പ്ര​ഫ. എ​ൻ. കൃ​ഷ്ണ​പി​ള്ള മ​നു​ഷ്യ​ സ്നേ​ഹി​യാ​യ ആ​ചാ​ര്യ​ൻ: ആന്‍റണി രാജു
Wednesday, September 20, 2023 5:29 AM IST
തി​രു​വ​ന​ന്ത​പു​രം: നാ​ട​ക സാ​ഹി​ത്യം, വി​മ​ർ​ശ​നം, അ​ധ്യാ​പ​നം തു​ട​ങ്ങി വി​വി​ധ​ങ്ങ​ളാ​യ മേ​ഖ​ല​ക​ളി​ൽ മി​ക​ച്ച സം​ഭാ​വ​ന​ക​ൾ ന​ല്കി​യ പ്ര​തി​ഭ​യാ​ണ് പ്ര​ഫ. എ​ൻ. കൃ​ഷ്ണ​പി​ള്ള എ​ന്ന് മ​ന്ത്രി ആ​ന്‍റ​ണി രാ​ജു. എ​ൻ. കൃ​ഷ്ണ​പി​ള്ള​യു​ടെ മ​ഹ​ത്ത​ര​ങ്ങ​ളാ​യ എ​ല്ലാ സം​ഭാ​വ​ന​ക​ൾ​ക്കും മു​ക​ളി​ലാ​ണ് ഗു​രു​വി​ന്‍റെ മ​നു​ഷ്യ​സ്നേ​ഹം എ​ന്നും മ​ന്ത്രി അ​ഭി​പ്രാ​യ​പ്പെ​ട്ടു.

ആ​കാ​ശ​വാ​ണി തി​രു​വ​ന​ന്ത​പു​രം നി​ല​യ​ത്തി​ന്‍റെ സ​ഹ​ക​ര​ണ​ത്തോ​ടെ പ്ര​ഫ. എ​ൻ. കൃ​ഷ്ണ​പി​ള്ള ഫൗ​ണ്ടേ​ഷ​ന്‍റെ ആ​ഭി​മു​ഖ്യ​ത്തി​ൽ സം​ഘ​ടി​പ്പി​ച്ച എ​ൻ. കൃ​ഷ്ണ​പി​ള്ള ക​ലോ​ത്സ​വം 2023-ന്‍റെ ഉ​ദ്ഘാ​ട​ന​വും മ​ല​യാ​ള ഭാ​ഷാലാ​ബി​ന്‍റെ ഉ​ദ്ഘാ​ട​ന​വും നി​ർ​വ​ഹി​ച്ചു പ്ര​സം​ഗി​ക്കു​ക​യാ​യി​രു​ന്നു മ​ന്ത്രി. പ്ര​ഫ. എ​ൻ. കൃ​ഷ്ണ​പി​ള്ള​യു​ടെ 107-ാം ജന്മവാ​ർ​ഷി​കാ​ഘോ​ഷ​ത്തി​ന്‍റെ ഭാ​ഗ​മാ​യി ന​ന്ദാ​വ​നം എ​ൻ. കൃ​ഷ്ണ​പി​ള്ള ഫൗ​ണ്ടേ​ഷ​ൻ ഓ​ഡി​റ്റോ​റി​യ​ത്തി​ലാ​യി​രു​ന്നു പ​രി​പാ​ടി. നാ​ലു​ദി​വ​സം ക​ലോ​ത്സ​വം നീ​ണ്ടുനി​ൽ​ക്കും.

