ഗ്രാന്‍ഡ് മാസ്റ്റര്‍ ഓപ്പണ്‍ ചെസ് കോട്ടയത്ത്
Friday, April 25, 2025 1:44 AM IST
കോട്ടയം: കേരളത്തിലെ ആദ്യത്തെ ഗ്രാന്‍ഡ് മാസ്റ്റര്‍ ഇന്‍റര്‍നാഷണല്‍ ഓപ്പണ്‍ ചെസ് ടൂര്‍ണമെന്‍റ് കോട്ടയത്ത്.
ചെസ് അക്കാദമിയുടെ ആഭിമുഖ്യത്തില്‍ 14 രാജ്യങ്ങളിലെ ലോകോത്തര ചെസ് താരങ്ങളെ അണിനിരത്തിയാണ് ടൂര്‍ണമെന്‍റ് സംഘടിപ്പിക്കുന്നത്.
30 മുതല്‍ മേയ് ഏഴ് വരെയാണു മത്സരം. ഗ്രാന്‍ഡ് മാസ്റ്റര്‍, ഇന്‍റർനാഷണല്‍ മാസ്റ്റര്‍, ഫിഡേ മാസ്റ്റര്‍, കാന്‍ഡിഡേറ്റ് മാസ്റ്റര്‍ എന്നി ടൈറ്റിലുകള്‍ നേടിയ 53 പേർ പങ്കെടുക്കും.
കാറ്റഗറി എ, കാറ്റഗറി ബി എന്നീ വിഭാഗങ്ങളിലായാണു മത്സരങ്ങള്‍. കാറ്റഗറി എ വിഭാഗത്തില്‍ 1400ന് മുകളില്‍ റേറ്റിംഗുള്ളവർക്കു പങ്കെടുക്കാം. 20 ലക്ഷം രൂപയാണ് സമ്മാനത്തുക.