കേന്ദ്ര സിലബസ് സ്‌കൂളുകളുടെ സംസ്ഥാന കായികമേള എറണാകുളത്ത് : Deepika.com Kerala News |

Click here for detailed news of all items

കേന്ദ്ര സിലബസ് സ്‌കൂളുകളുടെ സംസ്ഥാന കായികമേള എറണാകുളത്ത്

Sunday, December 22, 2024 1:15 AM IST

കൊച്ചി: കേന്ദ്ര സിലബസ് സ്‌കൂളുകളുടെ നാലാമത് സംസ്ഥാന കായികമേള 30, 31 തീയതികളില്‍ എറണാകുളം മഹാരാജാസ് കോളജ് ഗ്രൗണ്ടില്‍ നടക്കും.

സംസ്ഥാന സ്‌പോര്‍ട്‌സ് കൗണ്‍സിലും കൗണ്‍സില്‍ ഓഫ് സിബിഎസ്ഇ സ്‌കൂള്‍ കേരളയും സംയുക്തമായാണു മീറ്റ് സംഘടിപ്പിക്കുന്നത്. 30ന് ഉച്ചകഴിഞ്ഞ് മൂന്നിന് കായിക മന്ത്രി വി. അബ്‌ദുറഹിമാന്‍ ഉദ്ഘാടനം ചെയ്യും. ഹൈബി ഈഡന്‍ എംപി അധ്യക്ഷത വഹിക്കും.

സംസ്ഥാനത്തെ സിബിഎസ്ഇ, ഐസിഎസ്ഇ, കേന്ദ്രീയ വിദ്യാലയ, നവോദയ സ്‌കൂളുകളിലെ വിദ്യാര്‍ഥികളാണു മീറ്റില്‍ പങ്കെടുക്കുക. 1725 സ്‌കൂളുകളില്‍നിന്നായി 1600 കായികപ്രതിഭകള്‍ മാറ്റുരയ്ക്കും. 56 ഇനങ്ങളില്‍ അണ്ടര്‍ 19, അണ്ടര്‍ 11, അണ്ടര്‍ 14 വിഭാഗങ്ങളിലാണു മത്സരങ്ങള്‍. വിജയികള്‍ക്ക് സംസ്ഥാന സ്‌പോര്‍ട്‌സ് കൗണ്‍സിലിന്‍റെ സര്‍ട്ടിഫിക്കറ്റ് ലഭിക്കും.

31ന് ഉച്ചകഴിഞ്ഞ് മൂന്നിന് നടക്കുന്ന സമാപനസമ്മേളനം മേയര്‍ എം. അനില്‍കുമാര്‍ ഉദ്ഘാടനം ചെയ്യും. ബെന്നി ബെഹനാന്‍ എംപി മുഖ്യാതിഥിയാകും. ഇന്ത്യന്‍ കോസ്റ്റ് ഗാര്‍ഡ് ഡെപ്യൂട്ടി ഇന്‍സ്‌പെക്‌ടര്‍ ജനറല്‍ എന്‍. രവി സമ്മാനദാനം നിര്‍വഹിക്കും.

പത്രസമ്മേളനത്തില്‍ സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്‍റ് യു. അഷ്റഫ് അലി, നാഷണല്‍ കൗണ്‍സില്‍ ഓഫ് സിബിഎസ്ഇ സ്‌കൂള്‍ സെക്രട്ടറി ജനറല്‍ ഡോ. ഇന്ദിര രാജന്‍ എന്നിവര്‍ പങ്കെടുത്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.