നാ​ട​ക സാ​ഹി​ത്യ​ത്തി​ൽ മൗ​ലി​ക​മാ​യ വ​ഴി​വെ​ട്ടിതെ​ളി​ച്ച് പു​തി​യൊ​രു നാ​ട​ക സം​സ്കാ​രം സൃ​ഷ്ടി​ച്ച ആ​ചാ​ര്യ​നാ​യി​രു​ന്നു പ്ര​ഫ. എ​ൻ. കൃ​ഷ്ണ​പി​ള്ള എ​ന്നും മ​ന്ത്രി ആ​ന്‍റ​ണി രാ​ജു അ​ഭി​പ്രാ​യ​പ്പെ​ട്ടു. ച​ട​ങ്ങി​ൽ എ​ഴു​ത്ത​ച്ഛ​ൻ ഹാ​ളി​ന്‍റെ​യും പ്ര​ഫ. എ​ൻ. കൃ​ഷ്ണ​പി​ള്ള ഫൗ​ണ്ടേ​ഷ​ന്‍റെ 34-ാം വാ​ർ​ഷി​ക​ത്തി​ന്‍റെ​യും ഉ​ദ്ഘാ​ട​നം ഗാ​ന​ര​ച​യി​താ​വ് ശ്രീ​കു​മാ​ര​ൻ ത​ന്പി നി​ർ​വ​ഹി​ച്ചു. സാ​ഹി​ത്യ ച​രി​ത്രം, നാ​ട​കം, അ​ധ്യാ​പ​നം തു​ട​ങ്ങി​യ മേ​ഖ​ല​ക​ളി​ൽ വേ​റി​ട്ട സ്ഥാ​നം അ​ല​ങ്ക​രി​ക്കു​ന്ന പ്ര​ഫ. എ​ൻ. കൃ​ഷ്ണ​പി​ള്ള പ്ര​ശ​സ്തി​ക്കു പി​ന്നാ​ലെ ഒ​രി​ക്ക​ലും പോ​യി​രു​ന്നി​ല്ല എ​ന്ന് ശ്രീ​കു​മാ​ര​ൻ ത​ന്പി പ​റ​ഞ്ഞു. സ്കൂ​ൾ പ​ഠ​ന കാ​ല​ത്ത് എ​ൻ. കൃ​ഷ്ണ​പി​ള്ള​യു​ടെ ഭ​ഗ്ന​ഭ​വ​നം എ​ന്ന നാ​ട​ക​ത്തി​ൽ താ​ൻ അ​ഭി​ന​യി​ച്ച ഓ​ർ​മ​ക​ളും ശ്രീ​കു​മാ​ര​ൻ ത​ന്പി പ​ങ്കി​ട്ടു. പ്ര​ഫ. എ​ൻ. കൃ​ഷ്ണ​പി​ള്ള എ​ന്ന ഗു​രു​വി​ന്‍റെ ചൈ​ത​ന്യ ധാ​ര​യു​ടെ പ്ര​കാ​ശ​മാ​ണ് ശി​ഷ്യ​നാ​യ ഡോ. ​എ​ഴു​മ​റ്റൂ​ർ രാ​ജ​രാ​ജ വ​ർ​മ​യു​ടെ​യും ഫൗ​ണ്ടേ​ഷ​ന്‍റെ​യും പ്ര​വ​ർ​ത്ത​ന​ങ്ങ​ളി​ൽ നി​റ​യു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.

ച​ട​ങ്ങി​ൽ ഡോ. ​എ​ഴു​മ​റ്റൂ​ർ രാ​ജ​രാ​ജ വ​ർ​മ​യു​ടെ അ​ഞ്ച് പു​സ്ത​ക​ങ്ങ​ളു​ടെ പ്ര​കാ​ശ​നം ശ്രീ​കു​മാ​ര​ൻ ത​ന്പി നി​ർ​വ​ഹി​ച്ചു. സാം​സ്കാ​രി​ക വ​കു​പ്പ് ഡ​യ​റ​ക്ട​ർ എ​ൻ. മാ​യ പു​സ്ത​ക​ങ്ങ​ൾ ഏ​റ്റു​വാ​ങ്ങി. മു​ൻ എം​പി​യും ഫൗ​ണ്ടേ​ഷ​ൻ ചെ​യ​ർ​മാ​നു​മാ​യ പ​ന്ന്യ​ൻ ര​വീ​ന്ദ്ര​ൻ അ​ധ്യ​ക്ഷ​ത വ​ഹി​ച്ചു. ആ​കാ​ശ​വാ​ണി പ്രോ​ഗ്രാം മേ​ധാ​വി ശ്രീ​കു​മാ​ർ മു​ഖ​ത്ത​ല പ്ര​ഭാ​ഷ​ണം ന​ട​ത്തി. ഡോ. ​വി.​എ​സ്. വി​നീ​ത് ഗ്ര​ന്ഥാ​വ​ലോ​ക​നം നി​ർ​വ​ഹി​ച്ചു.

പ്ര​ഭാ​ത് ബു​ക്സ് ജ​ന​റ​ൽ മാ​നേ​ജ​ർ എ​സ്. ഹ​നീ​ഫ റാ​വു​ത്ത​ർ, ഫേ​മ​സ് ബു​ക്സ് മാ​നേ​ജിം​ഗ് ഡ​യ​റ​ക്ട​ർ ജി. ​വി​ജ​യ​കു​മാ​ർ എ​ന്നി​വ​ർ ആ​ശം​സ നേ​ർ​ന്നു പ്ര​സം​ഗി​ച്ചു. ഫൗ​ണ്ടേ​ഷ​ൻ സെ​ക്ര​ട്ട​റി ഡോ. ​എ​ഴു​മ​റ്റൂ​ർ രാ​ജ​രാ​ജ വ​ർ​മ സ്വാ​ഗ​ത​വും ട്ര​ഷ​റ​ർ ബി. ​സ​നി​ൽ​കു​മാ​ർ ന​ന്ദി​യും പ​റ​ഞ്ഞു. പി​ന്ന​ണി ഗാ​യ​ക​ൻ ജി. ​ശ്രീ​റാ​മി​ന്‍റെ സ്മ​ര​ണാ​ഞ്ജ​ലി​യോ​ടെ​യാ​ണ് ഉ​ദ്ഘാ​ട​ന സ​മ്മേ​ള​നം ആ​രം​ഭി​ച്ച​ത്. തു​ട​ർ​ന്ന് ന​ള​ച​രി​തം ര​ണ്ടാം ദി​വ​സം ക​ഥ​ക​ളി അ​ര​ങ്ങേ​റി.