സ് വിഭാഗം തലവൻ കെ.പി. സുരേഷ്, എൻഎസ്എസ് പ്രോഗ്രാം ഓഫീസർ കെ.ടി. സ്മിനിമോൾ, കെ.എസ്. പ്രകാശ്ബാബു, വോളന്‍റിയർ സെക്രട്ടറി ലിയ അന്ന ഫ്രാൻസിസ് എന്നിവർ പ്രസംഗിച്ചു. സർക്കാർ സ്ഥാപനങ്ങളിലെ തകരാറിലായ ഉപകരണങ്ങൾ സ്റ്റേറ്റ് ടെക്നിക്കൽ സെല്ലിന്‍റെ നേതൃത്വത്തിൽ എൻഎസ്എസ് ഏറ്റെടുത്ത് ഉപയോഗയോഗ്യമാക്കുന്ന പദ്ധതിയാണ് പുനർജനി ക്യാന്പ്. മാനന്തവാടി: ഗവ. പോളിടെക്നിക്ക് കോളജിലെ എൻഎസ്എസ് വോളന്‍റിയർമാരുടെ നേതൃത്വത്തിൽ നല്ലൂർനാട് അംബേദ്കർ കാൻസർ സെന്‍ററിൽ നടത്തിയ മൂന്നു ദിവസത്തെ പുനർജനി ക്യാന്പിൽ വീൽ ചെയറുകൾ, സ്ട്രക്ചറുകൾ, കസേരകൾ, ട്രോളികൾ എന്നിവ ഉപയോഗയോഗ്യമാക്കി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി ഉദ്ഘാടനം ചെയ്തു. എൻഎസ്എസ് പ്രോഗ്രാം ഓഫീസർ ജ്യോതിസ് പോൾ അധ്യക്ഷത വഹിച്ചു. മെഡിക്കൽ ഓഫീസർ ഡോ.പി.എച്ച്. സൂര്യ, ഹെഡ് നഴ്സ് ആലീസ് മാത്യു, അസിസ്റ്റന്‍റ് പ്രോഗ്രാം ഓഫീസർ എം.എ. ധനിത, സ്റ്റാഫ് അംഗങ്ങളായ ജിഷ്ണു ജയാനന്ദൻ, ഒ.ജി. സന്ദീപ്, അബ്ദുൾ റഷീദ്, വി.എസ്. ശ്രീജിത്ത്, പി.ടി. സുബാഷ്, ജിഷ്ണു ജയാനന്ദൻ, ശ്രിയ, കെ.ജെ. അബിൻ എന്നിവർ പ്രസംഗിച്ചു.

വന പരിപാലന നയങ്ങൾ ചർച്ച ചെയ്ത് വിഷൻ 2031 സെമിനാർ

കൽപ്പറ്റ: അസന്തുലിത വനമേഖലകളെ സ്വാഭാവിക വനപ്രദേശങ്ങളാക്കി മാറ്റാനുള്ള ക്രിയാത്മകമായ ഇടപെടൽ ആവശ്യമാണെന്ന് വിഷൻ 2031 സംസ്ഥാനതല സെമിനാറിലെ ചർച്ചയിൽ നിർദേശം. കാടും നാടും വേർതിരിക്കുന്നതിൽ പ്രായോഗിക ബുദ്ധിമുട്ടുകൾ ഉണ്ടെങ്കിലും വനത്തെ സംരക്ഷിച്ച് വന്യജീവികൾ ജനവാസ കേന്ദ്രങ്ങളിലേക്ക് എത്താതിരിക്കാനുള്ള നടപടികൾ ഉണ്ടാകണമെന്നും ചർച്ചയിൽ നിർദേശിച്ചു. വന മേഖലകളിലെ സെന്ന, തേക്ക് തുടങ്ങിയ അശാസ്ത്രീയ അധിനിവേശ സസ്യങ്ങൾ പരിപാലിക്കുന്നതിന് പകരമായി ദീർഘ വീക്ഷണത്തോടെയുള്ള വന സംരക്ഷണ മാസ്റ്റർ പ്ലാൻ തയാറാക്കണം. ആക്രമകാരികളായ വന്യമൃഗങ്ങളെ പിടികൂടാനുള്ള കാലതാമസം ഒഴിവാക്കണം. വന്യജീവി ആക്രമണത്തിന് നൽകുന്ന നഷ്ടപരിഹാര തുക വർധിപ്പിക്കാൻ നടപടി സ്വീകരിക്കാനും ചർച്ചയിൽ ആവശ്യമുയർന്നു. വനമേഖലകളിലെ അധിനിവേശ സസ്യങ്ങളുടെ കൃത്യമായ വിവര ശേഖരണങ്ങൾ ലഭ്യമാക്കണം. പ്രതിരോധ സംവിധാനങ്ങൾ സമാന്തരമായി നടപ്പാക്കണം. കാർഷിക വിളകൾ നശിപ്പിക്കുന്ന കാട്ടുപന്നികളെ ഇല്ലായ്മ ചെയ്യാൻ പഞ്ചായത്ത് തലത്തിൽ നടപടി ഉണ്ടെങ്കിലും നിയമം നടപ്പാക്കാൻ പ്രായോഗിക ഇടപെടൽ സ്വീകരിക്കണമെന്നും ചർച്ചയിൽ അഭിപ്രായപ്പെട്ടു. വന്യമൃഗങ്ങൾക്കായി ഉൾവനങ്ങളിൽ വൈവിധ്യമാർന്ന ഭക്ഷ്യവിഭവങ്ങൾ ഉത്പാദിപ്പിക്കപ്പെടാൻ ഫ്രൂട്ട് ഫോറസ്റ്റ് ആശയം നടപ്പാക്കണമെന്ന ആശയവും ചർച്ചയിൽ ഉയർന്നു. ചർച്ചയിൽ ഉരുത്തിരിഞ്ഞ ആശയങ്ങൾ സർക്കാരിന്‍റെ ശ്രദ്ധയിൽപ്പെടുത്തുകയും ഭാവി വനപരിപാലന, വനസംരക്ഷണ പ്രവർത്തനങ്ങൾക്കായുള്ള കരട് നയരേഖയിൽ ഉൾപ്പെടുത്തി നൂതന ആശയങ്ങൾ രൂപീകരിക്കുമെന്ന് അഡിഷണൽ പ്രിൻസിപ്പൽ ചീഫ് ഫോറസ്റ്റ് കണ്‍സർവേറ്റർ ഡോ.പി. പുകഴേന്തി അറിയിച്ചു. വനവത്കരണം സ്വാഭാവിക വനങ്ങളുടെ പുനഃസ്ഥാപനവും വനസംരക്ഷണവും, വന്യജീവി സംരക്ഷണം, വന്യജീവി ആക്രമണം ലഘൂകരണം, കാലാവസ്ഥ വ്യതിയാനവും വനം വന്യജീവി സംരക്ഷണത്തിന്‍റെ ഭാവിയും, പങ്കാളിത്ത വനപരിപാലനവും വനാശ്രിത സമൂഹങ്ങളുടെ ഉന്നമനവും, സാമൂഹിക വനവത്കരണവും സാധ്യതകളും, ഇക്കോ ടൂറിസം സുസ്ഥിര സമീപനം, ആധുനിക വനവത്കരണവും കാര്യക്ഷമമായ പൊതുജന സേവനവും, അടിസ്ഥാന സൗകര്യ വികസനവും മാനവ വിഭവ ശേഷി വികസനവും എന്നീ വിഷയങ്ങളിൽ വിഷയ വിദഗ്ധർ, രാഷ്ട്രീയ സാമൂഹിക പരിസ്ഥിതി പ്രവർത്തകർ, പൊതുജനങ്ങൾ, വിദ്യാർഥികൾ എന്നിവർ ചർച്ചയിൽ പങ്കെടുത്തു. സംസ്ഥാന ചീഫ് വൈൽഡ് വാർഡൻ ഡോ. പ്രമോദ് ജി. കൃഷ്ണൻ, ഫോറസ്റ്റ് മാനേജ്മെന്‍റ് അഡീഷണൽ പ്രിൻസിപ്പൽ ചീഫ് ഫോറസ്റ്റ് കണ്‍സർവേറ്റർ ഡോ.എൻ. ചന്ദ്രശേഖരൻ, ഇക്കോ ഡെവലപ്മെന്‍റ് ആൻഡ് ട്രൈബൽ വെൽഫെയർ അഡീഷണൽ പ്രിൻസിപ്പൽ ചീഫ് ഫോറസ്റ്റ് കണ്‍സർവേറ്റർ ഡോ.ജെ. ജസ്റ്റിൻ മോഹൻ എന്നിവർ ചെയർമാൻമാരും മാനന്തവാടി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി, ബത്തേരി നഗരസഭാ പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ കെ. റഷീദ് എന്നിവർ കോ ചെയർമാൻമാരായ പാനലാണ് ചർച്ചയ്ക്ക് നേതൃത്വം നൽകിയത്.

