വി​ഴി​ഞ്ഞം: വീ​ട്ടുമു​റ്റ​ത്തെ കി​ണ​റ്റി​ൽ വീ​ണ വ​ള​ർ​ത്തു നാ​യ​യെ പു​റ​ത്തെ​ടു​ക്കാ​ൻ ഇ​റ​ങ്ങി​യ ​വ​യോ​ധി​ക​ൻ​ കി​ണ​റ്റി​നു​ള്ളി​ൽ അ​ക​പ്പെ​ട്ടു. ത​ള​ർന്ന് അ​വ​ശ​നാ​യ വ​യോ​ധി​ക​നെ പിന്നീട് വി​ഴി​ഞ്ഞ​ത്തു നി​ന്നെ​ത്തി​യ ഫ​യ​ർ​ഫോ​ഴ്സ് ജീ​വ​ന​ക്കാ​ർ ര ക്ഷിച്ചു പുറത്തെത്തിച്ചു.

വി​ഴി​ഞ്ഞം മു​ക്കോ​ല നെ​ല്ലി​വി​ള നെ​ല്ലി​യി​ൽ ത​ങ്ക​പ്പ​ൻ (72) നെ​യാ​ണ് ര​ക്ഷ​പ്പെ​ടു​ത്തി​യ​ത്. ഇ​ന്ന​ലെ ഉ​ച്ച​ക്ക് പ​ന്ത്ര​ണ്ടോ​ടെ​യാ​യി​രു​ന്നു സം​ഭ​വം. 25 അ​ടി​യോ​ളം താ​ഴ്ച​യു​ള്ള കി​ണ​റ്റി​ൽ നാ​ല​ടി​യോ​ളം വെ​ള്ള​മു​ണ്ടാ​യി​രു​ന്നു. കൈ​വ​രി​യി​ലൂ​ടെ നാ​യ കി​ണ​റ്റി​ൽ വീ​ണ​തു​ക​ണ്ട​ ത​ങ്ക​പ്പ​ൻ നാ​ട്ടു​കാ​രി​ൽ ചി​ല​രു​ടെ സ​ഹാ​യ​ത്തോ​ടെ താഴെ ഇറങ്ങുകയായിരുന്നു. നാ​യ​യെ ര​ക്ഷി​ച്ചു ക​ര​യി​ൽ ക​യ​റ്റി​യെ​ങ്കി​ലും ഉ​ട​മ​സ്ഥ​നു ക​ര​യി​ൽ ക​യ​റാ​നാ​യി​ല്ല.

നാ​ട്ടു​കാ​ർ ഇ​ട്ടു കൊ​ടു​ത്ത വ​ട​ത്തി​ൽ തൂ​ങ്ങി മു​ക​ളി​ലേക്കു ​ക​യ​റാ​ൻ ശ്ര​മം ന​ട​ത്തു​ന്ന​തി​നി​ട​യി​ൽ കി​ണ​റി​ന്‍റെ കൈ​വ​രി​ക്ക് ബ​ല​ക്ഷ​യ​മു​ണ്ടാ​യി. കാ​ര്യ​ങ്ങ​ൾ കൈ​വി​ട്ടു പോ​കു​മെ​ന്ന അ​വ​സ്ഥ​യു​ണ്ടാ​യ​തോ​ടെ നാ​ട്ടു​കാ​ർ ഫ​യ​ർ​ഫോ​ഴ്സിന്‍റെ ​സ​ഹാ​യം തേ​ടി. സ്റ്റേഷ​ൻ ഓ​ഫീ​സ​ർ ​വേ​ണു​ഗോ​പാ​ൽ,

അ​സിസ്റ്റന്‍റ് സ്റ്റേഷ​ൻ ഓ​ഫീ​സ​ർ ഏം​ഗ​ൽ​സ്, ഫ​യ​ർ​മാ​ൻ​മാ​രാ​യ ബി​ജു, ഷി​ജു, സ​ന​ൽ​കു​മാ​ർ, വി​ജ​യ​കു​മാ​ർ, ഹ​രി​കൃ​ഷ്ണ​ൻ, ഡ്രൈ​വ​ർ ബി​ജു, ഹോം ​ഗാ​ർ​ഡു​മാ​രാ​യ സ്റ്റീ​ഫ​ൻ, സ​ദാ​ശി​വ​ൻ എ​ന്നി​വ​രു​ടെ നേ​തൃ​ത്വ​ത്തി​ലെ​ത്തി​യ സം​ഘം വ​ല​യു​ടെ സ​ഹാ​യ​ത്തോ​ടെ വയോധിക നെ പു​റ​ത്തെ​ടു​ത്തു വി​ഴി​ഞ്ഞം ഗവ. ആ​ശു​പ​ത്രി​യി​ലെത്തിച്ചു.