കരുവാരകുണ്ട്: രാഹുല്‍ഗാന്ധിയുടെ ’കൈത്താങ്ങ്’ പദ്ധതിയുടെ ഭാഗമായി കരുവാരക്കുണ്ട് പാന്ത്ര അമ്പത് ഏക്കറില്‍ നിര്‍മിച്ച സ്നേഹവീട് കുടുംബത്തിന് സമര്‍പ്പിച്ചു. വര്‍ഷങ്ങളായി വാടക വീട്ടില്‍ കഴിയുന്ന പാലക്കോടന്‍ ആയിശയുടെ കുടുംബത്തിനാണ് പദ്ധതിയുടെ ഭാഗമായി വീട് നിര്‍മിച്ച് നല്‍കിയത്. എ.പി. അനില്‍കുമാര്‍ എംഎല്‍എ വീടിന്‍റെ താക്കോല്‍ദാനം നിര്‍വഹിച്ചു.
അമ്പത് വയസിനു താഴെയുള്ള വിധവകള്‍ക്കാണ് രാഹുല്‍ഗാന്ധിയുടെ കൈത്താങ്ങ് പദ്ധതിയില്‍ സ്നേഹവീടുകള്‍ നിര്‍മിച്ച് നല്‍കുന്നത്.
ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് ജോജി കെ. അലക്സ്, കെ. തങ്കമ്മു, വി.പി. ജസീറ, എന്‍.കെ. ഹമീദ്ഹാജി, ടി. ഇംതിയാസ് ബാബു, എം.കെ. മുഹമ്മദാലി, എ.കെ. ഹംസകുട്ടി, വി. ഷബീറലി, കെ. ഗോപാലകൃഷ്ണന്‍, റഷീദ് കുട്ടത്തി, പി.കെ. സലീന, മുഹമ്മദലി കിഴക്കന്‍, ടി. ഉമ്മര്‍, കെ. ജിനേഷ്, പി. സജ്നു, മുജീബ് ചുള്ളിയോട് തുടങ്ങിയവര്‍ പങ്കെടുത്തു.