സംസ്ഥാന മേളയിൽ അഭിനവ് ആധുനിക പോളിൽ മത്സരിക്കും

കൽപ്പറ്റ: വയനാട് ജില്ലാ സ്കൂൾ കായികമേളയിൽ മുള ഉപയോഗിച്ച് പോൾവോൾട്ട് മത്സരത്തിൽ പങ്കെടുത്ത് ഒന്നാം സ്ഥാനം നേടിയ അഭിനവ് സംസ്ഥാന സ്കൂൾ കായിക മേളയിൽ ആധുനിക പോളിൽ മത്സരിക്കും. സംസ്ഥാനതല കായിക മത്സരത്തിൽ പങ്കെടുക്കാൻ അഭിനവിന് ആധുനിക പോൾ ലഭ്യമാക്കുമെന്ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു അറിയിച്ചു. ജൂണിയർ ആണ്‍കുട്ടികളുടെ പോൾവോൾട്ടിലാണ് മാനന്തവാടി ഗവ. വൊക്കേഷണൻ ഹയർ സെക്കൻഡറി സ്കൂളിലെ പത്താംക്ലാസ് വിദ്യാർഥി അഭിനവ് സ്വർണം നേടിയത്. സ്കൂൾ പരിസരത്തുനിന്നു വെട്ടിയെടുത്ത മുള ഉപയോഗിച്ച് 2.50 മീറ്റർ ഉയരത്തിൽ ചാടിയാണ് അഭിനവ് സംസ്ഥാനതല മത്സരത്തിനു യോഗ്യത നേടിയത്. 2024ൽ സംസ്ഥാന സ്കൂൾ കായികമേളയിൽ പോൾവോൾട്ടിൽ 2.20 മീറ്റർ ഉയരത്തിൽ ചാടിയ അഭിനവ് നാലാംസ്ഥാനം കരസ്ഥമാക്കിയിരുന്നു. മാനന്തവാടി അഗ്രഹാരം ഉന്നതിയിലെ മണി-ഉഷ ദന്പതികളുടെ മകനാണ് അഭിനവ്. കായികധ്യാപകൻ മൊതക്കര കെ.വി സജിയാണ് പരിശീലകൻ.

ജീവിതോത്സവം: എം. സിദ്ധാർഥ് ജില്ലാതല വിജയി

കൽപ്പറ്റ: ഹയർ സെക്കൻഡറി നാഷണൽ സർവീസ് സ്കീം നടത്തിയ ജീവിതോത്സവം ചലഞ്ചിലെ ജില്ലാതല വിജയിയായി മാനന്തവാടി ഹയർ സെക്കൻഡറി സ്കൂളിലെ എം. സിദ്ധാർഥിനെ തെരഞ്ഞെടുത്തു. 21, 22 തീയതികളിൽ തിരുവനന്തപുരം കനകക്കുന്ന് കൊട്ടാരത്തിൽ നടക്കുന്ന ജീവിതോത്സവം സംസ്ഥാന കാർണിവലിൽ സിദ്ധാർഥ് ജില്ലയെ പ്രതിനിധാനം ചെയ്യും. എൻഎസ്എസ് ജില്ലാ മീഡിയ വിംഗ് ലീഡറാണ് സിദ്ധാർഥ്.

ഐഎൻടിയുസി മുള്ളൻകൊല്ലി മണ്ഡലം കണ്‍വൻഷൻ

പുൽപ്പള്ളി: ഐഎൻടിയുസി മുള്ളൻകൊല്ലി മണ്ഡലം കണ്‍വൻഷൻ പെരിക്കല്ലൂർ വ്യാപാര ഭവനിൽ നടത്തി. ജില്ലാ പ്രസിഡന്‍റ് പി.പി. ആലി ഉദ്ഘാടനം ചെയ്തു. കേന്ദ്ര, സംസ്ഥാന സർക്കാരുകളുടെ തെറ്റായ നയങ്ങൾമൂലം കർഷകരും തൊഴിലാളികളും കടുത്ത പ്രതിസന്ധിയാണ് നേരിടുന്നതെന്നു അദ്ദേഹം പറഞ്ഞു. നയങ്ങൾ തൊഴിലാളി സൗഹൃദമാക്കാൻ സർക്കാരുകൾ തയാറാകണമെന്ന് ആവശ്യപ്പെട്ടു. മണ്ഡലം പ്രസിഡന്‍റ് മനോജ് ഉതുപ്പാൻ അധ്യക്ഷത വഹിച്ചു. ഡിസിസി ജനറൽ സെക്രട്ടറി ബീന ജോസ്, മഹിളാ കോണ്‍ഗ്രസ് ജില്ലാ പ്രസിഡന്‍റ് ജിനി തോമസ്, പി.എൻ. ശിവൻ, മണി പാന്പനാൽ, സി.എ. ഗോപി, തങ്കച്ചൻ കാനാട്ടുമല എന്നിവർ പ്രസംഗിച്ചു.

മുട്ടിൽ പഞ്ചായത്ത് വികസന സദസ് നടത്തി

മുട്ടിൽ: പഞ്ചായത്ത് വികസന സദസ് മന്ത്രി ഒ.ആർ. കേളു ഉദ്ഘാടനം ചെയ്തു. 1996ൽനിന്ന് 2025ൽ എത്തിയപ്പോൾ തദ്ദേശസ്വയംഭരണ മേഖലയിൽ കാതലായ മാറ്റങ്ങൾ ഉണ്ടായതായി അദ്ദേഹം പറഞ്ഞു. പഞ്ചായത്ത് പ്രസിഡന്‍റ് ശ്രീദേവി ബാബു അധ്യക്ഷത വഹിച്ചു. വൈസ് പ്രസിഡന്‍റ് അഷ്റഫ് ചിറക്കൽ, ജനപ്രതിനിധികളായ നസീമ മങ്ങാടൻ, പി.എം. സന്തോഷ്കുമാർ, എൽഎസ്ജിഡി ജോയിന്‍റ് ഡയറക്ടർ വിമൽ രാജ്, വി.കെ. രുക്മിണി എന്നിവർ പ്രസംഗിച്ചു. എക്സ് ഒഫീഷ്യോ സെക്രട്ടറി മുഹമ്മദ് ഷഫീഖ് പ്രോഗ്രസ് റിപ്പോർട്ട് അവതരിപ്പിച്ചു. വിവിധ പദ്ധതികൾക്ക് ഭൂമി സൗജന്യമായി നൽകിയ ഓമന, മോഹനൻ നങ്ങേലി, അച്ചപ്പൻ മാണ്ടാട് എന്നിവരെ ആദരിച്ചു. ഓപ്പണ്‍ ഫോറത്തിൽ ഇംപ്ലിമെന്‍റിംഗ് ഓഫീസർ പി.എസ്. ഗിരീഷ്കുമാർ മോഡറേറ്ററായി.

ഗോത്രകലകളുടെ ആഘോഷമായി തുടിതാളം

പയ്യന്പള്ളി: ഗോത്രകലകളുടെ പ്രാധാന്യവും പൈതൃകവും സമൂഹത്തിനു പകരുകയെന്ന ലക്ഷ്യത്തോടെ സെന്‍റ് കാതറിൻസ് ഹൈസ്കൂളിൽ ‘തുടി താളം’ എന്ന പേരിൽ ഗോത്ര ഫെസ്റ്റ് സംഘടിപ്പിച്ചു. തനത് ഗോത്ര കലാരൂപങ്ങളായ ഇരുളനൃത്തം, മംഗലംകളി, മലപ്പുലയാട്ടം, വട്ടക്കളി തുടങ്ങിയവ അരങ്ങേറി. മാനന്തവാടി മുനിസിപ്പൽ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ അഡ്വ.സിന്ധു സെബാസ്റ്റ്യൻ ഉദ്ഘാടനം ചെയ്തു. സ്കൂൾ അസിസ്റ്റന്‍റ് മാനേജർ ഫാ.ജിജോ പല്ലാട്ടുകുന്നേൽ അധ്യക്ഷത വഹിച്ചു. വാർഡ് കൗണ്‍സിലർമാരായ ലൈല സജി, വിപിൻ വേണുഗോപാൽ, പിടിഎ പ്രസിഡന്‍റ് ജോബി ജോസഫ്, എംപിടിഎ പ്രസിഡന്‍റ് സുനിത ലാൽസണ്‍, അധ്യാപിക മഞ്ജുഷ ദേവി എന്നിവർ പ്രസംഗിച്ചു. വിദ്യാർഥികളെയും പരിശീലകൻ എം. സുധീഷിനെയും മെമന്േ‍റാ നൽകി ആദരിച്ചു. ഹെഡ്മാസ്റ്റർ ഫിലിപ്പ് ജോസഫ് സ്വാഗതം പറഞ്ഞു.

