തി​രു​വ​ന​ന്ത​പു​രം: ക​ളി​ക്ക​ള​ത്തി​നു​ള്ളി​ല്‍ ക​ളി​യാ​ര​വ​ത്തി​നാ​യി വൈ​കു​ന്നേ​രം വ​രെ കാ​ത്തി​രു​ന്നെ​ങ്കി​ല്‍ ക​ള​ത്തി​ന് പു​റ​ത്ത് ഇ​ന്ന​ലെ രാ​വി​ലെ മു​ത​ലേ ആ​വേ​ശം അ​ല​ത​ല്ലി. വി​വി​ധ സ്ഥ​ല​ങ്ങ​ളി​ല്‍ നി​ന്നു​ള്ള ക്രി​ക്ക​റ്റ് പ്രേ​മി​ക​ള്‍ രാ​വി​ലെ ത​ന്നെ കാ​ര്യ​വ​ട്ടം സ്റ്റേ​ഡി​യ​ത്തി​നു മു​ന്നി​ലെ​ത്തി. ഒ​ബി വാ​നു​ക​ളു​മാ​യി ദൃ​ശ്യ​മാ​ധ്യ​മ​സം​ഘ​ങ്ങ​ളു​ടെ വ​ന്‍ പ​ട​യും സ്റ്റേ​ഡി​യ​ത്തി​ന്‍റെ പ്ര​ധാ​ന ക​വാ​ട​ത്തി​നു മു​ന്നി​ല്‍ നി​ല​യു​റ​പ്പി​ച്ചു. ത​ത്സ​മ​യ വാ​ര്‍​ത്ത​ക​ളു​മാ​യി മാ​ധ്യ​മ​സം​ഘ​ങ്ങ​ളും.

ശ്രീ​കാ​ര്യം മു​ത​ല്‍ ക​ഴ​ക്കൂ​ട്ടം വ​രെ റോ​ഡി​നി​രു വ​ശ​ങ്ങ​ളി​ലും ഇ​ന്ത്യ​യു​ടെ ജ​ഴ്സി വി​ല്‍​ക്കു​ന്ന ഇ​ത​ര സം​സ്ഥാ​ന​ക്കാ​രു​ടെ വ​ന്‍ നി​ര. ഇ​ന്ത്യ​ന്‍ ജ​ഴ്സി​യി​ല്‍ ത​ന്നെ കോ​ഹ്‌​ലി​യു​ടേ​യും ക്യാ​പ്റ്റ​ന്‍ രോ​ഹി​ത് ശ​ര്‍​മ​യു​ടേ​യും പേ​രു​ക​ള്‍ പ​തി​ച്ച ജ​ഴ്സി​ക​ള്‍ വാ​ങ്ങാ​നാ​യി​രു​ന്നു ആ​രാ​ധ​ക​ര്‍ കൂ​ടു​ത​ലാ​യി എ​ത്തി​യ​ത്. ഇ​രു​ച​ക്ര​വാ​ഹ​ന​ങ്ങ​ളി​ല്‍ ഇ​ന്ത്യ​ന്‍ ജ​ഴ്സി അ​ണി​ഞ്ഞ ആ​രാ​ധ​ക​രു​ടെ ചീ​റി​പ്പാ​ച്ചി​ല്‍. രാ​വി​ലെ ത​ന്നെ സ്റ്റേ​ഡി​യ​ത്തി​ല്‍ പ്ര​വേ​ശി​ക്കാ​ന്‍ ക​ഴി​യു​മോ എ​ന്ന ചോ​ദ്യ​വു​മാ​യി ചി​ല​ര്‍ പോ​ലീ​സി​ന്‍റെ അ​ടു​ത്തെ​ത്തി. വൈ​കു​ന്നേ​രം 4.30 മാ​ത്ര​മേ പ്ര​വേ​ശ​നം അ​നു​വ​ദി​ക്കു​ക​യു​ള്ളു​എ​ന്നു കേ​ട്ട​തോ​ടെ ചി​ല​രു​ടെ മു​ഖ​ത്ത് മ്ലാ​ന​ത.

ഇ​ന്ന​ലെ രാ​വി​ലെ മാ​ന​ത്ത് ചെ​റു​താ​യി കാ​ര്‍​മേ​ഘം പ​ര​ന്ന​തോ​ടെ ക്രി​ക്ക​റ്റ് ആ​രാ​ധ​ക​ര്‍​ക്ക് അ​ല്പം ആ​ശ​ങ്ക​യി​ലാ​യി. എ​ന്നാ​ല്‍ മ​ണി​ക്കൂ​റു​ക​ള്‍​ക്കു​ള്ളി​ല്‍ നീ​ലാ​കാ​ശം തെ​ളി​ഞ്ഞ​തോ​ടെ ആ​രാ​ധ​ക​രു​ടെ മു​ഖ​ത്തും പു​ഞ്ചി​രി വി​ട​ര്‍​ന്നു. ഉ​ച്ച​ക​ഴി​ഞ്ഞ​തോ​ടെ കാ​ര്യ​വ​ട്ടം സ്റ്റേ​ഡി​യ​ത്തി​ന്‍റെ മു​ഖ്യ​ക​വാ​ട​ത്തി​നു മു​ന്നി​ല്‍ ക്രി​ക്ക​റ്റ് ആ​രാ​ധ​ക​രെ കൊ​ണ്ട് നി​റ​ഞ്ഞു. ഇ​ന്ത്യ​ന്‍ ജ​ഴ്സി അ​ണി​ഞ്ഞും ത്രി​വ​ര്‍​ണ​പ​താ​ക കൈ​യി​ലേ​ന്തി​യും വു​വു​സു​ല​യി​ല്‍ ഉ​ച്ച​ത്തി​ല്‍ ശ​ബ്ദ​മു​ണ്ടാ​ക്കി​യും കാ​യി​ക​പ്ര​മേ​കി​ക​ള്‍ കാ​ര്യ​വ​ട്ടം ട്വി-20​ക്ക് ആ​വേ​ശം പ​ക​ര്‍​ന്നു.