Kerala News
നിക്ഷേപത്തുക നൽകിയില്ല, അപമാനിച്ചു ; ബാങ്കിനു മുന്പിൽ വ്യാപാരി ജീവനൊടുക്കി
നിക്ഷേപത്തുക നൽകിയില്ല, അപമാനിച്ചു ; ബാങ്കിനു മുന്പിൽ വ്യാപാരി ജീവനൊടുക്കി
Saturday, December 21, 2024 2:28 AM IST
ക​ട്ട​പ്പ​ന: നി​ക്ഷേ​പ​ത്തു​ക തി​രി​കെ ല​ഭി​ക്കാ​ത്ത​തി​നെ​ത്തു​ട​ർ​ന്ന് ബാ​ങ്കി​ന് മു​ന്പി​ൽ വ്യാ​പാ​രി ജീ​വ​നൊ​ടു​ക്കി. ക​ട്ട​പ്പ​ന പ​ള്ളി​ക്ക​വ​ല​യി​ൽ ലേ​ഡീ​സ് സെ​ന്‍റ​ർ ന​ട​ത്തു​ന്ന മു​ള​ങ്ങാ​ശേ​രി​ൽ സാ​ബു (56) ആ​ണ് ക​ട്ട​പ്പ​ന റൂ​റ​ൽ ഡ​വ​ല​പ്മെ​ന്‍റ് കോ- ​ഓ​പ്പ​റേ​റ്റീ​വ് സൊ​സൈ​റ്റി​ക്കു മു​ന്പിൽ ഇന്നലെ തൂ​ങ്ങി മ​രി​ച്ച​ത്.

ബാ​ങ്ക് ജീ​വ​ന​ക്കാ​രാ​ണ് ത​ന്‍റെ മ​ര​ണ​ത്തി​നു കാ​ര​ണ​ക്കാ​രെ​ന്ന സാ​ബു​വി​ന്‍റെ ആ​ത്മ​ഹ​ത്യാ​ക്കു​റി​പ്പും മൃ​ത​ദേ​ഹ​ത്തി​നു സ​മീ​പ​ത്തു​നി​ന്നു പോ​ലീ​സ് ക​ണ്ടെ​ടു​ത്തു. കു​ടും​ബസ്വ​ത്ത് വി​റ്റുകി​ട്ടി​യ 50 ല​ക്ഷ​ത്തി​ല​ധി​കം രൂ​പ സാ​ബു സൊ​സൈ​റ്റി​യി​ൽ നി​ക്ഷേ​പി​ച്ചി​രു​ന്ന​താ​യി ബ​ന്ധു​ക്ക​ൾ പ​റ​യു​ന്നു.

പ​ല ത​വ​ണ​ക​ളാ​യി 25 ല​ക്ഷം രൂ​പ തി​രി​കെ എ​ടു​ത്തു. ക​ഴി​ഞ്ഞ ദി​വ​സം ഭാ​ര്യ​യു​ടെ ചി​കി​ത്സാ​ ആ​വ​ശ്യ​ത്തി​നാ​യി നി​ക്ഷേ​പത്തു​ക​യി​ൽ​നി​ന്ന് ര​ണ്ട് ല​ക്ഷം രൂ​പ തി​രി​കെ വാ​ങ്ങാ​ൻ സാ​ബു സൊ​സൈ​റ്റി​യെ സ​മീ​പി​ച്ചി​രു​ന്നു. എ​ന്നാ​ൽ, പ​ണം ല​ഭി​ച്ചി​ല്ലെ​ന്നും സെ​ക്ര​ട്ട​റി​യും ജീ​വ​ന​ക്കാ​രും ഇ​ദ്ദേ​ഹ​ത്തെ അ​പ​മാ​നി​ച്ച് തി​രി​ച്ച​യ​ച്ചെന്നും ഭാ​ര്യാസ​ഹോ​ദ​ര​ൻ സ​ണ്ണി പ​റ​ഞ്ഞു.

വ്യാ​ഴാ​ഴ്ച പ​ണം ആ​വ​ശ്യ​പ്പെ​ട്ട് സാ​ബു സൊ​സൈ​റ്റി​യ‌ിലെ​ത്തി​യി​രു​ന്നു. പ​ണം ല​ഭി​ക്കാ​തെ​വ​ന്ന​പ്പോ​ൾ ജീ​വ​ന​ക്കാ​രു​മാ​യി വാ​ക്കു​ത​ർ​ക്ക​മു​ണ്ടാ​യി. ഇതി​നി​ടെ​യാ​ണ് ജീ​വ​ന​ക്കാ​ർ സാ​ബു​വി​നെ ആ​ക്ഷേ​പി​ച്ച​താ​യി പ​റ​യു​ന്ന​ത്. ഇ​ന്ന​ലെ രാ​വി​ലെ സാ​ബു​വി​നെ വീ​ട്ടി​ൽ കാ​ണാ​താ​യ​പ്പോ​ൾ മ​ക​ൻ അ​ന്വേ​ഷി​ച്ച് സൊ​സൈ​റ്റി പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ൽ എ​ത്തി​യ​പ്പോ​ൾ സാ​ബു​വി​നെ തൂ​ങ്ങി​മ​രി​ച്ച​ നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.


സാ​ബു​വി​ന്‍റെ ഭാ​ര്യ തൊ​ടു​പു​ഴ​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു. ഇ​വ​രെ ആ​ശു​പ​ത്രി​യി​ൽ​നി​ന്നു ഡി​സ്ചാ​ർ​ജ് ചെ​യ്യു​ന്ന​തി​നാ​ണ് പ​ണം ആ​വ​ശ്യ​പ്പെ​ട്ട​തെ​ന്നും പ​റ​യു​ന്നു. സൊ​സൈ​റ്റി​യി​ലെ​ത്തി​യ​പ്പോ​ൾ ഉ​ണ്ടാ​യ ദു​ര​നു​ഭ​വ​മാ​കാം ജീ​വ​നൊ​ടു​ക്കാ​ൻ കാ​ര​ണ​മെ​ന്നാ​ണ് പോ​ലീ​സ് ന​ൽ​കു​ന്ന സൂ​ച​ന.

സം​ഭ​വ​ത്തി​ൽ പ്ര​തി​ഷേ​ധി​ച്ച് കോ​ൺ​ഗ്ര​സ്, ബി​ജെ​പി പ്ര​വ​ർ​ത്ത​ക​രും വ്യാ​പാ​രി-​വ്യ​വ​സാ​യി അം​ഗ​ങ്ങ​ളും പ്ര​തി​ഷേ​ധ​വു​മാ​യി സൊ​സൈ​റ്റി​ക്കു​ മു​ന്നി​ൽ എ​ത്തി​യി​രു​ന്നു. ഉ​ച്ച​ക​ഴി​ഞ്ഞ് ര​ണ്ടോ​ടെ​യാ​ണ് മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​നാ​യി മാ​റ്റി​യ​ത്.​ പോ​ലീ​സ് അ​ന്വേ​ഷ​ണം ഉൗ​ർ​ജി​ത​മാ​ക്കി​യി​ട്ടു​ണ്ട്. എ​ൽ​ഡി​എ​ഫ് ഭ​ര​ണ​ത്തി​ലു​ള്ള​താ​ണ് സൊ​സൈ​റ്റി. മേ​രി​ക്കു​ട്ടി​യാ​ണ് സാ​ബു​വി​ന്‍റെ ഭാ​ര്യ. മ​ക്ക​ൾ: അ​ബി​ൻ, അ​ല​ൻ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.