പോത്തുവളർത്തൽ പദ്ധതിയുമായി പുൽപ്പള്ളി പഞ്ചായത്ത്

പുൽപ്പള്ളി: പഞ്ചായത്തിലെ പട്ടികവർഗ സങ്കേതങ്ങളിൽ ഭക്ഷ്യസുരക്ഷാ പദ്ധതികൾ നടപ്പാക്കുന്നതിന്‍റെ ഭാഗമായി പോത്തുവളർത്തൽ യൂണിറ്റുകൾ ആരംഭിക്കുന്നു. പഞ്ചായത്ത് വാർഷിക പദ്ധതിയിൽ 30 ലക്ഷത്തോളം രൂപ ഇതിന് നീക്കിവച്ചു. തെരഞ്ഞെടുത്ത 20 പട്ടികവർഗ വനിതാ സംഘങ്ങൾക്ക് 171 പോത്തു കുട്ടികളെ സൗജന്യമായി നൽകും. പോത്തുകുട്ടി ഒന്നിന് 17,000 രൂപയാണ് വില. മൃഗാശുപത്രി മുഖേനയാണ് പദ്ധതി പ്രാവർത്തികമാക്കുന്നത്. പോത്തുകുട്ടി വിതരണം ആദ്യഘട്ടം പഞ്ചായത്ത് പ്രസിഡന്‍റ് ടി.എസ്. ദിലീപ്കുമാർ ഉദ്ഘാടനം ചെയ്തു. വൈസ് പ്രസിഡന്‍റ് ശോഭന സുകു അധ്യക്ഷത വഹിച്ചു എം.ടി. കരുണാകരൻ, ശ്രീദേവി മുല്ലക്കൽ, ഉഷ ബേബി, ഉഷ സത്യൻ, രജിത്ര ബാബുരാജ് എന്നിവർ പ്രസംഗിച്ചു. പദ്ധതി കോഓർഡിനേറ്റർ എ.കെ. രമേശൻ, ലൈവ്സ്റ്റോക്ക് ഇൻസ്പെക്ടർ ബിനോയി ജയിംസ്, അസിസ്റ്റന്‍റ് ഫീൽഡ് ഓഫീസർമാരായ സി.ഡി. റോഷ്ന, ജ്യോതി രാജു, എം.ആർ. ബിന്ദു, ജീവനക്കാരായ വി.എം. ജോസഫ്, പി.ആർ. സന്തോഷ്കുമാർ, ജയ സുരേഷ്,കെ.എം. ഷമീർ, പി.എസ്. മനോജ്കുമാർ എന്നിവർ പോത്തുകുട്ടികൾക്കുള്ള കുളന്പുരോഗ പ്രതിരോധ കുത്തിവയ്പ്പ്, മരുന്നുവിതരണം, ഇൻഷ്വറൻസ് പ്രവർത്തനങ്ങൾക്ക് നേതൃത്വം നൽകി.

നഗരസഭകളിലെ സംവരണ ഡിവിഷനുകളുടെ നറുക്കെടുപ്പ്

കൽപ്പറ്റ: ജില്ലയിലെ നഗരസഭകളിലെ സംവരണ ഡിവിഷനുകളുടെ നറുക്കെടുപ്പ് പൂർത്തിയായി. കളക്ടറേറ്റ് കോണ്‍ഫറൻസ് ഹാളിൽ തദ്ദേശ സ്വയംഭരണ ജില്ലാ ജോയിന്‍റ് ഡയറക്ടർ കെ.കെ. വിമൽരാജിന്‍റെ നേത്വത്തിലായിരുന്നു നറുക്കെടുപ്പ്. ഇലക്ഷൻ ഡെപ്യൂട്ടി കളക്ടർ നിജു കുര്യൻ, ഡെപ്യൂട്ടി ഡയറക്ടർ പി. ബൈജു, അസിസ്റ്റന്‍റ് ഡയറക്ടർ ജോമോൻ ജോർജ്, കെ.ടി. പ്രജുകുമാർ, സീനിയർ സൂപ്രണ്ട് ശ്രീജിത്ത് കരിങ്ങാളി എന്നിവർ പങ്കെടുത്തു. സംവരണ ഡിവിഷനുകൾ കൽപ്പറ്റ മുനിസിപ്പാലിറ്റി: മൂന്ന്-ഗവ.ഹൈസ്കൂൾ-പട്ടികജാതി സ്ത്രീ, എട്ട്-സിവിൽസ്റ്റേഷൻ, 21-മടിയൂർക്കുനി-പട്ടികവർഗ സ്ത്രീ, 18-റാട്ടക്കൊല്ലി-പട്ടികജാതി, 23-വെള്ളാരംകുന്ന്-പട്ടികവർഗം, ഒന്ന്-മണിയങ്കോട്, നാല്-നെടുങ്ങോട്, അഞ്ച്-എമിലി, 10-ചത്തോത്തുവയൽ, 11-മുനിസിപ്പൽ ഓഫീസ്, 12-എമിലിതടം, 15- ഗ്രാമത്തുവയൽ, 19-പുത്തൂർവയൽ, 24-അഡ്ലെഡ്, 26-തുർക്കി, 27-കേന്ദ്രീയവിദ്യാലയം, 29-മുണ്ടേരി-സ്ത്രീ. സുൽത്താൻ ബത്തേരി മുനിസിപ്പാലിറ്റി: 19-തൊടുവട്ടി, 22-ഫെയർലാൻഡ്-പട്ടികവർഗ സ്ത്രീ, ഒന്ന്- ആറാംമൈൽ-പട്ടികജാതി, എട്ട്-കരുവള്ളിക്കുന്ന്, 29-പൂമല-പട്ടികവർഗം, രണ്ട്-ചെതലയം, ഒന്പത്-ആർമാട്, 10-കോട്ടക്കുന്ന്, 12-കുപ്പാടി, 14-മന്തണ്ടിക്കുന്ന്, 20-കൈപ്പഞ്ചേരി, 21-മൈതാനിക്കുന്ന്, 23-സി കുന്ന്, 24-കട്ടയാട്, 25-സുൽത്താൻ ബത്തേരി, 26-പള്ളിക്കണ്ടി, 27-മണിച്ചിറ, 28-കല്ലുവയൽ, 32-പൂതിക്കാട്, 34-മന്തംകൊല്ലി, 36-കൈവട്ടമൂല-സ്ത്രീ. മാനന്തവാടി മുനിസിപ്പാലിറ്റി: ഏഴ്-ചോയിമൂല, 11-മുദ്രമൂല, 12-ചേറൂർ-പട്ടികവർഗ സ്ത്രീ, 35-പുത്തൻപുര-പട്ടികജാതി, രണ്ട്-ജസി, മൂന്ന്-പിലാക്കാവ്, 23-ആറാട്ടുതറ-പട്ടികവർഗം, നാല്-കല്ലിയോട്ട്, അഞ്ച്-കല്ലുമൊട്ടംകുന്ന്, ആറ്-അന്പുകുത്തി, ഒന്പത്-വിൻസന്‍റ്ഗിരി, 13-കുറുക്കൻമൂല, 15-കാടൻകൊല്ലി, 17-പുതിയിടം, 18-കൊയിലേരി, 19-താന്നിക്കൽ, 20-വള്ളിയൂർക്കാവ്, 21-മൈത്രിനഗർ, 26-മാനന്തവാടി ടൗണ്‍-സ്ത്രീ സംവരണം,28-എരുമത്തെരുവ്, 29-ക്ലബ്കുന്ന്, 32-പാലക്കുളി, 36-കുറ്റിമൂല-സ്ത്രീ. ബ്ലോക്ക് പഞ്ചായത്ത് സംവരണ വാർഡുകളുടെ നറുക്കെടുപ്പ് നടത്തി കൽപ്പറ്റ: ജില്ലയിലെ ബ്ലോക്ക് പഞ്ചായത്ത് സംവരണ ഡിവിഷനുകളിലേക്കു നറുക്കെടുപ്പ് പൂർത്തിയായി. കളക്ടറേറ്റ് റൗണ്ട് കോണ്‍ഫറൻസ് ഹാളിൽ ജില്ലാ കളക്റ്റർ ഡി.ആർ. മേഘശ്രീയുടെ നേതൃത്വത്തിലായിരുന്നു നറുക്കെടുപ്പ്. മാനന്തവാടി ബ്ലോക്ക് പഞ്ചായത്ത്: നാല്-തിരുനെല്ലി, എട്ട്-പള്ളിക്കൽ- പട്ടികവർഗ സ്ത്രീ, ഏഴ്-തോണിച്ചാൽ-പട്ടികവർഗം, രണ്ട്-വാളാട്, മൂന്ന്-തലപ്പുഴ, ഒന്പത്-കല്ലോടി, 10-തരുവണ, 13-തേറ്റമല-സ്ത്രീ. പനമരം ബ്ലോക്ക് പഞ്ചായത്ത്: ഒന്ന്-അഞ്ചുകുന്ന്, അഞ്ച്-മുള്ളൻകൊല്ലി-പട്ടികവർഗ സ്ത്രീ, മൂന്ന്-ആനപ്പാറ-പട്ടികവർഗം, ഏഴ്-ഇരുളം, എട്ട്-വാകേരി,10-നടവയൽ, 13-പച്ചിലക്കാട്, 14-പനമരം, 15-വിളന്പുകണ്ടം-സ്ത്രീ. കൽപ്പറ്റ ബ്ലോക്ക് പഞ്ചായത്ത്: ഒന്ന്-പടിഞ്ഞാറത്തറ-പട്ടികവർഗ സ്ത്രീ, 10-മൂപ്പൈനാട്-പട്ടികജാതി, ആറ്-മുട്ടിൽ-പട്ടികവർഗം, രണ്ട്-കുപ്പാടിത്തറ, മൂന്ന്-കോട്ടത്തറ, നാല്-വെങ്ങപ്പള്ളി, ഏഴ്-വാഴവറ്റ, ഒന്പത്-അരപ്പറ്റ, 13-ചാരിറ്റി, 16-തരിയോട്-സ്ത്രീ. ബത്തേരി ബ്ലോക്ക് പഞ്ചായത്ത്: രണ്ട്-മീനങ്ങാടി, 14-കുന്പളേരി-പട്ടികവർഗ സ്ത്രീ, നാല്-മൂലങ്കാവ്-പട്ടികവർഗം, ആറ്-നൂൽപ്പഴ, എട്ട്-കോളിയാടി, 10-അന്പുകുത്തി, 11-അന്പലവയൽ, 13-നെല്ലാറച്ചാൽ-സ്ത്രീ.

