അത്യാധുനിക കാന്‍സര്‍ ചികിത്സാ സംവിധാനവുമായി കിംസ്ഹെല്ത്ത് കാന്‍സര്‍ സെന്‍റര്‍
1483083
Friday, November 29, 2024 7:49 AM IST
തിരുവനന്തപുരം: കാന്‍സര്‍ റേഡിയേഷന്‍ ചികിത്സയ്ക്കുള്ള അത്യാധുനിക സംവിധാനമായ ട്രൂബീം എസ്ടിഎക്സ് 3.0 ലീനിയര്‍ ആക്സിലേറ്ററുമായി തിരുവനന്തപുരം കിംസ്ഹെല്ത്ത് കാന്‍സര്‍ സെന്‍റര്‍.
ഗ്ലോബല്‍ പ്രൈവറ്റ് ഇക്വിറ്റി ഫേം ബ്ലാക്ക്സ്റ്റോണ്‍ പിന്തുണയ്ക്കുന്ന ക്വാളിറ്റി കെയര്‍ ഇന്ത്യ ലിമിറ്റഡിന്‍റെ ഭാഗമായാണ് തിരുവനന്തപുരം കിംസ്ഹെല്ത്ത് കാന്‍സർ സെന്‍ററിന്റെ പ്രവര്‍ത്തനം. കിംസ്ഹെൽത്ത് ചെയർമാനും മാനേജിംഗ് ഡയറക്ടറുമായ ഡോ. എം.ഐ സഹദുള്ള, ശ്രീചിത്ര തിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സസ് ആന്‍ഡ് ടെക്‌നോളജി ഡയറക്ടര്‍ ഡോ. സഞ്ജയ് ബെഹാരി,
ബ്ലാക്ക്‌സ്റ്റോൺ സീനിയർ മാനേജിംഗ് ഡയറക്ടർ ഗണേഷ് മണി, കിംസ്ഹെല്ത്ത് (കാന്‍സര്‍ സെന്‍റര്‍, സിഎസ്ആര്‍ ആന്‍ഡ് ഇഎസ്ജി) സി.ഇഒ രശ്മി ആയിഷ എന്നിവരുടെ സാന്നിധ്യത്തിൽ കേരളാ ഗവര്‍ണര്‍ ആരിഫ് മുഹമ്മദ് ഖാന്‍ യൂണിറ്റ് ഉദ്ഘാടനം ചെയ്തു. സീനിയര്‍ ഓങ്കോളജിസ്റ്റ് ഡോ. ജയപ്രകാശ് മാധവനെ ചടങ്ങില്‍ ആദരിച്ചു.
കിംസ്ഹെല്ത്ത് കണ്‍സള്‍ട്ടന്‍റ് റേഡിയേഷന്‍ ഓങ്കോളജിസ്റ്റ് ഡോ. ജോണ്‍ സെബാസ്റ്റ്യന്‍, ഡോ. ജയപ്രകാശ് മാധവന് ആദരമര്‍പ്പിച്ച് സംസാരിച്ചു. കിംസ്ഹെല്ത്ത് (കാന്‍സര്‍ സെന്‍റർ, സി.എസ്.ആര്‍ ആന്‍ഡ് ഇ.എസ്ജി) സി.ഇ.ഒ രശ്മി ആയിഷ സ്വാഗതം പറഞ്ഞു.