അഷ്ടദിന പ്രാര്‍ഥന സംഘടിപ്പിച്ചു
1509609
Thursday, January 30, 2025 6:46 AM IST
പാറശാല: സഭാ വ‍്യത്യാസമില്ലാതെ ലോക ക്രൈസ്തവര്‍ എട്ടു ദിവസം ഒരുമിച്ച് പ്രാര്‍ഥിക്കുന്ന അഷ്ടദിന പ്രാര്‍ഥന ഈ വര്‍ഷം കേരള കൗണ്‍സില്‍ ഓഫ് ചര്‍ച്ചസ് പാറശാല സോണിന്‍റെ നേതൃത്വത്തില്‍ സംഘടിപ്പിച്ചു.
എട്ടു സഭകളിലായി ക്രമീകരിച്ച പ്രാര്‍ഥനകള്‍ ബൈബിള്‍ ഫെയ്ത്ത് മിഷന്‍ സഭാ ബിഷപ്പ് ഡോ. സെല്‍വദാസ് പ്രമോദ് ഉദ്ഘാടനം ചെയ്തു. സിഎസ്ഐ ആലംമ്പാറ, ഇസിഐ കര്‍ക്കാല, സിഎസ്ഐ പരശുവയ്ക്കല്‍, ഇസിഐ കരുമാന്നൂര്‍, സിഎസ്ഐ പളുകല്‍, ഇസിഐ അയിര, ഇസിഐ മത്തമ്പാല,
ലൂഥറന്‍ ചര്‍ച്ച് പാറശാല എന്നീ സഭകളിലായി നടത്തിയ യോഗങ്ങളില്‍ ജില്ലാ സെക്രട്ടറി റവ. ഡോ. പവിത്ര സിംഗ്, ജെന്‍റര്‍ കമ്മീഷന്‍ ചെയര്‍മാന്‍ ഇവ. ഷിബു, സോണ്‍ വൈസ് പ്രസിഡന്‍റ് എം. എന്‍. പോള്‍ രാജ്, ടി.ജോണ്‍ പ്രസാദ്, ജില്ലാ വൈസ് പ്രസിഡന്‍റ് ടി. ദേവപ്രസാദ്, നിയുക്ത ഇസിഐ ബിഷപ്പ് റവ. ജെ. സുന്ദര്‍ സിംഗ്, ക്ലര്‍ജി കമ്മീഷന്‍ ജില്ലാ ചെയര്‍മാന്‍ ആര്‍. വി. സോണി, സംസ്ഥാന കമ്മിറ്റി അംഗം റിന്‍റോ രാജ്, എന്‍. രതീഷ് എന്നിവര്‍ പ്രസംഗിച്ചു.
സമാപന സമ്മേളനത്തില്‍ കെസിസി ജില്ലാ പ്രസിഡന്‍റ് എ. ആര്‍. നോബിള്‍, ജന്‍റര്‍ കമ്മീഷന്‍ കണ്‍വീനര്‍ റവ .ഡോ. ജെ. ഡബ്ല്യൂ പ്രകാശ്, ജില്ലാ വൈസ് പ്രസിഡന്‍റ് ജി. വിജയരാജ് തുടങ്ങിയവർ പ്രസംഗിച്ചു പ്രസംഗിച്ചു.