നൂൽപ്പുഴ കുടുംബാരോഗ്യ കേന്ദ്രത്തിൽ റോബോട്ടിക് ഗെയ്റ്റ് ട്രെയിനർ സംവിധാനമായി

സുൽത്താൻ ബത്തേരി: നൂൽപ്പുഴ കുടുംബാരോഗ്യ കേന്ദ്രത്തിൽ റോബോട്ടിക് ഗെയ്റ്റ് ട്രെയിനറും സിക്കിൾ ആൻഡ് പാലിയേറ്റീവ് ബ്ലോക്കും ആരോഗ്യമന്ത്രി വീണാ ജോർജ് ഉദ്ഘാടനം ചെയ്തു. ഐ.സി. ബാലകൃഷ്ണൻ എംഎൽഎ അധ്യക്ഷത വഹിച്ചു. ബത്തേരി ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ, നൂൽപ്പുഴ പഞ്ചായത്ത് പ്രസിഡന്‍റ് ഷീജ സതീഷ്, ജില്ലാ മെഡിക്കൽ ഓഫീസർ ഡോ.ടി മോഹൻദാസ്, അസിസ്റ്റന്‍റ് കളക്ടർ പി.പി. അർച്ചന, ജില്ലാ പഞ്ചായത്ത് അംഗം അമൽ ജോയ്, ആരോഗ്യ കേരളം ജില്ലാ പ്രോഗ്രാം മാനേജർ ഡോ.സമീഹ സെയ്തലവി തുടങ്ങിയവർ പങ്കെടുത്തു. മസ്തിഷാകാഘാതവും അപകടങ്ങളും ഉൾപ്പെടെ കാരണങ്ങൾമൂലം ശരീരം തളർന്നുപോകുന്നവർക്ക് ഫിസിയോതെറാപ്പിയിലൂടെ എഴുന്നേറ്റുനിൽക്കാനും നടക്കാനും പരിശീലനം നൽകുന്ന സംവിധാനമാണ് റോബോട്ടിക് ഗെയിറ്റ് ട്രെയിനർ. വയനാട് പാക്കേജിൽ അനുവദിച്ച 2.5 കോടി രൂപയാണ് ഇതിനു വിനിയോഗിച്ചത്. രാജ്യത്ത് ആദ്യമാണ് കുടുംബാരോഗ്യ കേന്ദ്രത്തിൽ ഈ സംവിധാനംസ്ഥാപിക്കുന്നത്.അരിവാൾകോശ രോഗികൾക്കുള്ള വാർഡും പെയിൻ ആൻഡ് റിഹാബിലിറ്റേഷൻ സെന്‍ററും ഉൾപ്പെടുന്നതാണ് സിക്കിൾ സെൽ ബ്ലോക്ക്. 10 കിടക്കകളുള്ള റിഹാബ് സെന്‍ററും കണ്‍സൾട്ടിംഗ് റൂമുകളും ഫിസിയോതെറാപ്പി, സ്പീച്ച് തെറാപ്പി മുറികളും വാർഡുകളും ബ്ലോക്കിലുണ്ട്.

ഡീസൽ പ്രതിസന്ധി: ടി. സിദ്ദിഖ് എംഎൽഎ കത്ത് നൽകി

കൽപ്പറ്റ: ഡീസൽ ക്ഷാമം അടിയന്തരമായി പരിഹരിച്ച് ജില്ലയിൽ കഐസ്ആർടിസിയുടെ മുഴുവൻ സർവീസുകളും നടത്തണമെന്ന് ആവശ്യപ്പെട്ട് ടി. സിദ്ദിഖ് എംഎൽഎ ഗതാഗതമന്ത്രി കെ.ബി. ഗണേഷ്കുമാറിന് കത്ത് നൽകി. ഡീസൽ ക്ഷാമം ജില്ലയിൽ കഐസ്ആർടിസി സർവീസിനെ ബാധിച്ചു. മൂന്നു ദിവസമായി നിരവധി ബസുകൾ നിർത്തിയിട്ടിരിക്കയാണ്. ചില റൂട്ടുകളിൽ ഭാഗികമാണ് സർവീസ്. ഇത് വിദ്യാർഥികളടക്കം യാത്രക്കാർക്ക് ബുദ്ധിമുട്ട് സൃഷ്ടിക്കുകയാണെന്ന് കത്തിൽ ചൂണ്ടിക്കാട്ടി.

ഏലമണ്ണയിലെ ആദിവാസി കുടുംബങ്ങൾക്ക് വൈദ്യുതി ലഭിച്ചു

പന്തല്ലൂർ: ഏലമണ്ണയിലെ ആദിവാസി കുടുംബങ്ങൾക്ക് വൈദ്യുതി ലഭിച്ചു. ഒരുവർഷത്തെ കാത്തിരിപ്പിനുശേഷമാണ് ഉന്നതിയിൽ വൈദ്യുതി എത്തിയത്. ഒരു വർഷം മുന്പാണ് ഗൂഡല്ലൂർ പഞ്ചായത്ത് യൂണിയൻ ഏലമണ്ണയിലെ പട്ടികവർഗ കുടുംബങ്ങൾക്ക് വീട് നിർമിച്ചു നൽകിയത്. വീടുകളിൽ വൈദ്യുതി ലഭ്യമാക്കിയിരുന്നില്ല. ഇത് വിദ്യാർഥികളുടെ പഠനത്തെയടക്കം ബാധിച്ചത് പരാതികൾക്കു കാരണമായിരുന്നു. ഇതേത്തുടർന്ന് ജില്ലാ കളക്ടറുടെ നിർദേശമനുസരിച്ച് ഉദ്യോഗസ്ഥർ ഉന്നതിയിലെത്തി നടത്തിയ പരിശോധനയാണ് കണക്ഷൻ ലഭിക്കുന്നതിന് സഹായകമായത്. വൈദ്യുതീകരണവുമായി ബന്ധപ്പെട്ടു നടത്തിയ ചടങ്ങിൽ ഗൂഡല്ലൂർ ആർഡിഒ ഗുണശേഖരൻ, വൈദ്യുതി ബോർഡ് ഉദ്യോഗസ്ഥരായ നിർമൽകുമാർ, മുത്തുകുമാർ, തഹസിൽദാർ സിറാജുന്നീസ, സ്പെഷൽ തഹസിൽദാർ കൃഷ്ണമൂർത്തി, ആ ഐശിവകുമാർ, വാർഡ് കൗണ്‍സിലർ മുരളീധരൻ തുടങ്ങിയവർ പങ്കെടുത്തു.

