നിലമ്പൂര്‍: നിലമ്പൂരിന്‍റെ പ്രഥമ എംഎല്‍എയായിരുന്ന കുഞ്ഞാലിയുടെ 55ാമത് രക്തസാക്ഷി ദിനം നിലമ്പൂര്‍, ചന്തക്കുന്ന് ലോക്കല്‍ കമ്മിറ്റികളുടെ നേതൃത്വത്തില്‍ ആചരിച്ചു. ബ്രാഞ്ച് തലത്തില്‍ നിന്ന് പ്രഭാതഭേരിയോടെ പതാകയുയര്‍ത്തി. നിലമ്പൂര്‍ കുഞ്ഞാലി മന്ദിരത്തില്‍ മുതിര്‍ന്ന നേതാവും സിപിഎം ജില്ലാ കമ്മിറ്റി അംഗവുമായ ജോര്‍ജ് കെ. ആന്‍റണി പതാകയുയര്‍ത്തി.
നിലമ്പൂര്‍ ലോക്കല്‍ സെക്രട്ടറി ടി. ഹരിദാസന്‍, ലോക്കല്‍ കമ്മിറ്റി അംഗങ്ങളായ പടവെട്ടി ബാലകൃഷ്ണന്‍, പ്രസാദ് പെറ്റക്കാട്, പി. രവീന്ദ്രന്‍, പി.വി. ഇസ്മായില്‍, എന്‍. വേലുക്കുട്ടി, സമീര്‍, ഷാജി ചക്കാലക്കുത്ത്, ബ്രാഞ്ച് സെക്രട്ടറിമാര്‍, അംഗങ്ങള്‍ തുടങ്ങിയവര്‍ പങ്കെടുത്തു.
ചന്തക്കുന്ന് ലോക്കല്‍ കമ്മിറ്റിയുടെ കീഴില്‍ നടന്ന രക്തസാക്ഷി അനുസ്മരണ പരിപാടിയില്‍ കുഞ്ഞാലിയുടെ സഹപ്രവര്‍ത്തകനായിരുന്ന പുളിക്കല്‍ മുഹമ്മദ് പതാകയുയര്‍ത്തി.
ലോക്കല്‍ സെക്രട്ടറി ഷാജഹാന്‍ കരിമ്പുഴ, ഏരിയ കമ്മിറ്റി അംഗവും നഗരസഭാധ്യക്ഷനുമായ മാട്ടുമ്മല്‍ സലീം. ടി.പി. യൂസഫ്, ലോക്കല്‍ കമ്മിറ്റി അംഗങ്ങളായ വിശ്വന്‍ മയ്യംന്താനി, കേശവദാസ്, ചന്തക്കുന്ന് ലോക്കല്‍ കമ്മിറ്റിക്ക് കീഴില്‍ ഉള്ള ബ്രാഞ്ച് സെക്രട്ടറിമാര്‍, അംഗങ്ങള്‍ തുടങ്ങിയവര്‍ പങ്കെടുത്തു.