പേ​രൂ​ര്‍​ക്ക​ട: ന​വീ​ക​ര​ണം നി​ല​ച്ച​തോ​ടെ കി​ണ​വൂ​ര്‍ വാ​ര്‍​ഡി​ല്‍ ഉ​ള്‍​പ്പെ​ടു​ന്ന അ​മ്പ​ല​ത്ത​റ കു​ളം പാ​യ​ലും മ​ദ്യ​ക്കു​പ്പി​ക​ളും നി​റ​ഞ്ഞ നി​ല​യി​ല്‍‌. ച​തു​രാ​കൃ​തി​യി​ലു​ള്ള കു​ള​ത്തി​ന്‍റെ നാ​ലു​ഭാ​ഗ​ത്തും സം​ര​ക്ഷ​ണ​വേ​ലി കെ​ട്ടി​യി​ട്ടു​ണ്ട്. അ​ടു​ത്തി​ടെ കു​ളം ശു​ചീ​ക​രി​ച്ച​താ​ണ്.

ശു​ചീ​ക​ര​ണ​ത്തി​നു​ശേ​ഷം കു​ള​ത്തി​ന്‍റെ വ​ശ​ങ്ങ​ളി​ലും സം​ര​ക്ഷ​ണ​വേ​ലി​യി​ലും ചെ​ടി​ച്ച​ട്ടി​ക​ള്‍ വ​യ്ക്കു​ക​യും പു​ഷ്പ​കൃ​ഷി ന​ട​ത്തു​ക​യും ചെ​യ്തി​രു​ന്നു. എ​ന്നാ​ല്‍ ഇ​പ്പോ​ള്‍ അ​തൊ​ന്നും ഇ​വി​ടെ കാ​ണാ​നി​ല്ല. സ​മീ​പ​ത്തെ പ​റ​മ്പു​ക​ളി​ല്‍ നി​ന്നും ക​രി​ഞ്ഞ ഓ​ല​ക​ളും മ​റ്റും വെ​ള്ള​ത്തി​ലേ​ക്ക് വീ​ണു​കി​ട​ക്കു​ന്ന​ത് അ​ഴു​കി​യ നി​ല​യി​ലാ​ണ്. ഇ​താ​ണ് ജ​ലം മ​ലി​ന​മാ​കാ​നു​ള്ള പ്ര​ധാ​ന കാ​ര​ണം. ന​വീ​ക​ര​ണ​ത്തി​നു​ശേ​ഷം അ​ധി​കൃ​ത​ര്‍ ഇ​വി​ടേ​ക്ക് തി​രി​ഞ്ഞു​നോ​ക്കാ​ത്ത​ത് അ​മ്പ​ല​ത്ത​റ കു​ള​ത്തി​ന്‍റെ നാ​ശ​ത്തി​ന് മ​റ്റൊ​രു കാ​ര​ണ​മാ​യി.

എ​ന്നാ​ല്‍ മാ​സ​ങ്ങ​ള്‍​ക്കു​ള്ളി​ല്‍ പാ​യ​ലു​ക​ള്‍ നി​റ​ഞ്ഞ് കു​ള​ത്തി​ലെ വെ​ള്ളം മ​ലി​ന​മാ​കു​ക​യാ​യി​രു​ന്നു. അ​തി​നൊ​പ്പം സാ​മൂ​ഹി​ക​വി​രു​ദ്ധ​രു​ടെ താ​വ​ള​വു​മാ​യി മാ​റി ഇ​വി​ടം. കു​ള​ത്തി​ലേ​ക്ക് ഇ​റ​ങ്ങു​ന്ന​തി​ന് ഒ​രു ഗേ​റ്റു​ണ്ട്. ഇ​ത് കൃ​ത്യ​മാ​യി പൂ​ട്ടി​യി​ടാ​ത്ത​താ​ണ് സാ​മൂ​ഹി​ക​വി​രു​ദ്ധ​ര്‍​ക്ക് അ​നു​ഗ്ര​ഹ​മാ​കു​ന്ന​ത്.

ചൂ​ഴ​മ്പാ​ല റോ​ഡി​ല്‍ നി​ന്ന് അ​മ്പ​ല​ത്ത​റ ഇ​ട​റോ​ഡി​നു സ​മീ​പ​ത്താ​ണ് കു​ളം. തെ​രു​വു​വി​ള​ക്കു​ക​ള്‍ പ്ര​കാ​ശി​ക്കാ​ത്ത​തും ആ​ള​ന​ക്കം കു​റ​ഞ്ഞ സ്ഥ​ല​മാ​യ​തു​മാ​ണ് സാ​മൂ​ഹി​ക​വി​രു​ദ്ധ​ര്‍​ക്ക് അ​നു​ഗ്ര​ഹ​മാ​യി​രി​ക്കു​ന്ന​ത്. കാ​മ​റ​ക​ള്‍ സ്ഥാ​പി​ച്ച് പോ​ലീ​സി​ന്‍റെ രാ​ത്രി​കാ​ല പ​ട്രോ​ളിം​ഗ് ശ​ക്ത​മാ​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.