പട്ടികജാതി വിഭാഗങ്ങള്‍ക്ക് വിപുലമായ അടിസ്ഥാന സൗകര്യങ്ങൾ ഒരുക്കും: മന്ത്രി
1509607
Thursday, January 30, 2025 6:44 AM IST
പാറശാല: പട്ടികജാതി വിഭാഗങ്ങള്‍ക്ക് വിപുലമായ അടിസ്ഥാന സൗകര്യങ്ങളൊരുക്കുകയാണ് സര്‍ക്കാര്‍ ലക്ഷ്യമെന്ന് മന്ത്രി ഒ. ആര്‍. കേളു. പട്ടികജാതി വികസന വകുപ്പ് മുഖേന നടപ്പാക്കുന്ന അംബേദ്ക്കര്‍ ഗ്രാമപദ്ധതിയുടെ നിര്‍മാണ പ്രവൃത്തിയുടെ ഉദ്ഘാടനം കൊല്ലയില്‍ പഞ്ചായത്തിലെ എകെജി നഗറില്‍ നിര്‍വഹിച്ച് പ്രസംഗിക്കുകയായിരുന്നു അദ്ദേഹം.
സി. കെ. ഹരീന്ദ്രന്‍ എംഎല്‍എ അധ്യക്ഷനായി. പെരുങ്കടവിള ബ്ലോക്ക് പഞ്ചായത്ത് പ്രസിഡന്‍റ് വി. താണുപിള്ള, പഞ്ചായത്ത് പ്രസിഡന്‍റ് എന്‍. എസ്. നവനീത്കുമാര്‍, ജില്ലാ പഞ്ചായത്തംഗം വി. എസ്. ബിനു ,ജി. ആര്‍. ശ്രീജ, എസ്. മീനാറാണി, കെ. വി. പത്മകുമാര്‍, എസ്. സന്ധ്യ, ജി. ബൈജു, വി. എസ്. അനില തുടങ്ങിയവര്‍ പ്രസംഗിച്ചു.