നെ​യ്യാ​റ്റി​ന്‍​ക​ര : ക​ര​മ​ന -ക​ളി​യി​ക്കാ​വി​ള പാ​ത​യി​ലെ ബാ​ല​രാ​മ​പു​രം മു​ത​ല്‍ നെ​യ്യാ​റ്റി​ന്‍​ക​ര വ​രെ​യു​ള്ള ഇ​ട​ങ്ങ​ളി​ല്‍ പ​ല​യി​ട​ത്തും മ​ഴ​യ​ത്തും രാ​പ്പ​ക​ല്‍ വ്യ​ത്യാ​സ​മി​ല്ലാ​തെ ഗ​താ​ഗ​ത​ക്കു​രു​ക്ക് തു​ട​രു​ന്നു.

ശ​ക്ത​മാ​യ മ​ഴ​യി​ല്‍ വാ​ഹ​ന​ങ്ങ​ള്‍ പൊ​തു​വേ വേ​ഗ​ത കു​റ​ച്ചാ​ണ് നീ​ങ്ങു​ന്ന​ത്. എ​ന്നാ​ല്‍ ബാ​ല​രാ​മ​പു​രം ജം​ഗ്ഷ​നു ശേ​ഷം നെ​യ്യാ​റ്റി​ന്‍​ക​ര​യി​ലേ​യ്ക്കു​ള്ള പാ​ത വി​ക​സി​ക്കാ​ത്ത​തി​നാ​ല്‍ പ്ര​തി​കൂ​ല കാ​ലാ​വ​സ്ഥ​യും വാ​ഹ​ന​ങ്ങ​ളു​ടെ വേ​ഗ​ത​ക്കു​റ​വും പാ​ത​യോ​ര​ത്തെ അ​ന​ധി​കൃ​ത പാ​ര്‍​ക്കിം​ഗു​മൊ​ക്കെ ചേ​രു​ന്പോ​ള്‍ ഗ​താ​ഗ​ത​ത്തി​ന്‍റെ താ​ളം തെ​റ്റു​ന്നു.

മ​ഴ ന​ന​ഞ്ഞും ഗ​താ​ഗ​തം നി​യ​ന്ത്രി​ക്കാ​ന്‍ ബാ​ല​രാ​മ​പു​രം പോ​ലു​ള്ള തി​ര​ക്കേ​റി​യ ജം​ഗ്ഷ​നു​ക​ളി​ല്‍ പോ​ലീ​സി​ന്‍റെ​യും ഹോം ​ഗാ​ര്‍​ഡി​ന്‍റെ​യും സാ​ന്നി​ധ്യ​മു​ണ്ടെ​ങ്കി​ലും മി​ക്ക​വാ​റും ഗ​താ​ഗ​ത​ക്കു​രു​ക്ക് മ​ണി​ക്കൂ​റു​ക​ള്‍ നീ​ളു​ന്ന​താ​യി യാ​ത്ര​ക്കാ​ര്‍‍ ചൂ​ണ്ടി​ക്കാ​ട്ടി.

കെഎ​സ്ആ​ര്‍ടിസി, ത​മി​ഴ്നാ​ട് ട്രാ​ന്‍​സ്പോ​ര്‍​ട്ട് സ​ര്‍​വീ​സ് ബ​സുക​ളും ചി​ല​പ്പോ​ള്‍ ഗ​താ​ഗ​ത ത​ട​സം സൃ​ഷ്ടി​ക്കാ​റു​ണ്ട്. പാ​ത​യു​ടെ മ​ധ്യ​ത്തി​ല്‍ വാ​ഹ​നം നി​ര്‍​ത്തി യാ​ത്ര​ക്കാ​ര്‍ ഇ​റ​ങ്ങാ​നും ക​യ​റാ​നും അ​വ​സ​ര​മു​ണ്ടാ​ക്കു​ന്ന​ത് ഇ​രു​വ​ശ​ത്തും കൂ​ടി​യു​ള്ള ഗ​താ​ഗ​ത​ത്തെ സാ​ര​മാ​യി ബാ​ധി​ക്കു​ന്നു​ണ്ട്.