നിയന്ത്രണം വിട്ട സ്കൂട്ടറിൽനിന്ന് വീണ് മരിച്ചു
1429304
Friday, June 14, 2024 10:29 PM IST
നേമം: കരമന-കളിയിക്കാവിള പാതയിൽ തുലവിളയ്ക്ക് സമീപമുണ്ടായ അപകടത്തിൽ സ്കൂട്ടർ യാത്രികൻ മരിച്ചു. കാരയ്ക്കാമണ്ഡപം കാരയ്ക്കാട്ട് ലെയിനിൽ താമസിക്കുന്ന സുജിത്ത് കെ. ശ്രീധരൻ (51) ആണ് മരിച്ചത്.
വ്യാഴാഴ്ച വൈകിട്ടായിരുന്നു അപകടം. റോഡ് മുറിച്ചു കടന്ന കാൽനട യാത്രക്കാരന്റെ ശരീരത്തിൽ തട്ടി നിയന്ത്രണം വിട്ട സ്കൂട്ടറിൽ നിന്നും തെറിച്ച് വീണായിരുന്നു അപകടം. ഭാര്യ: ആശ. മകൻ: നിഷാൻ.