നെ​യ്യാ​റ്റി​ന്‍​ക​ര: യു​വാ​വി​ന്‍റെ മ​ര​ണം അ​മീ​ബി​ക് മ​സ്തി​ഷ്ക ജ്വ​ര​മെന്നു സ്ഥിരീ കരണം. വീ​ടി​നു സ​മീ​പ​ത്തെ കു​ളം താ​ത്കാ​ലി​ക​മാ​യി അ​ട​ച്ചു. രോ​ഗ​ല​ക്ഷ​ണ​ങ്ങ​ള്‍ പ്ര​ക​ട​മാ​യ അ​ഞ്ചുപേ​ര്‍ ആ​ശു​പ​ത്രി​യി​ല്‍ നി​രീ​ക്ഷ​ണ​ത്തി​ല്‍.

അ​തി​യ​ന്നൂ​ര്‍ പ​ഞ്ചാ​യ​ത്തി​ലെ പൂ​തം​കോ​ട് ക​ണ്ണ​റ​വി​ള അ​നൂ​പ് ഭ​വ​നി​ല്‍ അ​ഖി​ലാണു ക​ഴി​ഞ്ഞ ദി​വ​സം മ​രി​ച്ച​ത്. പൂ​തം​കോ​ട് സ്വ​ദേ​ശി​ക​ളാ​യ നാ​ലു​പേ​രും ഇ​ല​വ​ങ്ങം സ്വ​ദേ​ശി​യാ​യ ഒ​രു കു​ട്ടി​യും ഉ​ള്‍​പ്പെ​ടെ അ​ഞ്ചുപേ​ര്‍ നി​രീ​ക്ഷ​ണ​ത്തി​ല്‍ തു​ട​രു​ന്നു. പ​നി​യോ​ടെ​യാ​യി​രു​ന്നു അ​ഖി​ലി​ന്‍റെ രോ​ഗ​ത്തി​ന്‍റെ തു​ട​ക്കം. തലയ്ക്കും ക​ഴു​ത്തി​നും അ​സ​ഹ​നീ​യ​മാ​യ വേ​ദ​ന​യും ഛര്‍​ദ്ദി​യും അ​നു​ഭ​വ​പ്പെ​ട്ടു. പ​ത്തു വ​ര്‍​ഷം മു​ന്പുമ​ര​ത്തി​ല്‍നി​ന്നു വീ​ണു പ​രി​ക്കേ​റ്റ​പ്പോ​ള്‍ അ​ഖി​ലി​നെ ചി​കി​ത്സി​ച്ച​ത് കോ​ല​ഞ്ചേ​രി​യി​ലെ സ്വ​കാ​ര്യ മെ​ഡി​ക്ക​ല്‍ കോള​ജി​ലാ​യി​രു​ന്നു​വെന്നു ബ​ന്ധു​ക്ക​ള്‍ പ​റ​ഞ്ഞു.

അ​ന്ന​ത്തെ സം​ഭ​വ​ത്തി​ന്‍റെ ബാ​ക്കി​യാ​യി ഉ​ട​ലെ​ടു​ത്ത​താ​ണോ വേ​ദ​ന​യെ​ന്നു സ്ഥി​രീ​ക​രി​ക്കാ​നാ​യി കോ​ല​ഞ്ചേ​രി​യി​ലെ ആ​ശു​പ​ത്രി​യി​ലെ​ത്തി​ച്ചു. ഈ ​പ​രി​ശോ​ധ​ന​യി​ലാ​ണ് അമീബിക് മ​സ്തി​ഷ്ക ജ്വ​ര​മെ​ന്ന് അ​വി​ടു​ത്തെ ഡോ​ക്ട​ര്‍​മാ​ര്‍ അ​റി​യി​ച്ച​തെ​ന്ന് ബ​ന്ധു​ക്ക​ള്‍ വ്യ​ക്ത​മാ​ക്കി.

തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തി​ച്ച​പ്പോ​ഴേ​ക്കും അ​ഖി​ല്‍ അ​ബോ​ധാ​വ​സ്ഥ​യി​ലാ​യിരുന്നു. ഉ​ട​ൻ ഐ​സിയുവി​ലും പി​ന്നീ​ട് വെ​ന്‍റി​ലേ​റ്റ​റി​ലും പ്ര​വേ​ശി​പ്പി​ച്ചു. ചി​കി​ത്സ​യി​ലി​രി​ക്കെ അ​ഖി​ല്‍ മ​ര​ണ​മ​ട​ഞ്ഞു. അ​ഖി​ല്‍ മു​ങ്ങി​ക്കു​ളി​ച്ച കാ​വി​ന്‍​കു​ള​ത്തി​ല്‍ കു​ളി​ച്ച​വ​രി​ല്‍ നാ​ലുപേ​ര്‍​ക്കുകൂ​ടി രോ​ഗ​ല​ക്ഷ​ണ​ങ്ങ​ള്‍ പ്ര​ക​ട​മാ​യി. നാ​ലു​പേ​രും ആ​ശു​പ​ത്രി​യി​ല്‍ നി​രീ​ക്ഷ​ണ​ത്തി​ലാ​ണ്. അ​തേ​സ​മ​യം കാ​വി​ന്‍​കു​ള​ത്തി​ലെ വെ​ള്ളം ഉ​പ​യോ​ഗി​ക്ക​രു​തെ​ന്ന് അ​തി​യ​ന്നൂ​ര്‍ പ​ഞ്ചാ​യ​ത്ത് സെ​ക്ര​ട്ട​റി​യു​ടെ അ​റി​യി​പ്പ് കു​ള​ത്തി​ന​രി​കി​ല്‍ സ്ഥാ​പി​ച്ചി​ട്ടു​ണ്ട്. കു​ള​ത്തി​നു ചു​റ്റും ​വേ​ലി​യാ​ല്‍ കെ​ട്ടിഅ​ട​യ്ക്കു​ക​യും ചെ​യ്തു. കു​ള​ത്തി​ലെ ജ​ല​ത്തി​ന്‍റെ സാ​ന്പി​ള്‍ ആ​രോ​ഗ്യ വ​കു​പ്പ് അധികൃതർ ശേ​ഖ​രി​ച്ചു.