ചരിത്രം കുറിച്ച് വടക്കുകിഴക്ക്
Friday, April 25, 2025 1:44 AM IST
ഭുവനേശ്വര്‍: സൂപ്പര്‍ കപ്പ് ഫുട്‌ബോളില്‍ നോര്‍ത്ത് ഈസ്റ്റ് യുണൈറ്റഡ് എഫ്‌സി ക്വാര്‍ട്ടര്‍ ഫൈനലില്‍. ഇന്നലെ നടന്ന പ്രീക്വാര്‍ട്ടര്‍ പോരാട്ടത്തില്‍ നോര്‍ത്ത് ഈസ്റ്റ് യുണൈറ്റഡ് 6-0നു മുഹമ്മദന്‍ എസ്‌സിയെ തകര്‍ത്തു.
നോര്‍ത്ത് ഈസ്റ്റ് യുണൈറ്റഡിന്‍റെ ചരിത്രത്തിലെ ഏറ്റവും മികച്ച ജയമാണിത്. നോര്‍ത്ത് ഈസ്റ്റിനുവേണ്ടി അലായെദീന്‍ അജറെ ഹാട്രിക് സ്വന്തമാക്കി.
ഇന്നലെ നടന്ന മറ്റൊരു പ്രീക്വാര്‍ട്ടര്‍ പോരാട്ടത്തില്‍ ജംഷഡ്പുര്‍ എഫ്‌സി 2-0നു ഹൈദരാബാദ് എഫ്‌സിയെ കീഴടക്കി.