വന്യമൃഗ പ്രതിരോധ സംവിധാനങ്ങൾ മെച്ചപ്പെടുത്തണമെന്ന്

തിരുനെല്ലി പഞ്ചായത്ത് വികസന സദസിൽ നിർദേശം കാട്ടിക്കുളം: തിരുനെല്ലി പഞ്ചായത്ത് വികസന സദസ് പഞ്ചായത്ത് ഹാളിൽ നടത്തി. പ്രസിഡന്‍റ് പി.വി. ബാലകൃഷ്ണൻ ഉദ്ഘാടനം ചെയ്തു. വികസനകാര്യ സ്റ്റാൻഡിംഗ് കമ്മിറ്റി ചെയർമാൻ രാധാകൃഷ്ണൻ അധ്യക്ഷത വഹിച്ചു. ജില്ലാ പഞ്ചായത്ത് അംഗം എ.എൻ. സുശീല, പഞ്ചായത്ത് വൈസ് പ്രസിഡന്‍റ് വത്സലകുമാരി, സ്റ്റാൻഡിംഗ് കമ്മിറ്റി ചെയർപേഴ്സണ്‍മാരായ പി.എൻ. ഹരീന്ദ്രൻ, റുഖിയ സൈനുദ്ദീൻ, ബ്ലോക്ക് പഞ്ചായത്ത് അംഗം വിമല, പഞ്ചായത്ത് അംഗങ്ങളായ കെ. സിജിത്ത്, ബേബി, പ്രഭാകരൻ, വസന്തകുമാരി, തിരുനെല്ലി സർവീസ് സഹകരണ ബാങ്ക് പ്രസിഡന്‍റ് സി.കെ. ശങ്കരൻ, പഞ്ചായത്ത് സെക്രട്ടറി കെ. ഉണ്ണിക്കൃഷ്ണൻ, അസിസ്റ്റന്‍റ് സെക്രട്ടറി ഹരികുമാർ, സിഡിഎസ് ചെയർപേഴ്സണ്‍ പി. സൗമിനി, കുടുംബശ്രീ പ്രവർത്തകർ, ഹരിതകർമസേനാംഗങ്ങൾ, നാട്ടുകാർ തുടങ്ങിയവർ പങ്കെടുത്തു. പഞ്ചായത്തിൽ കഴിഞ്ഞ അഞ്ചു വർഷം നടപ്പാക്കിയ വികസന പദ്ധതികളുടെ അവതരണം സദസിൽ നടന്നു.വന്യമൃഗപ്രതിരോധ സംവിധാനങ്ങൾ മെച്ചപ്പെടുത്തുക, ഷെൽട്ടർ ഹോം സ്ഥാപിക്കുക, ക്ഷീരസംഘങ്ങളുടെ സഹകരണത്തോടെ മൂല്യവർധിത പാൽ ഉത്പന്നങ്ങൾ ബ്രാൻഡ് ചെയ്ത് വിപണിയിൽ എത്തിക്കുക, വനവിഭവങ്ങളുടെ സംസ്കരണത്തിന് ഫാക്ടറി ആരംഭിക്കുക, ചെറുകിട ജലസേചന പദ്ധതികൾ ആരംഭിക്കുക, തോട്ടവിള കൃഷിക്ക് സബ്സിഡി ലഭ്യമാക്കുക, നീർത്തട പരിപാലനം കാര്യക്ഷമമാക്കുക അഭ്യസ്തവിദ്യരായ ഗോത്രവർഗക്കാർക്കിടയിലെ തൊഴിലില്ലായ്മ പരിഹരിക്കുക, മൃഗസംരക്ഷണമേഖലയിൽ കൂടുതൽ ഡോക്ടർമാരെ നിയമിക്കുക, വയോജനങ്ങൾക്ക് പകൽവിടുകളിലേക്ക് വാഹനസൗകര്യം ഏർപ്പെടുത്തുക, 24 മണിക്കൂർ ആംബുലൻസ് സംവിധാനം ഒരുക്കുക തുടങ്ങിയ നിർദേശങ്ങൾ ഉയർന്നു.

തദ്ദേശ തെരഞ്ഞെടുപ്പ് വിജ്ഞാപനം ചെയ്യുംമുന്പേ സ്ഥാനാർഥി പ്രഖ്യാപനം

പുൽപ്പള്ളി: തദ്ദേശ തെരഞ്ഞടുപ്പ് വിജ്ഞാപനം ചെയ്യുംമുന്പേ സ്ഥാനാർഥി പ്രഖ്യാപനം. മുള്ളൻകൊല്ലി പഞ്ചായത്തിലെ 18-ാം വാർഡിൽ(പട്ടാണിക്കൂപ്പ്)മുസ്ലിം ലീഗാണ് സ്ഥാനാർഥിയെ പ്രഖ്യാപിച്ചത്. പാടിച്ചിറ ലീഡ്സ് അക്കാദമി നടത്തുന്ന ലിബിനാണ് സ്ഥാനാർഥി. മുസ്ലിംലീഗിന്‍റെ ശക്തികേന്ദ്രമാണ് പട്ടാണിക്കൂപ്പ്. സ്ഥാനാർഥി പ്രഖ്യാപനവുമായി ബന്ധപ്പെട്ട് പട്ടാണിക്കൂപ്പിൽ കണ്‍വൻഷൻ നടത്തി. മുസ്ലിംലീഗ് പഞ്ചായത്ത് കമ്മിറ്റി പ്രസിഡന്‍റ് എം.എ. അസീസ് ഉദ്ഘാടനം ചെയ്തു. കോണ്‍ഗ്രസ് ബൂത്ത് പ്രസിഡന്‍റ് ബിജു പാറക്കൽ അധ്യക്ഷത വഹിച്ചു. മുസ്ലിംലീഗ് ദേശീയ സെക്രട്ടറി ജയന്തി രാജൻ സ്ഥാനാർഥി പ്രഖ്യാപനം നിർവഹിച്ചു. ജോമേഷ് മണ്ടാനത്ത്, ജിസ്റ മുനീർ, ജോസ് കുന്നത്ത്, ബെന്നി വെങ്ങച്ചേരി, മുനീർ ആച്ചിക്കുളത്ത്, സി.പി. അഷ്റഫ് എന്നിവർ പ്രസംഗിച്ചു.

വനം-വന്യജീവി, മാനുഷിക സംരക്ഷണം ഉറപ്പാക്കും: മന്ത്രി എ.കെ. ശശീന്ദ്രൻ

വിഷൻ-2031: സംസ്ഥാനതല സെമിനാർ നടത്തി സുൽത്താൻ ബത്തേരി: വനം-വന്യജീവി, മാനുഷിക സംരക്ഷണം ഉറപ്പുവരുത്തുക സർക്കാർ ലക്ഷ്യമാണെന്ന് മന്ത്രി എ.കെ. ശശീന്ദ്രൻ. ‘കാടിന് സംരക്ഷണം, നാടിന് വികസനം’ എന്ന പേരിൽ വനംവന്യജീവി സംരക്ഷണ വകുപ്പ് നഗരസഭാ ഹാളിൽ സംഘടിപ്പിച്ച വിഷൻ-2031 സംസ്ഥാനതല സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. വനമേഖലയോടുചേർന്ന് താമസിക്കുന്ന ജനങ്ങളുടെ പ്രശ്നങ്ങൾക്ക് പരിഹാരമാർഗങ്ങൾ ചർച്ച ചെയ്യുന്നതിനു സംഘടിപ്പിച്ചതാണ് സെമിനാർ. വന്യജീവി ശല്യം ലഘൂകരിക്കുന്നതിന് കേന്ദ്ര വന നിയമങ്ങളിൽ കാലോചിതമായ ഭേദഗതി ആവശ്യമാണ്. വനം കൈയേറ്റം, വന്യമൃഗവേട്ട എന്നിവ രൂക്ഷമായിരുന്ന കാലത്ത് ആഗോളതലത്തിൽ പ്രതികൂല കാലാവസ്ഥാ പ്രതിഭാസങ്ങൾ ഉണ്ടായിരുന്നു. പാരിസ്ഥിതിക പ്രതികൂല സാഹചര്യങ്ങൾ നേരിടുന്നതിന് നടപ്പാക്കിയ കേന്ദ്ര നിയമങ്ങൾ 2016ൽ കേരളം സ്വീകരിച്ചതാണ്. നിലവിൽ വനം വകുപ്പ് അഭിമുഖീകരിക്കുന്ന പ്രധാന പ്രശ്നങ്ങളുടെ പരിഹാരത്തിന് കേന്ദ്ര നിയമങ്ങളിൽ ഭേദഗതി ഉണ്ടാകണം. ഒരു നാടിനെ ബാധിക്കുന്ന പ്രശ്നങ്ങൾ പരിഹരിക്കാനാണ് നിയമങ്ങൾ രൂപപ്പെടേണ്ടത്. വന നിയമങ്ങളിൽ ജനങ്ങൾക്ക് പ്രയോജനകരമാകുംവിധം ഇളവുകൾ നൽകണം. മനുഷ്യന്‍റെ ജീവനും സ്വത്തിനും സംരക്ഷണം, വന സംരക്ഷണം, വന്യമൃഗ സംരക്ഷണം എന്നീ ലക്ഷ്യങ്ങളോടെയാണ് സർക്കാർ മുന്നോട്ടുപോകുന്നതെന്നും മന്ത്രി പറഞ്ഞു. ചടങ്ങിൽ ഐസിഐസിഐ ബാങ്ക് കോർപറേറ്റ് സോഷ്യൽ റസ്പോണ്‍സിബിലിറ്റി വിഭാഗം 200 കാമറ ട്രാപ്പുകൾ മന്ത്രിക്ക് കൈമാറി. വന്യമൃഗശല്യ ലഘൂകരണത്തിന് വനം വകുപ്പ് കാര്യക്ഷമമായ ഇടപെടലാണ് നടത്തുന്നതെന്ന് സെമിനാറിൽ പ്രസംഗിക്കവേ പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു പറഞ്ഞു. വനത്തോടുചേർന്നുള്ള പ്രദേശങ്ങളിൽ ജനപങ്കാളിത്തത്തോടെയാണ് വനം വകുപ്പിന്‍റെ ഇടപെടലെന്ന് അദ്ദേഹം ചൂണ്ടിക്കാട്ടി. മുനിസിപ്പൽ ചെയർമാൻ ടി.കെ. രമേശ് അധ്യക്ഷത വഹിച്ചു. പ്രിൻസിപ്പൽ ചീഫ് ഫോറസ്റ്റ് കണ്‍സർവേറ്റർ രാജേഷ് രവീന്ദ്രൻ, അഡീഷണൽ പ്രിൻസിപ്പൽ ചീഫ് ഫോറസ്റ്റ് കണ്‍സർവേറ്റർ ഡോ.പി. പുകഴേന്തി, എഡിഎം കെ. ദേവകി, ജനപ്രതിനിധികളായ സി. അസൈനാർ, ജസ്റ്റിൻ ബേബി, പി.വി. ബാലകൃഷ്ണൻ, മിനി പ്രകാശ്, ചീഫ് വൈൽഡ് ലൈഫ് വാർഡൻ ഡോ.പ്രമോദ് ജി. കൃഷ്ണൻ, അഡീഷണൽ പ്രിൻസിപ്പൽ ചീഫ് ഫോറസ്റ്റ് കണ്‍സർവേറ്റർ ഡോ.ജസ്റ്റിൻ മോഹൻ, ചീഫ് ഫോറസ്റ്റ് കണ്‍സർവേറ്റർ ബി.എൻ. അഞ്ജൻകുമാർ തുടങ്ങിയവർ പങ്കെടുത്തു.

