എടക്കര: എരുമമുണ്ട നിര്‍മല ഹയര്‍ സെക്കന്‍ഡറി സ്കൂള്‍ എന്‍എസ്എസ് യൂണിറ്റ് കാര്‍ഗില്‍ യുദ്ധ അനുസ്മരണം സ്ഘടിപ്പിച്ചു. ചുങ്കത്തറ ഗ്രാമപഞ്ചായത്ത് പ്രസിഡന്‍റ് ടി.പി. റീന അനുസ്മരണ യോഗം ഉദ്ഘാടനം ചെയ്തു. പ്രിന്‍സിപ്പല്‍ എ.പി. ബിജുപോള്‍ മുഖ്യസന്ദേശം നല്‍കി. എ.പി.ജെ. അബ്ദുള്‍ കലാമിന്‍റെ ജീവിതദര്‍ശനങ്ങളെക്കുറിച്ച് എ.പി. ജാഫര്‍അലി പ്രഭാഷണം നടത്തി.
ജെയിംസ് കോശി, എ.പി. ജാഫര്‍ അലി, ഷംസുദീന്‍, എന്‍എസ്എസ് ലീഡര്‍ ഫാത്തിമ റെയ്ന, സൂര്യദാസ്, വിന്‍സണ്‍ ഈപ്പന്‍, വി.പി. ജോണ്‍സണ്‍, ഉണ്ണി പാലത്തിങ്കല്‍, അലീന വര്‍ഗീസ്, അലോണ ജോര്‍ജ്, നിതാ മജീദ്, ശാലിനി എന്നിവര്‍ പ്രസംഗിച്ചു.
കാളികാവ്: കാളികാവ് ബസാര്‍ ഗവണ്‍മെന്‍റ് യുപി സ്കൂളില്‍ കാര്‍ഗില്‍ അനുസ്മരണ പരിപാടികള്‍ നടത്തി. വിദ്യാലയത്തിലെ പൂര്‍വ വിദ്യാര്‍ഥിയായ അബ്ദുള്‍നാസര്‍ 1999ലെ കാര്‍ഗില്‍ യുദ്ധ വിജയത്തിന്‍റെ തലേദിവസമാണ് പാക് ഷെല്ലാക്രമണത്തില്‍ വീരമൃത്യു വരിച്ചത്. വിദ്യാലയ സാമൂഹ്യശാസ്ത്ര ക്ലബിന്‍റെ നേതൃത്വത്തില്‍ നടത്തിയ അനുസ്മരണ പരിപാടി കാളികാവ് പോലീസ് സര്‍ക്കിള്‍ ഇന്‍സ്പെക്ടര്‍ ശശിധരന്‍ പിള്ള ഉദ്ഘാടനം ചെയ്തു.
വീരജവാന്‍ അബ്ദുള്‍നാസറിന്‍റെ മാതാവ് ഫാത്തിമ സുഹ്റ സ്മൃതി മണ്ഡപത്തില്‍ പുഷ്പാര്‍ച്ചന നടത്തി. പ്രധാനാധ്യാപകന്‍ ബാബു ഫ്രാന്‍സിസ് അധ്യക്ഷത വഹിച്ചു. പി. മഹ്സും, താഹിര്‍ നഖാഷ്, അധ്യാപകൻ കെ. മുനീര്‍, സ്കൂള്‍ ലീഡര്‍ ഹന നഷ്‌വ , ഫാത്തിമ സിദ്ര എന്നിവര്‍ പ്രസംഗിച്ചു.