നെ​യ്യാ​റ്റി​ന്‍​ക​ര: വ​ര്‍​ണ​ങ്ങ​ള്‍ പെ​യ്തി​റ​ങ്ങി​യ വേ​ദി​യി​ല്‍ ക​ല​യു​ടെ ലാ​വ​ണ്യ ഭാ​വ​ങ്ങ​ള്‍ നെ​യ്യാ​റി​ന്‍ തീ​ര​ത്ത് ആ​ഘോ​ഷ​ത്തി​ന്‍റെ അ​ല​ക​ള്‍ വി​രി​യി​ച്ച റ​വ​ന്യൂ ജി​ല്ലാ ക​ലോ​ത്സ​വ​ത്തി​ന് ആ​ര​വ​ങ്ങ​ളോ​ടെ കൊടിയിറങ്ങി.

കി​രീ​ട ജേ​താ​ക്ക​ളും കാ​ണി​ക​ളും തി​ങ്ങി നി​റ​ഞ്ഞ നെ​യ്യാ​റ്റി​ന്‍​ക​ര ബോ​യ്‌​സ് എ​ച്ച്എ​സ്എ​സി​ല്‍ ന​ട​ന്ന സ​മാ​പ​ന ച​ട​ങ്ങ് കെ. ​ആ​ന്‍​സ​ല​ന്‍ എം​എ​ല്‍​എ ഉ​ദ്ഘാ​ട​നം ചെ​യ്തു. ക​ലോ​ത്സ​വ​ത്തി​ലെ പ​താ​ക ഉ​യ​ര്‍​ത്ത​ല്‍ ച​ട​ങ്ങി​നെ ചൊ​ല്ലി വി​വാ​ദ​ങ്ങ​ളു​ണ്ടാ​ക്കാ​ന്‍ ചി​ല ശ്ര​മ​ങ്ങ​ള്‍ ന​ട​ന്ന​താ​യി അ​ദ്ദേ​ഹം ഉ​ദ്ഘാ​ട​ന പ്ര​സം​ഗ​ത്തി​ല്‍ പ​റ​ഞ്ഞു.

ആ​രു​ടെ​യും പ്രേ​ര​ണ​യി​ല്ലാ​തെ​യാ​ണ് പ്ല​സ് വ​ണ്‍ വി​ദ്യാ​ര്‍​ഥി കൊ​ടി​മ​ര​ത്തി​ല്‍ ക​യ​റി​തെ​ന്നും ഫ​യ​ര്‍ ആ​ൻ​ഡ് റെ​സ്‌​ക്യൂ പ​രി​ശീ​ല​നം അ​ട​ക്കം ല​ഭി​ച്ചി​ട്ടു​ള്ള വി​ദ്യാ​ര്‍​ഥി​യു​ടെ ഇ​ട​പെ​ട​ല്‍ അ​വ​സ​രോ​ചി​ത​മാ​യി​രു​ന്നു. അ​തി​നെ ചി​ല ആ​ളു​ക​ള്‍ പെ​രു​പ്പി​ച്ച് കാ​ട്ടു​ക​യും ചി​ല മാ​ധ്യ​മ​ങ്ങ​ള്‍ അ​ത് വി​വാ​ദ​മാ​ക്കു​ക​യും ചെ​യ്തു. ഇ​ത് ശ​രി​യാ​യ രീ​തി​യ​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.

നെ​യ്യാ​റ്റി​ന്‍​ക​ര ന​ഗ​ര​സ​ഭാ ചെ​യ​ര്‍​മാ​ന്‍ പി.​കെ രാ​ജ​മോ​ഹ​ന​ന്‍ അ​ധ്യ​ക്ഷ​ത വ​ഹി​ച്ച ച​ട​ങ്ങി​ല്‍ ജി​ല്ലാ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ഷൈ​ല​ജാ ബീ​ഗം വി​ജ​യി​ക​ള്‍​ക്ക് ട്രോ​ഫി​ക​ള്‍ സ​മ്മാ​നി​ച്ചു. ന​ഗ​ര​സ​ഭാ വൈ​സ് ചെ​യ​ര്‍​പേ​ഴ്‌​സ​ണ്‍ പ്രി​യ സു​രേ​ഷ്, കൗ​ണ്‍​സി​ല​ര്‍​മാ​രാ​യ എം.​എ. സാ​ദ​ത്ത്, എ​ന്‍.​കെ. അ​നി​ത​കു​മാ​രി, ആ​ര്‍. അ​ജി​ത തു​ട​ങ്ങി​യ​വ​ര്‍ പ​ങ്കെ​ടു​ത്തു. ഡി​ഡി​ഇ സു​ബി​ന്‍ പോ​ള്‍ സ്വാ​ഗ​ത​വും പ്രോ​ഗ്രാം ക​മ്മി​റ്റി ക​ണ്‍​വീ​ന​ര്‍ സി​ജോ​വ് സ​ത്യ​ന്‍ ന​ന്ദി​യും പ​റ​ഞ്ഞു.

