ബ​സ് പു​ര​യി​ട​ത്തി​ലേ​ക്ക് ഇ​ടി​ച്ചു ക​യ​റി ഡ്രൈവറുൾപ്പെടെ നി​ര​വ​ധിപേ​ര്‍​ക്ക് പ​രി​ക്ക്
Friday, September 22, 2023 11:24 PM IST
വെ​ള്ള​റ​ട: അ​മി​ത​ത വേ​ഗ​ത്തി​ലെ​ത്തി​യ കെഎ​സ്ആ​ര്‍ ടി​സി ബ​സ് ഒ​റ്റ​ശേ​ഖ​രമം​ഗ​ല​ത്ത് നി​യ​ന്ത്ര​ണം തെ​റ്റി പു​ര​യി​ട​ത്തി​ലേ​ക്ക് പാ ഞ്ഞുക​യ​റി തെ​ങ്ങി​ല്‍ ഇ​ടി​ച്ചു നി​ന്നു. ഡ്രൈ​വ​റു​ള്‍​പ്പെ​ടെ നി​ര​വ​ധി യാ​ത്ര​ക്കാ​ര്‍​ക്ക് പ​രി​ക്കേ​റ്റു. പ​രി​ക്കേ​റ്റ​വ​രെ സ​മീ​പ​ത്തെ ആ​ശു​പ​ത്രി​യി​ല്‍ എ​ത്തി​ച്ചു.​ആ​രു​ടേ​യും പ​രി​ക്ക് ഗു​രു​ത​ര​മ​ല്ല.

ഇ​ന്ന​ലെ വൈ​കു​ന്നേ​രം നാ​ല് മ​ണി​യോ​ടെ​യാ​ണ് ഒ​റ്റ​ശേ​ഖ​ര​മം​ഗ​ലം മ​ണ്ഡ​പ​ത്തി​ന്‍ ക​ട​വ് കു​ര​വ​റ​യി​ലാ​യി​രു​ന്നു സം​ഭ​വം. വെ​ള്ള​റ​ട ഡി​പ്പോ​യി​ലെ ടി​വി 797 ന​മ്പ​ര്‍ ബ​സാ​ണ് തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജി​ലേ​ക്ക് പോ​കു​ന്ന വ​ഴി​യി​ല്‍ അ​പ​ക​ട​ത്തി​ല്‍​പെ​ട്ട​ത്.

റോ​ഡ് പ​ണി ന​ട​ക്കു​ന്ന​തി​നാ​ല്‍ റോ​ഡി​ല്‍ മെ​റ്റ​ലും പൊ​ടി​യും ഉ​ണ്ടാ​യി​രു​ന്നു. ഇ​ത് വ​ക​വ​യ്ക്കാ​തെ അ​മി​ത വേ​ഗ​ത്തിൽ എ​ത്തി​യ​താ​ണ് അ​പ​ക​ട​കാ​ര​ണ​മെ​ന്ന് നാ​ട്ടു​കാ​ര്‍ പ​റ​ഞ്ഞു. എ​ണ്‍​പ​തോ​ളം യാ​ത്ര​ക്കാ​രു​ണ്ടാ​യി​രു​ന്ന ബ​സ് ദി​ശ തി​രി​ച്ച​പ്പോ​ഴാ​ണ് അ​പ​ക​ടം ഉ​ണ്ടാ​യ​ത്.

സ്റ്റീ​യ​റിം​ഗ് ത​ക​രാ​റാ​ണ് കാ​ര​ണ​മെ​ന്നാ​ണ് ഡ്രൈ​വ​ര്‍ പ​റ​യു​ന്ന​ത്. പോ​ലീ​സും നാ​ട്ടു​കാ​രും ചേ​ര്‍​ന്നാ​ണ് ര​ക്ഷാ പ്ര​വ​ര്‍​ത്ത​നം ന​ട​ത്തി​യ​ത്.​അ​പ​ക​ട സ​മ​യം ഇ​തു​വ​ഴി മ​റ്റു വാ​ഹ​ന​ങ്ങ​ളോ യാ​ത്ര​ക്കാ​രോ ഇ​ല്ലാ​തി​രു​ന്ന​തി​നാ​ല്‍ വ​ലി​യ അ​പ​ക​ടം ഒ​ഴി​വാ​യി.


ദുരിതമായി റോ​ഡ്പ​ണി ഇ​ഴ​യുന്നു

വെ​ള്ള​റ​ട: ഒ​റ്റ​ശേ​ഖ​ര​മം​ഗ​ലം മ​ണ്ഡ​പ​ത്തി​ന്‍ ക​ട​വ് റോ​ഡ് പ​ണി ഇ​ഴ​ഞ്ഞു നീ​ങ്ങു​ന്ന​താ​യി പ​രാ​തി. നി​ര്‍​മാ​ണം തു​ട​ങ്ങി ഒ​രു മാ​സം ക​ഴി​ഞ്ഞി​ട്ടും ടാ​റിം​ഗ് ന​ട​ത്തി​യി​ട്ടി​ല്ല. ഒ​രു മാ​സ​മാ​യി റോ​ഡി​ലെ വാ​ഹ​ന​ഗ​താ​ഗ​തം വ​ഴി​തി​രി​ച്ച് വി​ടു​ക​യാ​ണ്.

റീ​ടാ​റിം​ഗ്പ്ര​വ​ര്‍​ത്തി​ക​ള്‍ ന​ട​ന്നു​വ​ന്ന​തി​നാ​ലാ​ണ് വാ​ഹ​ന​ഗ​താ​ഗ​തം പൂ​ര്‍​ണ്ണ​മാ​യും നി​യ​ന്ത്രി​ച്ച​ത്. എ​ന്നാ​ല്‍ ഓ​ഗ​സ്റ്റ് 17 മു​ത​ല്‍ പ്ര​ധാ​ന റോ​ഡി​ലൂ​ടെ ഗ​താ​ഗ​തം തു​ട​ങ്ങി​യെ​ങ്കി​ലും പ​ണി പൂ​ര്‍​ത്തി​യാ​കാ​ത്ത റോ​ഡി​ലൂ​ടെ വാ​ഹ​ന​ങ്ങ​ള്‍ ക​ട​ന്നു പോ​കു​ന്ന​ത് വ​ലി​യ തോ​തി​ല്‍ പൊ​ടി​ശ​ല്യ​വും അ​പ​ക​ട സാ​ധ്യ​ത​യും ഉ​ണ്ടാ​ക്കു​ന്ന​താ​യാ​ണ് നാ​ട്ടു​കാ​രു​ടെ പ​രാ​തി.