മൊ​ബൈ​ൽ സെ​പ്റ്റേ​ജ് ട്രി​റ്റ്മെ​ന്‍റ് പ്ലാ​ന്‍റി​ന്‍റെ പ്ര​വ​ർ​ത്ത​നം നി​ല​ച്ചു
Wednesday, June 26, 2024 1:24 AM IST
ചാ​ല​ക്കു​ടി: ഇ​ന്ത്യ​യി​ൽ ആ​ദ്യ​മാ​യി മൊ​ബൈ​ൽ ഫീ​ക്ക​ൽ സെ​പ്റ്റേ​ജ് ട്രീ​റ്റ്മെ​ന്‍റ് പ്ലാ​ന്‍റ് എ​ന്ന ന​ഗ​ര​സ​ഭ​യു​ടെ പ​ദ്ധ​തി​യു​ടെ പ്ര​വ​ർ​ത്ത​നം നി​ല​ച്ചു. വീ​ടു​ക​ളി​ൽ നേ​രി​ട്ടെ​ത്തി ആ​ധു​നി​ക സം​വി​ധാ​ന​ങ്ങ​ളോ​ടെ ടോ​യ്‌​ല​റ്റ് മാ​ലി​ന്യ​ങ്ങ​ൾ ട്രീ​റ്റ്മെ​ന്‍റ് ചെ​യ്യു​ന്ന പ​ദ്ധ​തി​യു​ടെ ഉ​ദ്ഘാ​ട​നം മാ​ർ​ച്ച് ര​ണ്ടി​നു മ​ന്ത്രി എം.​ബി. രാ​ജേ​ഷ് നി​ർ​വ​ഹി​ച്ചി​രു​ന്നു. 2023-24 വാ​ർ​ഷി​ക പ​ദ്ധ​തി​യി​ൽ 50 ല​ക്ഷം രൂ​പ വ​ക​യി​രു​ത്തി​യാ​ണു ന​ഗ​ര​സ​ഭ പ​ദ്ധ​തി ന​ട​പ്പി​ലാ​ക്കി​യ​ത്.

കേ​ന്ദ്ര​സ​ർ​ക്കാ​രി​ന്‍റെ അം​ഗീ​കൃ​ത സ്ഥാ​പ​ന​മാ​യ ഡി​ണ്ടി​ഗ​ലി​ലെ വാ​ഷ് ഇ​ൻ​സ്റ്റി​റ്റ്യൂ​ട്ട് വി​ക​സി​പ്പി​ച്ചെ​ടു​ത്ത സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് തി​രു​വ​ന​ന്ത​പു​ര​ത്തെ ഭൗ​മ എ​ൻ​വി​റോ​ടെ​ക് എ​ന്ന സ്ഥാ​പ​ന​മാ​ണ് ഇ​തി​ന്‍റെ നി​ർ​മാ​ണം ന​ട​ത്തി​യ​ത്. വാ​ഹ​ന​ത്തി​ൽ ത​യാ​റാ​ക്കി​യ ആ​ധു​നി​ക യ​ന്ത്ര​സാ​മ​ഗ്രി​ക​ൾ ഉ​ൾ​പ്പെ​ടു​ന്ന പ്ലാ​ന്‍റ് വീ​ടു​ക​ളി​ലും സ്ഥാ​പ​ന​ങ്ങ​ളി​ലും നേ​രി​ട്ടെ​ത്തി സെ​പ്റ്റി​ക് ടാ​ങ്ക് ക്ലീ​ൻ ചെ​യ്യു​ന്ന സം​വി​ധാ​ന​മാ​ണി​ത്.

മു​ൻ​കൂ​ർ ബു​ക്കിം​ഗ് അ​നു​സ​രി​ച്ച് വി​വി​ധ സ്ഥ​ല​ങ്ങ​ളി​ൽ പ്ലാ​ന്‍റ് പ്ര​വ​ർ​ത്തി​ക്കും. ഇ​തി​ന്‍റെ യൂ​സ​ർ ഫീ 5,000 ​രൂ​പ​യാ​ണ്.

എ​ന്നാ​ൽ, സെ​പ്റ്റി ടാ​ങ്കു​ക​ളി​ൽ നി​ന്നു മാ​ലി​ന്യം പൂ​ർ​ണ​മാ​യി നീ​ക്കം ചെ​യ്യു​ന്നി​ല്ല. ഇ​തി​നാ​ൽ നാ​ട്ടു​കാ​ർ പ​ദ്ധ​തി​യെ കൈ​യൊ​ഴി​ഞ്ഞ അ​വ​സ്ഥ​യി​ലാ​യി. പ​ദ്ധ​തി​യു​ടെ ട്ര​ക്ക് ഇ​തോ​ടെ ക​ലാ​ഭ​വ​ൻ മ​ണി പാ​ർ​ക്കി​ൽ വി​ശ്ര​മ​ത്തി​ലാ​യി.
Copyright @ 2018 , Rashtra Deepika Ltd.