കെഒഎ സ്പോർട്സ് ഇ മാഗസിൻ വയനാട് ജില്ലാതല പ്രകാശനം നടത്തി

സുൽത്താൻ ബത്തേരി: കേരള ഒളിന്പിക് അസോസിയേഷന്‍റെ(കെഒഎ) ഇ സ്പോർട്സ് മാഗസിൻ വയനാട് ജില്ലാതല പ്രകാശനം പൂമല മക്ലോഡ്സ് ഇംഗ്ലീഷ് മീഡിയം സ്കൂളിൽ ഇന്ത്യൻ ഒളിന്പിക് അസോസിയേഷൻ പ്രസിഡന്‍റും രാജ്യസഭാംഗവുമായ പദ്മശ്രീ പി.ടി. ഉഷ നിർവഹിച്ചു. മക്ലോഡ്സ് സ്കൂളുമായി സഹകരിച്ച് കെഒഎ സംഘടിപ്പിച്ച ‘മീറ്റ് ദ ഗോൾഡൻ ഗേൾ’ പരിപാടിക്കിടെയായിരുന്നു മാഗസിൻ പ്രകാശനം. ജില്ലാ ഒളിന്പിക് അസോസിയേഷന്‍റെ പിന്തുണയോടെ മക്ലോഡ്സ് ഇംഗ്ലീഷ് സ്കൂൾ ആരംഭിക്കുന്ന സ്പോർട്സ് അക്കാഡമിയുടെ ലോഗോ പ്രകാശനവും ഉഷ നിർവഹിച്ചു. ജില്ലാ ഒളിന്പിക് അസോസിയേഷൻ പ്രസിഡന്‍റ് ഗോപകുമാർ വർമ അധ്യക്ഷത വഹിച്ചു. സ്കൂൾ മാനേജർ ഷിംജിത് ദാമു, സംസ്ഥാന വോളിബോൾ അസോസിയേഷൻ വൈസ് പ്രസിഡന്‍റ് പി.ബി ശിവൻ, ഒളിന്പിക് അസോസിയേഷൻ ജില്ലാ ജോയിന്‍റ് സെക്രട്ടറി സുബൈർ ഇളകുളം, എൻ.സി. സാജിദ്, ഗിരീഷ് പെരുന്തട്ട, ഷറഫുദ്ദീൻ, ടി. സതീഷ്കുമാർ, ടോം ജോസഫ്, അർജുൻ തോമസ്, ദീപേഷ്, തോമസ്, സിജോ മാത്യു എന്നിവർ പ്രസംഗിച്ചു. ജില്ലാ ഒളിന്പിക് അസോസിയേഷൻ സെക്രട്ടറി സലിം കടവൻ സ്വാഗതം പറഞ്ഞു. വിവിധ സ്പോർട്സ് അസോസിയേഷൻ ഭാരവാഹികൾ, കായികതാരങ്ങൾ, വിദ്യാർഥികൾ എന്നിവരുമായി ഉഷ സംവദിച്ചു.

കവിതാസമാഹാരവുമായി ഇരട്ടസഹോദരിമാർ

കൽപ്പറ്റ: കവിതാസമാഹാരവുമായി ഇരട്ടസഹോദരിമാർ. പുൽപ്പള്ളി ജയശ്രീ ഹയർസെക്കൻഡറി സ്കൂളിലെ പത്താംക്ലാസ് വിദ്യാർഥികളായ എ.എസ്. വൈഗ, എ.എസ്. വൈഖരി എന്നിവരാണ് ‘നവേന്ദുകിരണങ്ങൾ’ എന്ന ശീർഷകത്തിൽ കവിതാസമാഹാരം തയാറാക്കിയത്. വിദ്യാലയത്തിന്‍റെ സുവർണ ജൂബിലി ആഘോഷത്തിന്‍റെ ഭാഗമായി ഒരുക്കിയ സമാഹാരത്തിന്‍റെ പ്രകാശനം കഴിഞ്ഞദിവസം തിരുവനന്തപുരത്ത് വിദ്യാഭ്യാസമന്ത്രി വി. ശിവൻകുട്ടി നിർവഹിച്ചു. പുസ്തകത്തിന്‍റെ ആദ്യപാതിയിൽ വൈഗയും മറുപാതിയിൽ വൈഖരിയുമാണ് എഴുതിയിരിക്കുന്നത്. മഴയോടും ഭൂമിയോടുമുള്ള പ്രണയത്തിൽ തുടങ്ങി വർത്തമാനകാലത്തിലേക്കും അതിന്‍റെ വിഹ്വലതകളിലേക്കും ഇരുവരും ആഴത്തിൽ കടന്നുചെല്ലുന്നുണ്ട്. സാഹിത്യകാരി പ്രീത ജെ. പ്രിയദർശനിയാണ് സമാഹാരത്തിന് അവതാരിക എഴുതിയത്. ‘നവേന്ദുകിരണങ്ങൾ’ എന്ന പേരിൽപോലും പ്രതീക്ഷയുടെ നാന്പുകൾ മുളയ്ക്കുന്ന അനുഭൂതിയുണ്ടെന്ന് അവതാരികയിൽ പ്രീത കുറിക്കുന്നു. സ്കൂളിലെ ഇംഗ്ലീഷ് അധ്യാപകൻ വി. രവീന്ദ്രനും മലയാളം അധ്യാപകൻ ടി.എസ്. ഷിജുവുമാണ് വൈഗ-വൈഖരി ഇരട്ടകളിലെ കവയിത്രികളെ കണ്ടെത്തി രചനയിൽ പ്രോത്സാഹനം നൽകിയതും സമാഹാരം തയാറാക്കുന്നതിലേക്ക് നയിച്ചതും. പുൽപ്പള്ളി ആളാകടവിൽ എ.എസ്.സുനിൽകുമാർ-കെ.ആർ. പ്രിയ ദന്പതികളുടെ മക്കളാണ് വൈഗയും വൈഖരിയും.

