നെയ്യാറ്റിന്‍കര : അനന്തപുരിയിലെ നവരാത്രി മഹോത്സവത്തിനു ശേഷം നല്ലിരിപ്പും കഴിഞ്ഞ് സരസ്വതി ദേവിയും പരിവാരങ്ങളും ഇന്ന് പത്മനാഭപുരത്തേയ്ക്ക് തിരിച്ചെഴുന്നള്ളും.
നെയ്യാറ്റിന്‍കര ശ്രീകൃഷ്ണസ്വാമി ക്ഷേത്രത്തില്‍ ഇന്ന് വിശ്രമിക്കുന്ന നവരാത്രി വിഗ്രഹങ്ങള്‍ നാളെ വീണ്ടും യാത്ര തുടരും. പത്മനാഭപുരം കൊട്ടാരവളപ്പിലെ തേവാരക്കെട്ടിലെ സരസ്വതിദേവി, വേളിമലയിലെ കുമാരസ്വാമി, ശുചീന്ദ്രത്തെ മുന്നൂറ്റിനങ്ക എന്നീ ദേവവിഗ്രഹങ്ങളാണ് തിരുവനന്തപുരത്തെ നവരാത്രി ആഘോഷങ്ങളില്‍ പങ്കെടുക്കുന്നത്.