നെ​ടു​മ​ങ്ങാ​ട്:  അ​രു​വി​ക്ക​ര, വെ​ള്ള​നാ​ട് പ​ഞ്ചാ​യ​ത്തു​ക​ളി​ൽ ഉ​ൾ​പ്പെ​ട്ട മു​ണ്ടേ​ല മു​ത​ൽ കൂ​വ​ക്കു​ടി വ​രെ​യു​ള്ള റോ​ഡി​ന്‍റെ ഇ​രു​വ​ശ​ങ്ങ​ളി​ൽ അ​ള​ന്നു തി​ട്ട​പ്പെ​ടു​ത്തി​യി​ട്ടു​ള്ള പു​റ​മ്പോ​ക്കു​ക​ൾ തി​രി​ച്ചു പി​ടി​ക്കാ​ൻ പി​ഡ​ബ്ല്യു​ഡി​യു​ടെ നേ​തൃ​ത്വ​ത്തി​ൽ എ​ത്തി​യ ഉ​ദ്യോ​ഗ​സ്ഥ​രു​ടെ സം​ഘ​ത്തെ നാ​ട്ടു​കാ​ർ ത​ട​ഞ്ഞു. ആ​ര്യ​നാ​ട് -അ​രു​വി​ക്ക​ര പോ​ലീ​സി​ന്‍റെ അ​ക​മ്പ​ടി​യോ​ടെ ജെ​സി​ബി​യും ടി​പ്പ​റു​മാ​യി വീ​ടു​ക​ൾ ഇ​ടി​ച്ചു​നി​ര​ത്താ​നു​ള്ള ശ്ര​മ​മാ​ണു നാ​ട്ടു​കാ​ർ ത​ട​ഞ്ഞ​ത്.

ചൊ​വ്വാ​ഴ്ച വൈ​കു​ന്നേ​ര​ത്തോ​ടെ ന​ട​പ​ടി​ക്കാ​യി എ​ത്തു​ന​മെ​ന്നു പൊ​തു​മ​രാ​മ​ത്ത് അ​ധി​കൃ​ത​ർ പ്ര​ദേ​ശ​വാ​സി​ക​ളെ അ​റി​യി​ച്ചി​രു​ന്നു. എ​ന്നാ​ൽ 29-ാം തീ​യ​തി​വ​രെ പ്ര​ദേ​ശ​ത്തെ ന​ട​പ​ടി​ക​ൾ ത​ട​ഞ്ഞു കോ​ട​തി​യി​ൽ​നി​ന്നും ഉ​ത്ത​ര​വു​ള്ള​പ്പോ​ഴാ​ണ് ഗ്രാ​മ​പ​ഞ്ചാ​യ​ത്തു​ക​ളെ പോ​ലും അ​റി​യി​ക്കാ​തെ പൊ​തു​മ​രാ​മ​ത്ത് ന​ട​പ​ടി​ക്കാ​യി എ​ത്തി​യ​ത്.

ഇ​ന്ന​ലെ രാ​വി​ലെ പ​ത്ത​ര​യോ​ടെ എ​ത്തി​യ സം​ഘം ന​ട​പ​ടി ആ​രം​ഭി​ച്ച​പ്പോ​ൾ​ത്ത​ന്നെ നാ​ട്ടു​കാ​രു​ടെ വ​ൻ പ്ര​തി​ഷേ​ധം ഉ​ണ്ടാ​യി. വീ​ട്ട​മ്മ​മാ​ർ മ​ണ്ണെ​ണ്ണ കു​പ്പി​യു​മാ​യി ജെ​സി​ബി​ക്കു മു​ന്നി​ൽ ആ​ത്മ​ഹ​ത്യാ​ഭീ​ഷ​ണി മു​ഴ​ക്കി.

മു​ണ്ടേ​ല മു​ത​ൽ കൂ​വ​ക്കു​ടി വ​രെ​യു​ള്ള ആ​റോ​ളം വീ​ടു​ക​ളാ​ണ് അ​രു​വി​ക്ക​ര പോ​ലീ​സി​ന്‍റെ സ​ഹാ​യ​ത്താ​ൽ പി​ഡ​ബ്ല്യു​ഡി​യും റ​വ​ന്യൂ വി​ഭാ​ഗം ചേ​ർ​ന്നു പൊ​ളി​ച്ചു മാ​റ്റാ​ൻ എ​ത്തി​യ​ത്. തു​ട​ർ​ന്നു നാ​ട്ടു​കാ​രു​ടെ എ​തി​ർ​പ്പി​ൽ ച​ർ​ച്ച ചെ​യ്യാ​മെ​ന്ന തീ​രു​മാ​ന​ത്തി​ൽ ഉ​ദ്യോ​ഗ​സ്ഥ​സം​ഘം പി​രി​ഞ്ഞു.