വിദ്യാർഥികളെ അനുമോദിച്ചു

പഴൂർ: ബത്തേരി ഉപജില്ലാ ശാസ്ത്രമേളയിൽ യുപി വിഭാഗത്തിൽ രണ്ടാം സ്ഥാനവും പ്രവൃത്തിപരിചയമേളയിൽ നാലാം സ്ഥാനവും നേടുകയും സാമൂഹികശാസ്ത്ര, ഗണിതശാസ്ത്ര, ഐടി മേളകളിൽ മികച്ച പ്രകടനം കാഴ്ചവയ്ക്കുകയും ചെയ്ത സെന്‍റ് ആന്‍റണീസ് യുപി സ്കൂൾ വിദ്യാർഥികളെ മാനേജ്മെന്‍റും പിടിഎയും സംയുക്തമായി സംഘടിപ്പിച്ച ചടങ്ങിൽ അനുമോദിച്ചു. മാനേജർ ഫാ. ജോസ് മേച്ചേരിൽ അധ്യക്ഷത വഹിച്ചു. കുട്ടികൾക്കുള്ള സമ്മാനങ്ങൾ അദ്ദേഹം വിതരണം ചെയ്തു. പിടിഎ പ്രസിഡന്‍റ് ചാൾസ്, ഹെഡ്മാസ്റ്റർ കെ.ജി. ജോണ്‍സണ്‍, സീനിയർ അധ്യാപകൻ അലക്സ് മാത്യു, കെ.എസ്. ഷിൽന, ജോയ്സ് ജോസഫ്, ദീപ എൻ. മാത്യു, ടി.ഒ. സാന്ദ്ര, കെ.എ. ആയിഷ, സിസ്റ്റർ എം.എം. സിനി, സ്കൂൾ ലീഡർ സഞ്ജിത്ത് സാജൻ എന്നിവർ പ്രസംഗിച്ചു.

സ്വർണക്കപ്പിന് സ്വീകരണം നൽകി

കൽപ്പറ്റ: സംസ്ഥാന സ്കൂൾ കായികമേളയുടെ ഭാഗമായി എസ്കെഎംജെ ഹയർ സെക്കൻഡറി സ്കൂളിൽ സ്വർണക്കപ്പുമായി എത്തിയ ദീപശിഖ പ്രയാണത്തിന് സ്വീകരണം നൽകി. പരീക്ഷാഭവൻജോയിന്‍റ് സെക്രട്ടറി ഗിരീഷ് ചോലയിൽ, ഡിഡിഇ ശശീന്ദ്രവ്യാസ്, എഇഒ മാരായ സുനിൽ കുമാർ, ബാബു എന്നിവർ നേതൃത്വം നൽകി. സ്കൂൾ പ്രിൻസിപ്പൽ വിവേകാനന്ദൻ, ഹെഡ്മാസ്റ്റർ എം.പി. കൃഷ്ണകുമാർ, അധ്യാപകർ, വിദ്യാർഥികൾ, രക്ഷിതാക്കൾ എന്നിവർ പങ്കെടുത്തു.

മാനസികാരോഗ്യ ബോധവത്കരണം നടത്തി

സുൽത്താൻ ബത്തേരി: ലോക മാനസികാരോഗ്യ ദിനാഘോഷത്തിന്‍റെ ഭാഗമായി മേപ്പാടി ഡോ. മൂപ്പൻസ് നഴ്സിങ് കോളജും ആസ്റ്റർ വോളന്‍റിയേഴ്സും സംയുക്തമായി വാലുമ്മൽ ടീച്ചർ ട്രെയിനിംഗ് കോളജിൽ മാനസികാരോഗ്യ ബോധവത്കരണം നടത്തി. ഡോ. മൂപ്പൻസ് മെഡിക്കൽ കോളജിലെ സൈക്യാട്രി വിഭാഗം അസി. പ്രഫസർ ഡോ. ജിഷ്ണു ജനാർദനൻ ക്ലാസെടുത്തു. മാനസികാരോഗ്യവിജ്ഞാനം നേടേണ്ടതിന്‍റെ ആവശ്യകത വിശദമാക്കി ഡോ. മൂപ്പൻസ് നഴ്സിംഗ് കോളജ് വിദ്യാർഥികൾ പാവകളി അവതരിപ്പിച്ചു. വാലുമ്മൽ ടീച്ചർ ട്രെയിനിംഗ് കോളജ് പ്രിൻസിപ്പൽ ബിനോജ്, ഡോ. മൂപ്പൻസ് നഴ്സിംഗ് കോളജ് അധ്യാപകരായ ട്രീറ്റി ജോർജ്, സിസ്റ്റർ കൊച്ചുറാണി തുടങ്ങിയവർ നേതൃത്വം നൽകി.

വായ്പാ തട്ടിപ്പ്: സാറാക്കുട്ടി നിരാഹാര സമരം അവസാനിപ്പിച്ചു

പുൽപ്പള്ളി: പുൽപ്പള്ളി സർവീസ് സഹകരണ ബാങ്ക് വായ്പത്തട്ടിപ്പിനിരയായവർക്ക് നീതി ലഭ്യമാക്കണമെന്നാവശ്യപ്പെട്ട് നിരാഹാര സമരം നടത്തിവന്ന പറന്പേക്കാട്ട് ഡാനിയേലിന്‍റെ ഭാര്യ സാറാക്കുട്ടിയുടെ ആരോഗ്യനില മോശമായതോടെ പോലീസ് ആശുപത്രിയിലേക്ക് മാറ്റി. സമരം മൂന്ന് ദിവസം പിന്നിട്ടതോടെ അവശയായ സാറാക്കുട്ടിയെ ഡോക്ടറുടെ നിർദേശപ്രകാരമാണ് ഇന്നലെ വൈകുന്നേരത്തോടെ ആശുപത്രിയിലേക്ക് മാറ്റിയത്. ഇതോടെ വായ്പത്തട്ടിപ്പിനിരയായി ജീവനൊടുക്കിയ രാജേന്ദ്രൻ നായരുടെ ഭാര്യ ജലജ സമരം ഏറ്റെടുത്തു. സത്യഗ്രഹ സമരമായാണ് ഇനി തുടരുക. പുൽപ്പള്ളി പഞ്ചായത്ത് ബസ് സ്റ്റാൻഡ് പരിസരത്ത് കഴിഞ്ഞ ബുധനാഴ്ചയാണ് തട്ടിപ്പിനിരയായവരുടെ നേതൃത്വത്തിൽ സമരം തുടങ്ങിയത്.

ജില്ലാ ശാസ്ത്രോത്സവം: ഓവറോൾ കിരീടം ദ്വാരക സേക്രഡ് ഹാർട്ട് എച്ച്എസ്എസിന്

മുട്ടിൽ: ജില്ലാ സ്കൂൾ ശാസ്ത്രമേളയിൽ ഓവറോൾ കിരീടം ചൂടി ദ്വാരക സേക്രഡ് ഹാർട്ട് എച്ച്എസ്എസ്. പിണങ്ങോട് ഡബ്ല്യുഒ എച്ച്എസ്എസ് നാണ് രണ്ടാംസ്ഥാനം. ഐടി മേളയിൽ മാനന്തവാടി ഉപജില്ലയ്ക്കാണ് ഓവറോൾ. ഐടി മേളയിൽ ഹയർസെക്കൻഡറി വിഭാഗത്തിൽ ദ്വാരക എസ്എച്ച്എസ്എസ് ഒന്നാംസ്ഥാനവും പിണങ്ങോട് ഡബ്ല്യുഒ എച്ച്എസ്എസ് രണ്ടാം സ്ഥാനവും നേടി. ഹൈസ്കൂൾ വിഭാഗത്തിൽ മാനന്തവാടി എംജിഎം എച്ച്എസ്എസ് ഒന്നും നടവയൽ സെന്‍റ് തോമസ് എച്ച്എസ് രണ്ടും സ്ഥാനങ്ങൾ നേടി. മാത്തമാറ്റിക്സ് ഫെയറിലും ഉപജില്ലയിൽ മാനന്തവാടിക്കാണ് കിരീടം. ഹയർസെക്കൻഡറിയിൽ ദ്വാരക ഒന്നാംസ്ഥാനവും പിണങ്ങോട് രണ്ടാംസ്ഥാനവും നേടി. ഹൈസ്കൂളിൽ മാനന്തവാടി ജിവിഎച്ച്എസ്എസ് ഒന്നാംസ്ഥാനവും കണിയാരം ഫാ. ജികെഎം എച്ച്എസ്എസ് രണ്ടാംസ്ഥാനവും നേടി. പ്രവൃത്തിപരിചയമേളയിൽ സുൽത്താൻ ബത്തേരി ഉപജില്ലയ്ക്കാണ് കിരീടം. ഹയർസെക്കൻഡറി വിഭാഗത്തിൽ ദ്വാരക ഒന്നാമതെത്തിയപ്പോൾ പൂതാടി എസ്എൻ എച്ച്എസ്എസ് രണ്ടാമതെത്തി. ഹൈസ്കൂൾ വിഭാഗത്തിൽ തരിയോട് നിർമ്മല എച്ച്എസ് ഒന്നാംസ്ഥാനത്തും സെന്‍റ് തോമസ് എച്ച്എസ് നടവയൽ രണ്ടാംസ്ഥാനത്തുമെത്തി. സോഷ്യൽ സയൻസ് ഫെയറിൽ വൈത്തിരി ഉപജില്ല കിരീടം ചൂടി. ഹയർസെക്കൻഡറി വിഭാഗത്തിൽ ദ്വാരക സേക്രഡ് ഹാർട്ട് എച്ച്എസ്എസിനാണ് ഒന്നാംസ്ഥാനം. കൽപ്പറ്റ എസ്കെഎംജെ എച്ച്എസ്എസ് രണ്ടാംസ്ഥാനത്തുമെത്തി. ഹൈസ്കൂൾ വിഭാഗത്തിൽ പിണങ്ങോട് ഡബ്ല്യുഒ എച്ച്എസ്എസ് കിരീടം ചൂടി. ബീനാച്ചി ജിഎച്ച്എസ് നാണ് റണ്ണർഅപ്പ്. സയൻസ് ഫെയറിൽ മാനന്തവാടി ഉപജില്ലയ്ക്കാണ് കിരീടം. ഹയർസെക്കൻഡറിയിൽ ദ്വാരക സേക്രഡ് ഹാർട്ട് എച്ച്എസ്എസ് ഒന്നാമതെത്തിയപ്പോൾ മൂലങ്കാവ് ജിഎച്ച്എസ്എസ് രണ്ടാംസ്ഥാനം നേടി. ഹൈസ്കൂൾ വിഭാഗത്തിൽ എച്ചോം സർവോദയ ഒന്നാംസ്ഥാനം നേടിയപ്പോൾ കാക്കവയൽ ജിഎച്ച്എസ്എസ്, തരുവണ ജിഎച്ച്എസ്, നടവയൽ സെന്‍റ് തോമസ് എന്നിവർ രണ്ടാംസ്ഥാനം പങ്കിട്ടു.

