പു​റ​മ്പോ​ക്ക് ഭൂ​മി​യി​ലെ അ​ന​ധി​കൃ​ത കൈ​യ്യേ​റ്റം: സം​യു​ക്ത പ​രി​ശോ​ധ​ന​യ്ക്ക് തീ​രു​മാ​നം
Saturday, May 25, 2024 6:55 AM IST
കി​ളി​മാ​നൂ​ർ: പ​ഴ​യ​കു​ന്നു​മ്മേ​ൽ പ​ഞ്ചാ​യ​ത്തി​ലെ വാ​ഴോ​ട് മു​ത​ൽ ഇ​ര​ട്ട​ച്ചി​റ, കി​ളി​മാ​നൂ​ർ, പു​തി​യ കാ​വ് വ​രെ​യു​ള്ള കെ​എ​സ്ടി​പി, പി​ഡ​ബ്ല്യൂ​ഡി, പ​ഞ്ചാ​യ​ത്ത് വ​ക​ഭൂ​മി​യി​ലെ കൈ​യ്യേ​റ്റം ക​ണ്ടെ​ത്തു​ന്ന​തി​ന് റ​വ​ന്യൂ, കെ​എ​സ്ടി​പി, പി​ഡ​ബ്ല്യു​ഡി, എ​ൽ​എ​സ്ജി​ഡി, പോ​ലീ​സ് വ​കു​പ്പു​ക​ളു​ടെ സം​യു​ക്ത പ​രി​ശോ​ധ​ന​യി​ലൂ​ടെ അ​തി​ർ​ത്തി നി​ർ​ണ​യം ന​ട​ത്തി പ്ര​ദേ​ശ​ങ്ങ​ളി​ലെ കൈ​യ്യേ​റ്റം ഒ​ഴി​പ്പി​ക്കു​വാ​ൻ തീ​രു​മാ​ന​മാ​യി.

കെ​എ​സ്ആ​ർ​ടി​സി ബ​സ് സ്റ്റാ​ന്‍റ്, പ​ഞ്ചാ​യ​ത്ത് ബ​സ് സ്റ്റാ​ന്‍റ് , വാ​ഴോ​ട്, മ​ണ​ലേ​ത്തു​പ​ച്ച ബൈ​പാ​സ് റോ​ഡ് എ​ന്നി​വി​ട​ങ്ങ​ളി​ലെ വെ​ള്ള​ക്കെ​ട്ട് ഒ​ഴി​വാ​ക്കാ​നും പ്ര​ദേ​ശ​ങ്ങ​ളി​ലെ സ്ലാ​ബു​ക​ൾ ഇ​ള​ക്കി വൃ​ത്തി​യാ​ക്കു​വാ​നും, തോ​ടു​ക​ൾ ജ​ലാ​ശ​യ​ങ്ങ​ൾ എ​ന്നി​വ ശു​ചീ​ക​രി​ക്കു​വാ​നും ഒ.​എ​സ്.​അം​ബി​ക എം​എ​ൽ​എ​യു​ടെ അ​ധ‍്യ​ക്ഷ​ത​യി​ൽ പ​ഴ​യ​കു​ന്നു​മ്മേ​ൽ പ​ഞ്ചാ​യ​ത്ത് കോ​ൺ​ഫ​റ​ൻ​സ് ഹാ​ളി​ൽ ചേ​ർ​ന്ന യോ​ഗം തീ​രു​മാ​നി​ച്ചു.

മ​ഴ​ക്കാ​ല​പൂ​ർ​വ ശു​ചീ​ക​ര​ണ​പ്ര​വ​ർ​ത്ത​ന​ങ്ങ​ൾ, ദു​ര​ന്ത നി​വാ​ര​ണ പ്ര​വ​ർ​ത്ത​ന​ങ്ങ​ളി​ൽ വി​വി​ധ വ​കു​പ്പു​ക​ളു​ടെ ഏ​കോ​പ​നം , സ്കൂ​ൾ പ്ര​വേ​ശ​ന മു​ന്നൊ​രു​ക്ക​ങ്ങ​ളും തു​ട​ർ​പ്ര​വ​ർ​ത്ത​ന​ങ്ങ​ളും സ്വീ​ക​രി​ക്കു​വാ​ൻ ഉ​ദ്യോ​ഗ​സ്ഥ​ൻ​മാ​ർ​ക്ക് യോ​ഗം നി​ർ​ദേ​ശം ന​ൽ​കി.

കി​ളി​മാ​നൂ​ർ പ്ര​ദേ​ശ​ത്തെ സ്കൂ​ളു​ക​ൾ കേ​ന്ദ്രീ​ക​രി​ച്ച് മ​യ​ക്കു​മ​രു​ന്ന് പു​ക​യി​ല ഉ​ത്പ​ന്ന​ങ്ങ​ളു​ടെ ഉ​പ​ഭോ​ഗ​വും വി​ൽ​പ​ന​യും വ്യാ​പ​ക​മാ​ണെ​ന്നു​ള്ള പ​രാ​തി​യി​ന്മേ​ൽ അ​ത്ത​രം ഉ​ത്പ​ന്ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ളേ​യും വ്യ​ക്തി​ക​ളേ​യും ക​ണ്ടെ​ത്തു​ന്ന​തി​ന് ആ​രോ​ഗ്യ​വ​കു​പ്പി​ന്‍റെ​യും എ​ക്സൈ​സി​ന്‍റെ​യും ക​ർ​ശ​ന പ​രി​ശോ​ധ​ന​ക്കും യോ​ഗം നി​ർ​ദേ​ശം ന​ൽ​കു​ക​യും ചെ​യ്തു. അ​ത്ത​ര​ത്തി​ൽ ക​ച്ച​വ​ടം ശ്ര​ദ്ധ​യി​ൽ​പ്പെ​ട്ടാ​ൽ സ്ഥാ​പ​ന​ങ്ങ​ളു​ടെ ലൈ​സ​ന്‍​സ് റ​ദ്ദു ചെ​യ്ത് ക​ട​ക​ൾ പൂ​ട്ടി സീ​ൽ ചെ​യ്യു​ന്ന​തി​നും തീ​രു​മാ​നി​ച്ചു.

പ​ഞ്ചാ​യ​ത്ത് പ്ര​സി​ഡ​ന്‍റ് എ​ൻ. സ​ലി​ൽ, വൈ​സ് പ്ര​സി​ഡ​ന്‍റ് എ​സ്.​വി.​ഷീ​ബ, പ​ഞ്ചാ​യ​ത്ത് സ്ഥി​രം​സ​മി​തി അം​ഗ​ങ്ങ​ളാ​യ എ​സ്. സി​ബി, എ​സ്.​ദീ​പ ,പ​ഞ്ചാ​യ​ത്ത്‌ അം​ഗ​ങ്ങ​ളാ​യ ഗി​രി​ജ​കു​മാ​രി , ഷീ​ജ സു​ബൈ​ർ, ര​തി പ്ര​സാ​ദ്, എ​സ്.​അ​നി​ൽ​കു​മാ​ർ, സു​മ, ഡെ​പ്യൂ​ട്ടി ത​ഹ​സി​ൽ​ദാ​ർ ബി​ന്ദു മ​റ്റ് ഉ​ദ്യോ​ഗ​സ്ഥ​ർ എ​ന്നി​വ​ർ പ​ങ്കെ​ടു​ത്തു.