കി​രീ​ടം തി​രു​വ​ന​ന്ത​പു​രം നോ​ര്‍​ത്തിന്

നെ​യ്യാ​റ്റി​ന്‍​ക​ര: നെ​യ്യാ​റ്റി​ന്‍​ക​ര​യെ ക​ല​യു​ടെ ഉ​ത്സ​വ ന​ഗ​രി​യാ​ക്കി​യ റ​വ​ന്യൂ ജി​ല്ലാ ക​ലോ​ത്സ​വ​ത്തി​നു തി​ര​ശീ​ല വീ​ണ​പ്പോ​ള്‍ ക​ലാ​കി​രീ​ട​ത്തി​ല്‍ മു​ത്ത​മി​ട്ട് തി​രു​വ​ന​ന്ത​പു​രം നോ​ര്‍​ത്ത് ഉ​പ​ജി​ല്ല ഓ​വ​റോ​ള്‍ ചാ​മ്പ്യ​ന്മാ​രാ​യി.പ്ര​ധാ​ന വേ​ദി​യി​ലു​ള്‍​പ്പെ​ടെ ഇ​ന്ന​ലെ പു​ല​ര്‍​ച്ച വ​രെ നീ​ണ്ട വാ​ശി​യേ​റി​യ മ​ത്സ​ര​ങ്ങ​ള്‍​ക്കൊ​ടു​വി​ല്‍ 885 പോ​യി​ന്‍റ് സ്വ​ന്ത​മാ​ക്കി​യാ​ണ് നോ​ര്‍​ത്ത് കി​രീ​ട​മ​ണി​ഞ്ഞ​ത്.

869 പോ​യി​ന്‍റു​മാ​യി തി​രു​വ​ന​ന്ത​പു​രം സൗ​ത്ത് ര​ണ്ടാം സ്ഥാ​ന​ത്തെ​ത്തി​യ​പ്പോ​ള്‍ ആ​ദ്യ ര​ണ്ടു ദി​ന​ങ്ങ​ളി​ല്‍ പോ​യി​ന്‍റ് പ​ട്ടി​ക​യി​ല്‍ മു​ന്നി​ട്ടു നി​ന്ന കി​ളി​മാ​നൂ​ര്‍ ഉ​പ​ജി​ല്ല​യ്ക്ക് മൂ​ന്നാം സ്ഥാ​നം കൊ​ണ്ട് തൃ​പ്തി​പ്പെ​ടേ​ണ്ടി വ​ന്നു.283 പോ​യി​ന്‍റു​ക​ള്‍ നേ​ടി​യ വ​ഴു​ത​ക്കാ​ട് കാ​ര്‍​മ​ല്‍ ഹ​യ​ര്‍ സെ​ക്ക​ന്‍​ഡ​റി സ്‌​കൂ​ള്‍ ക​ലോ​ത്സ​ല​ത്തി​ലെ മി​ക​ച്ച സ്‌​കൂ​ളാ​യി തെ​ര​ഞ്ഞെ​ടു​ക്ക​പ്പെ​ട്ടു.