നിസഹായർക്ക് സർക്കാർ സൗജന്യ ചികിത്സ ഉറപ്പാക്കി: മന്ത്രി വീണാ ജോർജ്

സുൽത്താൻ ബത്തേരി: ചെലവേറിയ ചികിത്സകൾക്കായി ബുദ്ധിമുട്ടുന്ന നിസഹായരായവർക്ക് സൗജന്യ ചികിത്സ ഉറപ്പാക്കുകയാണ് സർക്കാരെന്ന് ആരോഗ്യവനിതാ ശിശു വികസന മന്ത്രി വീണാ ജോർജ്. ബത്തേരി താലൂക്ക് ആശുപത്രിയിൽ സ്ത്രീകളുടെയും കുട്ടികളുടെയും ആശുപത്രിയുടെ ഉദ്ഘാടനം നിർവഹിച്ച് പ്രസംഗിക്കുകയായിരുന്നു മന്ത്രി. സംസ്ഥാന സർക്കാർ 1500 കോടി രൂപയാണ് സൗജന്യ ചികിത്സയ്ക്കായി ഇതുവരെ വിനിയോഗിച്ചത്. ആവശ്യമായ ചികിത്സ ലഭിക്കാതെ ഒരാളും നിസഹായരാകാൻ പാടില്ലെന്ന ലക്ഷ്യത്തോടെയാണ് സംസ്ഥാന സർക്കാരും ആരോഗ്യ വകുപ്പും മുന്നോട്ട് പോകുന്നത്. ബത്തേരി താലൂക്ക് ആശുപത്രിയിൽ കൂടുതൽ തസ്തികകൾ അനുവദിക്കുമെന്നും മന്ത്രി അറിയിച്ചു. താലൂക്ക് ആശുപത്രിയിലെ 360 ഡിഗ്രി മെറ്റബോളിക് ഡിസീസ് മാനേജ്മെന്‍റ് സെന്‍റർ, പോളി ഡെന്‍റൽ ക്ലിനിക്, വയോജന വാർഡ്, ഫിസിയോതെറാപ്പി ഹാബിലിറ്റേഷൻ യൂണിറ്റുകൾ, ഫേക്കോ എമൽസിഫിക്കേഷൻ മെഷീൻ, വയോജന വിഭിന്ന ശേഷി സൗഹൃദ കേന്ദ്രങ്ങൾ എന്നിവയും മന്ത്രി ഉദ്ഘാടനം ചെയ്തു. ബത്തേരി താലൂക്ക് ആശുപത്രിയിൽ നടന്ന പരിപാടിയിൽ പട്ടികജാതി-വർഗ-പിന്നാക്കക്ഷേമ മന്ത്രി ഒ.ആർ. കേളു അധ്യക്ഷത വഹിച്ചു. ഐ.സി. ബാലകൃഷ്ണൻ എംഎൽഎ, നഗരസഭാ ചെയർമാൻ ടി.കെ. രമേശ്, ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ, അസിസ്റ്റന്‍റ് കളക്ടർ പി.പി. അർച്ചന, ബ്ലോക്ക് പഞ്ചായത്ത് വൈസ് പ്രസിഡന്‍റ് അന്പിളി സുധി, ഡെപ്യൂട്ടി ചെയർപേഴ്സണ്‍ എൽസി പൗലോസ്, ജില്ലാ മെഡിക്കൽ ഓഫീസർ ഡോ.ടി. മോഹൻ ദാസ്, ആരോഗ്യ കേരളം ജില്ലാ പ്രോഗ്രാം മാനേജർ ഡോ. സമീഹ സൈതലവി, താലൂക്ക് ആശുപത്രി സൂപ്രണ്ട് ഡോ.കെ.വി. സിന്ധു, നഗരസഭാ സ്ഥിരം സമിതി ചെയർമാൻമാരായ അനീഷ് ബി. നായർ, ലത ശശി, ഷാമില ജുനൈസ്, ഷമീർ മഠത്തിൽ, വിവിധ രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു.

ജില്ലാ ശാസ്ത്രോത്സവത്തിന് സമാപനം

മുട്ടിൽ: നവ സൃഷ്ടികൾക്കും കണ്ടുപിടിത്തങ്ങൾക്കും വേദിയൊരുക്കിയ ജില്ലാ ശാസ്ത്രോത്സവം സമാപിച്ചു. മുട്ടിൽ വയനാട് ഓർഫനേജ് വൊക്കേഷണൽ ഹയർ സെക്കൻഡറി സ്കൂളിൽ രണ്ട് ദിവസങ്ങളിലായി നടന്ന ശാസ്ത്രമേളയുടെ സമാപനം ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദ്ഘാടനം ചെയ്തു. ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷൻ ജുനൈദ് കൈപ്പാണി അധ്യക്ഷത വഹിച്ചു. ജില്ലാ കളക്ടർ ഡോ. മേഘശ്രീ മുഖ്യപ്രഭാഷണം നടത്തി. ലോഗോ ഡിസൈൻ ചെയ്ത കെ.എം.സി. നിസാർ അഹമ്മദ്, മേളയിൽ പങ്കെടുത്തവർക്ക് ഭക്ഷണം പാചകം ചെയ്യാൻ നേതൃത്വം നൽകിയ ഡബ്ല്യുഎംഒ ചീഫ് കുക്ക് കെ.പി. ബഷീർ എന്നിവരെ ജില്ലാ പഞ്ചായത്ത് പ്രസിഡന്‍റ് ചടങ്ങിൽ ഉപഹാരം നൽകി ആദരിച്ചു. ജില്ലാ പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി അധ്യക്ഷ ഉഷ തന്പി, ജില്ലാ പഞ്ചായത്തംഗം കെ.ബി. നസീമ, ജില്ലാ വിദ്യാഭ്യാസ ഉപഡയറക്ടർ വി.എ. ശശീന്ദ്രവ്യാസ്, ഡബ്ല്യുഎംഒ പ്രസിഡന്‍റ് പി.പി. അബ്ദുൾ ഖാദർ, ജോയിന്‍റ് സെക്രട്ടറി കെ. മുഹമ്മദ് ഷാ, ജില്ലാ വിദ്യാഭ്യാസ ഓഫിസർ സി.വി. മൻമോഹൻ, പഞ്ചായത്തംഗം ബി. മുഹമ്മദ് ബഷീർ, ഡയറ്റ് പ്രിൻസിപ്പൽ കെ.എം. സെബാസ്റ്റ്യൻ, എഇഒ സുനിൽകുമാർ, പിടിഎ പ്രസിഡന്‍റ് അഷ്റഫ് കൊട്ടാരം, ഡബ്ല്യുഒവി എച്ച്എസ്എസ് പ്രിൻസിപ്പൽ എൻ.യു. അൻവർഗൗസ് എന്നിവർ പ്രസംഗിച്ചു. വിജയികൾക്ക് ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, ക്ഷേമകാര്യ സ്ഥിരം സമിതി അധ്യക്ഷൻ ജുനൈദ് കൈപ്പാണി എന്നിവർ ട്രോഫികൾ സമ്മാനിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]