മൂ​ന്നു​വ​ർ​ഷം മു​മ്പ് സോ​മ​നാ​ഥ​ൻ നാ​യ​ർ എ​ന്ന വ്യ​ക്തി ഈ ​സ്ഥ​ലം പു​റ​മ്പോ​ക്ക് ഭൂ​മി​യാ​ണെ​ന്ന് കാ​ണി​ച്ച് ലോ​കാ​യു​ക്ത​യ്ക്കു പ​രാ​തി ന​ൽ​കി​യി​രു​ന്നു. അ​തി​നു​ശേ​ഷം നെ​ട്ടി​റ​ച്ചി​റ, പൂ​വ​ച്ച​ൽ റോ​ഡി​ന്‍റെ ന​വീ​ക​ര​ണം ന​ട​ന്നി​രു​ന്നു. ഇ​തി​ന്‍റെ ഭാ​ഗ​മാ​യി റോ​ഡി​ന്‍റെ ഇ​രു​വ​ശ​വും ഓ​ട നി​ർ​മാ​ണം പൂ​ർ​ത്തി​യാ​ക്കി റോ​ഡ് ന​വീ​ക​ര​ണ​വും ക​ഴി​ഞ്ഞു.

ഈ ​ഭാ​ഗ​ത്താ​ണി​പ്പോ​ൾ വീ​ണ്ടും പു​റ​മ്പോ​ക്ക് ഭൂ​മി തി​രി​ച്ചു പി​ടി​ക്കു​ന്നു​വെ​ന്ന പേ​രി​ൽ ഉ​ദ്യോ​ഗ​സ്ഥ സം​ഘം എ​ത്തി​യ​ത്. ലോ​കാ​യു​ക്ത​യു​ടെ ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ലാ​ണു ത​ങ്ങ​ൾ എ​ത്തി​യ​തെ​ന്നു റ​വ​ന്യൂ സം​ഘം അ​റി​യി​ച്ചു. എ​ന്നാ​ൽ റോ​ഡ് വി​ക​സ​ന​ത്തി​ന്‍റെ ഭാ​ഗ​മാ​യി ഭൂ​മി വി​ട്ടു​ന​ൽ​കി​യ​താ​ണെ​ന്നും ഇ​നി ഭൂ​മി ന​ൽ​കാ​ൻ ആ​കി​ലെ്ല​ന്നും നാ​ട്ടു​കാ​ർ വാ​ദി​ച്ചു. പ​രാ​തി​ക്കാ​ര​ൻ ലോ​കാ​യു​ക്ത​യെ തെ​റ്റി​ദ്ധ​രി​പ്പി​ച്ചു വി​ധി നേ​ടി​യെ​ടു​ത്ത​താ​ണെ​ന്നും ആ ​വി​ധി പ​ക​ർ​പ്പ് ത​ങ്ങ​ൾ​ക്കു ല​ഭി​ച്ചി​ട്ടി​ല്ലെ​ന്നും നാ​ട്ടു​കാ​ർ ഉ​ദ്യോ​ഗ​സ്ഥ സം​ഘ​ത്തെ അ​റി​യി​ച്ചു.

തു​ട​ർ​ന്ന് അ​രു​വി​ക്ക​ര പ​ഞ്ചാ​യ​ത്ത് പ്ര​സി​ഡ​ന്‍റ് ആ​ർ. ക​ല സ്ഥ​ല​ത്തെ​ത്തി റ​വ​ന്യൂ ഉ​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തി. പ​ഞ്ചാ​യ​ത്തി​ലും അ​റി​യി​പ്പു​ക​ൾ ല​ഭി​ച്ചി​ട്ടി​ല്ലെ​ന്നും പ​ഞ്ചാ​യ​ത്തും ത​ഹ​സി​ൽ​ദാ​റും റ​വ​ന്യൂ വ​കു​പ്പും പി​ഡ​ബ്ല്യു​ഡി​യും ചേ​ർ​ന്നു ച​ർ​ച്ച ന​ട​ത്തി ഉ​ചി​ത​മാ​യ തീ​രു​മാ​നം എ​ടു​ക്കാം എ​ന്ന് അ​റി​യി​ച്ച​തി​നെ​ത്തു​ട​ർ​ന്ന് നാ​ട്ടു​കാ​ർ പി​രി​ഞ്ഞു.