എ​സ്കെ​വി​എ​ച്ച്എ​സ് ന​ന്ദി​യോ​ടും(229) കെ​ടി​സി​സി​ഇ​എം എ​ച്ച്എ​സ്എ​സ് ക​ടു​വ​യി​ല്‍ (207)) ലും ​യ​ഥാ​ക്ര​മം ര​ണ്ടും മൂ​ന്നും സ്ഥാ​ന​ങ്ങ​ള്‍ നേ​ടി. ആ​ദ്യ മൂ​ന്ന് ദി​ന​ങ്ങ​ളി​ല്‍ പോ​യി​ന്‍റ് പ​ട്ടി​ക​യി​ല്‍ നാ​ലാം സ്ഥാ​ന​ത്താ​യി​രു​ന്നു തി​രു​വ​ന​ന്ത​പു​രം നോ​ര്‍​ത്ത് അ​വ​സാ​ന ദി​വ​സ​ത്തെ നൃ​ത്ത മ​ത്സ​ര​ങ്ങ​ളി​ല്‍ മി​ന്നു​ന്ന പ്ര​ക​ട​നം കാ​ഴ്ച​വ​ച്ചാ​ണ് കി​രീ​ട ജേ​താ​ക്ക​ളാ​യ​ത്. നൃ​ത്ത വേ​ദി​ക​ളി​ല്‍ പ​ട്ടം ഗവ.മോ​ഡ​ല്‍ ഗേ​ള്‍​സ് സ്‌​കൂ​ള്‍ ട​ത്തി​യ വി​ജ​യ​ക്കു​തി​പ്പാ​ണ് നോ​ര്‍​ത്തി​നു ക​രു​ത്ത് പ​ക​ര്‍​ന്ന​ത്.
169 പോ​യി​ന്‍റാ​ണ് സ്‌​കൂ​ളി​ലെ കു​ട്ടി​ക​ള്‍ നേ​ടി​യ​ത്. ഈ ​വ​ര്‍​ഷം ക​ലോ​ത്സ​വ​ത്തി​ലു​ള്‍​പ്പെ​ടു​ത്തി​യ ഗോ​ത്ര​ക​ല​ക​ളാ​യ ഇ​രു​ള നൃ​ത്തം, മ​ല​യ​പു​ല​യ ആ​ട്ടം, പ​ണി​യ നൃ​ത്ത​ങ്ങ​ളി​ല്‍ എ​ച്ച്എ​സ്, എ​ച്ച് എ​സ്എ​സ് വി​ഭാ​ഗ​ങ്ങ​ളി​ല്‍ പ​ട്ടം ഗേ​ള്‍​സ് പോ​യി​ന്‍റു​ക​ള്‍ തൂ​ത്തു​വാ​രി​യ​തോ​ടെ ക​ഴി​ഞ്ഞ വ​ര്‍​ഷ​ത്തെ ചാ​മ്പ്യ​ന്മാ​രാ​യ തി​രു​വ​ന​ന്ത​പു​രം സൗ​ത്തി​ന് കി​രീ​ടം ന​ഷ്ട​മാ​യി.യു​പി വി​ഭാ​ഗ​ത്തി​ല്‍ 154 പോ​യി​ന്‍റു​മാ​യി ആ​റ്റി​ങ്ങ​ല്‍ ഉ​പ​ജി​ല്ല ഒ​ന്നാ​മ​തെ​ത്തി.

152 പോ​യി​ന്‍റുമാ​യി കി​ളി​മാ​നൂ​ര്‍ ര​ണ്ടാം സ്ഥാ​ന​ത്തു​മെ​ത്തി. എ​ച്ച്എ​സ് വി​ഭാ​ഗ​ത്തി​ല്‍ 362 പോ​യി​ന്‍റു​മാ​യി കി​ളി​മാ​നൂ​ര്‍ ചാ​മ്പ്യ​നാ​യ​പ്പോ​ള്‍ 348 പോ​യി​ന്‍റു​മാ​യി സൗ​ത്ത് ഉ​പ​ജി​ല്ല എ​ച്ച്എ​സ് വി​ഭാ​ഗ​ത്തി​ല്‍ റ​ണ്ണ​റ​പ്പാ​യി. എ​ച്ച്എ​സ്എ​സ് വി​ഭാ​ഗ​ത്തി​ല്‍ 399 പോ​യി​ന്‍റു​മാ​യി നോ​ര്‍​ത്തും 382 പോ​യി​ന്‍റു​മാ​യി സൗ​ത്തും ഒ​ന്നും ര​ണ്ടും സ്ഥാ​ന​ങ്ങ​ളി​ലെ​ത്തി.

യു​പി വി​ഭാ​ഗ​ത്തി​ല്‍ നെ​ല്ലി​മൂ​ട് സെ​ന്‍റ് ക്രി​സോ​സ്റ്റം (38), എ​ച്ച്എ​സ് വി​ഭാ​ഗ​ത്തി​ല്‍ കാ​ര്‍​മ​ല്‍ ഹ​യ​ര്‍ സെ​ക്ക​ന്‍​ഡി സ്‌​കൂ​ള്‍(103) എ​ച്ച്എ​സ്എ​സ് വി​ഭാ​ഗ​ത്തി​ല്‍ ന​ന്ദി​യോ​ട് എ​സ്കെ​വി​എ​ച്ച്എ​സ്എ​സും (157) മി​ക​ച്ച സ്‌​കൂ​ളു​ക​ളാ​യി.