പരസ്യമായി കയർത്തു; ടീം ഉടമയ്ക്കു വിമർശനം : Deepika.com Sports News |

Click here for detailed news of all items

പരസ്യമായി കയർത്തു; ടീം ഉടമയ്ക്കു വിമർശനം

Friday, May 10, 2024 12:25 AM IST

ഹൈദരാബാദ്: ഐപിഎല്ലിൽ സണ്‍റൈസേഴ്സ് ഹൈദരാബാദിനോടു കനത്ത തോൽവി വഴങ്ങിയതിനു പിന്നാലെ ലക്നോ സൂപ്പർ ജയന്‍റ്സ് ഉടമ സഞ്ജീവ് ഗോയങ്ക, ടീം ക്യാപ്റ്റൻ കെ.എൽ. രാഹുലിനോടു ദേഷ്യപ്പെടുന്ന ദൃശ്യങ്ങൾ പുറത്ത്.

മത്സരശേഷം ലക്നോയുടെ ഡഗ്ഔട്ടിനടുത്തുവച്ചായിരുന്നു സംഭവം. മത്സരശേഷം സ്റ്റേഡിയത്തിലെ ടെലിവിഷൻ കാമറകൾക്കു മുന്നിൽവച്ചാണ് ഗോയങ്ക, ടീമിന്‍റെ പ്രകടനത്തിലുള്ള അതൃപ്തി രാഹുലിനോടും കോച്ച് ജസ്റ്റിൻ ലാംഗറോടും പരസ്യമാക്കിയത്.

അതൃപ്തനായി തുടർച്ചയായി സംസാരിക്കുന്ന സഞ്ജീവിനു മുന്നിൽ രാഹുൽ മറുപടിയില്ലാതെ നിസഹായനായി നിൽക്കുന്നതും കാണാം. ഇതോടെ ഗോയങ്കയ്ക്കെതിരേ കടുത്ത വിമർശനമാണു സോഷ്യൽ മീഡിയയിലും മറ്റും ഉയരുന്നത്. മത്സരത്തിൽ 10 വിക്കറ്റിനാണ് ലക്നോ തോറ്റത്.

ടോസ് നേടി ആദ്യം ബാറ്റ് ചെയ്ത ലക്നോ 20 ഓവറിൽ 165 റണ്‍സെടുത്തു. എന്നാൽ, മറുപടി ബാറ്റിംഗിൽ ലക്നോ ബൗളർമാരെ കടന്നാക്രമിച്ച ഹൈദരാബാദ് ഓപ്പണർമാരായ അഭിഷേക് ശർമയും ട്രാവിസ് ഹെഡും വെറും 9.4 ഓവറിൽ ടീമിനെ വിജയത്തിലെത്തിച്ചു.

ഇതോടെ ഇഴഞ്ഞുനീങ്ങിയ ലക്നോ ബാറ്റിംഗിനെതിരേയും വിമർശനമുയർന്നിരുന്നു. അഭിഷേകും ഹെഡും അടിച്ചുതകർത്ത പിച്ചിൽ 33 പന്തിൽനിന്ന് വെറും 29 റണ്‍സ് മാത്രമെടുത്ത രാഹുലിന്‍റെ ഇന്നിംഗ്സും വിമർശിക്കപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.