കാ​ട്ടാ​ക്ക​ട: ന​ടു​റോ​ട്ടി​ൽ പോ​ലീ​സു​കാ​ര​ന്‍റെ​യും സ​ഹോ​ദ​ര​ന്‍റെ​യും അ​ഴി​ഞ്ഞാ​ട്ടം. മൈ​ല​ക്ക​ര ജം​ഗ്ഷ​നി​ലെ ചാ​യ​ക്ക​ട ഉ​ട​മ​യെ​യും സ​ഹോ​ദ​ര​നെ​യും പി​താ​വി​നെ​യും ക്രൂ​ര​മാ​യി മ​ർ​ദി​ച്ചു. ക​ഴി​ഞ്ഞ ദി​വ​സം ന​ട​ന്ന സം​ഭ​വ​ത്തി​ന്‍റെ ദൃ​ശ്യ​ങ്ങ​ൾ പു​റ​ത്ത്.

തി​രു​വ​ന​ന്ത​പു​രം സി​റ്റി എ ​ആ​ർ ക്യാ​മ്പി​ലെ പോ​ലീ​സ് ഡ്രൈ​വ​ർ രാ​ഹു​ൽ​നാ​ഥ്, സ​ഹോ​ദ​ര​ൻ രാകേഷ് നാഥ് എ​ന്നി​വ​ർ പി​ടി​യി​ലാ​യി. ഇ​വ​രെ റി​മാ​ൻ​ഡ് ചെ​യ്തു. തി​ങ്ക​ളാ​ഴ്ച രാ​ത്രി എട്ടോ‌​ടെ​യാ​യി​രു​ന്നു സം​ഭ​വം. ക​ട​യി​ലെ അ​തി​ഥി​ത്തൊ​ഴി​ലാ​ളി​ക​ളെ പ​റ​ഞ്ഞ​യ​ക്ക​ണം എ​ന്നാ​വ​ശ്യ​പ്പെ​ട്ടാ​യി​രു​ന്നു മ​ർ​ദ​നം. ക​ട ഉ​ട​മ സു​ധീ​ഷി​ന്‍റെ ത​ല​യി​ൽ ഇ​വ​ർ ക​മ്പി​പ്പാ​ര കൊ​ണ്ട​ടി​ച്ചു.

സു​ധീ​ഷി​ന്‍റെ ത​ല​യി​ൽ 13 തു​ന്ന​ലു​ണ്ട്. ഇയാളുടെ സ​ഹോ​ദ​ര​ൻ അ​നീ​ഷി​നെ​യും ഇ​രു​വ​രും ക്രൂ​ര​മാ​യി മ​ർ​ദി​ച്ചു. ത​ട​യാ​നെ​ത്തി​യ നാ​ട്ടു​കാ​രു​ടെ വാ​ഹ​ന​ങ്ങ​ൾ പ്ര​തി​ക​ൾ ത​ല്ലി​ത്ത​ക​ർ​ത്തു. ചാ​യ​ക്ക​ട​യും പ്ര​തി​ക​ൾ അ​ടി​ച്ചു ത​ക​ർ​ത്തു. ക​ട​യു​ടെ സ​മീ​പത്തു നിർ ത്തിയിട്ടിരുന്ന മറ്റു വാ​ഹ​ന​ങ്ങ​ളും പ്ര​തി​ക​ൾ അടിച്ചുതകർത്തു.

ഇ​രുവരുടെയും വീ​ട്ടി​നു​മു​ന്നി​ൽ പ്ര​വ​ർ​ത്തി​ക്കു​ന്ന ത​ട്ടു​ക​ട​യി​ലേ​ക്കാണ് ​ഇ​വ​ർ അ​തി​ക്ര​മി​ച്ചു ക​യ​റി​യ​ത്. ക​ട അ​ടി​ച്ചു ത​ക​ർ​ക്കു​ക​യും ക​ട​യു​ട​മ സു​ധീ​ഷി​നെ​യും സ​ഹോ​ദ​ര​ൻ അ​നീ​ഷി​നെ​യും ത​ടി​ക്ക​ഷ​ണം​കൊ​ണ്ടു അ​ടി​ക്കു​കയും ​ചെ​യ്തി​രു​ന്നു. ക​ട​യി​ൽ ഭ​ക്ഷ​ണം ക​ഴി​ക്കാ​നി​രു​ന്ന ര​വീ​ന്ദ്ര​ൻ നാ​യ​ർ, രാ​മ​ച​ന്ദ്ര​ൻ നാ​യ​ർ, ര​തീ​ഷ് എ​ന്നി​വ​രെ​യും രാ​ഹു​ൽ നാ​ഥും രാ​കേ​ഷ് നാ​ഥും ക്രൂ​ര​മാ​യി മ​ർ​ദി​ച്ചു. ക​ട​യി​ലെ ബ​ഹ​ളം ക​ണ്ട് മ​ധ്യ​സ്ഥ​ത​യ്ക്കു ശ്ര​മി​ച്ച താ​യി​രു​ന്നു മൂ​വ​രും.

""ഞാ​ൻ പോ​ലീ​സു​കാ​ര​നാ​ണ്, നി​ങ്ങ​ൾ​ക്ക് ചെ​യ്യാ​നു​ള്ള​തെ​ല്ലാം ചെ​യ്യാം, ആ​രും ഒ​രു ചു​ക്കും ചെ​യ്യി​ല്ലെ​ന്നു'' പ​റ​ഞ്ഞാ​യി​രു​ന്നു പോ​ലീ​സു​കാ​ര​ന്‍റെ ആ​ക്ര​മ​ണം. എ​തി​ർ​ത്ത​വ​രെ​യെ​ല്ലാം മ​ർ​ദി​ച്ചവ​ശ​രാ​ക്കി​യ ഇ​രു​വ​രും പു​റ​ത്തി​റ​ങ്ങി ത​ട്ടു​ക​ട​യ്ക്കു മു​ന്നി​ൽ ഉ​ണ്ടാ​യി​രു​ന്ന ര​തീ​ഷി​ന്‍റെ​യും ര​വീ​ന്ദ്ര​ൻ നാ​യ​രു​ടെ​യും ഇ​രു​ച​ക്ര​വാ​ഹ​ന​ങ്ങ​ളും ത​ക​ർ​ത്തു.

സു​ധീ​ഷി​ൽ​നി​ന്നും മൊ​ഴി രേ​ഖ​പ്പെ​ടു​ത്തി​യ പോ​ലീ​സ് ഇ​രു​വ​ർ​ക്കു​മെ​തി​രെ വ​ധ​ശ്ര​മ​ത്തിനു കേ​സെ​ടു​ത്തു. സം​ഭ​വ​ത്തി​നു​ശേ​ഷം സ്ഥ​ല​ത്തു നി​ന്നും മു​ങ്ങി​യ പ്ര​തി​ക​ളെ പോ​ലീ​സ് പി​ടി​കൂ​ടു​ക​യാ​യി​രു​ന്നു. പ​രി​ക്കേ​റ്റവ​ർ ഇ​പ്പോ​ഴും ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.